بنك الدوحة وعمولة 1% على السحب خارج قطر

[الواعد]

السلام عليكم


قبل كل شيء اللي اعرفه ان السحب خارج قطرمن الـ ATM تكون عمولته 6 ريال فقط

تفاجأت قبل يومين وأنا اسحب 3000 ريال من ماكينة سحب في الاحساء

بأن المسج اللي وصلني بعد المبلغ هو 29 وكسور ( مع الصرف يصبح 30 ريال )

ولما كلمت الكول سنتر الحين الخاص ببنك الدوحة طلع شيء جديد اول مرة اعرف عنه

وهو ان العمولة هي 6 ريال او 1% ايهما اعلى :eek5:

يعني 600 ريال او اقل ( بتكون العمولة 6 ريال )

لكن اعلى من 600 ريال بتكون العمولة 1% ( 10 آلاف ريال عمولتها 100 ريال )

هل هالشيء قديم وأنا توني عارف ام انه جديد ؟؟؟

أنا من عملاء الدوحة الاسلامي ولازلت عندهم بسبب مديونية :(

هل مصرف قطر المركزي عنده خبر بهالشيء ؟؟

[حمد 2002]

بنك الدوحه انا مب مرتاح له مادري ليشش ، معني ولا مره تعاملت معاه ،،،

انشاءالله الأخوان ايفيدونك

تحياتي لك

[qatari911]

الي اعرفه وانا في بنك اسلامي واعتقد كل البنوك لما اسحب من خارج الدوله العموله 25ريال
ليكون زادوها 30ريال؟؟

[Nojoom]

الله يفكك من شرهم

[الواعد]

بنك الدوحه انا مب مرتاح له مادري ليشش ، معني ولا مره تعاملت معاه ،،،

انشاءالله الأخوان ايفيدونك

تحياتي لك


أنا مو مرتاح منه ابدا بس ايش اسوي عندي مديونية ولا كان من زمان ناقل منه :(

[الواعد]

الي اعرفه وانا في بنك اسلامي واعتقد كل البنوك لما اسحب من خارج الدوله العموله 25ريال
ليكون زادوها 30ريال؟؟

لا اخوي العمولة 6 ريال ثابتة

وانا توني مكلم مصرف قطر الاسلامي واكدوا لي هالشيء

[qatari911]

لا اخوي العمولة 6 ريال ثابتة

وانا توني مكلم مصرف قطر الاسلامي واكدوا لي هالشيء

صح طال عمرك
توني مكلمهم الحين وقالي دول الخليج 6 ريال
والدول الباقيه غير دول الخليج 15 ريال

[معماري قطري]

الي اعرفه وانا في بنك اسلامي واعتقد كل البنوك لما اسحب من خارج الدوله العموله 25ريال
ليكون زادوها 30ريال؟؟

شفرقت 25 ولا 30 وإسلامي ولا غيره كلهم عمولات ونسب ونهب من كل صوب ولا شلون يربحون؟

[فراغ]

صراحه انا سحبت 1200 خذو مني 12 ريال

[khalid525]

تاكد من كشف الحساب افضل

[الواعد]

صراحه انا سحبت 1200 خذو مني 12 ريال

1200 x في 1% = 12 ريال

[Most Wanted]

عمولة السحب في دول الخليج 6 ريال ثابته (أسلامي والا ربوي) وهذي من المصرف المركزي وحسب الاتفاقيه مع دول الخليج.
أخوي كلمهم مره ثانيه وقول لهم هالكلام وان ما سوو شي اشتك عليهم في المصرف المركزي

[نيساني]

واللي يشخط في البطاقه ولايدري شالسالفه والله توني ادري:eek5::eek5:

وشكراً

[BuFaisal]

نصيحة اخوية بجانب النقاش الاساسي
غير بنك الربوي الى بنك اسلامي افضل لدينك ودنياك
وهذا كلام واحد مجرب

[Abdulla Al.F]

حتى الدولي الاسلامي
المشكله مرات ياخذون عموله ١٥ ريال على كل سحبه حتى لو ٥ ريال
و مرات بالنسبه + عموله .. ماعرفت لهم الصراحه

و اعتقد الشي موجود في كل بنوك الدوحه


نصيحة اخوية بجانب النقاش الاساسي
غير بنك الربوي الى بنك اسلامي افضل لدينك ودنياك
وهذا كلام واحد مجرب

عطني بنك اسلامي في الدوحه عدل؟
جربت الدولي و المصرف و للآسف خدماتهم في لاتقارن كلش
عمرك شفت بنك تلفونه مشغول؟
تخيل مره من المرات بطاقتي ضاعت برع الدوحه و كنت ابي اسوي عليها بلوك و مب قادر لانه التلفون مشغول :anger1::anger1:
و الكرت يوقف في العيد او قبل العيد بكم يوم و تصير كل سنه!
و عمرك شفت اونلاين بنكنق يسكر بعد ال ١٢؟ :tease::tease:

شوف خدمات الوطني شلون و بتعرف الفرق، تعد لين العشره ولا هم رادين على التلفون و مخلصين معاملتك

[ضوى]

عمولة المصرف الاسلامي على سحب الكاش دول الخليج ظ¦ ريال وباقي دول العالم ظ¢ظ* ريال وهالكلام من كم يوم سمعته وكنت اعرفه من قبل

[الواعد]

نصيحة اخوية بجانب النقاش الاساسي
غير بنك الربوي الى بنك اسلامي افضل لدينك ودنياك
وهذا كلام واحد مجرب

من قال لك أني ماابي انقل اليوم قبل بكرة ؟

بس المشكلة هي اني علي مديونية على ايام الدوحة الاسلامي

ومافيه بنك اسلامي راح يوافق على النقل الا بزيادة المديونية ( يعني ياخذ له فائدة )

[مضارب دوسري]

انا فتلمصرف ويخصمون علي 6 ريال اذا خارج الدوله

وبعدين بنك الدوحه ريحته فاحت من زمان وش حادكم عليه

[الواعد]

السلام عليكم

أنا امس قدمت شكوى على البنك

في موقع مصرف قطر المركزي بالنت

http://www.qcb.gov.qa


فيه عندهم قسم اسمه ( حماية المستهلكين ) وفيه تقديم الشكوى

http://www.qcb.gov.qa/Arabic/ConsumerRelations/Pages/ComplaintForms.aspx

واليوم ماشاء الله عليهم جاني منهم اتصال وطلبوا مني ارسال

كشف حساب للعملية وصورة للبطاقة الشخصية

ولما قلت لهم اني ساحب ببطاقة السحب العادية

قال مالهم حق يسحبون هالمبلغ وبعدين قال خلنا نتأكد قبل من كل شيء

نوع البطاقة هل هي نابس ....... الخ

الحين علامة نابس NAPS مش موجودة في كل البطاقات ؟؟ ليش تكلم عنها ؟

المهم ارسلت لهم المطلوب وبإنتظار ردهم

قبل لا انسى : كاتبين في الموقع هالكلام وهو مهم جدا للشكاوي على البنوك

ونرجو من عملائنا الأعزاء عدم التردد في طرح أي سؤال أو استفسار يخص الخدمات المصرفية
وذلك بمراسلتنا على البريد الالكتروني: bcsu@qcb.gov.qa
وسوف نقوم بالإجابة على أسئلتكم واستفساراتكم في الوقت المناسب.

ملاحظة : يرجى إرسال صورة من البطاقة الشخصية والرقم المسلسل الصادر تلقائيا
بعد تعبئة نموذج الشكوى إلكترونيا وجميع المستندات الضرورية على فاكس رقم :

44222450 974+ ، أو عن طريق البريد الإلكتروني أعلاه ، وذلك لكي يتم النظر في موضوع الشكوى

[Most Wanted]

زين ما عملت
مثل ما قلت لك انت سحبت من الشبكه الخليجيه والرسوم عليها ظ¦ ريال وهالشي موجود في موقعهم.