موضوع لتعم الفائده للجميع

[بوفهد@]

السلام عليكم ورحمة الله

اليوم جالس مع واحد من ربعي يسولف لنا غسل سيارته تاهو في وقود الغسيل التوماتيك يقول دخلتها قام يرش الصابون بعد الصابون يجي الماي البرشر الا الفتحه تنزل عليه ماي يقول يصب علي كانه الفتحه مفتوحه قلت له يمكن ربلات الفتحه مالتك خربانه المهم قلت خلني اجرب كلامه صحيح ولا لا رحت ودخلت سيارتي الغسيل التوماتيك وتاكدت انه الفتحه مسكره وفتحت الجراب الداخلي للفتحه طلع كلامه صحيح قام ينزل علي الماي كني فاتح الفتحه صب الماي علي داخل وسيارتي نيسان بترول 2012 فحبيت احذر الجميع وسمحوا لي على الاطاله

[الشاااهين]

شي غريب والله انا موتري نيسان 2010 بس ما غسلت في وقود اغسل في المغاسل العاديه ولا صار شي .

[qatari 111]

كلامك صحيح بو فهد الغسيل الاتوماتك لوقود البرشر مالهم قوي حده واكثر من واحد قال هالكلام وصادفه هالشي .

وجزاك الله الف خير هالتنبيه

[رذاذ]

قشع لي الصبغة وطير قطعة من المعجون بس شنو دعيت ع راعي الكراج
يا معود اسكت موترك الا نيسان 99 ههههههه
بس والله نظف الموتر صح ^_^

[لاجئ عاطفي]

انا صارت معاي لاحظت الماي ينقط من الفتحه بس موتري رنج سبورت واعتقد مثل ماقال احد الاخوان من قوة البراشر ماله علاقه الربلات او نوع السياره

[BoAof]

من قوه البرشر انا جربت في لكزس 570 ودخل علي من باب السواق وكل شي مسكر
واكثر من سياره صارت معاي البرشر قوي شي مش طبيعي

[عزووز قطر]

الله يجزاك كل خير على النصيحة

[البحار00]

موتري نفس الكلام جديد ودخل من الفتحه ماي من قوة البرشر الي عند وقود

[بوفهد@]

ويجزاكم كل خير

[بن غيث]

جزاك الله خير ..
لكن ولا مرة صادفت هذه المشكلة .. وغسيل السيارات ( وقود والتيسير )