ابي تجارب فعلية لوقف تساقط الشعر وعلاج القشرة نهائيا

[بـن عدوان]

السلام عليكم ورحمة الله وبركاته


وصباح الخير والجو الجميل :shy:


الله يسلمكم انا شعري الحمدلله كثيف

بس المشكلة تكمن في التساقط

قبل كان يتساقط بس يطلع بداله شعر عادي يعني

بس في الفترة الاخيرة احس شوي بس بدا يقل :eek5:

انا اتوقع القشرة هي السبب .. لانه ما يمدي اغسله الا ثاني يوم القشرة طالعة

ابي ناس مرت بهالحالة وعالجت هالشي سواء كان عن طريق ادوية من الصيدلية ولا من العيادات الخاصة ... الخ

ومشكورين مقدما :)

[R 7 A L]

انا استخدمت السدر
وتوقف تساقط شعري الي كان سببة القشرة

[بـن عدوان]

انا استخدمت السدر
وتوقف تساقط شعري الي كان سببة القشرة

مرحبا اخوي رحال

ممكن تقولي من وين اشتري السدر وشلون الطريقة

وشاكر لك تواصلك

[شيوخه]

مرحبا اخوي رحال

ممكن تقولي من وين اشتري السدر وشلون الطريقة

وشاكر لك تواصلك

في سوق واقف من العطار

[R 7 A L]

مرحبا اخوي رحال

ممكن تقولي من وين اشتري السدر وشلون الطريقة

وشاكر لك تواصلك

العفو اخوي
في كل المحلات الخاصة بالعطارة في سوق واقف

والطريقة يخلط قليل مع ماء
ويستخدم يومياً مع الاستحمام بوضعة على الراس وتدليك فروة الرأس جيداً وبعدها تقوم بشطفة بالماء طبعاً حاول ماتستخدم شامبو معاها واذا استخدمت شامبو خل اخر شي السدر

[بـن عدوان]

العفو اخوي
في كل المحلات الخاصة بالعطارة في سوق واقف

والطريقة يخلط قليل مع ماء
ويستخدم يومياً مع الاستحمام بوضعة على الراس وتدليك فروة الرأس جيداً وبعدها تقوم بشطفة بالماء طبعاً حاول ماتستخدم شامبو معاها واذا استخدمت شامبو خل اخر شي السدر

كلمة العطارة وايد اسمعها في المواقع السعودية بس لين يومك ماعرفت شيقصدون ؟

يقصدون المحلات مالت الاعشاب ؟

[كازانوفا]

ايون المحلات الخاصه بالاعشاب

[فضل]

انا اقول لك تجربتي اني وقفت كل انواع الشامبو بس اغسل شعري بالماي الدافي كل يوم وصار لي الحين فوق الثلاث سنين وانا مرتاح لاقشرة ولامشاكل اصلآ كل المشاكل من الشامبو

[..er..]

السلام عليكم ورحمة الله وبركاته


وصباح الخير والجو الجميل :shy:


الله يسلمكم انا شعري الحمدلله كثيف

بس المشكلة تكمن في التساقط

قبل كان يتساقط بس يطلع بداله شعر عادي يعني

بس في الفترة الاخيرة احس شوي بس بدا يقل :eek5:

انا اتوقع القشرة هي السبب .. لانه ما يمدي اغسله الا ثاني يوم القشرة طالعة

ابي ناس مرت بهالحالة وعالجت هالشي سواء كان عن طريق ادوية من الصيدلية ولا من العيادات الخاصة ... الخ

ومشكورين مقدما :)

ابشرك اللي فيك بالضبط صاير معي :weeping:

وفي انتظار تجارب الاعضاء وناخذ النصح منهم :omen2:

متآبع*

[بـن عدوان]

اشكركم عضو عضو فرد فرد على الرد

انا رحت مركز قطر للشعر

خذت منهم شامبو خاص حق الشعر الدهني

ومن اول استعمال وقف التساقط

بستمر عليه وبشوف

وعندهم جلسات بس عناية في الشعر

[وطن]

اخوي عالج القشرة بالأول لان هي السبب
جربت الخل بعد الاستحمام ؟؟ تشطف فيه شعرك اخر شي

بعدها شوف الفيتامينات عندك شلون و المعادن
هل تتناول غذاء صحي ولا تحتاج مكملات غذائية



انا اقول لك تجربتي اني وقفت كل انواع الشامبو بس اغسل شعري بالماي الدافي كل يوم وصار لي الحين فوق الثلاث سنين وانا مرتاح لاقشرة ولامشاكل اصلآ كل المشاكل من الشامبو

بالفعل
عشان جذي الواحد لازم يستخدم كميات قليلة جدا
عشان ما يترسب على الشعر و في البصيلات

[تحداني]

معاج حق " وطن " بالأول يا اخوي عالج القشره .. وبعدها راح تلقى التساقط قل
اما اذا كان التساقط موجود من قبل القشره .. فأعتقد اهني التساقط اما يكون عادي فماله حل
او اذا كان مفاجئ لازم تحاليل عند الدكتور .. اما انك اتجرب هذه وذاك يمكن ما يضرك كثر ما راح اتخسر افلوسك بدون نتيجه


جملك الله برضاه

[دااانة قطر]

عن نفسي عندي أنيميا واخذ علااج لكن ماستفدت
في يناير اشتركت في الدايت سنتر عشان اشوف اذا الاكل له دور او لا
يعني مب عشاان اضعف وزني ( 56)
المهم من ثااني اسبوع وقف التسااقط عندي
واعراض القولون افتكيت منه


حاول تغير الاكل وتقلل من البهارات اذا كنتوا تحطون بزيادة
والسدر مفيد

[هجمة مرتدة]

ممكن أحد يفيدنا عن طريقة استخدام السدر ؟
خل يتم خلطه مع الماء ؟
أم يوضع كبودره في الشامبو ؟

[راشد محمد]

ممكن أحد يفيدنا عن طريقة استخدام السدر ؟
خل يتم خلطه مع الماء ؟
أم يوضع كبودره في الشامبو ؟

تخلط بالماء ويوضع على الشعر