وين احلى الفنادق والاماكن في دبي ؟؟

[♫ احسـاسـ طفلـهـ ♫]

السلام عليكم ورحمة الله وبركاته


رايحه دبي قريب جدا بغيت حد يفيدني شنهي احسن الفنادق ومعقوله من حيث الاسعار واذا حد مجرب ياليت يقول لي تجربته بليزززز


وياليت ادلوني وين احلى الاماكن اللي ممكن اروح لها اختكم اول مره تنزل دبي فياليت تعطوني لستة الاماكن الحلوه اللي ممكن زيارتها والمولات


و شنهي احسن المطاعم المجربه من حيث الاكل الخفيف لان ماحب الثقيل


واخر طلب :shy: ياليت تقولون لي وسيله المواصلات هناك شالاحسن اجار لو تكاسي او في وسيله اخرى واسهل ؟؟


ويعطييييييييييييييييكم الف عافيه ماتقصرون مقدمااااااااااااااااا

[بو الجوري]

هلا إختي

بخصوص المواصلات ، التكاسي متوفره في كل مكان :.. و أفضل شي

الأماكن السياحيه كثيره في دبي وبتلاقين كذا مكان في تقريري هذا

تقرير دبـــي (http://www.qatarshares.com/vb/showthread.php?t=540398)


أما السكن على حسب ، و أنا أفضل الشقق الفندقيه لو كنتوا عائله :..


رحله موفقه ، وإن شاء الله باقي الأعضاء الأكثر خبره في الإمارات بيفيدونج :)

[للصبر اخر]

القريه العالميه اهم شي
دبي مول يبيله اسبوع ومايخلص
امارات مول
الجي بي ار
اتلانتس

الفنادق عندج فندق رمادا في منطقة دبي مول

[باراكودا]

أضافة السكن في منطقة مارينا دبي اوفنادق فاستيفال دبي وأذا عندج وقت مري اوت لت دبي والسوق الصيني .

[NINA RICCI]

احلى فندق الصراحه الكمبنسكي امارات مول لاصق بالمجمع وفخم ..

وعندج ال jw marriott الجديد اللي جنب دبي مول .. فخممم

وفندق الادرس مول دبي .. لاصق بمجمع دبي مول ..

هذيلا الفنادق التوب عندي والخدمات فيهم روعه ..

الاسعار تختلف حسب الموسم تقدرين تجيكين من موقع بوكينغ ..

الاماكن الترفيهيه .. وايد بس انا بالنسبه لي مجمعات دبي تكفي الصراحه كلشي فيها ..

[للصبر اخر]

ادرس دبي مول ما انصحج فيه ابد
ممكن ادرس داون تاون احلى واحسن من ناحية الخدمه وعن تجربه
ادرس دبي مول كل ماروح لهم لازم يسون لي مشكله
وتوووبه اروح وقلت لهم هالكلام بعد