مقوله شهيره(الهندي اذا تقطه في الصحراء بعد يطلع فلوس )

[عبدالعزيز الهتمي]

السلام عليكم ورحمة وبركاته

مقوله شهيره متداوله فيما بينا وهي ذكاء الهنود بشكل عام ونجاحهم أينما ذهبوا وخلصناها بعنوان الموضوع ،،
طيب ما سبب تفوق الهنود بالذات وبعض الجنسات العربيه والذين يشكلون لوبي في وطننا ..

أنا أقولكم السبب بعد تفكير عميق للموضوع اكتشفت أنه الهندي اذا فتح بقاله على سبيل المثال
أو أي شيء :

يسوي حفلة عشاء بسيطه ويجمع أقاربه وأصحابه ويقولهم ياجماعه أنا فتحت الشي الفلاني فالمنطقه الفلانيه وأتمنى اتساعدوني وعقب جماعته يربحونه واتلاقيهم يتعنون له ،،

وغير تجماعتهم أسبوعيا معا بعض و اتحصل الي يشتغل فلخور والوكره والدوحه ومسيعيد ودخان وعلى اختلاف مناصبهم ودياناتهم وشهاداتهم العلميه يقعدون ويتحاورون عن الفرصه التجاريه والخ من الأمور ..

أنا بصراحه معجب بعقليتهم وكيفة استغلالهم للفرص المتاحه وحبهم الخير لبعض وكلن يساعد الثاني وهذا ما يسمى بالقوميه أحيهم عليه بصراحه ..

اما نجي لمجالسنا وتجمعاتنا الرجاليه أشوف نسبه كبيره منها السوالف تكون عن أمور سطحيه لا فائده لها ومحصوره بنطاق معين ..

واتلاقي الي يفتح مشروع معين ما يحصل وقفة ربعه وجماعته ولا وقفة أصحاب الخبره والعلم ..



أخيرا ،،
أتمنى الله يرزقنا بقومية الهنود ونشكل لوبي قطري فالمستقبل القريب..

السموحه على الإطاله ويامرحبابكم

[بن غيث]

يتميزون أنهم على قلب واحد
يشتغلون معاي هنود .. وألاحظ فيهم هذه الميزة بخلاف الجنسيات الاخرى

[نتفـه]

اي والله .. ربي يعين ويسخر لنا ناس تفيدنا وتنفعنا ..

[SOONALL]

وتأكيد على كلامك هاي الفيديو
http://www.************/watch?v=jE1TZwkfcP0

[كازانوفا]

صحيح كلامك

[البرجوازي]

بعد نشاطهم والرضاء بهامش ربح معقول اكثر شغلهم رشاوي من تحت الطاولة

[كحيلآن]

السلام عليكم ورحمة وبركاته

مقوله شهيره متداوله فيما بينا وهي ذكاء الهنود بشكل عام ونجاحهم أينما ذهبوا وخلصناها بعنوان الموضوع ،،
طيب ما سبب تفوق الهنود بالذات وبعض الجنسات العربيه والذين يشكلون لوبي في وطننا ..

أنا أقولكم السبب بعد تفكير عميق للموضوع اكتشفت أنه الهندي اذا فتح بقاله على سبيل المثال
أو أي شيء :

يسوي حفلة عشاء بسيطه ويجمع أقاربه وأصحابه ويقولهم ياجماعه أنا فتحت الشي الفلاني فالمنطقه الفلانيه وأتمنى اتساعدوني وعقب جماعته يربحونه واتلاقيهم يتعنون له ،،

وغير تجماعتهم أسبوعيا معا بعض و اتحصل الي يشتغل فلخور والوكره والدوحه ومسيعيد ودخان وعلى اختلاف مناصبهم ودياناتهم وشهاداتهم العلميه يقعدون ويتحاورون عن الفرصه التجاريه والخ من الأمور ..

أنا بصراحه معجب بعقليتهم وكيفة استغلالهم للفرص المتاحه وحبهم الخير لبعض وكلن يساعد الثاني وهذا ما يسمى بالقوميه أحيهم عليه بصراحه ..

اما نجي لمجالسنا وتجمعاتنا الرجاليه أشوف نسبه كبيره منها السوالف تكون عن أمور سطحيه لا فائده لها ومحصوره بنطاق معين ..

واتلاقي الي يفتح مشروع معين ما يحصل وقفة ربعه وجماعته ولا وقفة أصحاب الخبره والعلم ..



أخيرا ،،
أتمنى الله يرزقنا بقومية الهنود ونشكل لوبي قطري فالمستقبل القريب..

السموحه على الإطاله ويامرحبابكم


وعليكم السلام ورحمة الله

تأكيداً على كلامك .. ولكن الجنسيه باكستانيه :)

قبل ثلاث اسابيع كنت فالرياض لأني عزمت أسوي مشروع مثل ما تقول مبتكر وإن شاء الله تبي تشوف أعلانه فـ أعلى صفحة المنتدى هني بعد فتره إذا الله يسر خخخخخخخخخخخ

المهم لقيت باكستاني كفيله ولد عمي عمر الباكستاني 26 سنه .. وله 7 سنوات فالرياض .. يعني اشتغل 7 سنوات .. ما شاء الله الحين راس ماله فالرياض
1- تريله
2-3 دينات
3- 2 تكسي
والي يشتغلون فـ سياراته كلهم على كفالة ولد عمي بعد والسيارات بـ اسم ولد عمي وكلهم من باكستان هو يطلب باكستانين
يعني ما شاء الله عليه هالباكستاني فزعته لـ ربعه

نجي على ربعي وهذي سالفة امس فالليل صارت جيت قطر قبل اسبوعين خبرك بدت الدراسة فالجامعه وجيت ....... وما قابلتهم الا أمس أول ما دخلوا المجلس سلموا رديت السلام .. وعقبه قام العبط علي شلون المشروع وفكرته ومادري شنو .. هم الله يهداهم طموح مافيه همهم يبون الراتب بس يبون عسكرية ولا أي شي أهم شي راتب ما يطمحون للمستقبل .. وانا رجال ماحب اجلس على الراتب بس يعني إذا الله يسر وتخرجت من الجامعه ابي راتب الوظيفه يكون مصدر الدخل الأساسي بس أبي مصدر دخل ثاني على الأقل أطور من نفسي ما أتم على مصدر دخل واحد فهمت الفكره :omen2:

يعني قام العبط وقعدوا يعذربون فالمشروع وفالفكره وانا دارسها دراسه وراح تكون على مستوى الخليج باستثناء عمان حالياً وفالمستقبل إن شاء الله راح أدرجها مع دول الخليج :)

[حمد 2002]

الهنود ايحبون الفلوس حب مب صاااحي خخخ

تحياتي لك اخووي

[عبدالعزيز الهتمي]

يتميزون أنهم على قلب واحد
يشتغلون معاي هنود .. وألاحظ فيهم هذه الميزة بخلاف الجنسيات الاخرى
ميزه حلوه وهذا يدل على مدى القوميه الكبيره فيما بينهم ونتمنى نأخذ هالخصله الطيبه منهم ،، شاكر لك عالمرور أخوي الكريم


اي والله .. ربي يعين ويسخر لنا ناس تفيدنا وتنفعنا ..
اللهم أمين


وتأكيد على كلامك هاي الفيديو
http://www.************/watch?v=je1tzwkfcp0

أخوي ما اشتغل الفيديو معاي أتمنى تعديله ،،
نورتنا

[عبدالعزيز الهتمي]

صحيح كلامك
شكرا على المرور


بعد نشاطهم والرضاء بهامش ربح معقول اكثر شغلهم رشاوي من تحت الطاولة

للأمانه نوعية الي يتعاملون بالرشوه ما صادفتهم ولكن الرشوه لاتعرف بلد أو جنسيه معينه،،. ومنتشره في كل مكان الله يعافينا
شكرا عالمداخله

[الكبير الله]

الغريب انك اذا تروح اي بلد تحصل البياع والتاجر والتكسي و الموظف كلهم من اهل البلد

ما عادا دول الخليج

[عبدالعزيز الهتمي]

وعليكم السلام ورحمة الله

تأكيداً على كلامك .. ولكن الجنسيه باكستانيه :)

قبل ثلاث اسابيع كنت فالرياض لأني عزمت أسوي مشروع مثل ما تقول مبتكر وإن شاء الله تبي تشوف أعلانه فـ أعلى صفحة المنتدى هني بعد فتره إذا الله يسر خخخخخخخخخخخ

المهم لقيت باكستاني كفيله ولد عمي عمر الباكستاني 26 سنه .. وله 7 سنوات فالرياض .. يعني اشتغل 7 سنوات .. ما شاء الله الحين راس ماله فالرياض
1- تريله
2-3 دينات
3- 2 تكسي
والي يشتغلون فـ سياراته كلهم على كفالة ولد عمي بعد والسيارات بـ اسم ولد عمي وكلهم من باكستان هو يطلب باكستانين
يعني ما شاء الله عليه هالباكستاني فزعته لـ ربعه

نجي على ربعي وهذي سالفة امس فالليل صارت جيت قطر قبل اسبوعين خبرك بدت الدراسة فالجامعه وجيت ....... وما قابلتهم الا أمس أول ما دخلوا المجلس سلموا رديت السلام .. وعقبه قام العبط علي شلون المشروع وفكرته ومادري شنو .. هم الله يهداهم طموح مافيه همهم يبون الراتب بس يبون عسكرية ولا أي شي أهم شي راتب ما يطمحون للمستقبل .. وانا رجال ماحب اجلس على الراتب بس يعني إذا الله يسر وتخرجت من الجامعه ابي راتب الوظيفه يكون مصدر الدخل الأساسي بس أبي مصدر دخل ثاني على الأقل أطور من نفسي ما أتم على مصدر دخل واحد فهمت الفكره :omen2:

يعني قام العبط وقعدوا يعذربون فالمشروع وفالفكره وانا دارسها دراسه وراح تكون على مستوى الخليج باستثناء عمان حالياً وفالمستقبل إن شاء الله راح أدرجها مع دول الخليج :)

أول حاجه أنا معجب فيك
وثاني حاجه كل الآشغال مافيها عيب ولكن العيب انك تعيش حياتك سبهلله وتدور حول حلقه مفقوده،،
وثالث حاجه أحيك على طموحك العالي وعسى ربي يوفقكك وييسير أمورك ،،

المتشائمين والبؤساء كثر وأتمنى ماتلتفت لهم لأنهم بلا طموح وعلى بالهم الحياه كالرسمه الي أرسموها لأنفسهم أو لهم تجارب فاشله وتاركين المجال لغيرهم وهالشخصيات أنصحك تقلل القعده معاهم وماتروح لهم إلا وقت الفراغ ونص ساعه وأيد عليهم وما ترافج الا من يزيدك خبره ومعرفه وقيمه وطموح ،،

شاكر لك عالمداخله وربي يوفقكك فحياتك وفي تجارتك


الهنود ايحبون الفلوس حب مب صاااحي خخخ

تحياتي لك اخووي

ياعزيزي في هالزمن الطفل بوسنتين يحب الفلوس فما بالك ههههه
شاكر لك عالمرور

[عبدالعزيز الهتمي]

الغريب انك اذا تروح اي بلد تحصل البياع والتاجر والتكسي و الموظف كلهم من اهل البلد

ما عادا دول الخليج

لأنه باختصار ما حان الوقت لمثل هالأعمال وفي المقابل لو تروح بعض دول الخليج اتلاقي هناك مواطنين يمتهنون هذه المهن ؤهذا يزيدهم شرف ومش نقصان فيهم بالعكس اعتبرهم يخدمون بلدهم والنعم فيهم ،،

أتمنى أخوي تعطيني رأيك حول موضوعي المطروح شاكر لك عالمداخله

[MAZEN37]

الله يرزق الجميع
الهنود سرهم في صبرهم
وعندهم مثابره وتنظيم ومواظبه
لكن سبحان الله اشوفهم اغبياء

[امـ حمد]

الهنود يحبون بعض وقلوبهم على قلب واحد

[مشعل العطاوى]

صحيح انا لاحظتها بالسعوديه ..

اذا كانت البقاله او محل الخضار لطرف هندى من تحت الطاوله تجد كل هنود الحاره والحاره المجاوره

لايشترون الا منه مما يسبب الخساره للمحلات الاخري بسبب نسبه الهنود الكبيره


اما فى سيارات الاجره فحدث ولا حرج .. ابن عمى يوجد لديه تكسي عندما يقف لهنود او باكستانيين لتوصيلهم

فهم يرفضون ولايركبون معه .. بالاخير لبس افرنجي احيانا عندما يكتشفون انه سعودي ينزلون ويغلقون

الباب ( لانهم يريدون ابن بلدهم لكى يستفيد )

يعنى شغلهم ماهو شطاره او فهلوه .. بل تحزب ولوبيات بينهم ويسهلون الاعمال لبعض

لكن الان وزارة العمل لدينا بدات بطحنهم وان شاء الله من 3-5 سنوات يتم سحق هذه اللوبيات

الخطيره التى اعاقت تطور البلد وزادت فى تكدس البطاله .

[.. الكاش ..]

من افضل البشر في التعامل مناحيه البزنس وصبوررررررررررررررين بشكل عجيب لوصل القمه هذا من واقع تجربه معهم

[عبدالعزيز الهتمي]

الله يرزق الجميع
الهنود سرهم في صبرهم
وعندهم مثابره وتنظيم ومواظبه
لكن سبحان الله اشوفهم اغبياء

هم يظهرون لك الغباء ولكنهم فالحقيقه هم في قمة الذكاء والدهاء ،،
شاكر لك عالمرور

الهنود يحبون بعض وقلوبهم على قلب واحد

نتمنى نتعلم منهم الأشياء الطيبه دعواتج يا أم حمد ،،
شكرا عالمرور

صحيح انا لاحظتها بالسعوديه ..

اذا كانت البقاله او محل الخضار لطرف هندى من تحت الطاوله تجد كل هنود الحاره والحاره المجاوره

لايشترون الا منه مما يسبب الخساره للمحلات الاخري بسبب نسبه الهنود الكبيره


اما فى سيارات الاجره فحدث ولا حرج .. ابن عمى يوجد لديه تكسي عندما يقف لهنود او باكستانيين لتوصيلهم

فهم يرفضون ولايركبون معه .. بالاخير لبس افرنجي احيانا عندما يكتشفون انه سعودي ينزلون ويغلقون

الباب ( لانهم يريدون ابن بلدهم لكى يستفيد )

يعنى شغلهم ماهو شطاره او فهلوه .. بل تحزب ولوبيات بينهم ويسهلون الاعمال لبعض

لكن الان وزارة العمل لدينا بدات بطحنهم وان شاء الله من 3-5 سنوات يتم سحق هذه اللوبيات

الخطيره التى اعاقت تطور البلد وزادت فى تكدس البطاله .

هلا أخوي مشعل ،،
بصراحه الوضع عندنا أرحم شوي وربي يعينكم على هالأحزاب ويرزقكم من فضله ،،
وهدفي أنا من الموضوع الاستفاده من طريقة تفكيرهم وليس قطع أرزاقهم
شاكر لك أخوي على إثراء الموضوع

[الخـود]

جذبني الموضوع للمتابعة ،،

مادري ليش !!!

[شجن]

ومن اسباب نجاح لهنود في تجارتهم يدير تجارته بنفسه..ويشرف عليها
عكس عيالنا يفتح مشروع ويجيب له ناس من برا تشرف عليه ...من يخاف ع حلالك كثرك؟؟
في نظري اللى مايقدر يدير تجارته لايفتح مشروع لان فالنهايه بيخسر

[عبدالعزيز الهتمي]

:
من افضل البشر في التعامل مناحيه البزنس وصبوررررررررررررررين بشكل عجيب لوصل القمه هذا من واقع تجربه معهم

انشهد بصراحه وصدقت بكل حرف :nice:

جذبني الموضوع للمتابعة ،،

مادري ليش !!!

حياكم الله ومنورين الموضوع

ومن اسباب نجاح لهنود في تجارتهم يدير تجارته بنفسه..ويشرف عليها
عكس عيالنا يفتح مشروع ويجيب له ناس من برا تشرف عليه ...من يخاف ع حلالك كثرك؟؟
في نظري اللى مايقدر يدير تجارته لايفتح مشروع لان فالنهايه بيخسر

اضافه قيمه وخصوصا بعد تزايد حالات النصب :nice:
شاكر لج عالمرور

[معماري قطري]

أتذكر كنت أدرس في ولاية واشنطن، وتعرفت على هندي يدرس معاي وكان شاطر، ورحت مره نراجع في شقته، وكنت متوقع أحصلها مثل شققنا غير مرتبة وكل شقة ساكنينها 2 أو أكثر وموجودين فيها وحشره، لكن تفاجأت بمدى نظافة وترتيب الشقة .. حتى أذكر شفت حاطين أرفف تكرمون للأحذية قرب الباب وكلها مليانه نعل، والشقة هدوء عجيب، فأدخلني مباشرة لطاولة الدراسة ورمقت أثناء دخولي غرفة النوم المفتوحة وفيها عدد رهيب من الأسرة على ما اعتقد كل سرير مكون من 3 طوابق، لكن كل من يدخل ويرانا ندرس لا يكلمنا ولا حتى يلتفت لنا، فالكل يدخل بهدوء لغرفة النوم ونحن نراجع.

ولم أستغرب أن منهم طلع من اخترع المسنجر ولم يرضى ببيعه على شركة مايكروسوفت بل بمشاركتها فيه، فقد كان عندهم نظام وترتيب دقيق.

[تاسيتوس]

ثاني اكبر دولة في عدد السكان اكيد بيطلع منها اكبر عدد من الاذكياء.

[captin]

مرحبا بو سعود يعطيك العافية على الموضوع الموضوعي

فعلا كل ما ذكرت صحيح في الجنسية الهندية من خلال تجربتي وتعاملي معاهم في عدد من المشاريع بالسوق ومن خلال اطلاعي وسفراتي لعدد من الدول في العالم وين ما تروح
تلقاهم ماسكين التجارة والسوق والاسباب عديدة منها على سبيل المثال لا الحصر

العمل الجمـــــــــــــاعي

الأسرة كلها تعمل مع بعض الأب والأم والأبناء وغالبا يبتدون بسوبرماركت او مطعم
وكل منهم يشيل الثاني هذا يداوم الصبح والثاني لين رجع من الجامعة يمسك الشغل
ويشترون من بعضهم البعض. وفيهم ميزة يشتركون في المشروع عشرين شخص او أكثر
يشكلون راس مال ويكلفون أحد منهم اللي عنده الخبرة في المجال يدير النشاط وبعد ما تمشي الأمور يتوسعون ويدخلون نشاط ثاني وهكذا.

مرة من المرات أعرف هندي ماسك نشاط محلات الخضروات والفواكه كنت واقف وياه اسولف وشاف واحد من ربعه توه جاي الدوحة قام قاله تشتغل في اي نشاط ؟ رد عليه قال لا ما عندي اي نشاط كفيلي هدني في السوق وقال لي تصرف قام هذا التاجر ناداه داخل المحل وقاله باعطيك مبلغ 20 الف ريال اشتغل في اي شي او اشتر سيارة بيك وانقل فيها الخضروات من السوق المركزي وبعد سنة رجع لي المبلغ.
احنا القطريين عمرنا ما فكرنا ندخل مجموعة في نشاط تجاري تلاقينا كل واحد داخل بروحه ويكرر نشاط رفيجه ما ندخل براس مال كبير وبقوة للسوق.

الصــــــــبر

فيهم صبر عجيب غريب أيضا من المواقف اني اعرف هندي تاجر في السوق دخل في مشروع وهذا المشروع طول ما جاب أرباح وسألته مرة قلت له كم صرفت عليه لحد الآن وهل ناوي تسكره قال صرفت 600 الف ريال بس بعد باصبر سنة قدام وماراح اسكر المشروع راح احاول اطور فيه لحد ما ادخل مجال الربح .

احنا القطريين مجرد يمر الشهر الثالث وما تبين عندنا ارباح او على الاقل ايرادات تغطي المصاريف نبتدي نعرض المحل للبيع.

الطمــــــــــوح

يعتبر العامل أو الموظف الهندي طموح ينظر دائما للأفضل فهو لايرضي بان يكون طول عمره عامل أو موظف بل طموحه دائما أن ينشأ شيء خاص له ويديره في يوم من الأيام وهذا يحدث حتى مع الخدم بالمنازل والسواقين بعد فترة يأتي السائق ويرغب بنقل كفالته على شركة وبعدها يتطور الأمر لينشأ النشاط الخاص به وهكذا. ولدينا في قطر الكثير من النماذج للعامل الذي تطور حتى أصبح يملك مجموعة محلات خاصة به .

الإستقــــــرار

من مميزات العامل الهندي الاستقرار بالبلد الذي يعمل به ولايفكر بالعودة إلى بلاده بعد قضاء سنتين أو أربع أو حتى عشر من الملاحظ أن أغلب العاملين الهنود بالسوق القطري ممن قضوا سنوات طويلة واصبح لديهم أرتباط بالبلاد والاقتصاد وأصبحوا مؤثرين في نشاط السوق.
انا شخصيا أعرف كذا شخص في السوق من الهنود ممن قضوا أكثر من 25 عاما ولديهم الكثير من الممتكات والمحلات والعقارات ومنهم من أشترى عقارا باللؤلؤة وغيرها من الأماكن.

حاليا الهند في مصاف الدول الأكثر تطورا اقتصاديا وتنافس الصين كثاني اكبر قوة اقتصادية في العالم فيها الكثير من الصناعات المتطورة خصوصا الالكترونية الدقيقة .
في آخر سفرة لي كنت اقرأ مجلة اقتصادية في الطائرة واثار انتباهي مقال عن الهند أن فيها كل شهر يدخل شخص هندي عالم المليونرات في العالم .

نحتاج أن نتعلم من خلال احتكاكنا ببعض الجنسيات بعض الامور اللي تعيننا على التقدم والسير في الحياة والتنظيم والصبر .

انا دائما اتسال عن سر نهضة دبي في الامارات من يدير ويعمل بالمرافق العملاقة مثل الموانئ والمطارات والشحن والسياحة والبنية التحتية والانفاق والمواصلات ومنطقة جبل علي الحرة والفنادق والإسكان وغيرها من مرافق تحتاج لقوة بشرية نشيطة لإدارتها ولا شك أن الجالية الهندية في دبي هي من يقف وراء كل هذا.

[حميداني]

مب لجنسه ... هذا لانه الشخص حرج مب تنبل والريال يملى عينه
اتحصل هذا الشخص يطلعلك لما تهرن له بالسياره مع انه شغلته الحساب من داخل مش يطلع لك
اتحصله يجيك لو لبيتك يوصلك اطلبك واتحصل البعض ما يمانع يقوم بكم من شغله ازياده عليه لاجل الفلس
الفلس عنده غالي ما يفسفسه الا بما يشوفه مضمون على قده
حبه على حبه الا هو فوق

الله يرزق كل من يكافح , يبذل ويجتهد ورى لقمة العيش والامان المادي

[معماري قطري]

لفت نظري عنوان الموضوع مره ثانية وحبيت أقول إن الهند كلها غابات وما طلعوا فلوس تكفيهم وأغلبهم فقراء الا القليل منهم اللي فالحين، وهذا شيء طبيعي من عدد سكان يفوق المليار يطلعون خلوا نقول 100 مليون فالحين.

[تغلبية]

يعجبوني الهنود في ترتيبهم والتزامهم والاصرار والمثابرة ونفسهم طوووووويل .. وهذي كلها عناصر نجاح ..

حتى التنبل اذا سواها بينجح!

هذا غير ان الهنود .. من الله مجبولين على الحساب والادخار .. وعندهم -الشعب الهندي- اكبر ادخار من الذهب !

[النهار]

اعرف شخص هندي حضر بفيزة خادم في بيت احد الاسر القطريه الكريمه
اشتغل عندهم سنتين وشار على معزبه ان يفتح كراج ويتولى هو المسؤليه الكامله عنه
من بعد الكراج منجره وبعدها توالت المشاريع الكبيره من شخص اتي بفيزة خادم الان هو من اصحاب
الملاين هو ومعزبه كثير من اصحاب النفوس الضعيفه حالوا يشوهون صورته بس صحاب الحلال انسان ذكي
كان يسمع من اذن ومن الاذن الثانيه يروح عند اقرب زباله يقطها
حسب كلامه يقول هالهندي رحمه من الله عزوجل لي كنت على قد حالي نقلني خلال 10 سنوات الي مصاف
اغنى اغنيا البلد

[بريق الحق]

كان عندي مدرس هندي فالتاسيسي كان يكرهني بشكل غريب ....وكان خواف يخاف يسوق سياره وانت كل اليوم اقوله راح تموت ((ههههههاي ) بعد الامتحانات جفته منصدع مب مصدق اني نجحت
حقوددين على القطرين ويعبدون الاجانب بشكر غريب للعلم اتكلم عن غير المسلمين
اما المسلمين الصراحة طيبين

[Chambray]

اعرف شخص هندي حضر بفيزة خادم في بيت احد الاسر القطريه الكريمه
اشتغل عندهم سنتين وشار على معزبه ان يفتح كراج ويتولى هو المسؤليه الكامله عنه
من بعد الكراج منجره وبعدها توالت المشاريع الكبيره من شخص اتي بفيزة خادم الان هو من اصحاب
الملاين هو ومعزبه كثير من اصحاب النفوس الضعيفه حالوا يشوهون صورته بس صحاب الحلال انسان ذكي
كان يسمع من اذن ومن الاذن الثانيه يروح عند اقرب زباله يقطها
حسب كلامه يقول هالهندي رحمه من الله عزوجل لي كنت على قد حالي نقلني خلال 10 سنوات الي مصاف
اغنى اغنيا البلد

نبي نفس هالهندي وينه هههههههههه

[عبدالعزيز الهتمي]

أتذكر كنت أدرس في ولاية واشنطن، وتعرفت على هندي يدرس معاي وكان شاطر، ورحت مره نراجع في شقته، وكنت متوقع أحصلها مثل شققنا غير مرتبة وكل شقة ساكنينها 2 أو أكثر وموجودين فيها وحشره، لكن تفاجأت بمدى نظافة وترتيب الشقة .. حتى أذكر شفت حاطين أرفف تكرمون للأحذية قرب الباب وكلها مليانه نعل، والشقة هدوء عجيب، فأدخلني مباشرة لطاولة الدراسة ورمقت أثناء دخولي غرفة النوم المفتوحة وفيها عدد رهيب من الأسرة على ما اعتقد كل سرير مكون من 3 طوابق، لكن كل من يدخل ويرانا ندرس لا يكلمنا ولا حتى يلتفت لنا، فالكل يدخل بهدوء لغرفة النوم ونحن نراجع.

ولم أستغرب أن منهم طلع من اخترع المسنجر ولم يرضى ببيعه على شركة مايكروسوفت بل بمشاركتها فيه، فقد كان عندهم نظام وترتيب دقيق.


لفت نظري عنوان الموضوع مره ثانية وحبيت أقول إن الهند كلها غابات وما طلعوا فلوس تكفيهم وأغلبهم فقراء الا القليل منهم اللي فالحين، وهذا شيء طبيعي من عدد سكان يفوق المليار يطلعون خلوا نقول 100 مليون فالحين.

هلا فيك اخوي معماري منور الموضوع ,,
كلام صحيح وسليم بخصوص نقطة السكن,,
وانا بنفسي شفت بيوت فالدوحه بنفس النظام وتسكنه 5 او 4 عوئل والبيت مثل ما يقولون محكر حمام بس ماتدري كيف ,,
وبالنسبه لمداخلتك الثانيه يعني لازم يكون الشعب فقير عشان يبدع ويبتكر وعدد سكانه بالملاين ..
انا اعرف اغلب الشعب الهندي ناس فقاره وتعدادهم السكاني ينافس الصين ولكن فالمقابل اعرف شعوب تعداد سكانها بالملاين ولكن صفر عالشمال ومن افشل الناس على المستوى العالمي وحتى سيكل ما يصنعون ,,
الثقافه الثقافه الثقافه ياخوي واسالني عن الشعب الهندي ناس تمشي بالدقيقه والثانيه وكل شي محسوب عندهم ,,
الخلاصه العدد ماله علاقه واهم شي ثقافة الافراد والمجتمع ككل ..
شاكر لك عالمداخله مره ثانيه ونورت

[عبدالعزيز الهتمي]

ثاني اكبر دولة في عدد السكان اكيد بيطلع منها اكبر عدد من الاذكياء.

رايك ونحترمه شكرا عالمرور اخوي

[عبدالعزيز الهتمي]

مرحبا بو سعود يعطيك العافية على الموضوع الموضوعي

فعلا كل ما ذكرت صحيح في الجنسية الهندية من خلال تجربتي وتعاملي معاهم في عدد من المشاريع بالسوق ومن خلال اطلاعي وسفراتي لعدد من الدول في العالم وين ما تروح
تلقاهم ماسكين التجارة والسوق والاسباب عديدة منها على سبيل المثال لا الحصر

العمل الجمـــــــــــــاعي

الأسرة كلها تعمل مع بعض الأب والأم والأبناء وغالبا يبتدون بسوبرماركت او مطعم
وكل منهم يشيل الثاني هذا يداوم الصبح والثاني لين رجع من الجامعة يمسك الشغل
ويشترون من بعضهم البعض. وفيهم ميزة يشتركون في المشروع عشرين شخص او أكثر
يشكلون راس مال ويكلفون أحد منهم اللي عنده الخبرة في المجال يدير النشاط وبعد ما تمشي الأمور يتوسعون ويدخلون نشاط ثاني وهكذا.

مرة من المرات أعرف هندي ماسك نشاط محلات الخضروات والفواكه كنت واقف وياه اسولف وشاف واحد من ربعه توه جاي الدوحة قام قاله تشتغل في اي نشاط ؟ رد عليه قال لا ما عندي اي نشاط كفيلي هدني في السوق وقال لي تصرف قام هذا التاجر ناداه داخل المحل وقاله باعطيك مبلغ 20 الف ريال اشتغل في اي شي او اشتر سيارة بيك وانقل فيها الخضروات من السوق المركزي وبعد سنة رجع لي المبلغ.
احنا القطريين عمرنا ما فكرنا ندخل مجموعة في نشاط تجاري تلاقينا كل واحد داخل بروحه ويكرر نشاط رفيجه ما ندخل براس مال كبير وبقوة للسوق.

الصــــــــبر

فيهم صبر عجيب غريب أيضا من المواقف اني اعرف هندي تاجر في السوق دخل في مشروع وهذا المشروع طول ما جاب أرباح وسألته مرة قلت له كم صرفت عليه لحد الآن وهل ناوي تسكره قال صرفت 600 الف ريال بس بعد باصبر سنة قدام وماراح اسكر المشروع راح احاول اطور فيه لحد ما ادخل مجال الربح .

احنا القطريين مجرد يمر الشهر الثالث وما تبين عندنا ارباح او على الاقل ايرادات تغطي المصاريف نبتدي نعرض المحل للبيع.

الطمــــــــــوح

يعتبر العامل أو الموظف الهندي طموح ينظر دائما للأفضل فهو لايرضي بان يكون طول عمره عامل أو موظف بل طموحه دائما أن ينشأ شيء خاص له ويديره في يوم من الأيام وهذا يحدث حتى مع الخدم بالمنازل والسواقين بعد فترة يأتي السائق ويرغب بنقل كفالته على شركة وبعدها يتطور الأمر لينشأ النشاط الخاص به وهكذا. ولدينا في قطر الكثير من النماذج للعامل الذي تطور حتى أصبح يملك مجموعة محلات خاصة به .

الإستقــــــرار

من مميزات العامل الهندي الاستقرار بالبلد الذي يعمل به ولايفكر بالعودة إلى بلاده بعد قضاء سنتين أو أربع أو حتى عشر من الملاحظ أن أغلب العاملين الهنود بالسوق القطري ممن قضوا سنوات طويلة واصبح لديهم أرتباط بالبلاد والاقتصاد وأصبحوا مؤثرين في نشاط السوق.
انا شخصيا أعرف كذا شخص في السوق من الهنود ممن قضوا أكثر من 25 عاما ولديهم الكثير من الممتكات والمحلات والعقارات ومنهم من أشترى عقارا باللؤلؤة وغيرها من الأماكن.

حاليا الهند في مصاف الدول الأكثر تطورا اقتصاديا وتنافس الصين كثاني اكبر قوة اقتصادية في العالم فيها الكثير من الصناعات المتطورة خصوصا الالكترونية الدقيقة .
في آخر سفرة لي كنت اقرأ مجلة اقتصادية في الطائرة واثار انتباهي مقال عن الهند أن فيها كل شهر يدخل شخص هندي عالم المليونرات في العالم .

نحتاج أن نتعلم من خلال احتكاكنا ببعض الجنسيات بعض الامور اللي تعيننا على التقدم والسير في الحياة والتنظيم والصبر .

انا دائما اتسال عن سر نهضة دبي في الامارات من يدير ويعمل بالمرافق العملاقة مثل الموانئ والمطارات والشحن والسياحة والبنية التحتية والانفاق والمواصلات ومنطقة جبل علي الحرة والفنادق والإسكان وغيرها من مرافق تحتاج لقوة بشرية نشيطة لإدارتها ولا شك أن الجالية الهندية في دبي هي من يقف وراء كل هذا.

مرحبابك اخوي captin

مشاركه متكامله ومتوازنه جزاك الله خير يالغالي ,,
مشااءالله جميع النقاط الي ذكرتها تستحق ان تطرح كموضوع ويتم النقاش ,,
شاكر لك على هالمعلومات الطيبه كفيت ووفيت اخوي العزيز

[عبدالعزيز الهتمي]

يعجبوني الهنود في ترتيبهم والتزامهم والاصرار والمثابرة ونفسهم طوووووويل .. وهذي كلها عناصر نجاح ..

حتى التنبل اذا سواها بينجح!

هذا غير ان الهنود .. من الله مجبولين على الحساب والادخار .. وعندهم -الشعب الهندي- اكبر ادخار من الذهب !

اذا كان عندنا النقاط الي ذكرتيها اختي احنا كدول عربيه بشكل عام جااان نافسنا العالم ,,
ولكن ثقافتنا للغالبيه العظمى من الناس اصرف مافي الجيب وياتيك مافي الغيب والنعم بالله ,,
شاكر لج عالمرور الطيب نورتي ..



اعرف شخص هندي حضر بفيزة خادم في بيت احد الاسر القطريه الكريمه
اشتغل عندهم سنتين وشار على معزبه ان يفتح كراج ويتولى هو المسؤليه الكامله عنه
من بعد الكراج منجره وبعدها توالت المشاريع الكبيره من شخص اتي بفيزة خادم الان هو من اصحاب
الملاين هو ومعزبه كثير من اصحاب النفوس الضعيفه حالوا يشوهون صورته بس صحاب الحلال انسان ذكي
كان يسمع من اذن ومن الاذن الثانيه يروح عند اقرب زباله يقطها
حسب كلامه يقول هالهندي رحمه من الله عزوجل لي كنت على قد حالي نقلني خلال 10 سنوات الي مصاف
اغنى اغنيا البلد

صادق اخوي النهار,,
وانا اعرف الكثير امثال هالشخصيات المذكوره في ردك :nice:
شاكر لك عالمرور واضافة هالمعلومه القيمه

[vip-30003]

اولاً نجاح الهندي هي نظرة بعض الناس لهم انهم مساكين وعلى قد حالهم

ثانياً التجارة يبي لها اهتمام وحرص وهذا عند العرب معدوم او نادر

فا الهندي يحافظ ويهتم بتجارته اكثر من اهتمامه لولده

ثالثاً وهذا الاهم غسيل الاموال الهنووود اكثر من يتعامل فيه

اكبر التجار الهنود في الخليج وراهم وزراء في الهند

كلامي متاكد منه مليون بالميه ومابي اذكر اسمااء بس في مول

صاحبه هندي السلع رخيصة لدرجه اتشك انه يبيع براس المال او خسران

في هنود اعرفهم يأجرون عمارات ومجمعات فلل ب مبالغ ضخمة

ويرجعون يأجره بالباطن ... من وين لهم هالمبالغ !!!!!

في محلات خسرانه لهنوووود والمشكلة مستمره ليش واشلون !!!!

اتوقع غسيل اموال

وغير كل هذا دعم القطري الا محدود للهندي

في قطريين يفتحون مشاريع ويدفعون والهندي يقول للقطري

بعطيك 1500 ولا 2000 بأجر السجل التجاري

والمشكله قلوبنا طيبه ونقول مسكين وياخذ الجمل بما حمل

والقطري ياخذ كم ريال

اتمنى وزارة الاعمال والتجارة و ادارة العمل تقضي على هالظاهره

لانها اتضيع السوق الهنود صاروا مافيا منظمه واحنا ارقوود

[عبدالعزيز الهتمي]

::
كان عندي مدرس هندي فالتاسيسي كان يكرهني بشكل غريب ....وكان خواف يخاف يسوق سياره وانت كل اليوم اقوله راح تموت ((ههههههاي ) بعد الامتحانات جفته منصدع مب مصدق اني نجحت
حقوددين على القطرين ويعبدون الاجانب بشكر غريب للعلم اتكلم عن غير المسلمين
اما المسلمين الصراحة طيبين

مب شرط اخو العزيز انا اختلف معاك في نقطة حقودين ومايحبونا كقطرين واتمنى منك ما تعمم على بلد ما والسبب تصرف فرد ,,
في واحد من الربع كل ما اقابله يمدح الهنود والسبب انهم اوقفوا معاه في شغله واليوم ماسك منصب قوي فالقطاع الخاص ,,
شاكر لك عالمرور اخوي ..

نبي نفس هالهندي وينه هههههههههه

:telephone: النهار

ان شااءالله اتلاقي نفس النمونه :nice:

[عبدالعزيز الهتمي]

مب لجنسه ... هذا لانه الشخص حرج مب تنبل والريال يملى عينه
اتحصل هذا الشخص يطلعلك لما تهرن له بالسياره مع انه شغلته الحساب من داخل مش يطلع لك
اتحصله يجيك لو لبيتك يوصلك اطلبك واتحصل البعض ما يمانع يقوم بكم من شغله ازياده عليه لاجل الفلس
الفلس عنده غالي ما يفسفسه الا بما يشوفه مضمون على قده
حبه على حبه الا هو فوق

الله يرزق كل من يكافح , يبذل ويجتهد ورى لقمة العيش والامان المادي

اللهم امين اخوي حميداني ,,
وكل ما تفضلت فيه كلام واقعي وحقيقي :victory:

شكرا عالمرور نورتنا

اولاً نجاح الهندي هي نظرة بعض الناس لهم انهم مساكين وعلى قد حالهم

ثانياً التجارة يبي لها اهتمام وحرص وهذا عند العرب معدوم او نادر

فا الهندي يحافظ ويهتم بتجارته اكثر من اهتمامه لولده

ثالثاً وهذا الاهم غسيل الاموال الهنووود اكثر من يتعامل فيه

اكبر التجار الهنود في الخليج وراهم وزراء في الهند

كلامي متاكد منه مليون بالميه ومابي اذكر اسمااء بس في مول

صاحبه هندي السلع رخيصة لدرجه اتشك انه يبيع براس المال او خسران

في هنود اعرفهم يأجرون عمارات ومجمعات فلل ب مبالغ ضخمة

ويرجعون يأجره بالباطن ... من وين لهم هالمبالغ !!!!!

في محلات خسرانه لهنوووود والمشكلة مستمره ليش واشلون !!!!

اتوقع غسيل اموال

وغير كل هذا دعم القطري الا محدود للهندي

في قطريين يفتحون مشاريع ويدفعون والهندي يقول للقطري

بعطيك 1500 ولا 2000 بأجر السجل التجاري

والمشكله قلوبنا طيبه ونقول مسكين وياخذ الجمل بما حمل

والقطري ياخذ كم ريال

اتمنى وزارة الاعمال والتجارة و ادارة العمل تقضي على هالظاهره

لانها اتضيع السوق الهنود صاروا مافيا منظمه واحنا ارقوود


كلام واقعي اخوي وانا قلت لك والاخوان قالولها (قلوبهم على بعض ويساعدون بعض)
الجماعه سر تفوقهم اليد الواحده وتجمعاتهم فيما بينهم ,,
الله يرزقهم ويرزقنا ولكل مجتهد نصيب وهم اجتهدوا فما علينا منهم بطريقة التكسب,,
ولكن علينا الاستفاده من طريقة تفكيرهم ,,
شاكر لك على التعقيب

[النهار]

[
quote=vip-30003;8744653]اولاً نجاح الهندي هي نظرة بعض الناس لهم انهم مساكين وعلى قد حالهم

ثانياً التجارة يبي لها اهتمام وحرص وهذا عند العرب معدوم او نادر

فا الهندي يحافظ ويهتم بتجارته اكثر من اهتمامه لولده

كلامك ماعليه غبار صحيح %1000

ثالثاً وهذا الاهم غسيل الاموال الهنووود اكثر من يتعامل فيه

اكبر التجار الهنود في الخليج وراهم وزراء في الهند

كلامي متاكد منه مليون بالميه ومابي اذكر اسمااء

هذى كلام مفروغ منه مش كل التجار البعض منهم
وكثير من المحلات الي موجوده لغير الهنود في اللؤلؤه والمجمعات الكبيره
يدفعون اجارات خياليه + مصاريف المحلات والمعاشات
على فكره هالشي مايضر اقتصاد البلاد

بس في مول

صاحبه هندي السلع رخيصة لدرجه اتشك انه يبيع براس المال او خسران

لوتعرف خفايا التجاره ماقلت هلكلام مافي تاجر في العالم يبيع بخساره
البيع بالرخص يبغي له شرح طويل

في هنود اعرفهم يأجرون عمارات ومجمعات فلل ب مبالغ ضخمة

ويرجعون يأجره بالباطن ... من وين لهم هالمبالغ !!!!!

جاري انتقل الي البيت الجديد وقال لي بحط رقمك لوحصلت مستأجر
6 او 7 الاف اجر البيت جاو ناس واجد الكل يبي ارخص من هالمبلغ
وجاني هندي على طول قال لي باخذ منك البيت 10 الاف قلت له 12 الف قال
بعطيك مقدم سنه بس شرط بقسم البيت وببني كلمت راعي البيت قال توكل
اجر قال له بس ترخيص الاضافات انا مالي شغل قال لنا انتوا معاليكم
انا اتصرف 3 اسابيع الاهو مغير تشكيلة البيت بالكامل
من الربحان الحين صاحب العقار + المأجر من الباطن

في محلات خسرانه لهنوووود والمشكلة مستمره ليش واشلون !!!!

اتوقع غسيل اموال

قلت لك في الوقت الحالي مافي محل يخسر وخاصه عندالهنود

وغير كل هذا دعم القطري الا محدود للهندي

في قطريين يفتحون مشاريع ويدفعون والهندي يقول للقطري

بعطيك 1500 ولا 2000 بأجر السجل التجاري

والمشكله قلوبنا طيبه ونقول مسكين وياخذ الجمل بما حمل

والقطري ياخذ كم ريال

انزين خلي القطري بفتح المحل ويقعد يجابله ان كانت بقاله اومعصره
في مثل يقول الي يحضر ولادة عنزته تجيب توم
اتمنى وزارة الاعمال والتجارة و ادارة العمل تقضي على هالظاهره

لانها اتضيع السوق الهنود صاروا مافيا منظمه واحنا ارقوود[/quote]

وزارة الاعمال مالها خص في موضوع التأجير هذا يعني ان الموطن يأجر بالباطن
على فكره الجاليه الهنديه من اقل الجاليات الموجوده في قطر من ناحية الجرائم


السموحه من صاحب الموضوع لاني رديت على الاخ

[عبدالعزيز الهتمي]

^^^^^^^^^^^^^^^^^^^^^^^^^
مسموح مسموح يالغالي والموضوع للجميع :victory:

[حنظلة]

احد اسباب نجاح الهنود هو السيناريو التالي :

توقف عن السوبرماركت تضرب هرن يطلعلك الهندي تقوله عطني بيبسي يروح يجيب البيبسي تعطيه خمس ريال يرجع مرة ثانية للمحل يجيبلك الخرده وفيهم نص ريال تقوله جيبيلي حلاوه بالنص ولا علوج يرجع وبطيب خاطر ويجيبلك حلاوة ولا علوج..وتتكرر هذي العمليه معاه عشر ولا خمس مرات باليوم...من اللي يتحمل كل هالتعب غير الهندي

[النهار]

احد اسباب نجاح الهنود هو السيناريو التالي :

توقف عن السوبرماركت تضرب هرن يطلعلك الهندي تقوله عطني بيبسي يروح يجيب البيبسي تعطيه خمس ريال يرجع مرة ثانية للمحل يجيبلك الخرده وفيهم نص ريال تقوله جيبيلي حلاوه بالنص ولا علوج يرجع وبطيب خاطر ويجيبلك حلاوة ولا علوج..وتتكرر هذي العمليه معاه عشر ولا خمس مرات باليوم...من اللي يتحمل كل هالتعب غير الهندي


وشي ثاني مو دق له هرن وبس انت جدام المحل لااتصل عليه واطلب خيز بريال تحصل المطراش الي عنده بسيكله جاي لعندك في البيت وجايب الخبز تعطيه 10 اذا ماعنده خرده يروح المحل مره ثانيه يفك ويرجع لك مره ثانيه يرد الخرده نفس الشي البقالات والمعاصر.

عندهم صبر وتحمل موطبيعي مهما زاعقت عليه تحصله هادي
يحاول يمتص غضبك بعدة وسائل عمرك سمعت راعي بقاله هندي اومعصره متهاوش

تعال لمطعم الاتراك : اذا الطلبيه اقل من خمسين ريال وهو جنب بيتك مايجيب لك الطلب
الحين في مطاعم بدون ذكر اسم اذا الطلبيه اقل من 100 ريال استحاله يجيك ؟؟؟

[al_maystro]

اللوبي الهندي في قطر والامارات قوي جدا جدا
مرة ارتفعت سلعه من السلع وقلت للهندي ليش ترفع السعر كل مرة مثل ما يرفعون الهنود الاخرين
صارحني وما ادري هل كلامه صحيح ولا لا قاللي اذا ما رفعت ينبذونك ويمكن ينتقمون من اهلة في الهند
هناك

[معماري قطري]

هلا فيك اخوي معماري منور الموضوع ,,
كلام صحيح وسليم بخصوص نقطة السكن,,
وانا بنفسي شفت بيوت فالدوحه بنفس النظام وتسكنه 5 او 4 عوئل والبيت مثل ما يقولون محكر حمام بس ماتدري كيف ,,
وبالنسبه لمداخلتك الثانيه يعني لازم يكون الشعب فقير عشان يبدع ويبتكر وعدد سكانه بالملاين ..
انا اعرف اغلب الشعب الهندي ناس فقاره وتعدادهم السكاني ينافس الصين ولكن فالمقابل اعرف شعوب تعداد سكانها بالملاين ولكن صفر عالشمال ومن افشل الناس على المستوى العالمي وحتى سيكل ما يصنعون ,,
الثقافه الثقافه الثقافه ياخوي واسالني عن الشعب الهندي ناس تمشي بالدقيقه والثانيه وكل شي محسوب عندهم ,,
الخلاصه العدد ماله علاقه واهم شي ثقافة الافراد والمجتمع ككل ..
شاكر لك عالمداخله مره ثانيه ونورت

صادق يا اخوي والموضوع منور بوجودك وبنقاشك الهادف.

خير دليل على قلة العدد هم اليهود، وهم على وزن الهنود صدفة، لكنهم قلة قليلة ومسيطرين على كثير من مرافق وهيئات العالم، وداخلين في كل شيء ومثقفين ومتعلمين ومنهم كبار علماء، وكثيري القراءَة والتأليف والإهتمام بلغات الآخرين.

كذلك عندنا القطريين شعب قليل وتأثيرهم كبير، وحكومتنا بحمد الله تستثمر المليارات في كل أنحاء العالم، وشركاتنا المساهمة تشتري وتبيع في كل مناطق العالم، والعامل الإقتصادي الآن من أهم مقومات الشعوب العصرية ونتمنى لدولتنا الصغيرة بمساحتها وعدد سكانها والكبيرة بأفعالها وباستثماراتها كل خير. :nice:

[عبدالعزيز الهتمي]

احد اسباب نجاح الهنود هو السيناريو التالي :

توقف عن السوبرماركت تضرب هرن يطلعلك الهندي تقوله عطني بيبسي يروح يجيب البيبسي تعطيه خمس ريال يرجع مرة ثانية للمحل يجيبلك الخرده وفيهم نص ريال تقوله جيبيلي حلاوه بالنص ولا علوج يرجع وبطيب خاطر ويجيبلك حلاوة ولا علوج..وتتكرر هذي العمليه معاه عشر ولا خمس مرات باليوم...من اللي يتحمل كل هالتعب غير الهندي

كفو عليهم وانشهد مايتحمل هالشي غير الهندي :nice: شاكر لك عالمرور الطيب


اللوبي الهندي في قطر والامارات قوي جدا جدا
مرة ارتفعت سلعه من السلع وقلت للهندي ليش ترفع السعر كل مرة مثل ما يرفعون الهنود الاخرين
صارحني وما ادري هل كلامه صحيح ولا لا قاللي اذا ما رفعت ينبذونك ويمكن ينتقمون من اهلة في الهند
هناك

صراحته ياخوي يمكن تكون تبرير وترقيع لموضوع رفع السعر والعلم عند الله ..
وكلامك صحيح بالنقطه الاولى ..
شاكر لك المرور الجميل

[عبدالعزيز الهتمي]

شكر خاص للاخوان النهار & معماري قطري..
على اثرائهم للموضوع

[بو خليفه 123]

هناك مثل انجليزي يقول : They are yes people

[ام السعف]

:omg:

[عبدالعزيز الهتمي]

هناك مثل انجليزي يقول : They are yes people

شكرا اخوي بوخليفه على الرد المختصر المعبر ..
نورتنا



:omg:

:con2:
بانتظار ردج يا ام السعف

[ام السعف]

:con2:
بانتظار ردج يا ام السعف

استغربت من العنوان

ومنصدمة ومب مصدقة اني لو خذت اربع هنود وقطيتهم في البر
وراقبتهم خلال سنة ممكن اصير ملياردرية ( صعب اكتب هالكلمة ) :(

[عبدالعزيز الهتمي]

استغربت من العنوان

ومنصدمة ومب مصدقة اني لو خذت اربع هنود وقطيتهم في البر
وراقبتهم خلال سنة ممكن اصير ملياردرية ( صعب اكتب هالكلمة ) :(

هلا اختي ام السعف,,

انزين جربي الفكره واذا الامور مشت معاج لا تنسين تبخششيني :shy: ..
وبخصوص كلمة ملياردريه (انا صعب انطقها) مب اكتبها :(
شاكر لج عالمرور الجميل

[ام السعف]

هلا اختي ام السعف,,

انزين جربي الفكره واذا الامور مشت معاج لا تنسين تبخششيني :shy: ..
وبخصوص كلمة ملياردريه (انا صعب انطقها) مب اكتبها :(
شاكر لج عالمرور الجميل

ما عرفت اكتبها يا اخوي مب انطقها

تعلمت انطقها بس كتابتها صعبة كانت علي:(

[عبدالعزيز الهتمي]

ما عرفت اكتبها يا اخوي مب انطقها

تعلمت انطقها بس كتابتها صعبة كانت علي:(

يقولون لازم اتكون من اصحابها عشان اتجيدينها كتابتا ونطقا :shy:
يلا ان شااءالله انصير منهم ونتعلمها نطقا وكتابتا بس انتي اسعي لنا بموضوع الهنود والبخشيش :shy: