نفتقد لمدينة ألعاب كبيرة لأبنائنا بالدولة

[أبو سعود]

كانت توجد مدينة ألعاب كبيرة أسمها مملكة علاء الدين ,أفتتحت عام 1993 تقريبا .

وكان عليها أقبال من الجماهير , ولكن لظروف ما ألغيت .

وعندما نجلس مع الأهل والأصدقاء لنحدد إلى أين نأخذ الأبناء لمدينة كبيرة , للأسف لا نجد .

اللي نشوفة حدائق عامة بها ألعاب بسيطة , وصالات العاب لشركات خاصة , هدفها الربح المادي وبها ألعاب بسيطة ومتوسطه , لكنها تستنزف أموال الاسر , خاصة أذا كان عندهم عدد كثير من الأبناء

لكن ما هو الحل ...

الحل لدى البعض هو الذهاب الى الدول المجاورة أو الدول الاخرى بها امكانيات سياحية يستمتعون بها .

اما اللي ماعندهم استطاعة ماليه فإنهم يستسلمون للأمر الواقع بالبقاء بالدولة يفرجون عن أنفسهم بقدراتهم الخاصة .

وبنفس الوقت يتعجبون من التصريحات الرنانة عن الأماكن السياحية بالدولة والتي تنصب أكثرها لصالح المقيمين .

نأمل ونأمل مرة أخرى أن تقام مدينة ترفيهية كبيرة بالدولة يستفيد منها الكل .

[Locale]

اي واالله تمللنا انودي عيالنا لجنغل زون وفيلاجيو ومانطلع الا راسنا مصدع من الاصوات
نبي العاب على مستوى وتكون مفتوحه مب ضروري تكون مثل ديزني لاند
عالاقل مثل جنتق << مب طماعه :)

[الحياة الخالدة]

أنا مادري شنو اللي ناقصنا عشان يسوون مدينة ألعاب مثل العالم و الناس
من أغنى دول العالم .. و لين بغوا يسوون شي سووه .. بس مادري شنو السر
ماغير يجيبون لنا من هالفنانين و المطربين المتردية و النطيحة و مطيرين عليهم الملايين

[سعود العمادي]

السلام عليكم
صادق اخوي قبل كان عندنا مدينة العاب ( علاء الدين ) والاقبال كان كبير عليها
لكن الحين مافي ولا حتى نص مدينه خخخ كلها بسيطه للاطفال !!
خل يسون مثل ابوظبي عالم فراري للكبار والصغار او قرية عالميه مثل دبي
عالاقل الواحد يحصل له مكان يستانس فيه
ويعطيك العافيه

[qatari911]

ايام حلو كانت ايام علاء الدين
مع انها ماكانت متكاملة من كل شي
بس كانت روعه بس شنقول
اما عن بناء المدن الترفيهيه

اذا بيسون مدينة ترفيهي متكامله فأتمنى هالشي
لكن اذا بيسون نفس اكو بارك او الالعاب البدع والالعاب الرخيص لمجرد اسكاتنا مانبي شي
لكن ربعنا يحبون الرخيص ويحبون نص الفلوس تكون في الجيب ويحبون يسون حفلات في سوق واقف وغيره ويصرفون مبالغ خياليه
وشي ثاني المدن الترفيهي شي رائع ولكان لازم مبالغ خياليه علشان الجودة والامان
لكن ربعنا يحبون الرخيص ويحبون نص الفلوس تكون في الجيب ويحبون يسون حفلات في سوق واقف وغيره ويصرفون مبالغ خياليه
عندك الامارات مدينة فراري وعندك وايلد وادي
وعندك في فلوريدا ديزني لاند <<<<<هذا المدن الترفيهي العدله
وعندك ماليزيا صن واي لاقون
وغيرها الكثير
اشكرك على طرح هالموضوع

[العلم]

نعم صحيح .. محتاجين لمدينة العاب ضخمه ومتكاملة ..


حتى يكون فيها العاب للكبار ..


موضوع ممتاز وجميل .. :nice:

[ولي العهد]

سمعت منذ مبطي والعهده على الراوي في ذاك الوقت ان هناك مدينة العاب كبيره جداً ومساحتها كبيره وأنواع الألعاب ومنها الشاهقة الارتفاع ولكن قيد الدراسة

[R 7 A L]

أطفال هذا الجيل ما يبون ملاهي
يبون كتارا وسوق واقف وحفلاته

[النهار]

أطفال هذا الجيل ما يبون ملاهي
يبون كتارا وسوق واقف وحفلاته


هذا هو زبدة الكلام
وزيد عليهم المجمعات التجاريه وفر من شارع الي شارع بدون سبب اوهدف
مملكة علاء الدين الي تتباكون عليها اخر 3 سنوات ماكانت تجيب اجار العمال
شبه خاليه طوال العام قبل ازالت علاءالدين ذهبيت مع هلي والله كنا حوالي 4 او5 عوائل
والمكان صار موحش ( جنه من غير ناس ماتنداس )

[عيون الدوحة]

في مدينة ترفيهيةً بتكون في الوسيل

[حمد 2002]

مدام عيال الوزراء والمسؤؤلين كل سنه يلعبون في ملاهي والعاب اوربا مرتيين ، واتحصل كل الألعاب الالكتروننيه في بيوتهم موجوده ،،،،

و اعيال الفقاره لهم الله

[شميرام]

وحديقته حيوان

[النهار]

وحديقته حيوان


ادخل على هذالرابط




http://www.qatarshares.com/vb/showthread.php?t=521538

[khalid525]

سووا من قبل مدينة ترفيهية والعالم راحت لها كم يوم وتركتتها ، احنا للاسف ملولين بطبعنا ، عموما راح يتم انشاء مدينة ترفيهية بأذن الله في منطقة لوسيل ، وطبعا في الاخير كالعادة ما راح نشوف فيها اهل قطر مثلها مثل باقي المشاريع ،

[لاجل QT]

كانت عندنا مملكة علاء الدين

المشكلة الجو عندنا مايساعد ابدا لوجود منطقة العاب مفتوحة

اعتقد المشكلة في الجو الحار

[النهار]

سووا من قبل مدينة ترفيهية والعالم راحت لها كم يوم وتركتتها ، احنا للاسف ملولين بطبعنا ، عموما راح يتم انشاء مدينة ترفيهية بأذن الله في منطقة لوسيل ، وطبعا في الاخير كالعادة ما راح نشوف فيها اهل قطر مثلها مثل باقي المشاريع ،

يوم الافتتاح طق نعل وبعدها بمده الكل يشتكي اما الاسعار اوالجوده وتحصلها خاويه على عروشها

[حميداني]

محتاجين مدينة العاب ما تجيلها كل ثلاث تشهر هي نفسها ما تغيرت الا تحصل حالك تفقد الالعاب
لعبه ورى لعبه كل اسبوع تخترب وتنوضع على زاوية الاهمال

نبي فعاليات نبي استقطاب للناس مش تفتح ملاهي ممله مافيه حياه بعدها تتعذر انه ليش انتو ما اتيوون
اجذبو الناس اتحصلونهم يجونكم ركيض

اعدلو بالاسعار ولا تطمعون اعدلو بالمطاعم الداخليه ولا تنصبون وسعو المواقف وكفاكم
بخل بموضوع البوابات ... حطو بدل الشباك خمس او ست ووسعو المداخل الله يوسعها عليكم دنيا واخره

اغلاطهم اغلبها تافهه , وشجعو بكوبونات للمدارس الصبح مافيه شي انرفه عن اعيالنا 5 ولا 6 مرات
في السنه ..احنا بندفع , ما نطلب من المدارس شي

ان كان في عيب فالعيب من الاماكن الترفيهيه ولا هم ما يختلفون عن اي مكان ترفيهي في العالم
يا اما العابهم قديمه وبايخه ياما معصقله ياما الاكل غالي ياما الامن فيها ضعيف واسباب كثيره تقع على عاتقهم


نحتاج مدينة ملاهي كبيره ولا لا ؟

أكيد نحتاج والافضل اتكون مجابله لمنطقه مائيه ... يا عالم قطر شبه جزيره في منطقه استوائيه
الماي وهالالعاب المفروض تكون اسهل شي نتمكن منه ومافيها شي ان خليناها ما بين مائيه والعاب عاديه

حرام مهملين هالدور القوي في السياحه
ثلاث ترباع السياح ما يطلعون من بلادهم الا من حنة اعيالهم حق الالعاب

[فرهود]

مدينة الالعاب في الستي واللاندمارك والجنغل زون وفيلاجيو كافيه وخصوصا جونا مايساعد على مدن العاب مفتوحه والدليل مملكة علاء الدين كانت فاضيه محد يدخلها اكثر ايام السنه .

[بونووف]

هههههه اخبر مريت على الكورنيش الا اشوف اليهال يلعبون فالات الرياضيه الي توهم مركبينه اقلبوها مرجيحه هههههه

يوم ابتدو يبنون مشروع القصار مع فندق سانت ريجس توقعت بتكون مدينة ملاهي كبيره مع مدينة مائيه لانه مكانه عالبحر بس للأسف .. يحلمون ..

نحتاج فرع من 6 flags او ديزني ويفتحونه برع الدوحه مقابل اكوا بارك عشان اذا حر تروح اكوا بارك تاخذ شور سريع هههه

بس صج محتاجين مدينه ترفيهيه وتكون برع الدوحه عشان ياخذون راحتهم بالحجم

[qatarman8008]

اهل قطر مساكين..

اذا يبون يشمون هوا.. يسافرون برى البلاد..
اذا يبون مدينة العاب للعيال..يسافرون برى البلاد..
اذا يبون شاليهات .. يسافرون برى البلاد..
اذا يبون علاج.. يسافرون برى البلاد..
حتى اذا يبون يتشرون او يتسوقون..يسافرون برى البلاد..

[كازانوفا]

أطفال هذا الجيل ما يبون ملاهي
يبون كتارا وسوق واقف وحفلاته

مش مشكله هم
المشكله انو احنااااا الكبار نحتاج لملاهي لنروج عن انفسنا يااار حال :nice:

[ابن الرومي]

المشكلة من هيئة السياحة والمعارض
تقدمت بعمل كذا مهرجان في الربيع والاعياد
لمدينة الالعاب يجون من اوروبا
وعندهم لا الطلب مرفوض بدون اسباب
مع العلم الدعم المالي انا متكفل به دون دعم
والخبره موجوده

[SOONALL]

بيفتحون مدينة العاب كبيرة في مدينة لوسيل بس بتخلص 2030

[الأصيلة]

أطفال هذا الجيل ما يبون ملاهي
يبون كتارا وسوق واقف وحفلاته
كلام غير صحيح وابتلاء على الأطفال،،،
ماتشوفون السفر لدبي وأبوظبي وديزني والبلاد
اللي فيها مدن ترفيهية،،،،
حرام الأطفال يحتاجون ترفيه ومكان ينسون فيه الآي باد والتليفونات ،،،
ما حدهم على كتارا وسوق واقف إلا عدم وجود مكان يناسبهم،،،،
وبعدين ها الأماكن ما فيها إلا مراهقين
مب أطفال تحت ال 12 سنة،،،

[ام السعف]

أطفال هذا الجيل ما يبون ملاهي
يبون كتارا وسوق واقف وحفلاته

لا ما يبون هالأماكن ،، والدليل ان عيونهم تطلع لو خذتهم لدول الجوار
و وديتهم اماكن العاب ،،

:(

[ام السعف]

بيفتحون مدينة العاب كبيرة في مدينة لوسيل بس بتخلص 2030

الحمدلله لحقت على حقبة علاء الدين

تذكروني بالخير عندما تغيب الشمس خلف الاطلال :weeping:

[معماري قطري]

كانت عندنا مملكة علاء الدين

المشكلة الجو عندنا مايساعد ابدا لوجود منطقة العاب مفتوحة

اعتقد المشكلة في الجو الحار


ملاعب كاملة تكيفت .. ألحين كل شيء سهل وحتى التنقل لمسافات طويلة في هالمدن الترفيهية.

انا أتمنى تنعمل حديقة كبيرة تكون سفاري بارك متطورة، وتكون جزء منها مدينة ألعاب متكاملة، وتكون هذي المنظومة في محمية كبيرة فيها كل عوامل الترفيه، وحتى الدخول للمحمية أو السفاري بارك يكون بالسيارات الخاصة وبحيث تمشي السيارات بسرعة محددة وفي مسارات محددة ومراقبة بالكاميرات، وفي حال أي مخالفة تكون هناك غرامة رادعة تدفع قبل الخروج من الحديقة.

كما تكون هناك واحات للنزول والإسترخاء ومشاهدة بعض الحيوانات، وبعض الحيوانات الخطرة تكون لها أماكن خاصة، فيجمع هذا المكان بين كل عوامل الترفيه في مكانٍ واحد.

[Azorex]

ملاعب كاملة تكيفت .. ألحين كل شيء سهل وحتى التنقل لمسافات طويلة في هالمدن الترفيهية.

انا أتمنى تنعمل حديقة كبيرة تكون سفاري بارك متطورة، وتكون جزء منها مدينة ألعاب متكاملة، وتكون هذي المنظومة في محمية كبيرة فيها كل عوامل الترفيه، وحتى الدخول للمحمية أو السفاري بارك يكون بالسيارات الخاصة وبحيث تمشي السيارات بسرعة محددة وفي مسارات محددة ومراقبة بالكاميرات، وفي حال أي مخالفة تكون هناك غرامة رادعة تدفع قبل الخروج من الحديقة.

كما تكون هناك واحات للنزول والإسترخاء ومشاهدة بعض الحيوانات، وبعض الحيوانات الخطرة تكون لها أماكن خاصة، فيجمع هذا المكان بين كل عوامل الترفيه في مكانٍ واحد.

:nice::nice::nice::nice:

[مريش]

أطفال هذا الجيل ما يبون ملاهي
يبون كتارا وسوق واقف وحفلاته

صحيح بس من حدهم على هالشيء !!
الدولة والسبب قلة الاماكن الترفيهيه في دولتنا العزيزه

اذا كل الالعاب بالمجمعات اكيد الاهل يضطرون يودونهم مجمعات

ايامنا مانفكر الا بسناء وعلاء الدين لان ماعندنا غيرهم

انا كشاب والله العظيم اعاني من وقت فراغ
اتمنى مدينة ملاهي حتى على مستوى الكبار تكون

[فرهود]

الحمدلله اطفالنا عايشين في نعمه وامان .مب وقت التفكير في مدن الالعاب والدلع الموقف صعب واطفال المسلمين في سوريا يموتون من الجوع والقصف والبرد .اللهم لك الحمد على النعمه وبس يارب لاتنقم علينا .

[تغلبية]

كفاية ترفيه ياناس.......!!!

صارت دورة حياة الاطفال مدرسة ملاهي ايباد نوم .. مدرسة ملاهي ايباد نوم !!!

ما نقول غلقوا عليهم .. بس في نشاطات تستوي هم يستمتعون فيها أكثر من اي شي

نشاطات حياة كل يوم .. بما فيها الطبخ اللي يشتكون ع البنت انها ما تعرف تسوي شاي كرك
خلها تدخل المطبخ .. الام والبنت والولد .. ويساعدونها .. تسوي لهم عجين يلعبون فيه والا يسوون بسكوت .. وياكلونه علشان يتعزز عندهم قيمة العمل اليدوي
بس لان الاهالي اعجزوا عن نفسهم فماعندهم بارض لعيالهم

والسموحة .. ادري ان الحقيقة تعور