سؤال لأهل الخبره ضروري لو تكرمتوا ؟! [الأرشيف]

مشاهدة النسخة كاملة : سؤال لأهل الخبره ضروري لو تكرمتوا ؟!

الضمين

20-02-2013, 09:57 PM

شموخ دائم

20-02-2013, 10:27 PM

,

,

مرحبا

اخوي الكريم

الموضوع واضح جدا

دام انه بعث المندوب يعني المالك والاستشاري بينهم حساسيات الحين
:)

بسيطه ان شاء الله

صديقك مسوي عقد اشراف بمبلغ شهري وبعد مرور سنه ( اخل ) بالاتفاق
وقف العقد !! استكثر المبلغ او حس ان البيت مطول !! او المراحل المهمه انتهت
خاصه الصبيات !! مهما يكن السبب العقد اصبح ملغي

والاستشاري وافق وهو عارف انه في الاخير بيرجع له ( لاتمام البناء )
ولان هو يطلب مبلغ لان العقد ملغي
وهناك اتفاق اخر على ( الختم للدفعات فقط )
واتمام البناء ليس من ضمن هذا الاتفاق الجديد

اعتقد الاستشاري معاه حق بهذا الطلب
لكن الملبغ كثير
المفروض يوصل معاه الى اتفاق
( 1500 ) ريال مبلغ مناسب

لان لو راح استشاري أخر بيطلب مبلغ اكبر
واحيانا ما يوافقون لانه مايعرفون البيت كيف تم بنائه
وهذا فيه مسئوليه على المكاتب الاستشاريه

الاحسن يتفق مع استشاريه على 1000 او 1500
ويرتاح

,

,

اخوك

شموخ دائم

الضمين

20-02-2013, 10:52 PM

هلابك أخوي شموخ دائم

مشكور على الرد :)

والصراحه كلامك مقنع
لكن بعد الاستشاري ماله حق يحدد المبلغ
يعني ياتعطيني المبلغ اللي ابيه ولا ماراح اختملك ؟!

وأنا كان استفساري بخصوص هالنقطه هل كل المكاتب يأخذون نفس المبلغ ولا لا

وانت جزاك الله خير وفيت وكفيت بالرد

زين الحين إذا المالك مارضى بهالمبلغ أو الاستشاري صمم على ال 2500 ومارضى ينزل

وشو الحل ؟! هل فيه إجراء أو جهه معينه تفصل بين المالك والاستشاري

الضمين

21-02-2013, 02:12 PM

زين الحين إذا المالك مارضى بهالمبلغ أو الاستشاري صمم على ال 2500 ومارضى ينزل

وشو الحل ؟! هل فيه إجراء أو جهه معينه تفصل بين المالك والاستشاري

Chambray

21-02-2013, 06:19 PM

تكلمت في هذا الموضوع
ورفعته لحماية المستهلك

وطلع الحق مع الاستشاري

ودفعت 2500 وانا اضحك

بس لحد الحين منقهرررررررر منه

معماري قطري

22-02-2013, 01:36 PM

تكلمت في هذا الموضوع
ورفعته لحماية المستهلك

وطلع الحق مع الاستشاري

ودفعت 2500 وانا اضحك

بس لحد الحين منقهرررررررر منه

واحد يقنعني بفتح مكتب إستشاري من هذا النوع .. مكتب سمسره إستشارية .. ويقول هو فتح وإضطر يسكر لأسباب ثانية .. يقول أول شهر جووه 10 بس يبون ختم .. وهو كان يدفعهم على الختم بس 1500 يعني 15000 في الشهر .. يقول تسد الإيجار وجزء بسيط من الرواتب.

بس هذي الأتعاب تكون المفروض أتعاب زيارة المهندس للموقع والتأكد من المبنى وحالته العامة، وعلى أسعار هالأيام أشوفها 2500 معقولة وأقل ما يمكن، وإذا عندك مكتب استشاري متابع من البداية هو مسؤول عن الختم وحتى بدون زياره بس من واقع زياراته السابقة، والمفروض يختم حتى لو عقده منتهي الا إذا كان من قليلين الذمة واللي يبون يلهفون في كل شيء.

معماري قطري

22-02-2013, 02:04 PM

السلام عليكم

الموضوع باختصار

واحد من الربع يبي يختم من الاستشاري إتمام بناء
طرش المندوب للاستشاري وقاله الاستشاري أبي 2500 علشان اختملك

مع العلم ان رفيقي كان يعطي الاستشاري كل شهر ولما كمل سنه وقف واتفق مع الاستشاري انه يعطيه 500 ريال عن كل ختم لللدفعه

طبعا أنا ماعندي خلفيه عن هالامور أنا مقاولي هو اللي خلص كل الإجراءات
فقلت أسألكم لان ماشاءالله من متابعتي للمنتدى فيه ناس عندهم خبره في هالسوالف

يا اخوي الحكومة سوت نظام يضمن حقوق الكل .. المالك والاستشاري والمقاول .. وإذا المالك أخل ببند مهم وهو متابعة الإستشاري الدائمة أُسبوعياً أقل شيء زيارة وزيارات في وقت الفحص وأثناء الصب ووقت ما قبل الصب .. هذا غير عن الإجتماعات في المكتب ومتابعة تنفيذ المواصفات واحضار العينات والموافقة عليها من مواد غاية في الأهمية كالكهربائية والعزل وغيرها .. إذا المالك فاهم أكثر من اللازم وبيتابع مع المقاول بروحه وتوافق معاه الإستشاري من تحت الطاولة .. بدون عقود رسمية على الختم وهو مغمض بدون زيارات وبمبلغ زهيد ومؤكد بدون عقد مكتوب .. لأن في حالة العقد المكتوب ممكن المالك يشتكي على المكتب والمفروض يتسكر المكتب لو ثبت عليه هالشيء وما يثبت الا بعقد مكتوب.

زين هذي النوعية من الملاك " اللي فاهمين وايد " يركزون على بس تخليص المعاملة ويحطون رقبتهم وبنيانهم الكامل تحت رحمة المقاول .. والمقاول يوفر مبالغ كبيرة من التجاوز اللي المفروض يكشفه الإستشاري " الفهلوي أوي " .. إذا كان بعد فاهم .. قصدت هذي النوعية من الملاك يساعدون على دمار مشروعهم وعلى إنتشار فوضى مكاتب الإستشارات السمسارية .. اللي شغلها توقع وبس وما تدري شالسالفه .. ويكون فيها البطل واحد بس بطولة الرجل الواحد .. برعي ولا حسنين .. وهذي الطريقة تنتشر في المجتمع ويكون المكتب السيء والمهندس البطل هو اللي يستقطب المشاريع كلها والمكاتب الزينه أما تشتغل شغل كبير مع الحكومة أو تقفل بيبانها، والمكاتب الزينة يكونون فيها أبطال فلم كامل وتخصصات قوية ولكل تخصص مهندس أو عدة مهندسين شغالين بذمة، ولو ما حصل هذا المكتب شغل بسبب برعي وربعه بيفلس وبيسكر وبتستوي مبانينا أي كلام والبلاوي الكهربائية والميكانيكية بتطلع أول بأول والبلاوي الإنشائية بتطلع مع مرور الوقت .. من شلوخ وتسريب مياه وغيره.

المقاول في حالة اللي صاير هو الرابح الأكبر لأنه لا حسيب ولا رقيب والمالك يوفر مبالغ تافهة لو حسبناها على استشارات متكاملة من مكتب محترم لنفترض بمبلغ 4000 أو 5000 في الشهر، وعلى عمر المشروع اللي هو في الغالب في حدود سنتين بتكون بين 96000 و 120000 وهي يمكن تقل كثير عن 6 أو 8% من قيمة عقد المقاولات.

لمن حب يستفيد أكثر في ترتيب العقد يقرأ هذا الموضوع ...

http://www.qatarshares.com/vb/showthread.php?t=536017

بن غيث

22-02-2013, 05:15 PM

يعطيك العافية معماري ..

بالنسبة للمبلغ .. طبعاً مبالغ فيه .. 500 وايد عليه
والشكوى على المكاتب الاستشارية .. في التخطيط العمراني .. لجنة تأديب المكاتب الهندسية
وبالنسبة للمقاوليين .. تكلمنا عدة مرات لجهات حكومية بأنشاء لجنة او ادارة مسئولة عن اعمال المقاوليين ومتابعة شؤونهم واعمالهم وتحل الامور وديا بين اطراف البناء وتحول الامور الغير متفاهم عليها الى جهة الاختصاص القضائية وتكون ذات صلاحيات ويكون تنسيق بينها وبين وزارة العمل ووزارة الداخلية وتكون تابعة لوزارة الاسكان ..

حسام سلامة

01-03-2013, 11:19 AM

تختلف من شخص لاخر