سوال عاجل عن اتمام البناء .؟

[أنا]

السلام عليكم .. شباب كم يوم احتاج عشان اخلص اتمام البنا البيت اوصلته التمديدات من كهرما وباقي يركبون الساعه وتدخل الكهربا طرشت المندوب للبلديه يخلص اتمام البنا طرشوة التخطيط عشان التقرير المساحي .. ارجوا من ذوي الخبره الرد العاجل كيف اخلص اوراقي باسرع وقت :weeping:شكرا

[شموخ دائم]

,

,

مرحبا


اتمام البناء ياخذ شهر تقريبا الان بعد ما حطوا تقرير المساحي

الاسرع لك تجيبون شركه على حسابكم
1500 ريال
ويخلصون التقرير المساحي لكم في 3 ايام
وتاخذون الاوراق للبلديه التابعه لكم
وتخلص ان شاء الله خلال اسبوع
اذا مافي شي بالبيت يعيق اتمام البناء

مثل تنظيف امام البيت من مخلفات البناء حجاره او اخشاب او رمل
ويكون البيت راكبه الابواب او بعضها والشبابيك وعازل الماء
ويكون البيت مصبوغ من الخارج ومن الداخل مو مهم
حتى لو على المعجون مافي مشكله



,

,


اخوك


شموخ دائم

[أنا]

الله يجزاك خير اخوي
ساعدني وشهي الشركات المعتمده للتقرير المساحي مو مهم الفلوس ابي اخلص بسرعه ما توقعت اتمام البنا هشكل يتاخر بيتي مشطب كامل 100% من صبغ وسيراميك وحمامات حتى ثريات ركبت انا محتاج اخلص اتمام البنا خلال 3 ايام ابي اجيب شركة تغسل البيت وانزل والله محتد على البيت

[المنسى]

يا أخي الموضوع مهم بالنسبه لي وانا ادور حل ما في داعي نقلب الموضوع غشمرة ورسوم متحركة

مرحبا اخوى اى بلديه تابعين لها

[Chambray]

هلا الغالي ..
اول شئ تروح البلدية الي انت تابع لها

وتاخذ منهم اوراق اتمام البناء

طبعاً بيعطونك اوراق ( للاستشاري ) واوراق ( للمقاول ) وورقة ( لكيوتل ) وورقة ( للصرف الصحي )
وكل ورقة تعطيها الجهة المختصه لها
الاستشاري خلص اوراقه
والمقاول يخلص اوراقه
وتودي ورقة كيوتل ( للمبنى الي مقابل القطرية عند المطار ) وتنتظر لين يروح المفتش ويشيك ويختم على الورقة وتروح تاخذها

وورقة ( الصرف الصحي ) تودها اشغال الي عند السوق المركزي ( يطلع المفتش ويشوف البيبات الخاصة بالصرف الصحي ) ويختم على الورقة واليوم الي بعده تستلم الشهادة

وورقة ( لقسم التنظيف في البلدية ) يجيك المفتش يشيك على النظافة من مخلفات وغيره
( لاحظ ان حتى درامات الصبغ الفاضيه ) راح يرفض معاملتك ، لازم يكون البيت والحوش نظيف حتى من الصقالات ..

وآخر شئ تاخذ الشهادات
مع الاوراق الي خذتها من الاستشاري والاوراق الي خذتها من المقاول

وتوديها البلدية الي انت تابع لها

ويجيك مفتش من البلدية ويشوف الصبغ والارتدادات وكل شئ .. ويوافق او لا ..

اذا وافق على كل شئ ( ختم على الورقة ) وكلها 3 ايام تستلم شهادة اتمام البناء بعد دفع الرسوم ..

يعني يبيلك في كل الحالات ( من اسبوعين - لين شهر ) لين ماتخلص كل الاجراءات

ثم بعد اتمام البناء تودي شهادة اتمام البناء مع شهادة ضمان العازل المائي ،، وتوديه لكهرماء ..
عاد انتطرررر اذا ماحفروا انطر شهرين لين مايحفرون ويلحمون لك الكيبل
وبعدها انطر المفتش يشيك على الكهرباء
لكن مفتش الماء مايحتاج الا اسبوع - اسبوعين لين مايوصل لك الماء ان شاء الله ..

امورك ان شاء الله طيبه .. بس يبيلك صبر وطوله بارض

والله يسهل عليك ان شاء الله ..


انت في اي بلدية : اذا الريان امورك طيبه ان شاء الله وسلسين مع الناس
اما اذا انت مع بلدية ( الدوحة ) ربي يعينك عليهم وعلى غثااهم وايد متشددين

[أنا]

جزاكم الله خير
لكن يا شباب انا خلصت مع كهرما حفروا ومدوا الكيبل وجا مفتش من كهرما وكل شي تمام باقي بس يركبون الساعه مالت الكهربا وتدخل الكهربا والماي للبيت بس قالوا لي جيب اوراق اتمام البنا وما توقعت اتمام البنا ياخذ شهور من يومين طرشت المندوب للبلديه اللي بيتي تابع لها طرشوة للتخطيط عشان تقرير المساحة جذيه يعني بتعطل في التخطيط :weeping:

[Chambray]

جزاكم الله خير
لكن يا شباب انا خلصت مع كهرما حفروا ومدوا الكيبل وجا مفتش من كهرما وكل شي تمام باقي بس يركبون الساعه مالت الكهربا وتدخل الكهربا والماي للبيت بس قالوا لي جيب اوراق اتمام البنا وما توقعت اتمام البنا ياخذ شهور من يومين طرشت المندوب للبلديه اللي بيتي تابع لها طرشوة للتخطيط عشان تقرير المساحة جذيه يعني بتعطل في التخطيط :weeping:

وش دخل المندوب ؟؟ لازم الاستشاري هو الي يخلص هالامور .. والمقاول بعد له دور .. انت الي عليك تستلم اوراق من الاستشاري واوراق من المقاول .. مع الاوراق الي قلت لك عنهم .. وتروح البلدية مع الشهادات المختومه . وامورك طيبه ان شاء الله ..

[أنا]

بس لازم تقرير مساحي يا اخوي ولا ما يعطوني اتمام البنا والاستشاري والمقاول قالوا ما لنا خص المالك يروح يخلص اتمام البنا

[قطري قديم]

اخوي باطرش لك رقم شركة مساحيه