مبروك على الطلاب ...فتكيتو من الشنطه

[jassim69]

هذا فيديو تطبيق الحقيبه
http://ysv.me/223975

أعلن المجلس الأعلى للتعليم عن بدء المرحلة الأولى من مشروع الحقيبة الإلكترونية، الذي يهدف إلى توفير جهاز حاسوب لكل طالب ومعلم يحتوي على مصادر تعليمية إلكترونية وتطبيقات ومحتويات تربوية تتناسب مع معايير المناهج القطرية.

وكان من أهم التجهيزات التي سبقت تنفيذ المشروع، عقد اجتماعات تحضيرية مع مديري ومنسقي عشر مدارس مستقلة، ستبدأ تطبيق المرحلة الأولى من المشروع اعتباراً من بداية الفصل الدراسي الثاني من العام الحالي.

[النجلا]

عمرهم مابيتطورون ؟؟؟؟

اللي يبي يتطور يوزع لاب توبات جديدة مب لاب توبات عفآ عليهآ الدهر ومغبرة مطلعينها من المخزن وموزعينها عالطلاب وبعضها مايشتغل إلا أذا كان عـالجرج !!!

[(محمد)]

https://encrypted-tbn1.gstatic.com/images?q=tbn:ANd9GcTe0miv33ZmE5J87CNhcKsQIe7_0N_4T mR4VEZyJF9jGQrDiA99xg





هذي المرحلة الاولى والأخيرة بعد سبعين سنة


بنتي انكسرت رجولها من هالشنطة والكتب والملازم والخرابيط ... الله يرزقني واطلع عيالي من مدارس المجلس الأدنى

[مشاكل]

طيب واللي يبي يدرس عياله شلون ؟ مافي كتب او ملازم او مذكرات ؟

[intesar]

لازم معاها كتب تكون بالبيت..
مادري المشروع هذا متطور لكن لدي ألف خوف وشك..
وسبب آخر مشاريعهم دووم حلوة لكن التطبيق عليها ألف وألف اكس..
يالله سترك..

[مشاكل]

ياليت كل مشروع او تجربة تطويرية يتم تطبيقها على مجموعة من المدارس قبل تعميمها ،،، تفادياً لأي أخطاء محتملة ،،،

[intesar]

طبقوها على بعض المدارس..

[qatari 111]

بدايه طيبه .. وتفائلو بالخير ..

والحين راح يتم تجربتها على 10 مدارس .. اذا الفكره انجحت راح يعممون عالمدارس كلها .

احسن من الكتب والشنط اللي اكسرت ظهور عيالنا .

[مشاكل]

ممتاز
تطبيق التجربة في مجموعة من المدارس خطوة في الطريق الصحيح

[الخزرجي قطر]

اشوف انها خطوه ناجحه بيفتكون الطلاب من حمل الشنط والكتب

[باراكودا]

أهم شىء محتوى الحقيبة يكون مفيد وأتمنى التوفيق للقائمين على هذه التجربة الجديدة
والى الامام دائما يابلادي .

[vip-30003]

الله يجزيهم خير للي فكرة وسعى لتطور

ولووو سمحتوا تفائلوو ان اعيالكم شلوو كتبوا ما عجبكم وان ماشلو ماعجبكم

اللي متاكد منه المجلس بوفر جهاز مايكروسوفت اللوحي لكل طالب

جهاز متطور جديد قيمتة احتمال الفين افضل من الايباد لان فيه مميزات اكثر

بدال مايقول الطالب نسيت كتابي او الدفتر خلووه اكتروني

ونظام ال ام اس والله راقي لو يتفعل بالشكل المطلوب

لكل طالب ومدرس واداري وولي الامر يوزر نيم وباسوورد

يدخل صفحة ويقدر ولي الامر يتابع ولده يومياً بأي مكان

وكل مدرس وكل اداري بسجل الملاحظات على كل طالب

كا نظام ممتاز وانا متفائل

تفكير حلو انك تدخل من باب يحبه الطالب الاجهزه الاكترونية

ملووو من الاوراق والكتب

[حمد 2002]

مانبي ايطبقونها ، طلابنا من حقل تجارب ، ايطلعون ابتكاراتهم وتجاربهم عليييهم

[التيما]

من قال مافي كتب ودفاتر وواجبات !! هههههههههه هاي كله في بس معاه ايباد زياده صدقوني .. أتكلم من علم بالموضوع

[khalid525]

خطوة جيدة وكنا ننتظرها ، الله يوفقهم وتكون هالخطوة ايضا مفيدة للمدرسين وتخفف العبء اللي عليهم .

[Amigo]

كل شي صار بالايباد الحين المناهج لكل المراحل في
دوله الامارات الحبيبه صارت في الايتونز يعني لاعبالة اوراق ولا كتب
لكن ربعنا جنغل مايعرفون الايباد الا حق اللعب

[لاجل QT]

اذا وجدت المتابعة من ولي الامر مع ابناءة باذن الله موضوع الحقيبة الالكترونية ناجح...لان من عناصرها التواصل مع ولي الامر
اهم شي متابعة ولي الامر

[الأصيلة]

ياليت والله يتم تنفيذ المشروع،،
عيالنا صادتهم مشاكل كثيرة في العمود الفقري
والأكتاف والعظام والعضلات من ها الأثقال اللي يشيلونها يوميا،،،،،

[vip-30003]

بعض الناس تفكيرها ضيق ومحدود والكل يفكر بنفسه

ادارات المدارس تتعب من فقدان الكتب بشكل يومي او نسيانها في البيت

هذا اهمال الطالب واذا جاب الكتب ولي الامرررر يقول ارهاق على ولدي واثقال

وبعدين يعني !!!!! واذا عاملنا كل الطلاب بشكل راقي ووفرنا لهم الخزاين

راح نص الطلاب استغلهااا بشغلات ممنوعه في المدارس اهمها الجوال

فا يحضر الطالب الجوال ويحطه بالخزانه اللي وفرتها له المدرسه للكتب

ومرات غير الجوال مثل السويكه ووو

فا تقوم المدارس بالغاء الخزائن

عندكم حل غير التعليم الاكتروني ؟؟؟؟ غير الايباد ؟؟؟؟

صدق من قال ارضاء الناس غايه لا تدرك

وظيفة المعلم او اداري في المدارس من اصعب الوظايف

اذا ماحصلنا دعم من ولي الامر او من المجلس الاعلى

لازم بنمل بنزهق بنطلع من المدارس

تخيلووو كل مدارس قطر معلمين اجانب واداريين

ما ابالغ اذا قلت اكثر من يغلط ويضرب الطلاب هالفئة حالياً

الكلمه الطيبه لها اثر كبير وخلونا متفائلين دايما

نص ردود الاعضاء اتقصر العمرررر

غير اذا تكلموووا وهم بعيد عن التعليم والمدارس

وغير اذا كانووو بوسط المعمعه

[المنسى]

الحين بيكدون خير دكاتره العيون والنظارات الطبيه

[Amigo]

كحلو عيونكم

http://www.safeshare.tv/w/broOjOPpYN

http://up.graaam.com/uploads/imag-6/upload7bf75ad924.gif (http://www.graaam.com/)

http://up.graaam.com/uploads/imag-6/upload5046df6537.gif (http://www.graaam.com/)

مافي شي يمنع التقليد دام في استفاده :omen2: