لماذا الناس تذهب الى الخاص

[بنت قطريههه]

السلام عليكم ورحمه الله اغلب الناس يذهب الى العيادات الخاصة الغني والفقير كل على قدر استطاعته. هل هذا بسبب التقصير في المستشفيات الحكوميه. ام طول المواعيد ام عدم المراقبة والمحاسبة على التقصير. الملاحظ اتجاه الناس للخاص وخاصه الأسنان فإلى متى هذه المعاناه الموضوع قابل للنقاش العقلاني بدون التجريح جزاكم الله خيرا

[أخت الكل]

خاص او عام ما تفرق أختي المقياس هو شطارة الدكتور واذا كان المشكلة خطيرة انا من الناس اللي اروح لاكثر من دكتور علشان اتاكد من التشخيص لكن الأولوية لمستشفى حمد

[R 7 A L]

الاسنان في الرميلة تطول يمكن بعد ست شهور


بالنسبة لاتجاه الناس للخاص
لان الدكاترة في الخاص ممتازين ومراقبين ويعملون بجد واجتهاد اولاً للحفاظ على سمعه و أسم المستشفى وثانياً للمحافظة على اسمائهم

اما في مؤسسة حمد للاسف اغلب الدكاترة توهم جدد خريجين والبعض منهم يشغل السنتين الاولى في حمد حتى يحصل على الترخيص الدولي لمزاولة مهنة الطب وبعدها يسحب على المؤسسة بأكملهـــا ويسافر للخارج للعمل بشهادتة التي حصل عليها من مؤسسة حمد الطبية المعترف بها دولياً .

[ريتويت]

الخاص احسن

[MAZEN37]

بالنسبه لي الوقت

[نوار قطر]

صباح الخير

شوفي حبيبتي الواحد مافيه شده بيقعد ينطر مواعيد مستشفى حمد الي اتم بالشهور ،،، خاصة اذا الحاله مستعجله ،، يعني مثلا واحد مكسر يعطونه موعد عقب شهر ولا شهرين ليش ،،، شاللي يحد المريض انه ينطر هالنطره ،،، شاللي يحده يستحمل الالم لين موعده،، والله الفلوس موجوده والناس في خير ونعمه والواحد يشتري راحته وصحته بدال مايقعد يتألم وينطر ،،

[Falcon7]

الاجراءات اسهل و اسرع

[القبطان سلفر]

في الخاص يحس المريض بأنسانيته عكس العام .

[نوار قطر]

في الخاص يحس المريض بأنسانيته عكس العام .

قصدك يدلعووونه بفلوووسه :shy:

[القبطان سلفر]

هههه صحيح . على فكره الدلع نوع من الاهتمام وهو متطلب نفسي مهم لصحة نفسيه سليمه . بشرط عدم المبالغه .

[نوار قطر]

هههه صحيح . على فكره الدلع نوع من الاهتمام وهو متطلب نفسي مهم لصحة نفسيه سليمه . بشرط عدم المبالغه .

اي اكيد مهم حق نفسية المريض،، كفايه انه مريض وكفايه انه يتألم وعليه مايقدر يجابل ناس يتعاملون معاه بجفى ،،، انا عن نفسي صرت لي اروح الخاص سواء لي او حق غيري من الاهل واشوف معاملة الممرضه لي ومسويتني يادهينه لاتنكتين ، اعطيها المقسووم ،،واتمتع بالدلع اهم شي راحتي وراحة الي معاااي ،

[جارح]

اي اكيد مهم حق نفسية المريض،، كفايه انه مريض وكفايه انه يتألم وعليه مايقدر يجابل ناس يتعاملون معاه بجفى ،،، انا عن نفسي صرت لي اروح الخاص سواء لي او حق غيري من الاهل واشوف معاملة الممرضه لي ومسويتني يادهينه لاتنكتين ، اعطيها المقسووم ،،واتمتع بالدلع اهم شي راحتي وراحة الي معاااي ،

مالومك اختي نورا اكيد بتعطينها المقسوم وانتي راضية خصوصا لما ترتاحين من هم الاسنان وترتاحين نفسيا وأكد على مقولتج واشد على يدينك فيها اهم شي راحتك وراحة الي معاك

[intesar]

كل ماذكرتيه..

[خليفـة]

اعتقد ان السبب الأول هو اختصاراً للوقت
والسبب الثاني الاعتقاد لدى الكثيرين بان العلاج في العيادات الخاصة
أفضل من العيادات الحكومية

والله اعلم

خليفــة

[شميرام]

احنا بين نارين الإهمال الزائد في العام والاهتمام الزائد في الخاص غير الكيس المتروس إدويه

اول شي في الحكومي كل شي عندهم عادي حالتك حاله عادي وتقهرني كلمتين أنتو بتدلعو ول حاسين فيكو بس يعطونا فيتامين سي و أدول وطبعا الإجازة عقب هوشه أما الخاص لو انت رايح استشاره ما تطلع الا بكيس إدويه وإذا ما فيك شي كتبو لك فيتامينات والإجازة يعطون
المستشفى الحكومي تروح حق طبيب عام انت تقوله وشو فيك ويعطيك ادول والفيتامين أما الخاص تروح عند متخصص هو يسألك وانت تجاوب لين يحط فيك عله غلط او يحل جزء من مشكله

في الخاص كل شي قريب والفحوصات اسرع وتخلصها في يوم واحد والحمامات أنظف في الحكومي اذا ما مشورك من مبنى لين مبنى وخلوك في مرثون مشي ما يصيرون حكومي موعد حق تصوير وموعد حق الدكتور وموعد مادري وين يوم الخميس كسرت خاطري افريقيه و موعد التصوير مع موعد الدكتورة في نفس آليوم كانت ساكنه في الخور او دخان هاوشتها مالت الاستقبال وقالت لها مايصير!!!

[حمد 2002]

للأسف الكباريه بالبلد اتحصلونهم ايتكلمون وايقولون ان العلاج متوفر بالدوله ، وجميع الامراض متوفر لها علاج بالدوله وان بالدوله احدث الأجهزه الطبيه

وتلقاه اول مايدري ان فيه مرض على طووول اقرب طياره ههههه برررع قطر

فعلا هاذا هو التناقض

تحياتي لج اختي على الموضوع المميز

[نوار قطر]

مالومك اختي نورا اكيد بتعطينها المقسوم وانتي راضية خصوصا لما ترتاحين من هم الاسنان وترتاحين نفسيا وأكد على مقولتج واشد على يدينك فيها اهم شي راحتك وراحة الي معاك

:nice:

[بوخالد911]

الطبيب بيخدمك بفلوسك


وفي مثل انجليزي يقول :

you get what you pay for