عقد الصبغ محتاج مشورة

[PGR]

السلام عليكم ,, حبيت استفسر من اصحاب الخبره بالنسبه لعقد الصبغ ,,, هل ممكن ينذكر فيه ضمان لمدة 5 سنوات على المواد والشغل ؟؟ انا كلمت الشركة اللي بتشتغل لي وقالي اذا شركة الاصباغ (جوتن) بتعطي ضمان من عندها على المواد انا بعطيك بس انا ماقدر اعطيك والمواد انا اشتريها في الاساس من شركة ,, هل حد صادفه هالامر؟ مشكورين مقدما

[رذاذ]

افضل الانواع واحسنها جوتن . وتو مخلص صبغ البيت وتعتمد على الصبغ والاحسن تسمع المشوره الافضل باسوقنا حاليا هو الجوتن ونيشنال .

للداخلي والخارجي . يعيش معك

وبصراحه الصباغ الى صبغ ما تكلمت معه علىالضمان ولا ضمان بس نبهني على شغله ان الحائط مرطب ونصحني بالحرق وسويته ..

[الســـهم]

هلا اخوي pgr ..

اذا تعاملت مع شركات مختصة راح يعطونك ضمان 5 سنوات أو أكثر نفس الشركة اللي تشتغل معاي لأنهم عطوني سبع سنوات على الصبغ الخارجي , بشرط انه مايكون بسبب رطوبة او ليك من داخل الطوفة , يعني الضمان على الصبغ من العوامل الخارجية ..

الشركات اللي اعرفها وتعطيك ضمان ذكرتها لك فموضوع سابق كنت تستفسر فيه عن شركات الصبغ ..

نصيحة لك ولو إنها ممكن تكلفك مبالغ أكثر , احرص انك تشتغل بعقود ومع شركات معروفة , هي مكلفه ولكن راحة البال تنشرى هالايام ..

بالتوفيق يالغالي ..

[هدوء العاصفة]

احنا في الامور الاكبر ما نستعمل عقود للاسف يعني مع صباغ او شركة صبغ محد يعمل عقد ولكن .. طريقتك هي الافضل والاكثر احترافية .. بالعكس شغل عدل.. شوف اذا الشركات توافق على عمل عقد لكن اعتقد انك تتكلم على عقد ضمان Garanty مش عقد عمل ..

المشكلة الرئيسية هي الرطوبة عندنا وهي اللي تقشر الصبغ باختصار ..

لكن طبعا من حقك الحصول على طريقة صحيحة للصبغ من خلال عمل جميع الطبقات المطلوبة وبطريقة سليمة للصبغ. والجوتن هو الافضل بلا منازع.

[PGR]

يعطيكم العافيه الجميع على الردود المفيدة ,, اخوي السهم انا رايح عند شركة على اساس انه شغلهم نظيف من السامبل ,,, بس هو يقولي محد طلب مني قبل اكتبله ضمان في العقد ,, على العموم بكلم شركة من الشركات اللي ذكرتلي اياها وبشوفهم ,, مشكورين

[ZURICH]

انصحك في صبغ جديد من شركة جوتن تكس الترا عالي الجودة

يعمل على تغطية التشققات حتى 2.6 مم ،، ويخفيها تماماً

ويخفي عيوب البلاستر الي نشوفها في اكثر البيوت

صبغ جوتاشيلد ( تكس الترا ) له نوع برايمر خاص يعطية تماسك لاطول مدة

[PGR]

يعطيكم العافيه ,, حبيت استفسر الشركة اكتبتلي في العقد الضمان 5 سنوات معطى من شركة جوتن هل هاي كفاية ؟