شيكاغو الامريكية

[برشلوني قطر]

السلام عليكم

ان شاءالله اذا الله كتب لي بروح لشيكاغو شهر 6

وياليت الي زارها والي يعرف عنها ويقدر يفيدني فيها ..

من ناحية السكن شقته غرفة وحده وتكون مكان آمن وسكورتي...والسعر ؟؟

ومن ناحية الاماكن السياحيه ؟؟

واجار السياره من اي مكتب تنصحوني ؟؟

واشلون الامان ؟؟

واي معلومه تقدرون تفيدوني فيها اكون شاكر لكم

انا الصراحه لفيت فالنت وبعض المنتديات لاكن تقارير طويله وبعضها قديم..

واسمحولي ع الاطاله

[AL-MAYSTRO]

عشانك برشلوني طلعتلك تقرير عن شيكاغو :nice:

http://travel.maktoob.com/vb/travel433633/

عنصريه ياحبيبي عنصريه :nice:

وتروح وترجع بالسلامه
والسموحه ع القصور

[برشلوني قطر]

ههههههههههه هلا المايسترو << الفوز فالك اليوم ان شاءالله

ماقصرت يالغالي ..انا الصراحه دخلت المسافرون العرب وقلت اشوف ايش عندكم

من جديد ونصايح

تسلم اخوي ع الاضافه ..ماقصرت

[Aaziz]

برشلوني وين الي بيكلمني !!

بخلصك من الى ،، اعرف شخص يقربون له ناس يتعالجون هناك وهو جروب سكانين في نفس المكان تقريبا وهو اتوقع المكان الانسب .

متى مابغيت عطني خبر بدبر لك رقم شخص هناك يتعالج و صار له فتره بيعطيك الي تبي من الالف الى الياء

[Aaziz]

بخصوص المدرب يعني :rolleyes2:

برشلوني اتوقع بتخسرون اليوم ... ترى مالي في الكوره بس اشجع الي يلعب عدل
لكن احساسي يقول بكره بتخسرون خساره شنيعة .

[برشلوني قطر]

برشلوني وين الي بيكلمني !!

بخلصك من الى ،، اعرف شخص يقربون له ناس يتعالجون هناك وهو جروب سكانين في نفس المكان تقريبا وهو اتوقع المكان الانسب .

متى مابغيت عطني خبر بدبر لك رقم شخص هناك يتعالج و صار له فتره بيعطيك الي تبي من الالف الى الياء


حلو حلوو

يعل ربي يسلمك.. انت يابوسعود الاساس..قلت اشوف الجديد واكيد اني

بكلمك ان شاءالله :nice:

دايما امتعبك معاي:telephone:


بخصوص المدرب يعني :rolleyes2:

برشلوني اتوقع بتخسرون اليوم ... ترى مالي في الكوره بس اشجع الي يلعب عدل
لكن احساسي يقول بكره بتخسرون خساره شنيعة .


بووووسعوووود اتقوول اتحب اللعب الحلووو :anger1: واخبرك

دايما مهاااجم ماتحب الدفاااع..اقووولك استمتع بس :victory:

[Aaziz]

الله يسلمك برشلوني.

خلاص الوعد الليله. اذا خسرتو بدخل الموضوع هنا احفص و اطلع هههههههه

[برشلوني قطر]

الله يسلمك برشلوني.

خلاص الوعد الليله. اذا خسرتو بدخل الموضوع هنا احفص و اطلع هههههههه


طلعت مدريدي متعصب ها هههههههههههههه

[Aaziz]

هههههههههههه برشلوني اسمحلي تستعرض شوي 3-1

http://farm5.static.flickr.com/4056/4428386290_2e22f7bf53.jpg

:nice:

[برشلوني قطر]

:(:(:(

تسلم بوسعود ع الروح الرياضيه..

بوسعوود روح شوفلي معلوماات من رفيجك الي ف شيكاغو ..وعطني بعض الاجوبه

لاسألتي:anger1::anger1:

[Aaziz]

:(:(:(

تسلم بوسعود ع الروح الرياضيه..

بوسعوود روح شوفلي معلوماات من رفيجك الي ف شيكاغو ..وعطني بعض الاجوبه

لاسألتي:anger1::anger1:

:(

حسستني بتأنيب الضمير

ههههههههههههه لاتقولي تشجع الغرافه ترى بستعرض مره ثانيه :nice:

< ---- مايحس ابد :tease:

برد لك خبر من الرجال الليله باذن الله :victory:

[Aaziz]

بعد الاستفسار الاولي برشلوني

السكن في عماره وحده هي المثاليه بحيث انها تقع قريب من المستسفى (مشي)
اسعارها مناسبه و فيها تاجير اسبوعي و شهري و ست اشهر

غالبا ماراح تحتاج تاجر سياره لان السوق و الجمعيه في نفس الشارع
و السكن قريب ايضا من البحيره الرئيسيه الي فيها جميع انواع الترفيه.
البلد ونيس و ممتع و فيه مجموعه من دول الخليج تتعالج في المستسفى و ساكنين في تفس السكن.
راح اوافيك لاحقا بالاسم و العنوان و جميع التفاصيل الخاصه بالسكن

[برشلوني قطر]

:(

لاتقولي تشجع الغرافه :victory:


:(:(:(



بعد الاستفسار الاولي برشلوني

السكن في عماره وحده هي المثاليه بحيث انها تقع قريب من المستسفى (مشي)
اسعارها مناسبه و فيها تاجير اسبوعي و شهري و ست اشهر

غالبا ماراح تحتاج تاجر سياره لان السوق و الجمعيه في نفس الشارع
و السكن قريب ايضا من البحيره الرئيسيه الي فيها جميع انواع الترفيه.
البلد ونيس و ممتع و فيه مجموعه من دول الخليج تتعالج في المستسفى و ساكنين في تفس السكن.
راح اوافيك لاحقا بالاسم و العنوان و جميع التفاصيل الخاصه بالسكن


حلووو

بس مافي الا ذي المستشفى ف شيكاغو...الصراحه انا لحين مادري ماعرفت

اسم المستشفى :rolleyes2:

وياليت يابوسعود اعرف وضع السكن..هل ف سيكورتي ؟؟ هل مفروش كامل ؟؟

واشلون اسعار الفنادق ؟

والسياره يابوسعود مثلك عارف اكيد تبي تروح مني مناك او تقبض لك خط..

ماعتقد بتقعد ع طول ف ذي المنطقه...هل مافيها شي المنطقه يستاهل عندك سياره ؟؟

بس الي سمعته ان زحمه عندهم واخاف نفس نظام نيويورك زحمه ولا في مواقف للسيارات..

وتسلم يالغالي وعساك ذكر..وانا ان شاءالله اول ما احدد الموعد بتواصل معاك

[Aaziz]

لاتحاتي بوافيك ان شاءالله بكل المعلومات الي تحتاجها و بجيب لك رقم شخص تكلمه بعد .

الي فهمته ان اغلب الناس في مستشفى واحد
و السياره مشكلتها المواقف في فندقك بفلوس و غاليه جدا ،، اتوقع تاجر سياره متى ما بغيت تروح مكان سفره قريبه مثلا او شي من هذا القبيل. اعتقد المواقف اليوم ب 70 دولار

[برشلوني قطر]

لاتحاتي بوافيك ان شاءالله بكل المعلومات الي تحتاجها و بجيب لك رقم شخص تكلمه بعد .

الي فهمته ان اغلب الناس في مستشفى واحد
و السياره مشكلتها المواقف في فندقك بفلوس و غاليه جدا ،، اتوقع تاجر سياره متى ما بغيت تروح مكان سفره قريبه مثلا او شي من هذا القبيل. اعتقد المواقف اليوم ب 70 دولار


هذي شغله مع المواقف...واحنا يقولون ماعندنا مواقف فالابراج وامريكا ماافيها

واحنا يقولون ليش تدفع لمواقف الستي ثلاث ريال واهناك بالمئات..

الحمدلله والشكر ع النعمه الي احنا فيها..

لنا تواصل ان شاءالله يالذيب

[برشلوني قطر]

هل من جديد

[Aaziz]

هل من جديد

اليوم ياذابح يا مذبوح

[برشلوني قطر]

اليوم ياذابح يا مذبوح



ههههههههههههههههههه

عندك إياه يا بوسعود

الله يرزقك عزبه قوووول آمين

[Aaziz]

ههههههههههههههههههه

عندك إياه يا بوسعود

الله يرزقك عزبه قوووول آمين

آآآآآآآآآآآآآآآآمين

برشلوني اعتذر منك ،، اليوم لقيت الرجال و توني بكلمه ولا عرفت ان ولده مسوي عمليه و مرقد في الانعاش ،،، كلش ماقدرت اكلمه.
الله يشافي ولده و يقومه بالسلامه ،، كم يوم تهدا الامور و ارجع لك .

السموحه منك

[برشلوني قطر]

آآآآآآآآآآآآآآآآمين

برشلوني اعتذر منك ،، اليوم لقيت الرجال و توني بكلمه ولا عرفت ان ولده مسوي عمليه و مرقد في الانعاش ،،، كلش ماقدرت اكلمه.
الله يشافي ولده و يقومه بالسلامه ،، كم يوم تهدا الامور و ارجع لك .

السموحه منك


اسأل الله العظيم رب العرش العظيم أن يشفيه

ماقصرت بوسعود وبيض الله ويهك.

أن شاءالله شهر سته بروح ومبدئيا بحجز

ف فندق وبعدها بشوف شقه

تسلم يالغالي

[مستر راشد]

آآآآآآآآآآآآآآآآمين

برشلوني اعتذر منك ،، اليوم لقيت الرجال و توني بكلمه ولا عرفت ان ولده مسوي عمليه و مرقد في الانعاش ،،، كلش ماقدرت اكلمه.
الله يشافي ولده و يقومه بالسلامه ،، كم يوم تهدا الامور و ارجع لك .

السموحه منك



الله يشفيه ويقومه بالسلامه

[Aaziz]

السلام عليكم

اعتذر عن التاخر بالرد و ابشركم الولد طيب و بخير

بخصوص شيكاغو و السكن فيها.

السكن اسمة grandplaza chicago


الخليجيين اغلبهم اذا مش كلهم يسكنون في عماره وحده.

مواصفات العماره

1- الموقع ، تقع في شارع الماركات. يعني تحت العماره شارع تجاري فيه انواع المحلات و المطاعم
عنوان العمارة
540 north state street chicago
و يعتبر ثاني افضل شارع في العالم بعد الشانز :victory:
2- العماره فخمه و مريحه جدا وهي عماره حديثه البناء عباره عن برجين الاول 44 دور و البرج الثاني 65 دور
3- يوجد في العماره شقق غرفه و صاله و ايضا غرفتين و صاله.
4- يوجد غساله ملابس و نشافه في نفس الغرفة.
5- مستشفى جامعة شيكاغو يبعد عن السكن 10 دقايق بالسياره. و مستشفى العلاج الطبيعي اقرب تعتبر مسافه ممكن الواحد يمشيها من السكن.
6- يوجد مجلس للخليجيين و يقع في الدور 44
7- في الدور التاسع منطقه الترفيه من حمامات سباحه و جكوزي و انتر نت كافيه و غيره الكثير.

بالنسبه للاسعار هي كالتالي.

يوجد 3 طرق للايجار

1- شقه مفروشه بدون عقد ايجار يومي
2- شقه مفروشه بعقد 3 شهور و 6 شهور و سنه. وهو ارخص من الايجار اليومي ولاتوجد مشكله في حال رغب الشخص انهاء العقد و السفر قبل موعد انتهاء العقد ( بسبب انه يوجد دائما اسخاص يبحثون ان ايجار بعقد و بهذا يكمل الشخص الجديد العقد عنك)
3- شقه مفروشة بدون اثاث و بعقد 3 شهور و 6 شهور وهي ارخص طريقه للايجار و الغرفه الي بدون فرش فيها جميع اغراض المطبخ و الغسالات و يوجد ايضا سرير لشخص واحد. و اثاثها الشقه يمكن توفيره باتصال هاتفي و بقيمه 300 دولار تقريبا.

اسعار الشقق


شقه غرفة و صالة بدون عقد بالاثاث في اليوم 120 يعني في الشهر 3600 دولار
غرفتين وصاله مفروشة في اليوم 150 ريال يعني في الشهر 4500
اما الشقق الي بدون فرش اجارها بالعقد 3 شهور اقل شيو تقدر تنقل العقد و فيه ايضا عقد 6 شهور.
شقه غرفه وصالة ب 2900
شقه غرفتين و صالة 3100



هنا موقع الفندق و فيه صور الغرف. اضغط هنا (http://www.grandplazachicago.com/apartments/model-home-gallery/)

[برشلوني قطر]

الحمدلله ع سلامة الولد والله يشفيه ويطمنهم عليه

بوسعود احب اقولك. أحبك ف الله وبيض الله ويهك

اشهد انك كفيت ووفيت يالغالي

شرحك حلو وشكل السكن مرتب وحلو.

هل المبنى فيه سكورتي برع ؟؟

وبخصوص الشقه الغرفة وحده. إذا كانت

مب مفروشة ايش الفرش الي مش موجود؟؟

هل فيها تلفزيون ؟ هل فيها نت؟ هل فيها باركنغ؟؟

أشتطيت عليها

[Aaziz]

الحمدلله ع سلامة الولد والله يشفيه ويطمنهم عليه

بوسعود احب اقولك. أحبك ف الله وبيض الله ويهك

اشهد انك كفيت ووفيت يالغالي

شرحك حلو وشكل السكن مرتب وحلو.

هل المبنى فيه سكورتي برع ؟؟

وبخصوص الشقه الغرفة وحده. إذا كانت

مب مفروشة ايش الفرش الي مش موجود؟؟

هل فيها تلفزيون ؟ هل فيها نت؟ هل فيها باركنغ؟؟

أشتطيت عليها

احبك الله الذي احببتني فيه.
بالنسبه للشقه الغرفه وحده. اذا بروحك بتروح بيكون فيها سرير لشخص واحد ( مجاني من السكن) اما مثلا لو ام العيال وياك بتحتاج التالي :
سرير دبل + تلفزيون + طقم كراسي

باقي الاشياء متوفره و النت موجود و السيكيورتي موجود. تدفع كهرب

انا انصحك في البدايه تسكن في اي سكن هناك و بعدها تروح لمجلس الشباب او لمكتب الحجز في السكن و راح تلقى حد بيسافر و بيخلي شقاه و فرشه و العقد. و المواقف ضمن العقد. و اذا سفرتك في الصيف انصحك تظبط وضعك بدري

[برشلوني قطر]

احبك الله الذي احببتني فيه.
بالنسبه للشقه الغرفه وحده. اذا بروحك بتروح بيكون فيها سرير لشخص واحد ( مجاني من السكن) اما مثلا لو ام العيال وياك بتحتاج التالي :
سرير دبل + تلفزيون + طقم كراسي

باقي الاشياء متوفره و النت موجود و السيكيورتي موجود. تدفع كهرب

انا انصحك في البدايه تسكن في اي سكن هناك و بعدها تروح لمجلس الشباب او لمكتب الحجز في السكن و راح تلقى حد بيسافر و بيخلي شقاه و فرشه و العقد. و المواقف ضمن العقد. و اذا سفرتك في الصيف انصحك تظبط وضعك بدري

أن شاءالله شهر 6 وقبل اشوي رحت السفريات

وعطتهم عنوان ذي الشقق وطرشت ايميل لهم

وبنشوف الرد. قلت بحجز أسبوع شقه من غرفه

مؤثثة وبعدين نشوف الوضع

[Aaziz]

برشلوني اذا معزم و عارف ان شاءالله وضعك ،، متى بتسافر و من وياك و الخ الخ

بعطيك رقم شخص تكلمه من اهل العماره بيسنعك

[برشلوني قطر]

برشلوني اذا معزم و عارف ان شاءالله وضعك ،، متى بتسافر و من وياك و الخ الخ

بعطيك رقم شخص تكلمه من اهل العماره بيسنعك

أي بوسعود أن شاءالله رايح وحجزت التذاكر

والله ياليت يا بوسعود تطرش لي رقمه وتخبره

أني بكلمه علشان مازعجه وشوف متى اكلمه

تسلم يالغالي

[Aaziz]

صااار

[برشلوني قطر]

صااار

تسلم يالغالي. ف انتظارك

[برشلوني قطر]

مشكوووووووور يا عبدالعزيز. كفيت ووفيت

بيض الله ويهك وويك الذيب سعيد. ماقصرتو

[Aaziz]

مشكوووووووور يا عبدالعزيز. كفيت ووفيت

بيض الله ويهك وويك الذيب سعيد. ماقصرتو

ماسوينا شي و انت تستاهل .

الا على الطاري سعيد ،، كأنه فريقك الي ماعنده مدرب بيلعب اليوم ههههههههههههههههه

ما اوصيك اذا خسرتو اليوم لازم تضحك هاه :nice:

[برشلوني قطر]

استمتع يابوسعوووود وصفق اليووم

وفالنهايه مب زعلان لان نادي قطري هههههه

[Aaziz]

من قدك برشلوني، بايضتلك في القفص هههههه
اليوم القطريه بدت اول رحلاتها المباشره من مطار الدوحه الى مطار شيكاغو، تستاهل

[برشلوني قطر]

هههههههههه تستاهل خير

اشوف يوم احجز قالي لو كنت باروح الحين

بخليك تروح ع الاماراتيه بس شهر 6 امورك طييه

بس اشوف الشمالي يهدد كان مايعفس الدنيا:rolleyes2:

[بو حمدان]

موفق .