شلون احصل بعثة الماجستير؟؟؟

[Not Me]

السلام عليكم


انا مهندس اشتغل في احد الشركات البترولية والحمدلله انقبلت في برنامج ماجستير ادارة اعمال في جامعة من اقوى الجامعات في العالم بنظام الدوام الجزئي في قطر


لكن للأسف شغلي ما وافق على إبتعاثي ! ولا حتى مساعدتي اني اداوم وادرس...ومديري مب راضي حتى استعمل إجازاتي السنوية بمعدل 3 ايام في الشهر عشان اقدر ادرس على حسابي!

الزبده مسكرين طريجي من كل صوب ويقولون ان عندي شغل وهالشي بيأثر على الشغل واصلاً هالشهادة انت ما تحتاجها!!

فقررت اني اطلع من شغلي واشوف مكان يقدرني ويساعدني

اللي عنده حل يتكرم ويرشدني


وشاكر لكم

[sweet qatar]

راجع مكتب البعثات وأسألهم..

أو راجع الجهات الحكومية الي تتناسب مع تخصصك.. يمكن تلقى عندهم فرصة للابتعاث..
ولاتروح بشكل رسمي، لا شوف لك حد يوصلك "واسطة" لمدير الموارد البشرية أو الموظف المختص..


الله يوفقك وييسر أمورك..

[Not Me]

مكتب البعثات يبون كتاب من الشركة ان ما عندها ميزانية إبتعاث والشركة عندها ميزانية إبتعاث ومستحيل تعظيني كتاب بالمطلوب

وما عندي واسطه للأسف.. أمرنا لله ...شكلي بغيب بدون إجازة واخلص الماجستير والله كريم

[mE mYself & i]

و

:nice:

[BURBERRY]

كلم مدير الموارد البشرية

واذا مانفع

كلم الرئيس التنفيذي

الله يوفقك

[تحداني]

ايش صار معاك يا اخوي ؟؟

جملك الله برضاه

[Not Me]

اخر كلام ان المجلس الأعلى راح يقبل جميع الطلاب اللي قدموا على البعثة بشرط ورقة من الدوام تقول ان لا مانع..والشغل عطوني الورقة اخيراً بعد عناء

بس للحين مديري مب راضي على الإجازات وقالي مب كل شهر بعطيك إجازة فشكلي بشوفلي مكان ثاني على هالحال....و دام ان المجلس الأعلى موافقين عالبعثة وقبول التكاليف جزاهم الله الف خير ما عندي مشاكل ادور شغل ثاني على راحتي ..اشكرهم صراحه واخص بالذكر الدكتور خالد الحر و الاستاذة فوزية النعمة

[تحداني]

الدوام في هالنوعيه من الجامعات مسائي والاختبارات في الفتره المسائيه
فما اعتقد محتاج اجازه للاختبارات .. فلا اتفرط بوظيفتك عشان اجازه يمكن ما تحتاج لها
جرب تدرس كورس وشوف الوضع اشلون بعدها احكم


بالتوفيق يارب

[Not Me]

صح كلامج اختي المفروض ما افرط في الدوام...وانا فعلاً مرتاح هني واعتبر المضايقات طبيعية

المشكلة اختي الدوام من 8 الصبح لحد 5 يعني طول اليوم لمدة 3 ايام وفي ايام الاحد والاثنين والثلاثاء يعني وقت شغلي

بس هالشي بمعدل 3 ايام في الشهر الواحد..انا عندي رصيد إجازات..بس يحاولون يجبروني استخدمهم شبك ومب بشكل 3 ايام فالشهر ...وهذي هي مشكلتي

عالعموم الله يهدي مديري "القطري" ويمشي اموري

على فكرة في تقريباً 9 موظفين او اكثر لأني مادري عن البنات معاي في الماجستير يواجهون نفس المشكله بالضبط

[إعلامي قطر]

الشيخ إذا ودّك أنصحك أدخل واحد من برنامجين الماستر
إللي تطرحهم جامعة HEC Paris بالمدينه التعليميه:

الأول:

Master Degree
Strategic Business
Unit Management

وتداوم يومين فقط بالأسبوع بالفتره المسائيه..

والثاني محتاج يكون عندك منصب إداري
أو تكون رئيس قسم بالموارد البشريه أقل
شي حسب ماسمعت وعرفت وأسمه:

Executive MBA

والدوام فقط 3 أيام بالشهر وخلال الـ 15 شهر
دراسه فيه سفرة وورك شوب لمدة أسبوعين في
أحد مواقع الجامعه الـ 5 على مستوى العالم..

وللي مهتم يزورهم أو يدخل موقعهم ويراسلهم وياخذ النشره
عن كل برنامج ويشوف إللي يناسبه والله يوفق الجميع إن شاء الله..

ملاحظه: ياليت إذا فيه حد ملتحق يشاركنا تجربته !

[Not Me]

أخوي أنا في هالجامعة في البرنامج الأول
والدوام مثل ما ذكرت في ردي السابق ظ£ أيام فالشهر من ظ¨ صباحاً إلى ظ¥ مساءً

[إعلامي قطر]

أخوي أنا في هالجامعة في البرنامج الأول
والدوام مثل ما ذكرت في ردي السابق ظ£ أيام فالشهر من ظ¨ صباحاً إلى ظ¥ مساءً

السموحه توني منتبه لردودك السابقه !

إذا 3 أيام بالشهر وحضرتك مهندس يعني مادري شقول لك تسوي مع
مديرك القطري بس تذكرت قبل 10 سنين تقريبآ الله سلط علي مسؤول
قطري من أخواننا الشيعه الله يجزاه خير وكان همّه بالحياه إنه
يحرمني من الخروج مرتين بالأسبوع لمحاضرات صباحيه !!

مره أكلمه يقول لي المره الجايه ومره يقول روح مكتبك وبمر عليك
ويجيني عقب ماتبدى المحاضره ويقول لي هاه تبي تروح الحين ؟!

الخلاصه عطيته فرصه 3 مرات تقريبآ وعقبها حطيت أكس كبير على ويهه
ورحت محاضراتي وواصلت وكان أيام يحسبني غياب وأيام يشتكي
ويحاول يضرني لكن الحمد لله آنا كنت متبع الإجراءات بشكل سليم
ومقدم طلب وشارح أسبابي والخلاصه إنه ما قدر يمنعني وربك
سهّل الأمور، لذلك أتوقع حضرتك تقدر تشوف حل مع مسؤولك
خاصة إنك مهندس ما شاء الله وماظن راح يقدر يضرك إساسآ
وبأسوء الأحوال غيب 3 أيام شهريآ يوم منهم ضبط لك إجازه
مرضيه ويوم عارضه ويوم غياب "شكّل له يموت" وصدقني
والله العظيم إذا صملت وهميت وبديت دراستك الله راح
يسهل لك إن شاء الله والأيام بتركض وعمومآ لين بديت
الدراسه من عارف يمكن مسؤولك يشتط ويدش معاك
يدرس ولا شي ههه !