استفسار الافضل لبناء الاساسات الفيلا

[][ Q6r ][]

السلام عليكم

ممكن شرح والاسباب لاافضل طريقه للبناء الفيلا والاساسات
لان شفت كذا مقاول يبني بهاي الطريقه
وضع الطابوق بعدين يصب الاعمده والثاني يصب الاعمده وبعدين الطابوق

الطريقة الاولى للاساس
http://www.shabaktqatar.com/up/uploads/images/domain-1c5651fa03.jpg



الطريقة الثانيه للاساس
http://cool.majed.googlepages.com/52-2-4-1430.jpg
:)

[هدوء العاصفة]

الاساسات لها طريقة وحدة للفلل .. اعتقد انك تقصد البناء بالطابوق ثم عمل الاعمدة او عمل الاعمدة بعدين يتم بناء الطابوق ..

طريقة الاعمدة هي الاصح والافضل والاكثر احترافية .. طريقة الطابوق يسوونها المقاولين البتان وشغل اي كلام مع احترامي للجميع ..

[Chambray]

كلهم نفس الشئ تقريباً

بس انا عن نفسي اميل دائماً لصف الطابوق ثم صب الخرسانه
لكي يثبت الطابوق مع الخرسانه :)

وانا عن نفسي ارشح لك ( استخدام حديد الابكسي ) المغلف .. في صبيه القواعد والاعمده

اما الباقي حديد عادي .. لان الحصى المستخدم الآن هو جابرو مافيه املاح نفس حصى ليم ستون المستخدم سابقاً ..

اتمنى لك التوفيق

[معماري قطري]

إخوي المقاولين بيقولون لك بناء الطابوق أول بعدين صب الأعمده لأنها أسهل لهم وأوفر وتخفي عيوب التعشيش وميلان العمود، وعيبها تسوي ضغط قوي على الطابوق وممكن تتسبب في شلوخ مستقبلية.

الطريقة المعتمدة حسب المواصفات القطرية هي بناء الهيكل الخرساني وثم بناء الطابوق بحيث إنه أثناء البناء يتم الربط بين الطابوق والخرسانة بحديد مغلفن ما يصدي أو ستانلس ستيل خاص .. وقبل لتجف مونة الطابوق ينغمس جزء من الحديد في المونه وجزء ينضرب بمسمار خاص بمسدس في الخرسانة، فيكون هناك ترابط بين الطابوق والخرسانة وبدون ضغط من الخرسانة على الطابوق .. عاد بعض الإستشارييين دوم لهم راي مخالف لمصلحتهم ولدفاعهم عن المقاول وما يهمهم المالك.

[معماري قطري]

الاساسات لها طريقة وحدة للفلل .. اعتقد انك تقصد البناء بالطابوق ثم عمل الاعمدة او عمل الاعمدة بعدين يتم بناء الطابوق ..

طريقة الاعمدة هي الاصح والافضل والاكثر احترافية .. طريقة الطابوق يسوونها المقاولين البتان وشغل اي كلام مع احترامي للجميع ..

:nice: هذا إبهامي للبصمة اللي راحت أيامها

[شموخ دائم]

,

,


مرحبا

الطريقتين صح

نفس الطابوق ونفس الكونكريت ونفس الحديد
:)

الاولى الطريقه التقليديه المتعارف عليها الطريقه الشعبيه عند اكثر المقاولين
وهي اسهل للبناء ( النجارين ) ما يشيل هم ميلان العمود لانه يسند الخشب
على استقامه الحيط الطابوق

والطريقه الثانيه تلاقيها اكثر في المشاريع الكبيره والحكوميه والشركات
الي فيها نجارين شاطرين وفيها معدات اكثر
وهذي الطريقه يحبونها المهندسين لانها ( تضبط الكميات ) و ( وتضبط العمال والمعدات )

ما يصير هدر في الكونكريت يتسرب في زوايا الطابوق
وبنفس الوقت تنظم العمل يشتغل الحداد وبعده النجار
ويصبون كل الاعمده والاسقف
ويطلعون العمال ينتهي دورهم يشيلون خشبهم وسقالاتهم ويروحون مشروع ثاني

ويدخل قروب الطابوق والبلاستر وبعده المبلطين يكملون الشغل
فيها تنظيم ومريحه للمهندس الي يتابع البيت
ماتلاقي الدنيا مكركبه من خشب وطابوق مكسر ماتعرف تمشي بالمشروع
:)
لان كل قروب عمال خلصوا واخذوا معداتهم

اي بنقالي تقوله ابي الطريقه الافرنجيه
يهرب من عندك او بيقولك ( مافي زين )
لان عماله مافيهم نجار شاطر


الموضوع هذا صاير زي موضوع
الدجاجه جات قبل او البيضه جات قبل
بتلاقي ردود عجيبه الحين
ههههه


,

,


اخوك


شموخ دائم

[هدوء العاصفة]

:nice: هذا إبهامي للبصمة اللي راحت أيامها

:eek5: يحيا يحيا البتان يا زميلي العزيز

مرة واحد من الاصدقاء قال كلمة حق .. وقال شوف ياخوي .. مشكلة اذا تصير مهندس معماري او مهندس مدني لان في البنيان الكل يعتقد انه فاهم ويعرف .. فإنك ستتعذب حتى تقنع احدا بأي شي :( ولكن لو كنت مهندس ميكانيكا او كهربا فالناس ما تعرف بسوالفهم ومابيقدرون يقولون لهم تلت التلاتة كم ..

[Bozizoo]

كلهم نفس الشئ تقريباً

بس انا عن نفسي اميل دائماً لصف الطابوق ثم صب الخرسانه
لكي يثبت الطابوق مع الخرسانه :)

وانا عن نفسي ارشح لك ( استخدام حديد الابكسي ) المغلف .. في صبيه القواعد والاعمده

اما الباقي حديد عادي .. لان الحصى المستخدم الآن هو جابرو مافيه املاح نفس حصى ليم ستون المستخدم سابقاً ..

اتمنى لك التوفيق

انا افضل استخدام الحديد الابكسي في ارض السبخات او في منطقه معروف عنها ان المياه الجوفيه مرتفعه او في الحفر العميق
لسبب رئيسي وهو تماسك الخرسانه في الحديد الابكسي ضعيف مقارنه بالحديد العادي

[القلم الصريح]

وضع الطابق ومن ثم صب العواميد افضل بكثير لان يتماسك اكثر الطابوق مع الخرسانه وتتفادا مستقبليا اي شلخ فالطابوق

[اللوز]

وضع الطابق ومن ثم صب العواميد افضل بكثير لان يتماسك اكثر الطابوق مع الخرسانه وتتفادا مستقبليا اي شلخ فالطابوق

كلام سليم 100 %

[][ Q6r ][]

الجميع شاكر لكم

[MAZEN37]

انا مع الهيكل الخرساني الاسود اولا ثم الطابوق
وابحث شوي بالنت ترى عجب العجاب عن هالموضوع
والاسباب كثيره
احلى شي في الحياه انه كل العالم مهندسيين ويحاول يقنعك بوجهة نظره
ذكر الاخ شموخ دائم نقطة التنظيم والترتيب بالبناء
وهذه نقطه مهمه جدا ما تعرف اهميتها الا اذا بنيت الخرسانه اولا
اضافه بانك تقدر تغير بسهوله وتقدر تتصور المكان على ارض الواقع
واولا واخيرا الخرسانات تسحب طوف كامله من الطابوق انا شفتها بعيني
بس للاسف ما اعرف انزل صور
وبالنهايه على قولت المثل البنغالي حبه حبه على قلبي

[معماري قطري]

:eek5: يحيا يحيا البتان يا زميلي العزيز

مرة واحد من الاصدقاء قال كلمة حق .. وقال شوف ياخوي .. مشكلة اذا تصير مهندس معماري او مهندس مدني لان في البنيان الكل يعتقد انه فاهم ويعرف .. فإنك ستتعذب حتى تقنع احدا بأي شي :( ولكن لو كنت مهندس ميكانيكا او كهربا فالناس ما تعرف بسوالفهم ومابيقدرون يقولون لهم تلت التلاتة كم ..


صح والله الكل يفتي خصوصاً في العماره ومعاهم حق يمكن.

مشكلة طريقة بناء الطابوق وبعدين صب الأعمدة إن الخرسانة بعد الصب يزيد حجمها شوي وتضغط على الطابوق ضغط قوي وتتسبب في شلوخ حرارية مع تغير الحرارة وتزيد الضغوط الحرارية والشلوخ سنه بعد سنه.

المشكله الثانية إن الماي لإدامة الخرسانة وتقويتها ما يوصل للجوانب اللي مغطيها الطابوق.

والمشكلة الثالثة .. أي فجوات وتعشيش جهة الطابوق ما يبين.

وشكل ما يقول عادل إمام سلمني نظيف أسلمك نظيف :nice:

[معماري قطري]

انا مع الهيكل الخرساني الاسود اولا ثم الطابوق
وابحث شوي بالنت ترى عجب العجاب عن هالموضوع
والاسباب كثيره
احلى شي في الحياه انه كل العالم مهندسيين ويحاول يقنعك بوجهة نظره
ذكر الاخ شموخ دائم نقطة التنظيم والترتيب بالبناء
وهذه نقطه مهمه جدا ما تعرف اهميتها الا اذا بنيت الخرسانه اولا
اضافه بانك تقدر تغير بسهوله وتقدر تتصور المكان على ارض الواقع
واولا واخيرا الخرسانات تسحب طوف كامله من الطابوق انا شفتها بعيني
بس للاسف ما اعرف انزل صور
وبالنهايه على قولت المثل البنغالي حبه حبه على قلبي

كفاية يا شيخ مازن المواصفات القطرية تقول هيكل قبل بعده طابوق وتحدد طريقة الربط، وبعدين إنت لو بتسوي عازل في الحوائط صعب تربط الحايطين ببعض وتربطهم بالخرسانه.