في احد منكم وصلته هذه الرساله

[بوحمد111]

اخواني واخواتي الكرام

السلام عليكم ورحمة الله وبركاته

من عنوان موضوعي اليوم بارك الله فيكم وما تحتويه الرساله الي وصلت لبنتي من الاردن وعن طريق برنامج الواتس اب حبيت استشيركم في الرساله وعن صدق او كذب صاحبة الرساله ومحتواها بكتب المحادثه حتى بالأخطاء الاملائيه

( اسلام عليكم ياختي (؟؟؟؟؟؟؟؟) انارسميه من لاردن ودلوني عليك اهل الخير ياختي انارمله وعندي امي معها سرطان في غدء وعندي خمسة بنات وسكن في لاجرة انادخل بلله وبيكي طلب صدقة لي ظروفي صعبه ياختي (؟؟؟؟؟؟)

بين الاقواس طبعا كاتبه اسم بنتي الطالبه في الجامعه

وردت عليها بنتي بعد استشارتي وقالت لها

عطيني اسماء الناس اللي دلوكي علي ؟؟؟

وردت الاخت

اسمها مريم كانت في لاردن مفتره قصيره

وقالت لها بنتي عطيني رقم مريم وانا بتواصل معاها

وردت الاخت ياختي (؟؟؟؟؟) يشهد الله رقمها مش عندي اناتعرفة عليها في مستشفى في عمان

وفي الاخير ردت عليها بنتي الله يستر عليها

اولا انا ما عندي صديقه اسمها مريم ابدا وما اقدر اقول غير حسبي الله ونعم الوكيل لان هاذي الحركه صايره في اكثر من شخص في عائلتنا.... ما اقدر اساعدج غير اني اقول لج اكثري من الاستغفار فهو يجلب الرزق الحلال والرجاء عدم ارسال رساله لي مره ثانيه وشكرا

وفي الاخير اخواني واخواتي الكرام حبيت فقط استفسر كيف ان هذه الاخت الاردنيه جابت رقم بنتي واسمها ولا قدرت تعطي بنتي رقم الاخت الي دلتها عليها ولكم حرية التعبير واحذركم من هذه الاشكال

وتحياتي لكم

[ام السعف]

ابدا ما وصلتني ولا نوع من هالانواع من المسجات

شكلهم يدرون اني مفلسة :p

[R 7 A L]

أنا تصير لي في المنتديات في رسائل خاصة

[آنا غيــر]

شهالحركه الغريبه بعد الطراره صارت بالمسجات .. عالم غررررريب عجيب

[حمد 2002]

من المفترض أن الواحد يتاجهل تلك الأنواع من الرسائل ولا يرد عليها

تــــــــحـــــــــياتي لك

[الزعفراني]

هذي عمليات نصب جديده .. بطلها برنامج " نمبر بوك " .. تنزل البرنامج على جهازك وتبحث في الأسماء وتطلع لك لستة بالأسماء مع الأرقام .. ويبتدون يشتغلون ع الناس سواء بالاتصالات الدولية او بارسال مثل هالرساله لبنتك .

برنامج نمبر بووك .. تنزله على البلاك بيري او الايفون ( مش متأكد اذا له تطبيق ع الايفون ) .. وبعد ما تنزل البرنامج يقوم البرنامج بالوصول الى ارقام الهواتف في جوالك .. ويخليها متاحه للعرض والبحث عند اي شخص آخر منزل البرنامج .

[بوحمد111]

ابدا ما وصلتني ولا نوع من هالانواع من المسجات

شكلهم يدرون اني مفلسة :p

يمكن يعرفون ان بنتي طالبه في الجامعه ولا عندها دخل خير دخل ابوها لها ويمكن يبون يوصلون لي ههههههه يبالفيت اني راهي

[بوحمد111]

ابدا ما وصلتني ولا نوع من هالانواع من المسجات

شكلهم يدرون اني مفلسة :p


أنا تصير لي في المنتديات في رسائل خاصة

انا ولله الحمد ما عمري شفت مثل هالرسايل غير الاتصالات من دول افريقيه ولا ارد عليهم

[بوحمد111]

شهالحركه الغريبه بعد الطراره صارت بالمسجات .. عالم غررررريب عجيب

عليهم حركاااات الله يبعدهم عنا وعن جميع المسلمين

[بوحمد111]

من المفترض أن الواحد يتاجهل تلك الأنواع من الرسائل ولا يرد عليها

تــــــــحـــــــــياتي لك

كلامك صحيح ولكن الواحد حزات خاطره يعرف من دلاهم علينا ومن اعطاهم اسامينا

[بوحمد111]

هذي عمليات نصب جديده .. بطلها برنامج " نمبر بوك " .. تنزل البرنامج على جهازك وتبحث في الأسماء وتطلع لك لستة بالأسماء مع الأرقام .. ويبتدون يشتغلون ع الناس سواء بالاتصالات الدولية او بارسال مثل هالرساله لبنتك .

برنامج نمبر بووك .. تنزله على البلاك بيري او الايفون ( مش متأكد اذا له تطبيق ع الايفون ) .. وبعد ما تنزل البرنامج يقوم البرنامج بالوصول الى ارقام الهواتف في جوالك .. ويخليها متاحه للعرض والبحث عند اي شخص آخر منزل البرنامج .

يمكن كلامك صحيح ولكن التلفون بإسمي انا ومن وين طلعت اسم بنتي

[بونووف]

اخوي انا مره وصل لي مسج على الواتساب قبل اسبوع تقريبا
وحده كاتبه
صباح الخير يا مريم

شو اخبارك يامريم وينك لاتتصلي ولا تسألي اشتأنالك

[المرحب]

من المفترض أن الواحد يتاجهل تلك الأنواع من الرسائل ولا يرد عليها

تــــــــحـــــــــياتي لك

:nice:

[عبدالعزيز الهتمي]

اخوي انا مره وصل لي مسج على الواتساب قبل اسبوع تقريبا
وحده كاتبه
صباح الخير يا مريم

شو اخبارك يامريم وينك لاتتصلي ولا تسألي اشتأنالك

اخوي انت مالك اول للرقم ولا مالك ثاني ..

[Amigo]

انا وصلتني واتصلت ورد علي شيبه وتم يصيح
وسألته من الي دلك علي قال اهل الخير
قلت الي دلك علي خل يساعدك

[راشد محمد]

طنش لها احسن

[بونووف]

اخوي انت مالك اول للرقم ولا مالك ثاني ..

مالك ثاني لكن ماتفرق لانه المالك الاول اخوي العود هههه واسمه مب مريم

وترى وايد يتصلون ويقولون نبي فلوس ومساعده ومن هالكلام وتلاقيهم من الاردن وسوريا وفلسطين

[عبدالعزيز الهتمي]

مالك ثاني لكن ماتفرق لانه المالك الاول اخوي العود هههه واسمه مب مريم

وترى وايد يتصلون ويقولون نبي فلوس ومساعده ومن هالكلام وتلاقيهم من الاردن وسوريا وفلسطين

عيل الظاهر رقمك سبشل :nice:..
بخصوص برنامج نمبر بوك ماعليك سوا ادخال الاسم مثلا فلان الفلاني ويظهر لك رقمه ,,
او العكس تكتب رقم واتعرف من مستخدم الرقم ..
اتمنى يمنعونه على خطى دولة الامارات العربيه المتحده+ مملكة البحرين

[بونووف]

عيل الظاهر رقمك سبشل :nice:..
بخصوص برنامج نمبر بوك ماعليك سوا ادخال الاسم مثلا فلان الفلاني ويظهر لك رقمه ,,
او العكس تكتب رقم واتعرف من مستخدم الرقم ..
اتمنى يمنعونه على خطى دولة الامارات العربيه المتحده+ مملكة البحرين

تقريبا :shy:

بس نمبر بوك عليه حظر من كيوتل وماتقدر تدخله اذا كنت شابك النت عن طريق الواي فاي
لكن البلاك بيري يفتح كل المواقع لانه له سيرفر بروحه فأذا كنت شابك من البلاك بيري وعن طريق ال 3 جي بيفتح معاك الموقع لكن اذا شبكت من الواي فاي بيطلع لك بلوك

[وطن]

يمكن كلامك صحيح ولكن التلفون بإسمي انا ومن وين طلعت اسم بنتي

اخوي البرنامج يطلع اسم مستخدم الرقم
مب صاحب الرقم الأصلي

عندي رقم باسم ابوي استخدمه للشغل
مسجل في برنامج نمبر بوك اسمي بالكامل نفس اللي في البزنس كارد

:victory:

[وطن]

تقريبا :shy:

بس نمبر بوك عليه حظر من كيوتل وماتقدر تدخله اذا كنت شابك النت عن طريق الواي فاي
لكن البلاك بيري يفتح كل المواقع لانه له سيرفر بروحه فأذا كنت شابك من البلاك بيري وعن طريق ال 3 جي بيفتح معاك الموقع لكن اذا شبكت من الواي فاي بيطلع لك بلوك

فودا فون
مفتوحه الخدمة عندهم

:secret:

[بونووف]

فودا فون
مفتوحه الخدمة عندهم

:secret:

لا مب شرط كيوتل وفودافون ... اذا انتي تستعملين بلاك بيري عن طريق ال 3 جي كل شي يفتح معاج سواء كيوتل ولا فودافون
لكن اذا شبكتي عن طريق ال واي فاي ماراح يفتح معاج

[قطريه ماركه]

التجاهل أفضل في هالحالات ..

صحيح كلام أخوي الزعفراني و قريب من الصواب

أكييد جابت الاسم من برنامج ( نمبر بوك )

الله يبعد عنكم و عن المسلميين الشر أخوي بوحمد ...

[المستريح]

احسن شى اخوانى واخواتى تجاهل هذه الرسائل والرنات

[بو خليفه 123]

بلشنا هالنمبر بوك و طلع فضايح

ودي اعرف من مسميني كحيلان :shy:

[وطن]

لا مب شرط كيوتل وفودافون ... اذا انتي تستعملين بلاك بيري عن طريق ال 3 جي كل شي يفتح معاج سواء كيوتل ولا فودافون
لكن اذا شبكتي عن طريق ال واي فاي ماراح يفتح معاج

ما فتح معاي على شبكة كيوتل
فتح على الفودافون بس

واستخدم نوكيا :)


بلشنا هالنمبر بوك و طلع فضايح

ودي اعرف من مسميني كحيلان :shy:

هاهاهاهاهاها خوش اسم والله

[خليفـة]

جاتني نفس الرسالة بأالضبط أخوي
وبنفس المعنى ؤلكن من واحد
ؤرديت عليه مثلك وطلبت اسم إلي دله علي ؤما رد علي أبدا
بعدها كتبت له الرسالة التالية :
أن كنت صادق فالمفروض انك تجاوبني حتى أتأكد بنفسي من مصداقية كلامك
ؤلكن بما انك لم ترد على سؤالي فأقول لك :
أن كنت صادق ومحتاج فالله يعينك ويرزقك
وان كنت كاذب ومحتال فاسال اللہ أن يذيقك طعم الفقر الحقيقي
بأي يا زلمة

انتهى

خليفة

[بوحمد111]

اخوي انا مره وصل لي مسج على الواتساب قبل اسبوع تقريبا
وحده كاتبه
صباح الخير يا مريم

شو اخبارك يامريم وينك لاتتصلي ولا تسألي اشتأنالك

اكيد يبون يعرفون او يتعرفون والافضل تجاهلهم

[بوحمد111]

انا وصلتني واتصلت ورد علي شيبه وتم يصيح
وسألته من الي دلك علي قال اهل الخير
قلت الي دلك علي خل يساعدك

هذا الكلام الي نبي نوصله لهم اذا دلوكم علينا اهل الخير خلوهم ينفعونكم او عطونا رقمهم وبنتواصل معاهم

[بونووف]

ما فتح معاي على شبكة كيوتل
فتح على الفودافون بس

واستخدم نوكيا :)





يعني كيوتل تحجب مواقع وفودافون غير عنهم..؟؟

مب المفروض نفس الشي..!؟

[بوحمد111]

التجاهل أفضل في هالحالات ..

صحيح كلام أخوي الزعفراني و قريب من الصواب

أكييد جابت الاسم من برنامج ( نمبر بوك )

الله يبعد عنكم و عن المسلميين الشر أخوي بوحمد ...

مشكوره بنتي قطريه ماركه والله يبعدهم عنا وعنكم وعن جميع المسلمين والمشكله ان هذه السالفه صارت بعد مع ام حمد وبنفس الاسلوب ولكن الرقم يختلف

شكل برنامج نمبر بوك يخرع

[بوحمد111]

جاتني نفس الرسالة بأالضبط أخوي
وبنفس المعنى ؤلكن من واحد
ؤرديت عليه مثلك وطلبت اسم إلي دله علي ؤما رد علي أبدا
بعدها كتبت له الرسالة التالية :
أن كنت صادق فالمفروض انك تجاوبني حتى أتأكد بنفسي من مصداقية كلامك
ؤلكن بما انك لم ترد على سؤالي فأقول لك :
أن كنت صادق ومحتاج فالله يعينك ويرزقك
وان كنت كاذب ومحتال فاسال اللہ أن يذيقك طعم الفقر الحقيقي
بأي يا زلمة

انتهى

خليفة

كفو عليك اخوي خليفه وانا اشهد انك حكرت له في داعوس وهذه الاشكال ما ينفع معاهم الا هذا الاسلوب

[وطن]

يعني كيوتل تحجب مواقع وفودافون غير عنهم..؟؟

مب المفروض نفس الشي..!؟

لا مب نفس الشي

[رآعي موآجيب]

نعم وصلتني هالرساله بتاريخ 11/1 /2013 واستغربت منها

السلام عليكم ورحمة الله وبركاته .عمي فلان فلان ال فلان ( أسمي بالكااااامل ) أنا أخوك أبو ابراهيم من الأردن - دلوني عليك أهل الخير ،أنا بحاجه للمساعده وبحاجه لعملية اورام في الغدد ، الله يعافيك وكل شي مثبت بحالتي وعندي عيله 6 بنات وأولاد 2 اسكن بالأجره ، اقسم بالله اقسم بالله اني بضيق وأرجوا مساعدتي في المقسوم ، دعواتي انا وعيالي الله يفرجها عليك ويستر عليك دنيا وآخره

---------------

طبعا هنا انتهت الرساله وانا مصدوم

ويعلم الله ان القلب يحزن ولكن ماعاد عرفنا من الصادق ومن الكذاب !!

[ريتويت]

وصلني من يومين عالواتسب واحد يقول مرحبا (.....) انا اسمي محمد من لبنان ممكن نتعرف؟؟ سالته من وين جبت اسمي ورقمي قال لي من برنامج نمبر بوك.. قلتله لاعاد اطرش لي لاخرب بيتك ..ومافي فايده قمت مسحت الواتسب كاااامل من عندي.. حسبي الله علي ذي برنامج

[نورهان88]

الكثير من هذه الرسائل تمر على
بس معبرها امسحها على طول

[الصغيره]

اخواني واخواتي الكرام

السلام عليكم ورحمة الله وبركاته

من عنوان موضوعي اليوم بارك الله فيكم وما تحتويه الرساله الي وصلت لبنتي من الاردن وعن طريق برنامج الواتس اب حبيت استشيركم في الرساله وعن صدق او كذب صاحبة الرساله ومحتواها بكتب المحادثه حتى بالأخطاء الاملائيه

( اسلام عليكم ياختي (؟؟؟؟؟؟؟؟) انارسميه من لاردن ودلوني عليك اهل الخير ياختي انارمله وعندي امي معها سرطان في غدء وعندي خمسة بنات وسكن في لاجرة انادخل بلله وبيكي طلب صدقة لي ظروفي صعبه ياختي (؟؟؟؟؟؟)

بين الاقواس طبعا كاتبه اسم بنتي الطالبه في الجامعه

وردت عليها بنتي بعد استشارتي وقالت لها

عطيني اسماء الناس اللي دلوكي علي ؟؟؟

وردت الاخت

اسمها مريم كانت في لاردن مفتره قصيره

وقالت لها بنتي عطيني رقم مريم وانا بتواصل معاها

وردت الاخت ياختي (؟؟؟؟؟) يشهد الله رقمها مش عندي اناتعرفة عليها في مستشفى في عمان

وفي الاخير ردت عليها بنتي الله يستر عليها

اولا انا ما عندي صديقه اسمها مريم ابدا وما اقدر اقول غير حسبي الله ونعم الوكيل لان هاذي الحركه صايره في اكثر من شخص في عائلتنا.... ما اقدر اساعدج غير اني اقول لج اكثري من الاستغفار فهو يجلب الرزق الحلال والرجاء عدم ارسال رساله لي مره ثانيه وشكرا

وفي الاخير اخواني واخواتي الكرام حبيت فقط استفسر كيف ان هذه الاخت الاردنيه جابت رقم بنتي واسمها ولا قدرت تعطي بنتي رقم الاخت الي دلتها عليها ولكم حرية التعبير واحذركم من هذه الاشكال

وتحياتي لكم

انا مكالمه من فلسطين قلت من معطيكم رقمي قال ابناء الحلال انا اشك بان حد في بنكي اعطاهم رقمي الصراحه لزقوا لي لزقه لحد ما غيرت رقمي

[بن جعران]

انا نفس حالتكم وصلتني نفس الرساله وباسمي ومن شخص من الاردن وكالعاده طنشت:nice:

[عنزي قطر]

اخوي احذر وصلتني نفس الرساله لكن يقول معك ابوطلال وماعندي حق السكن وامي بها الرسطان الخ ويعرفون الاسماء عن طريق بعض البرامج التي تكشف الاسماء
وشكل هولاء عصابات لعنة الله عليهم

وجزاك الله على التحذير بارك الله بك وشكرا على التنبيه المهم في ميزان حسناتك يارب

[al_maystro]

بقول كلمة حق انا ما تعجبني حركات الرسايل مثل هالرسالة واعتقد البعض منهم
يسيء للمحتاجين بانه يطرش مثل هالرسايل
لكن كلمه حق بقولها نسبه الاصابه السرطان في الاردن مرتفعه بين الشعب وفي ازدياد والله يشفي كل مريض مسلم

وكلمه حق اخرى الشعب الاردني اغلبة يعاني من فقر واضح وغلاء معيشه اكثر من عندنا
متوسط رواتب الدخل المحدود لا يتجاوز 2000 ريال
اسطوانه الغاز عندهم سعر التعبئه 55 ريال وهم يحتاجون اكثر من 4 اسطوانات بالشهر
لانه موسم الشتاء عندهم طويل

الشعب يعاني من كثره الضرائب العاليه فل بنزين السياره عندهم 4 سلندر 250 ريال تقريبا
الغلاء فاحش والفساد كبير هناك وانا ما الومهم لكن بالنسبه لي ما تعجبني هذه الاليه في طلب المساعده
لانه من يستخدمها يسيء لنفسه وللمحتاجين اللي مالهم ذنب

[بوطويشم]

السلام عليكم

جاء مسج حق الوالد بسمه مب بلواتساب !!!

شكيت ببرنامج نمبر بوك

[امـ حمد]

هذا نصب وحتيال

[بوحمد111]

نعم وصلتني هالرساله بتاريخ 11/1 /2013 واستغربت منها

السلام عليكم ورحمة الله وبركاته .عمي فلان فلان ال فلان ( أسمي بالكااااامل ) أنا أخوك أبو ابراهيم من الأردن - دلوني عليك أهل الخير ،أنا بحاجه للمساعده وبحاجه لعملية اورام في الغدد ، الله يعافيك وكل شي مثبت بحالتي وعندي عيله 6 بنات وأولاد 2 اسكن بالأجره ، اقسم بالله اقسم بالله اني بضيق وأرجوا مساعدتي في المقسوم ، دعواتي انا وعيالي الله يفرجها عليك ويستر عليك دنيا وآخره

---------------

طبعا هنا انتهت الرساله وانا مصدوم

ويعلم الله ان القلب يحزن ولكن ماعاد عرفنا من الصادق ومن الكذاب !!

يعطيك العافيه واتوقع مثل ما تم ذكره بالبرنامج الي يطلع كل شي عن مستخدم التلفون ولكن هالايام عمليات النصب صارت بالتلفونات والرسايل وحسبنا الله وهو نعم الوكيل
والتطنيش اهم شي

[بوحمد111]

وصلني من يومين عالواتسب واحد يقول مرحبا (.....) انا اسمي محمد من لبنان ممكن نتعرف؟؟ سالته من وين جبت اسمي ورقمي قال لي من برنامج نمبر بوك.. قلتله لاعاد اطرش لي لاخرب بيتك ..ومافي فايده قمت مسحت الواتسب كاااامل من عندي.. حسبي الله علي ذي برنامج

صحيح هالبرنامج يخوف والله يفكنا من هالاشكال

[بوحمد111]

الكثير من هذه الرسائل تمر على
بس معبرها امسحها على طول

احسن شي نسويه نطنش للرسايل المجهولة الهويه

[بوحمد111]

انا مكالمه من فلسطين قلت من معطيكم رقمي قال ابناء الحلال انا اشك بان حد في بنكي اعطاهم رقمي الصراحه لزقوا لي لزقه لحد ما غيرت رقمي

وهذه بعد خطه من خطط النصب والاحتيال حسبنا الله عليهم

[بوحمد111]

انا نفس حالتكم وصلتني نفس الرساله وباسمي ومن شخص من الاردن وكالعاده طنشت:nice:

انا معاك والتطنيش مهم لمثل هذه الرسايل

[بوحمد111]

اخوي احذر وصلتني نفس الرساله لكن يقول معك ابوطلال وماعندي حق السكن وامي بها الرسطان الخ ويعرفون الاسماء عن طريق بعض البرامج التي تكشف الاسماء
وشكل هولاء عصابات لعنة الله عليهم

وجزاك الله على التحذير بارك الله بك وشكرا على التنبيه المهم في ميزان حسناتك يارب

وجزاك بمثله اخوي العزيز

وانا كنت متوقع الرسايل يطرشونها فقط للحريم ولكن تفاجئت انه حتى الرجال منهم توصل لهم هالرسايل ومثل ما قلت عصابه الله يكفينا شرهم ويبعدهم عنا

[بوحمد111]

بقول كلمة حق انا ما تعجبني حركات الرسايل مثل هالرسالة واعتقد البعض منهم
يسيء للمحتاجين بانه يطرش مثل هالرسايل
لكن كلمه حق بقولها نسبه الاصابه السرطان في الاردن مرتفعه بين الشعب وفي ازدياد والله يشفي كل مريض مسلم

وكلمه حق اخرى الشعب الاردني اغلبة يعاني من فقر واضح وغلاء معيشه اكثر من عندنا
متوسط رواتب الدخل المحدود لا يتجاوز 2000 ريال
اسطوانه الغاز عندهم سعر التعبئه 55 ريال وهم يحتاجون اكثر من 4 اسطوانات بالشهر
لانه موسم الشتاء عندهم طويل

الشعب يعاني من كثره الضرائب العاليه فل بنزين السياره عندهم 4 سلندر 250 ريال تقريبا
الغلاء فاحش والفساد كبير هناك وانا ما الومهم لكن بالنسبه لي ما تعجبني هذه الاليه في طلب المساعده
لانه من يستخدمها يسيء لنفسه وللمحتاجين اللي مالهم ذنب

كلامك على راسي ولكن البعض منهم الله يهديهم ويصلحهم يستغلون طيبة الناس ومع انهم غير محتاجين ولكن بطريقتهم هذه يشوهون سمعة المحتاجين منهم والله يشفي جميع مرضى المسلمين ويفك كربتهم

[بوحمد111]

السلام عليكم

جاء مسج حق الوالد بسمه مب بلواتساب !!!

شكيت ببرنامج نمبر بوك

حيلهم ما تنقطع والله المستعان

[بوحمد111]

هذا نصب وحتيال

كلامك صحيح 100% والله يكفينا شرهم