يوجد بيننا متطفلون من ينقذنا منهم !!!!

[غير البشر]

السلام عليكم ورحمه الله وبركاته

قال الرسول صلى الله عليه وسلم (من حسن أسلام المرء تركه مالا يعنيه )



نلاحظ كثير من المتطفلين في الشوارع يتجمعون عند الحوادث المروريه
حتى وصلت لبعض المتطفلين الوقوف في الشارع الثاني وغلق الطرق
لمشاهده الحادث والمصابين وتصويرهم
الله يحفظ الجميع من كل شي ان شاء الله
اتمنى لكل متطفل ان يضع مكانه مكان صاحب الحادث او المصاب
هل ترضى بالنفرج عليك
هل ترضى بتصويرك
هل ترضى بتأخر علاجك ووصول الاسعاف في الوقت المناسب
والاهم من ذلك كله
الا يمكن الحادث ان تكون فيه مصابات وكشف لعوراتهم
مارأيك ايها المتطفل هل بترضى بكشف عورات النساء المسلمات وغير المسلمات




الاضرار الي يتسببه المتطفلين
1- الكشف عن العورات
2- التأخير في وصول الاسعاف والمسعفين
3- شل حركه المرور على الشارع
4- بث الشائعات
5- وصول الاخبار الغير ساره لأهل المصاب عن طريق الرسائل او البلاك بيري
بدون التأكد من حاله المصاب او كامل المعلومات
6- تصوير المصاب او المتوفي والتعدي على حرمته





مارأيك ايها المتطفل
هل يرضي ذلك ديننا الاسلامي
هل ترتضيها القيم الانسانيه
هل يرضاها القانون
هل يرضي الناس من حولك



تقبلو تحياتي ،،،،،،،

[راشد محمد]

هههههههههههه يا كثرهم

[qatari911]

جزاك الله خير
وفعلا المتطفل هذا مايستحي بصراحه وانا اقوله الدنيا دواره بيجي يوم وتسوي حادث وبيجيك من يصور وينشر عوراتك بلبلاك بيري وغيره
اتذكر مره ولد عمي سوى حادث ومات وهالكلام الفجر وشوي انا وهلي نبي نروح ادوام الا يطرشو بلبلاك بيري خبر عن وفاته الله يرحمه
انا نصدمت توه امس مافيه شي البيت ذاك اليوم عاش صدمه ماكان نتوقع يصير هالشي <<<<قدر الله ومشاء فعل
ومره واحد مسوي حادث ومحشور في السياره يقول والله اني اصارخ عليهم ابيهم يطلعوني وهم متجمعين ولا ساعدوني والي ماسك جواله ويصور والي غيره
زين ليه تسوي كذا يامتطفل؟؟؟

اسمحلي على الاطالة
وشاكر لك فتح النقاش

[Aaziz]

تصرف جاهل

http://www.alrassxp.com/uploaded5/13198/01269380185.jpg

[حمد 2002]

فعلا كلامك في الصميم والواقع اخي الكرييييم غير البشر ،،،

وحبيت اضيف على كلامك أن للتطفل اشكالا وألواننا مختلفه ، فمثلا ،،

بعض الحريم يتطفلون على جوالات ازواجهم ربما ذلك من دافع الغيره والشك ، او يفتشون في مكتبه وأوراقه الرسميه

والبعض يتطفل في الحوادث المروريه كما اضفت انت ،،،

وهناك بعض المتطفليين من الجانب الالكتروني ،، كالهكر مثلا ،،،

وبعض الناس يٍسألك كم راتبك :secret: :rolleyes2: ، واعتبر هالسؤال من أنواع التطفل والفضوول ،،

ولا بعض الحريم هههه الله يهديهم تتصل في رفيجتها واتقولها اشطبختي اليوم ووين رحتي وووووو :rolleyes2: ، وهالشيء انا اتعبره من الفضوول بعد ،، والامثله كثيره ومتعدده

تــــــــحـــــــياتي لك اخي الكريم على موضوعك المميز والهادف بشكل كبيرررر

[غير البشر]

هههههههههههه يا كثرهم



انا اشهد يا خوي راشد
الله يهديهم ان شاء الله

شاكر لك مشاركتك

[غير البشر]

جزاك الله خير
وفعلا المتطفل هذا مايستحي بصراحه وانا اقوله الدنيا دواره بيجي يوم وتسوي حادث وبيجيك من يصور وينشر عوراتك بلبلاك بيري وغيره
اتذكر مره ولد عمي سوى حادث ومات وهالكلام الفجر وشوي انا وهلي نبي نروح ادوام الا يطرشو بلبلاك بيري خبر عن وفاته الله يرحمه
انا نصدمت توه امس مافيه شي البيت ذاك اليوم عاش صدمه ماكان نتوقع يصير هالشي <<<<قدر الله ومشاء فعل
ومره واحد مسوي حادث ومحشور في السياره يقول والله اني اصارخ عليهم ابيهم يطلعوني وهم متجمعين ولا ساعدوني والي ماسك جواله ويصور والي غيره
زين ليه تسوي كذا يامتطفل؟؟؟

اسمحلي على الاطالة
وشاكر لك فتح النقاش



ويجزك بمثله ان شاء الله
الله يرحمه ويغمد روحه الجنه
هذا الي كنت اقصده بالنسبه للمتوفي هذا اعتداء لحرمه المتوفي لايجوز
لا في الدين ولا في الانسانسيه ولا الاخلاق
ونفس القصه بالي كان مصاب
عندنا المثل الشعبي القديم

(( ياكثرتهم ياقله بركتهم ))
كنايه عن الكثره وما منهم فايده

اسعدني وشرفني مرورك واضافتك المميزه باالامثله
تقبل تحياتي اخوي الغالي

[cobra]

صبحكم بالخير

ترا المتطفل مايقصد انه يضايقكم بس شيسوي

غصبن عنه هذي فطره في كل انسان يحب يستكشف

[حسن]

اي والله ياغير البشر

لكن شرايك نصنفهم تحت مسمي البشمرقه
ولا اللويا جرقا

المشكله هم انواع كثيره وصعب تميزهم الا
الفاهم والعارف وان يكون تعدي العقد الرابع
:eek5:

اما متطفلين الحوادث واوبشمرقه الحوادث
هذولا ماينفع معاهم الا خيزرانه بدون فواصل

للاسف انا كم مره اعلق عليهم الهرن
لكن لو القرار في يدي لصرفت خيازرين
قانونيه لكل رجل امن يختص بالحوادث والطرق

الله يعين ياغير البشر

[Miss]

من فتره توفى واحد من معارفنا ,, تصدق ان اول ما صار له الحادث كانت الساعه 2 الفجر صوروه وهو محذوف على الارض وطرشوه برودكاست انه فيه حادث في المكان الفلاني وحاطين صورته ,, ووصل البرودكاست لابوه في نفس الوقت ,, تخيل وضع هله شلون ,,ووصلتني الصورة وأنا ماقدرت استحملها فشلون هله :(
هذا مب فضول هذا واحد ما يخاف الله ,, ليش هالتجمهر والتصوير !! بتسوون تقرير صحفي ولا شنوو بالضبط
الله يبعدنا عنكم وعنا كل أنواع المتطفلين

[غير البشر]

تصرف جاهل

http://www.alrassxp.com/uploaded5/13198/01269380185.jpg



اشكرك يا السمي على هذا الكاريكاتير المعبر جدا عن حالهم
شاكر لك مرورك وتعليقك

[شموخ دائم]

,

,


مرحبا

اخوي الكريم

موضوع في غايه الاهميه
بارك الله فيك

هذي يسمونها في كتب علم النفس وكتب علم الاجتماع
ظاهره ( التجمهر ) وكل ما كانت الدوله متخلفه تزيد هذه الظاهره
يعني تشوفها في الدول الفقيره مثل افريقيا واسيا ومصر وعموم الدول العربيه
اكثر منها من الدول الاوربيه

كل الشكر على التنبيه ونشر الوعي
موضوع مميز

,

,


اخوك


شموخ دائم

[بو دانه 1979]

تصرف جاهل

http://www.alrassxp.com/uploaded5/13198/01269380185.jpg

:nice::nice::nice:
اخوي الله المستعان

[ريم 28]

الا يعلمون بان الرسول عليه الصلاة والسلام قال.
لا يحل لمسلم ان يروع مسلما.

ما بالهم وما هدفهم من التصوير ونشره. لا يجوز لهم ذلك وما الهدف.


وبالنسبه للتجمعات وتعطيل الاسعاف. سيحاسبون على ذلك.
ماذا ستفعل هل ستسعفه ام ماذا.
التطفل هذا فيه ضرر على المصابين وقد يكون هناك نساء فالاخلاق مهمه واتاحة الطريق اهم.

اللهم احفظ الجميع
شكرا لك اخي غير البشر.

[غير البشر]

فعلا كلامك في الصميم والواقع اخي الكرييييم غير البشر ،،،

وحبيت اضيف على كلامك أن للتطفل اشكالا وألواننا مختلفه ، فمثلا ،،

بعض الحريم يتطفلون على جوالات ازواجهم ربما ذلك من دافع الغيره والشك ، او يفتشون في مكتبه وأوراقه الرسميه

والبعض يتطفل في الحوادث المروريه كما اضفت انت ،،،

وهناك بعض المتطفليين من الجانب الالكتروني ،، كالهكر مثلا ،،،

وبعض الناس يٍسألك كم راتبك :secret: :rolleyes2: ، واعتبر هالسؤال من أنواع التطفل والفضوول ،،

ولا بعض الحريم هههه الله يهديهم تتصل في رفيجتها واتقولها اشطبختي اليوم ووين رحتي وووووو :rolleyes2: ، وهالشيء انا اتعبره من الفضوول بعد ،، والامثله كثيره ومتعدده

تــــــــحـــــــياتي لك اخي الكريم على موضوعك المميز والهادف بشكل كبيرررر



ياهلا ومرحبا فيك اخوي حمد
نعم لانه غالبا مانشاهد هذا الاشياء عندنا وبكثره
ولها جمهورها وتجمعها وتكاثرها في الحوادث
عافان الله واياكم
اكيد اخوي المتطفل ( الفضولي ) او المتطفله لها جوانب كثيره لاحصى
من جذي انا اخترت الجانب المهم منها والي مزعجني لانها تهم فئه كثيره بنفس الوقت
ولاتهمني انا لوحدي والتدخل في خصوصياتي انا فقط
وهو موضوع التجمهر او التطفل كما نشاهده في الحوادث

الف شكر لك على تعليقك واضافتك المميزه اخوي حمد

[بوعلي2]

والله انك صادق

المفروض الشرطه يمنعون التجمهر فالحوادث لكذا كيلو مب مترين


موضوعك اتمنى الجريده تاخذه وتنشره لان مهم

موفق وجزاك الله خير يالذيب ع اهتمامك

[بومحمد المطاوعه]

جزاك الله خير ياخوي

ياكثرهم والله في الشارع

انا عن نفسي لا استحمل من اي حادث اشوفه

لو في ناس متعورين ابتعد واغض بصري

لأني لا استحمل هذا المنظر

اشلون بعض الناس قلوبهم قويه

ويشوفون المصابين ولا يهمهم شي

والي صج مايحس على دمه الي يصور الجثه او المصاب

ياخي خاف ربك على الي تسويه

اتق الله

حرام تشوف عوره اخوك المسلم

يمكن معاه اهله

لايجوز لك هالشي

قال الله تعالى: قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ
{النــور:30}.

وبعدين المصاب لو طايح على الارض ويتنفس

يتجمهرون عليه الناس ويختنق لأن مافي هواء ولا تنفس له من كثر الزحمه عليه


اسأل الله ان يحفظنا ويحفظ الجميع من كل شر

بارك الله فيك ياخوي والله موضوعك يخلي الواحد يكتب صفحتين ولا ينتهي

تعبنا من كثر مانعلم الناس ولاكن الله المستعان

[غير البشر]

صبحكم بالخير

ترا المتطفل مايقصد انه يضايقكم بس شيسوي

غصبن عنه هذي فطره في كل انسان يحب يستكشف



صبحك الله بالنور والسرور

صحيح تسري في دمه لكن بعد مهما كان الواحد يحس اشوي
والمفروض يعرف ان المكان الي قاعد فيه غلط
في جهات ذات المصلحه هي المفروض تكون مكان
تسعف المصاب تنظم حركه السير نقل السيارات المتسببه بالحادث

شاكر لك اخوي

[intesar]

صدقت أخوي.. كله يهون والتصوير ومن بعده النشر.. هذا لازم يتحاسبون عليه قانونياً..

[امـ حمد]

ياكثرهم والله
الله يبعد عنا شرور المتطفلين

[l0o0rd-qtr]

المشكله يتجمع 100 واحد حول المريض ولاواحد فيهم يعرف اسعافات اوليه

[معماري قطري]

الحل يا اخوي قلناه من زمان ومحد سمع

في مثل هالحالات لا بد ويكون فيه عقاب رادع وتكون شرطة سرية، أو يكون تكليف لجميع الجهات الأمنية بواجبات أمنية، وحتى وهم خارج الدوام وبملابسهم المدنية، وهذا شيء معمول به في كل الدول ذات الكثافة السكانية، فتحصل تسيير المرور يقوم به أحياناً ضابط أو جندي أو حتى شرطي متقاعد أو رجل دفاع مدني أو غيرهم من الكوادر الأمنية حتى الجهات الأمنية الخاصة .. والتي يتوجب تدريبها مبدئياً لمثل هذه الأُمور، ومنها التوقف وفتح الطريق لسيارات الإسعاف والإطفاء والشرطة.

ويكون لهؤلاء الرجال الحق في المخالفة في حال عدم الإلتزام بالأوامر، وكذلك يكون لهم الحق في المخالفات المرورية، وبهذا يتطور النظام الأمني لدينا.

[نوار قطر]

كل شي ممكن ان الواحد يتقبله ،،، كل شي الواحد ممكن يتغاضى عنه ،، الاااا اذا كان حادث قدااامهم ويتيمعوون عليه الشباب ويكون الي مسوي الحادث محشور في السياره او محذوف من سيارته ،، شالقلب الي عليهم بدااال ماتساعدونه وتسعفونه متفرغين كل وااحد ماسك جواله ويصووور واللي يذبح بيروحون ينزلون الصور وبيطرشونها برودكاست ،،، خافو ربكم اهاليهم مادرو بالسالفه ،،، زين يمكن هاللحظات الي انت بتصور فيها تنقذ فيها روح واحد من المصابين ،،،

الله يهديهم

[عنزي قطر]

غير البشر
اشكرك على الموضوع المميز ولي عوده بارك الله بك

يستحق الرفع

[نورهان88]

لاحولاولاقوة إلابالله

إيه دا معقولة فيه ناس بهالصورة

أشكرك على الموضوع صج مميز

[تغلبية]

الله يهديهم ..

محتاجين لرفع الوعي وتحمل المسؤولية المجتمعية اقلها لا توزعون صور الحادث وتروعون العالم.


شكرا على الموضوع الراقي والهادف ... محتاج تلقي الصحف المحلية عليه الضوء أكثر لتوعية الناس

[غير البشر]

اي والله ياغير البشر

لكن شرايك نصنفهم تحت مسمي البشمرقه
ولا اللويا جرقا

المشكله هم انواع كثيره وصعب تميزهم الا
الفاهم والعارف وان يكون تعدي العقد الرابع
:eek5:

اما متطفلين الحوادث واوبشمرقه الحوادث
هذولا ماينفع معاهم الا خيزرانه بدون فواصل

للاسف انا كم مره اعلق عليهم الهرن
لكن لو القرار في يدي لصرفت خيازرين
قانونيه لكل رجل امن يختص بالحوادث والطرق

الله يعين ياغير البشر



ياهلا ومرحبا اخوي حسن

دخلت لنا في تورا بورا مادام فيها بشمرقه واللوياجرقا:omg:
والله يا اخوي ماينفع معاهم هرن او غيره
لان الهرن للي قدامك وتخيل قدام الي قدامك 30 سياره
حتى الي قدامك مايقدر يتحرك او يسوي شي
لازم عقوبات رادعه لهم وتنفيذها من الجهات المختصه

تخيل ياحسن من كم يوم كنت على شارع 22 فبراير
وشفت قدامي زحمه طووويله قلت اكيد حادث
نص ساعه لين وصلت مكان الزحمه وطلعت المفاجأه :omg::omg:
والله على ما اقوله شهيد
سبب الزحمه تخييييييييييييييل شنو
الحادث على الشارع الثاني :eek5:
والزحمه الي صايره على هذا الشارع سببها ان كل واحد يمر يوقف يشوف الحادث
وبعدها يمشي تخيييييل
يعني زحمه ونص ساعه واقف اخرتها يتفرجون على حادث بالشارع الثاني معقوووله
لهدرجه وصلنا
خلها على ربك :(

[غير البشر]

من فتره توفى واحد من معارفنا ,, تصدق ان اول ما صار له الحادث كانت الساعه 2 الفجر صوروه وهو محذوف على الارض وطرشوه برودكاست انه فيه حادث في المكان الفلاني وحاطين صورته ,, ووصل البرودكاست لابوه في نفس الوقت ,, تخيل وضع هله شلون ,,ووصلتني الصورة وأنا ماقدرت استحملها فشلون هله :(
هذا مب فضول هذا واحد ما يخاف الله ,, ليش هالتجمهر والتصوير !! بتسوون تقرير صحفي ولا شنوو بالضبط
الله يبعدنا عنكم وعنا كل أنواع المتطفلين


لاحول ولاقوه الا بالله
الله يرحمه ان شاء الله

يعني نفس هالحاله اختي ميس شنو تكون رده فعل ابوه
او امه او اخوانه وخواته واقرب الناس له
حتى طريقه توصيل هالمعلومه المفروض تكون بطريقه فيها فن
وبطريقه بحيث انها ماتكون صدمه ومفاجأه لهم
لكن توصل لهم عن طريق بروتكاست هذه الكارثه
من المسئول من المتسبب في هذه الصور والنشر
اتمنى تكون في قوانين رادعه لمثل هذه التصرفات
اتقو الله يا متجمهرين ويا متطفلين عيب والله عيب

شارك لج تعليقج واضافتج اختي مس

[غير البشر]

,

,


مرحبا

اخوي الكريم

موضوع في غايه الاهميه
بارك الله فيك

هذي يسمونها في كتب علم النفس وكتب علم الاجتماع
ظاهره ( التجمهر ) وكل ما كانت الدوله متخلفه تزيد هذه الظاهره
يعني تشوفها في الدول الفقيره مثل افريقيا واسيا ومصر وعموم الدول العربيه
اكثر منها من الدول الاوربيه

كل الشكر على التنبيه ونشر الوعي
موضوع مميز

,

,


اخوك


شموخ دائم



ياهلا ومرحبا اخوي شموخ دائم
اي نعم يسمونه تجمهر صدقت اخوي
بس انا حاولت اشوف لي كلمه اقوى اشوي :victory:
على اساس الواحد يحس ان الموضوع مهب بسيط
للأسف نعم فقط عندنا في دولنا العربيه
الدول الاوروبيه الموضوع عندهم عادي يمشون حتى لو في حادث عندهم
وايضا بفسحون الطريق للشرطه والاسعاف بدرجه اكبر من الجماعه الي عندنا


العفو اخوي
وشاكر لك مشاركتك الطيبه :nice:

[بوحمد111]

يعطيك العافيه اخوي غير البشر

هذه الحركه موجوده من زمان وحلها صعب والله المستعان

فعلا ينطبق عليهم متطفلين مع ان اكثرهم عاقلين وبالغين ولكن حب الفرجه عندهم

الله يهديهم ويصلح حالهم

[نور الحور]

كلما رقت الأمة وتقدمت .. قلت فيها مظاهر التخلف وأهمها الفضول وحب الاستطلاع ، وحس الحكمة في تقدير الموقف .. والأهم من هذا كله ..
(تقدير كرامة الإنسان) ..

وللأسف العادات الشخصية غلبت الدين .. اللي يحث على غض البصر وإغاثة الملهوف وترك الإنسان لما لا يعينيه وحقوق الطريق ...الخ

الله المستعان ..
موضوعك غير البشر في غاية الأهمية أتمنى الصحافة تسلط الضوء عليه