أستشاره بخصوص شكوى على المقاول

[بومحمد55]

أنا متفق مع المقاول على بناء فيلا ( دور أرضي + دور أول ) مع الملاحق
وهالكلام مذكور في العقد اللي بيني وبين المقاول وبعدين خليته يسوي البنت
هاوس بس بدون عقد بيني وبينه السعر المتفق عليه لبناء البنت هاوس 38000
واليوم أبي أشوف حسابه قالي 38000 سعر البنت هاوس عظم و4000 الكهرباء و 2500 السباكه يعني زاد في السعر ....

(2) العقد اللي بيني وبينه أعمال الكهرباء والماء بالكامل عليه + العوازل من شركة المسند بس الحين رافض يسوي من شركة المسند وحاول يسوي معاهم
مشاكل عشان يرفضون التعامل معاه .. للعلم دفعه العوازل أخذها ..

(3) المقاول حاسب لي البلاستر الخارجي المتر 50 ريال مع العلم البلاستر على
المقاول وأنا ركبت للفيلا حجر وقلت له أخصم لي سعر البلاستر من المبلغ المتبقي قالي لي راح أغير سعر البلاستر إلى 35 ريال للمتر ! فهل من حقه يغير في السعر على كيفه .

سؤالي الحين أبي أشتكي على المقاول لأنه رافض يسوي العوازل والسبب أنه
لما غير في سعر البنت هاوس وغير في سعر البلاستر ماعطيته فلوس
للعلم باقي للمقاول 15000 ريال يعني مأخذ حقه وزياده وهو باقي عليه العوازل والكهرباء والماي .

[Bozizoo]

تشتكي على شنو اخوي ماعندك اي مستند رسمي ضده ان الاتفاق كان مثل ماقلت
نصحيه لك اخوي خذه بالود و حاول تنقصه كثر ماتقدر و ادفع الفلوس
وخلص بيتك ابرك لك

[شموخ دائم]

,

,


مرحبا

اخوي الكريم

السؤال الي عندي عقدك مع المقاول للبيت ( عظم ) او تشطيب ؟؟؟

اذا عقدك تشطيب فلابد انه الاتفاق للبنت هاوس تشطيب
واذا عقدك عظم فلابد ان البنتهاوس عظم
مو معقوله يشطبه لك ويصبغه وبيتك عظم

الان اخوي الكريم
الله يعينك على المقاول
لانه مثل ما تفضلت مافي شي مكتوب للبنتهاوس
ولكن باذن الله حقك ما بيضيع

وحاسب من شغله ( العناد ) مع المقاول
الامور تنحل ( على الطاوله )

اطلب من ( الاستشاري ) مالك يحدد جلسه
مع المقاول او المهندس ماله ومع ( المسند ) خل موظفهم يجي الجلسه
وجلسوا واتفقوا على موضوع العازل وبتنحل المسئله باذن الله


ولو قدرت تحل مسئله ( العازل ) بهذي الجلسه خير وبركه

ترى الفرق بين المسند والشركات الثانيه ما يوصل 3 الاف ريال
وما يستاهل المقاول يتمسك فيها ولو قلت له هذا الكلام راح ( ينحرج ) لانه مكبر السالفه
على فاضي بلاش
المتر عند المسند 82 ريال
وعند باقي الشركات 77 ريال

ولا تستاهل تصير عليها مشكله والله

بعد ما تحل هذا الموضوع
لا تتكلم بشي ثاني
لين يخلص العازل

وبعدها يبقى موضوع البنت هاوس
هذا يحتاج الاستشاري يقيم البنت هاوس
وبيقولك شنو الحل واتبع نصيحه الاستشاري

والله يوفقك

,

,


اخوك


شموخ دائم

[بومحمد55]

تشتكي على شنو اخوي ماعندك اي مستند رسمي ضده ان الاتفاق كان مثل ماقلت
نصحيه لك اخوي خذه بالود و حاول تنقصه كثر ماتقدر و ادفع الفلوس
وخلص بيتك ابرك لك

أخوي الشكوى على أن المقاول مب راضي يسوي العازل مع أن العازل على
المقاول ومذكور في العقد من شركة المسند .

[بومحمد55]

,

,


مرحبا

اخوي الكريم

السؤال الي عندي عقدك مع المقاول للبيت ( عظم ) او تشطيب ؟؟؟

اذا عقدك تشطيب فلابد انه الاتفاق للبنت هاوس تشطيب
واذا عقدك عظم فلابد ان البنتهاوس عظم
مو معقوله يشطبه لك ويصبغه وبيتك عظم

الان اخوي الكريم
الله يعينك على المقاول
لانه مثل ما تفضلت مافي شي مكتوب للبنتهاوس
ولكن باذن الله حقك ما بيضيع

وحاسب من شغله ( العناد ) مع المقاول
الامور تنحل ( على الطاوله )

اطلب من ( الاستشاري ) مالك يحدد جلسه
مع المقاول او المهندس ماله ومع ( المسند ) خل موظفهم يجي الجلسه
وجلسوا واتفقوا على موضوع العازل وبتنحل المسئله باذن الله


ولو قدرت تحل مسئله ( العازل ) بهذي الجلسه خير وبركه

ترى الفرق بين المسند والشركات الثانيه ما يوصل 3 الاف ريال
وما يستاهل المقاول يتمسك فيها ولو قلت له هذا الكلام راح ( ينحرج ) لانه مكبر السالفه
على فاضي بلاش
المتر عند المسند 82 ريال
وعند باقي الشركات 77 ريال

ولا تستاهل تصير عليها مشكله والله

بعد ما تحل هذا الموضوع
لا تتكلم بشي ثاني
لين يخلص العازل

وبعدها يبقى موضوع البنت هاوس
هذا يحتاج الاستشاري يقيم البنت هاوس
وبيقولك شنو الحل واتبع نصيحه الاستشاري

والله يوفقك

,

,


اخوك


شموخ دائم

أخوي شموخ أولاً العقد مع المقاول بناء فيلا عظم + بلاستر + الكهرباء + الماء

ولما قلت له كم تسوي البنت هاوس قالي 38000

وحددت جلسه مع الأستشاري والمقاول وقال ما راح يسوي العازل لين ماأدفع

4000 للكهرباء + 2500 للبايب فيتر

[حسن الاحمد]

انا دايما اشتغل حجر ويكون صاحب البيت متفق مع المقاول على البلاستر
فيخصم عليه تقريباً 30-40 ريال للمتر عن البلاستر والمالك يكمل للحجر.

هذا اللي اقدر افيدك فيه.

وبالتوفيق

[ahmed jasim]

أخوي لا تروح المحكمة لأن ما منهم فايدة
إذا المبلغ 15 ألف
إدفعه بس بشرط بعد مايخلص كل شغله

[Chambray]

افشل محاكم هي محاكمنا من ناحية بطئ الاجراءات وتعقيد الامور

تخيل الفيتري السابق عامل لي اخطاء كثيرة في الشغل

رفعت عليه قضيه

دفعت 10 ريال للطباعه
100 ريال فتح صحيفه دعوى

اول جلستين حكم القاضي بندب خبير هندسي

قالولي ادفع 2000 ريال للخبير

دفعت

جاني الخبير

رفع تقريره
في التقرير كتب قيمه الاخطاء 7500 ريال

مع ان التصليح يكلفني اكثر

قالي القاضي موافق على تقرير الخبير

قلت له كل شئ تمام بس ماكتب قيمة الاصلاحات !!

قالي يعني معترض

قلت له اي

وخذ تنقيعه لين ما جا التقرير التكميلي من الخبير

الي يقول ان القاضي ندب له مهمه الفحص عن العقار .. ماكلفه بقيمة الاصلاحات !!

المهم يوم شفت الموضوع مطول قلت خلاص خلني ارضى ب 7500 واخلص من الموضوع لاني زهقت

رحت للقاضي الجلسه الي بعدها وقلت له موافق على تقرير الخبير

بعد 5 شهور بالتمام والكمال ( القضيه كانت مستعجله )

صدر حكم ان ( تأييد القاضي لتقرير الخبير الهندسي ) !!

سألتهم يعني شنو ؟؟

قالولي يعني ارفع دعوى ثانية للمحكمة المدنية الجزئية للمطالبة بالحقوق !!

قلت لهم وانا من 5 شهور شنو ؟ كل اسبوع اسبوعين مبلت الوجه عندكم ومخالفات للسيارة ومرة ماجيت لظروف شطبتوا القضية ودفعت 50 ريال لتجديد القضيه وآخر شي تقولون لي ( نثبت حاله ) !!!!!!!!!!!

قلت مب مشكلة دام اني نطرت 5 شهور انطر مثلها شوراي ،، حقي وباخذه قصب طيب ..

رحت الطباعه افتح صحيفة دعوى للمحكمة المدنية الجزئية

خذت الاوراق ورحت للكاشير ( على امل اني بادفع 100 ريال كالعادة )

قسماً بالله طلبوا مني 1900 ريال !!!!!!!!

قلت 190 ذي ولا 1900 ؟؟

قالولي 1900

قلت لهم ليش

الخبير قال 7500 ريال

وانا دفعت 2000 للخبير
و1900 احين

يعني 4000 ريال من مخباي

يعني باتعب على 3500 ريال !!!!!

قالولي حقك كله بيرجع لك في النهايه


اي حق الي بيرجع لي

خليتوا فيها حق انتوا

لو اني اطالبه ب مليون باقول مب مشكلة شنو 1900 ريال

والله طقعت لهم وحذفت الاوراق ..
وتوبه اروح محاكم مرة ثانية

اخذ حقي بيدي مرة ثانية ههههههههههههههه



هذي قصتي باختصار مع محاكم قطرر

وانت وكيفك ..



بالمقابل ..
في فرنسا
واحد باع لي سيارة ودفعت له كاش واكتشفت بعد فترة ان الملكيه مسجلة باسم شركة ثانية وان هالشخص نصاب
دفعت 300 يورو للمحامي خلال اسبوعين الملكية راجعه لي .. والقضية تحولت مابين ( الشركة والنصاب ) وانا طلعت منها لان الحق معاي

( اسبوعين الموضوع محلول وخالص ) مب 5 شهور ولحين مب خالصين ..