الزحمة وصلت الفريج !!!!!!!

[قلب الدوحة]

صباح الخير

انا من سكان النعيجة وبالتحديد فريج العلي الزحمة مب طبيعية لدرجة انها وصل لين الشارع اللي فيه دكان محمود وانا ادوام في التلفزيون متى باوصل:weeping: دوامي يبتدي 8

[حمد 2002]

انا كرهت اروح الدوام والسبه الزحمه ،،،

خلونا انسوي حمله تحت شعاااااار

لن نذهببب إلا اشغالنا ودوامتنا والسبه الزحمه :victory:

تحياتي لك

[monatee]

بل عذاب يوم كان دوامي يبتدي 8 كنت اعيش هالمعانه

الحمدالله الحين دوامي 6 ماتصيدني الزحمه خير شر

[qatari 111]

الحل الوحيد يسوون لنا سكن قريب من دواماتنا .. يعني بمعنى اصح يسوون مجمع سكني لكل الموظيفين فالجهه الحكوميه او الهيئات بجانب عملهم .. وهذا حل طيب

[محمد سعيد]

الزحمة الان وانا اكلمكم من دوار العبيدلي الى دوار بوهامور جميع الطرق مقفله في وجهي

ونفس الشي الشارع صوب بوهامور عسى ماشر ليش اليوم زحمة موب طبيعية

[راشد محمد]

الله يعينا..ملينا والله

[البيت القديم]

اليوم كنت بارجع البيت بسبة الزحمة في بوهامور

الصراحة شي مب طبيعي.. مهزلة ومصخرة

[PLATINUM]

اليوم الزحمه مش طبيعيه ابدا

السؤال المهم
كل يوم بنواجه نفس هالزحمه ؟

[عذايب قطر]

شكلة كل يوم على هالحال
واذا صار فينا شي في ذمتهم ان شاءالله اللي يحاسبونا ع الدقيقة

[بونـ ايف]

10 سنين وهم يشيلون ويحطون في هالشوارع والمشكله ان الزحمه كل يوم تزيد ماعرفنا وش الحل مافي الا نأجر طيارات

[ابوحشر]

انا اليوم نطرت عند دوار اكاديميه الجزيرة ساعه ونص


بالله عليكم مب حرررررام

[Rider]

الحل الوحيد الصبر واذا حد تاخر على الدوام يقول حق مسؤوله حل مشكلة الزحمه وتشوفين اول واحد مثل مااسوي انا

[PGR]

انا من سكان نعيجة بعد العادة الزحمة تصيدني على الهاي واي بس اليوم الزحمة كانت من اشارات التضامن باتجاه دوار العبيدلي مادري شسالفه