الفرق بين فتح حساب بنكي في الصين وفتحه في مصرف قطر الإسلامي

[قطري10]

السلام عليكم


حدث حصل لي شخصياً

سافرت الصين مع أحد اقربائي وهو تاجر وتنقلنا من منطقة إلى أخرى وفي منطقة بعيده قليلا دخلنا شركة وكان يبي يشتري أغراض قالوا لازم يكون عندك حساب في البنك الصيني وكان البنك يبعد ربع ساعه سيراً على الاقدام دخلنا البنك الساعة : 10:12 دقيقة أخذ البيانات وصورة من الجواز وصورة شخصية وخلال عشر دقائق سلمنا البطاقة وقال الحين تقدرون تستخدمون الحساب

رجعت الدوحه ابي افتح حساب لفرع الشركة قالوا لي لاز تجيب السجل التجاري للرئيسي والفرع والبطاقة الشخصية جبت له وعقب يومين راجعته قالي لازم تجيب عقد تأسيس الشركة وهذه البطاقة بس ماتقدر تستعمله الا لما تجيب عقد التأسيس بعد كم يوم رحت له وعطيته عقد التأسيس (وأنا من قبل فاتح حساب للشركة الرئيسية من 5 سنوات ) (وكنت مغير اسم الشركة من اسم انجليزي الى عربي والحساب عندهم بالإسم العربي ) المهم قالي عطني شئ يثبت ان الشركة تغيرت اسمها وان هي نفسها الموجودة في السجل رحت السجل التجاري وجبت كتاب من عندهم يثبت ان الشركة هي نفسها يوم وصلت البنك دخلت على الموظف حولني على مدير الفرع جلست في المكتب وقعد 5 دقايق اناقشة قالي اصبر اجيب الخبير في فتح الحساب جاء الخبير قالي مايصير افتح لك الحساب لأن هذا عقد التأسيس غير صاالح لانك غيرت الإسم روح غير عقد التأسيس في وزارة الاعمال والتجارة وبعدين نفتح لك حساب
كل موظف يطلب اورقه خمس أيام آخر شئ يقولون مانقدر نفتح لك حساب

ابي اسال المصرف ليش ماتقولون من البداية وتفكونا ثلاث أو اربع مرات اروح البنك كل موظف يطلب ورقة .

[R 7 A L]

ابي اسال المصرف ليش ماتقولون من البداية وتفكونا ثلاث أو اربع مرات اروح البنك كل موظف يطلب ورقة

لانهم يشتغلون بالبركة

[قطريه22]

ماعرف شاقول بس المصرف يبي له تطور في خدماته وايد وايد لين الحين يوم تتصل لهم تبي تسال عن شغله يسالونك اكثر من سوال عشان يجاوبونك انزين ليش مايسوون مثل البنوك الثانيه في قطر مب الصين ؟؟

[بونووف]

لانهم يشتغلون بالبركة

صحيح وكل واحد معلوماته على قده وعلى خبرته.. يعني تطيح على عليمي ماراح يخلص وتطيح على واحد قديم ممكن يخلصك والمدير تلاقيه بعد نفس الشي ... جرب تروح لمدير الفرع الرئيسي واذا هالكلام صار هناك اتوقع مافي حل الا انك تتسوي اللي يقولك عليه والله يعينك

[R 7 A L]

صحيح وكل واحد معلوماته على قده وعلى خبرته.. يعني تطيح على عليمي ماراح يخلص وتطيح على واحد قديم ممكن يخلصك والمدير تلاقيه بعد نفس الشي ... جرب تروح لمدير الفرع الرئيسي واذا هالكلام صار هناك اتوقع مافي حل الا انك تتسوي اللي يقولك عليه والله يعينك




لا بلفيت ان عندهم سيفتي على السستم
تعقيدات مالها اول من تالي

روح شوف الدول الثانية المتطورة
سفتيهم صح



لا يبون الناس تثق في التعامل البنكي الالكتروني في الشراء والبيع
وهم للحين متأخرين 20 سنة عن الدول الاخرى

[بونووف]

لا بلفيت ان عندهم سيفتي على السستم
تعقيدات مالها اول من تالي

روح شوف الدول الثانية المتطورة
سفتيهم صح



لا يبون الناس تثق في التعامل البنكي الالكتروني في الشراء والبيع
وهم للحين متأخرين 20 سنة عن الدول الاخرى

اي والله صدقت

[راشد محمد]

الله يعينك..كنت بحول على المصرف بس خلاص هونت من كلامك

[برويقن]

كل شي هني معقد

المصرف يحتاج لتطوووووووير واشوف ان بنك قطر الوطني افضل شي في الخدمات والفرووع

اذا رحت المصرف عشان تطلب بطاقة انترنت هديتي .. لازم تعبي طلب وبطاقة شخصية وتوقيع وانتظر كم ساعه لين يفعلونها

لكن في اوروبا اي سوبرماركت واي صيدلية تحصل عندهم كروت للانترنت ادفع وتوووكل وفعلها بنفسك فالنت .. لابطاقة اثبات الشخصية ولا توقيع على اوراق

[شموخ دائم]

,

,



مرحبا


اخوي الكريم

ما زالت المؤسسات في قطر مع تطور ( شكلها الخارجي )
ابراج زجاجيه وديكورات
تحس انك في مكان راقي

بس تتامل مع الموظف والسستم الداخلي
تعرف انك في ( مؤسسه متخلفه )
عقليا وجسديا

البزنز في صوب
وهم في صوب

هذه المؤسسات لا تساعد دوله قطر على النهوض ( للعالميه )
لاهي تخدم الافراد بطريقه احترافيه
ولاهي تخدم الشركات للارتقاء بها او مجاراتها
حتى الشركات الصغيره بقطر من سوبرماركت ومقاولات
عندها الان برامج في الحسابات والمخازن
اكثر تطور من ( المصرف )

شركاتنا الصغيره
تفوقت على المصرف وهذه المشكله الان

المصرف قاعد يجرنا للخلف والتخلف
مع الاسف ان حسابي عندهم في احد الشركات
وشركتي الثانيه هربت منهم الى بنك الدوحه مجبور
الله يجازيهم على تخلفهم
يجبرونا على الشين بسبب تصرفاتهم الغريبه

للاسف ما تقدر ( تعمل بزنز ) وانت في المصرف

اما تروح بنك الدوحه
او تروح البنك التجاري

غصب عنك او تسكر شركتك



,

,


اخوك


شموخ دائم

[tawareq]

تبون تضحكون

بعنا كم فلة مللك خاص للاهل ودخلنا الفلوس في حساب اخونا
ولا متصل مدير بنك المصرف فرع فنار سوداني الجنسية بالمراجعه

رحت لمقابلة المدير بدل اخوي لانه كان مشغول علشان استفسر عن الموضوع
وللا يقول لازم تفتحون حساب شركات في البنك وتدخلون المبالغ وينخصم منكم 3%

قلتله يالحبيب هذه عقارات خاصة وما عندنا سجل تجاري لبيع الفلل

قال يوقع على تعهد انه ما يدخل مبالغ كبيرة في حساباته الشخصية ولا بيوقف الحساب

هذا الحين شتقولون له الحين

[متواصل]

" الثوب اللي مش مفصل لك ماهو قدك "

كل القوانين تم استيرادها من الدول المتخلفة بالفكر البيروقراطي الفاسد
التي جاءت مع اصحابها كموظفين ومستشارين ( لم يستطيعوا تطوير بلدانهم ) فما بالك ببلداننا !!!
فلا تزال بلدانهم غرقا بالملفات والاوراق والدوسيهات والمستندات والارفف والارشيف الورقي المعفن،،
والاجراءات المعرقلة للعمل هدفها في هذه الدول المتخلفة
دفع الرشوة في المستقبل القريب
وهو ما يحصل اليوم في بلداننا على استحياء ،، ولولا بعض الانفس النظيفة المراقبة لرأيت هذا الامر منتشر بصورة كبيرة جدا

[الخزرجي قطر]

الله يعينك .اي تطورفي خدمات البنوك همهم استغلال العملاء
تبي تخلص معامله روتين مابعده روتين من اوراق ومستندات

[فارس قطر]

دفع الرشوة في المستقبل القريب


ابشرك منتشرة وسئل مكاتب تخليص المعاملات

[CH Engineer]

تبون تضحكون

بعنا كم فلة مللك خاص للاهل ودخلنا الفلوس في حساب اخونا
ولا متصل مدير بنك المصرف فرع فنار سوداني الجنسية بالمراجعه

رحت لمقابلة المدير بدل اخوي لانه كان مشغول علشان استفسر عن الموضوع
وللا يقول لازم تفتحون حساب شركات في البنك وتدخلون المبالغ وينخصم منكم 3%

قلتله يالحبيب هذه عقارات خاصة وما عندنا سجل تجاري لبيع الفلل

قال يوقع على تعهد انه ما يدخل مبالغ كبيرة في حساباته الشخصية ولا بيوقف الحساب

هذا الحين شتقولون له الحين

اخوي والله انت الغلطان لو انا منك بعد هالكلام والله ماتم عندهم فالبنك
روح للفرع الرئيسي واطلب مقابلة المدير وقوله مدير الفرع الفلاني قالي ممنوع ادخل مبالغ كبيره لحسابك... وانا ابي احول فلوسي للبنك الفلاني وتسكر حسابي اليوم.

[النهار]

ابي اسال المصرف ليش ماتقولون من البداية وتفكونا ثلاث أو اربع مرات اروح البنك كل موظف يطلب ورقة


هذاكبر دليل ماعندهم في الغنم تيس ( تخبط )
لو شفت لك عامل في البنك اضنه يفهم اكثر من الي قاعدين وراء المكاتب
ليش مايكون عندهم شي مثل الدستور مكتوب وموثق يمكن الرجوع له في هذه الحالات
انا حسابي في احد البنوك لوعندي اي شي اروح عند موظف قديم مصري اسأله يعطيني الزبده
لاني صراحه انا من النوع العصبي صراحه لوصار لي ماصر لك اقلب عليهم البنك

[Most Wanted]

مصرف قطر الإسلامي من سئ إلى أسواء
كنت في بنك قطر الفرع الإسلامي وكنت جداً مرتاح لغاية ما طلع قرار المصرف المركزي بإغلاقه، شلت ألهمه وقلت خلاص انقل لمصرف إسلامي وكان الاختيار على متعوس الرجا "مصرف قطر الإسلامي". دخلت على الكابتن اللي اسمه موظف في المصرف ودار الحديث التالي:
انا: الشيخ ابغي افتح حساب جاري
الموظف: لا ما ينفع جاري توفير فقط
انا: لا بغيت جاري لان بحول راتبي عليكم
الموظف: لا اذا تبغي بس توفير جاري لا (كان حالف أن ما يفتح)
انا: حبيبي ما ينفع الشغل يبغي حساب جاري وأنا بسكر حسابي في بنك قطر وبحول راتبي عندكم وما اقدر أخذ إخلاء طرف من بنكي إلا قبل افتح حساب عندكم.

الله وكيلكم ربع ساعه أحاول اقنع في الكابتن والحبيب مب راضي يقتنع (حسيت يقول لي اقبض الباب وفكني).
يوم قفلت الله سخر لي مدير الفرع كان نازل يخلص شغله وطلعت شخص اعرفه سلمت عليه وقلت له يا بوفلان الكابتن مب راضي يفتح لي حساب جاري يقول ما يصير، خذني على مكتبه وتم يشكي على نوعية البشر اللي عنده وانهم ما يفهمون شنو معاملة بنك.
فتح لي الحساب وما قصر معاي في أمر البطاقات ظ£ أيام لين ما اطلعت الآي تي أم �� واسبوع لما اطلعت الفيزا وهاي مدير الفرع موصي عليهم.

وغير السوالف الثانيه

[MAZEN37]

لانهم يشتغلون بالبركة
تاكيد لاسلوبهم انهم شغالين بالبركه وبالغباء موقف عمري ما انساه ووصمة عار اعتبره
رحت استلم بطاقه الصراف اي تي ام المهم الموضف اعطاني ورقه اوقع عليها توقيع مطابق لاستلام البطاقه المهم جات اخت منقبه قالها كشفي وجهك اشوف او روحي قسم النساء صباحا قالت له مااقدر اجي الصبح قالها خلاص وقعي على هذا التوكيل لاخوكي او ابنك المهم عطاها التوكيل ووقعت وخذ الورقه وختم بالمطابقه للتوقيع وقالها طرشي اخوكي بكره يستلم بهالتوكيل
صراحه ماادري كيف مسكت اعصابي

[CH Engineer]

اسحبوا عليهم وحولوا على مصرف الريان

مصرف الريان بنك ناشئ ويستاهل الدعم حطوا فلوسكم فيه

[ولد البدر]

كل شي هني معقد

المصرف يحتاج لتطوووووووير واشوف ان بنك قطر الوطني افضل شي في الخدمات والفرووع

اذا رحت المصرف عشان تطلب بطاقة انترنت هديتي .. لازم تعبي طلب وبطاقة شخصية وتوقيع وانتظر كم ساعه لين يفعلونها

لكن في اوروبا اي سوبرماركت واي صيدلية تحصل عندهم كروت للانترنت ادفع وتوووكل وفعلها بنفسك فالنت .. لابطاقة اثبات الشخصية ولا توقيع على اوراق
اخوي روح مصرف الريان بيخلصونك وانت واقف حتى لو ما كان لك حساب عندهم خلال 15 دقيقة يسلمونك البطاقة ، انا في المصرف لكن اخذ من مصرف الريان لان بطاقة المصرف هديتي ما فيها امان يعني اي واحد يلقاها يمكن ان يستعملها اما بطاقة الريان فهي برقم سري واسمها pay and go والمصرف اسمها هديتي لكنك تشتريها بفلوسك ليش سموها هديتي ؟ ما اعرف ليش

[المواطن]

انا قايل لكم من زمان

انا اسميه المفرص

[بوعلي2]

وافضيحتاه

[وطن]

تبون تضحكون

بعنا كم فلة مللك خاص للاهل ودخلنا الفلوس في حساب اخونا
ولا متصل مدير بنك المصرف فرع فنار سوداني الجنسية بالمراجعه

رحت لمقابلة المدير بدل اخوي لانه كان مشغول علشان استفسر عن الموضوع
وللا يقول لازم تفتحون حساب شركات في البنك وتدخلون المبالغ وينخصم منكم 3%

قلتله يالحبيب هذه عقارات خاصة وما عندنا سجل تجاري لبيع الفلل

قال يوقع على تعهد انه ما يدخل مبالغ كبيرة في حساباته الشخصية ولا بيوقف الحساب

هذا الحين شتقولون له الحين


:omg:

ها

What !!!

لو انا مكانك أطلع زيراني عليه واغسله
:anger1:

[H H]

وانا كنت ناوي افتح حساب عندهم الاسبوع الجاي :(

طيب انصحونا ببنك اسلامي مريح فالتعامل ومافيه غشمان وايضاً فوائده على القروض اقل من البقيه
والله يعينك اخوي انا لو منك انفضهم مع مديرهم , شي ينرفز وكأنك قاعد تشحذ منهم

[khalid525]

اسحبوا عليهم وحولوا على مصرف الريان

مصرف الريان بنك ناشئ ويستاهل الدعم حطوا فلوسكم فيه

انا مب معاك اخوي مصرف الريان والمصرف الاسلامي اختك مثلك ، لكن الميزة الوحيدة في الريان انك ممكن تحصل فروعه مرات ما فيها زحمه ، انا مريت باكثر من تجربة واكثر من فرع من فروع الريان لقيت ان خبرة موظفينهم لازالت قليلة وهناك عدم ثقة في اعطاء المعلومة والخدمة ، انا اقول هذا الكلام بعد ان جربتهم في فتح حسابات توفير وجاري وحسابات قصر وودائع وشركات وكريدت كارد دايما يطلعون لي بمشكلة وتأخير ومرات يحولوني نن فرع للثاني اللهم فقط والحق يقال الوحيد اللي يبيض الويه موظف واحد قطري موجود في فرع السيتي اظن اسمه فهد هو من افضل موظفينهم وعنده المام جيد بخدمات البنك ، ولولا مشكلة مواقف السيتي كان ما خذت خدمتي الا من عنده ، اتمنى له التوفيق

[التيما]

اذكر من سنة الطبعة رحت لهم اخلص معاملة حق اختي لان حسابها عندهم .. تهاوشت ويا الحريم هناك العن أم الرأس اليابس والغباء اللي عليهم والبرود شي مب طبيعي .. الله يخلي بنك قطر صج ربوي لكن والله بنك من قلب ..