مشكلتي مع خياط ديانا للرجال الوكره

[daekan]

قمت بتفصيل ثياب لابناي بعد ان قمت باختيار نوع القماش وتم الصاق عينه بدفتر المقاسات ولكن عند الاستلام فاذا بنوع القماش مختلف والصاحب المحل مازال مصر ان نوع القماش هو نفسة تم الا تصال بحماية المستهلك.

ارجو الحذر من الخياطين يريك قطعه قماش نوعية جيده ويقوم بتفصيل ارخص نوع ابو طاقه 250 ريال . اخذ عينه من القماش واطلب منه تدبيسه بالفاتوه لتاكد من نوع القماش وقت الاستلام.

[الدوحي7]

يجزاك خير على التنبيه،،

[ناصـر]

ما فكرت فيها من قبل، جزاك الله خير

[nokia30]

يجزاك خير على التنبيه،،وحسبي الله ونعمه الوكيل فيهم

[حميداني]

اسم المحل لاجل الحيطه والحذر

الله يحفظكم

[ANONYMOUS]

خذ سامبل معاك غير السامبل المدبس اضمن

[وبشرالصابرين]

لعبه الخياطين في القماش ،،، اشك أنهم يشترون طاقات ستوك

[Abu Mahmoud]

مشكلة الخياطين اذا صارت عليهم زحمة

ما يهتمون بالناس والخياطة العدلة

يعني خياط حبيب بسوق الدوحة

حسبي الله عليهم

تفصل بالعشر ثواب ما يطلع لك واحد عدل

كلهم مخربهم في المقاسات والرقبة

ويصصير تعديل لين يخرب الثوب بالكامل

وهونت اروح عنده من جديد

[باراكودا]

شكرا على النصيحة يالطيب

[المريخي77]

طبعا تصير ها الحركات منهم ، والحركة سهله والباقي في جيب المدير ، وصاحب المحل يبغي فلوسه اخر الشهر والسلام :)
اشتر قماش من محلات القماش وليس من الخياطيين : عندك في سوق واقف محل رامين وأحمد وغيرهم الكثير وعندهم انوع متوسطه وغالية ورخيصه ، اشتر طاقة وروح الخياط وفصل .
وروح خياط عدل مب مال فريج :)

بعض الخياطيين في المواسم مايستقبل الطاقات من بره بسبب الضغط .

[khaldoon]

لابد من اخذ عينة معاك دائما و تكون بحجم كبير و كافي علشان تظهر نوعيتها و جودتها و الفرق بينها و بين غيرها سواء عند الخياط او منجد السيارات او منجد المفروشات او الستاير او السجاد و الموكيت او الارضيات الخشب او الدهان .....حتى اللي يشترون سيراميك و بلاط و رخام و جرانيت....كل شي يخطر ببالك لازم تاخذ منه عينة و الا حقك بيضيع

هو يقدر ببساطة يغير العينة اللي دبسها بالدفتر و يحط لك اي عينة