يا جماعة حد يعرف كراج ممتاز يصلح سياير محد عرف لها

[مــاي ورد]

مساكم الله بالخير ياجماعة

سيارتي افالون من تويوتا


وديناها كراج من شهرين قال خرابها بسيط و دفعت عليها الفين غير فيها قطعة وقال بتشتغل و ما في فايدة
عقب قال ï»» حطو بها ايل و مافي فايدة

وتالي وديناها كراج ثاني قال ï»» السير خربان وبدل السير و نفس الشي و غير بلكات و نظف البخاخات

وï»» في فايدة

في اï»»خير وديناها الوكالة قال فيها ضربة في دبة القير ومادري وشو قال تصليحها 11 ألف قلت أنا لله خل يصلحها وعقب ما فججها قال ï»» يبيلها 25 ألف تصليح

دار راسي وقمت رجعتها البيت الحين المراد مادري شسوي بها

السيارة لين اشغلها تطحن تطحن ولين سقتها أحس بها تقطع وتنافض عقب تكمل
عيزت وياها مب حالة

ياريت تعلموني بكراج زين يقدر يصلحها لي هني في الدوحة ï»»ن ضروفي ماتسمح اوديها الصناعية كل شوي

ويقدر يرفعها ويبطلها ï»»ن الكراجات الثانيه قالو ï»»زم تبطيل من تحت

وديتها الفحص وقالو سليمة ومافيها شي

[َQernas_Qtr]

والله اخوي اناا ماا انصحك بكراج عادي .. هالسياره معقده ومب اي واح يقدر يشتغل فيها .. انااا عندي نفس السيارة وتلعوزت وياها .. ومحد قدر يشتغل فيها غير وكالتها . .

انصحك توديها الشركه ,, احسن ما تقط فلوسك عالفاضي وكل واحد يقولك كلام شكل

تحياتي

[مــاي ورد]

والله اخوي اناا ماا انصحك بكراج عادي .. هالسياره معقده ومب اي واح يقدر يشتغل فيها .. انااا عندي نفس السيارة وتلعوزت وياها .. ومحد قدر يشتغل فيها غير وكالتها . .

انصحك توديها الشركه ,, احسن ما تقط فلوسك عالفاضي وكل واحد يقولك كلام شكل

تحياتي



اخوي احط بها 25 ألف لو ابيعها يمكن هاي فوق نص مبلغها

السيارة انضربت كم مرة بسبة المطبات ومادري شسالفتها

[أسير الاسهم]

فيه كراج جمب الفحص الفني فالصناعيه .. اسمه اوتوسايت .. مادري شسمه لبناني اللي فيه

اعتقد زين لعل وعسى يعرف لها

[السيف500]

في كهربائي الرميله خله يشوفها واستشيره كهربائي ممتاز وبتشكرني وفي نفس الوقت يعرف للميكانيكا
جنب دوار العطيه وانت رايح دوار الفروسيه على اليمين

[..er..]

صارت معي نفس المشكله وخسرت فيها تقريبآ 2500

من تبديل فلتر البترول الوايرات البلكات تنظيف البخاخ تظيف الثروتر ونويت ابدل السناسر بس قلت اوديها الشركه بالاول
وديتها فحصها بجهاز ضغط لقى المشكله فيول البترول اللي بالتانكي كان وصخ حيل وماكان يدف بترول بالنسبه المطلوبه
ف بدلته عندهم وصار كل شي تمام واحسن ولله الحمد
انصحك تمر الشركه بالصناعيه وهي افهم صراحه
بغض النظر عن الشركه وسنعها الا انها هي الحل الوحيد بالنسبه لي ف الافضل تروح لهم وتقعد على سيارتك مع الفورمن وصدقني بيلقى المشكله بس بشرط تقول له ولا ادفع ريال لين تضبط السياره مهما بدلتوا فيها وفيه مصري مدير الكراج داخل رجال مضبوط وماقصر وياي :)

[مــاي ورد]

والله يا اخواني وديتها الشركة و قال 25 ألف صراحة مبلغ خيالي باï»»ول قال 11 ألف عقب قال 20 وبعدين قال 25 يعني واضح انه مب فاهم شغله ويبي يطلع فلوس أنا خذت تقرير بخرابها من عنده بس مادري وين اصلحها

[..er..]

والتقرير شيقول ؟

وش العطل بالضبط ؟

[تمون]

فيه كراج جمب الفحص الفني فالصناعيه .. اسمه اوتوسايت .. مادري شسمه لبناني اللي فيه

اعتقد زين لعل وعسى يعرف لها

كلامك مظبوط يالغالي

يا صاحب الموضوع مر على الكراج الي قالك عنه الرجال تراه فنان هاللبناني و ان شاء الله بيفيدك

[رآعي موآجيب]

اعتقد المشكله في الجير من أثر ضربه من تحت

الأفالون من السيارات المعقده بالفعل ، ارسل لي رقمك

[مــاي ورد]

والتقرير شيقول ؟

وش العطل بالضبط ؟

والله ياخوي ماعرفت أقرأه كنه شخابيط دكتور

[مــاي ورد]

كلامك مظبوط يالغالي

يا صاحب الموضوع مر على الكراج الي قالك عنه الرجال تراه فنان هاللبناني و ان شاء الله بيفيدك

ان شاء الله

[فاروع]

اذا محتد على الوكاله اجر سطحه و ودها شركة التويوتا في الاحساء(السعودية)

[وحيد-الشوق]

الله يكون بعونك ياخوي

اتوقع المشكلة بسيطة بأذن الله بس محد عارف لها

[Mody]

اخوي عندي لك كراج في الصناعيه رجال فنااااااااااااااااااااان سوري متخصص قيو ومكاين
وشغال في احدث السيارات مهندس صحيح مجربينه في اكثر من خمس سيارات ويشتغل في
اعقد السيارات في الدوحه .. اسمه احمد وبكره انشالله احطلك رقم تلفونه وفالك طيب
واعتبر مشكلتك محلوله .. وما راح تندم والله كريم

[مافي مثلي]

كم موديل السياره وررقمك

[النهار]

ياخوي مافي مثلي انا بعد عندي سياره افلون 2008 ليمتد
وديتها الفحص الفني قال يبغى له كرسي مكينه وفيه ليك في صوفة الامبير ومدري قالي شيك على الجمنينات
عموما عطاني تقرير فيها
هذي تكلف كم تقريبا