قدام بيتنا مدرسه وقدام بيتكم صالون نسائي وقدام بيتك عياده

[حمد 2002]

،

،

،

،


،


السلام عليكم ورحمه الله وبركاته

في موضوعي هاذا سأتحدث عن وزاره البلديه التخطيط العمراني ،، الصراحه المفروض يطلقون عليها التخبيص العمراني وليس التخطيط !!!!!

سوف اقول لكم لماذا :)

احس توزيعاتهم كلها غلط بغلط :rolleyes2: ،،

اولا :- ((لمدارس ))
عيل شلون وليش ايخلون قدام البيوت مدارس ؟ اشذنب هالبيوت اذا اتصف قدامهم السيارات بالذهاب والعوده للمدارس ؟ وليش ايخلون هالمدارس ابفرجاااان واحياء سكنيه ؟ :eek5:ليش مايودونها شوي بعيييد تفاديا للزحمه :victory:

ثانيا :- ((الفلل التجاريه )) من 1- عيادات طبيه وصالون نسائي ووو وووووووووو

اشذنب البيت السكني اذا جنبه عياده طبيه ولا صالوون ولا دكان والله بيتأذا من السيارات الي اتصف جنب بيته ، ليش مايخلون ويوزعون الفلل التجاريه بحيث تكون بعيده بشكل مناسب عن البيوت السكنيه ...

ثالثا :- المجمعات التجاريه

ليشششش المجمعات التجاريه خلوها اتركز في منطقه وحده مثلا الاند مارك الحين بيسوون جنبه كذا مجمع مما سيسبب بهالمنطقه زحمه كثيفه بالمستقبل فووق الزحمه الي انعاني منها نحن بشكل يومي ومستمرررر ، وليش مايودون هالمجمعات بكذا منطقه بقطر ،،، ماشاء الله بر قطر كبيرر وواسع ويستحمل كذا مجمع :victory:

رابعا :- الابراج
بعد كلها اتوزع في منطقه الدفنه مما يواجه الي اروحون دواماتهم الصبح صعوبه كبيره نتيجه الاختناقات المروريه الكبيره بأوقات معينه ،،،،

وخامسا وسادسا ووووووووووووووووووو :anger1::anger1:
سؤالي اوجهه لوزاره التخطيط العمراني ، انتم على اي اساس تخططون الشوارع والمدن ؟
هل بطرق مدروسه ولا عشوائيه ؟

الموضوع مفتووح للنقاش العام على مصراعيييه وفقا لسياسه المنتدى وبدون التجريح او الأساءه لاي حد

تحياتي لكم

[التيما]

عشوائية للأسف مافي تنسيق ..

[النهار]

:weeping::weeping: حمد انا ايش اقول جدام بيتنا ادارة المرور بكبرها
المبنى الجديد يعني ليل نهار وعلى مدار الاسبوع و365 يوم في السنه كله مراجعين
لاتعلم حد :(

[حمد 2002]

عشوائية للأسف مافي تنسيق ..

اي والله يالتيمااا مافي تنسيق ، كل شغلهم عشوااااااائيه في عشواااااااائيه

تحياتي لج للمشاركه الطيبه بالموضوووع :victory:

[حمد 2002]

:weeping::weeping: حمد انا ايش اقول جدام بيتنا ادارة المرور بكبرها
المبنى الجديد يعني ليل نهار وعلى مدار الاسبوع و365 يوم في السنه كله مراجعين
لاتعلم حد :(

ههههههههه :secret: ، مابيقت الا المرور خخخخ :rolleyes2:

تحياتي لك اخوووي النهار :nice:

[حقيقه]

ما أتخيل انه يكون جاري عياده او صالون او بقاله .... الخ

الحمد لله منطقتنا خاليه من هالاشياء

[حمد 2002]

ما أتخيل انه يكون جاري عياده او صالون او بقاله .... الخ

الحمد لله منطقتنا خاليه من هالاشياء

الحمد لله :nice:

تحياتي لج اختي :victory:

[ذيب ازغوى]

والله عندنا في فريجنا صالونين + مركز تعليمي

وفوق هاي ماندري عنهم ولاتسمع لهم حس

الحمدلله الله كاف شرهم عنا

[qrt_trading]

ما جات ياخوي على عيادة ولا صالون أنا ما أعاني ولله الحمد من هالشي لكن معاناتي من جارنا اللي جدام بيتي فاتح مجلس وكله سيايير اضيوفه جدام باب بيتي اشوي ويلصقون بالباب لا حيى ولا مستحى.

[جمال اليافعي]

:weeping::weeping: حمد انا ايش اقول جدام بيتنا ادارة المرور بكبرها
المبنى الجديد يعني ليل نهار وعلى مدار الاسبوع و365 يوم في السنه كله مراجعين
لاتعلم حد :(

ما شاء الله طلعنا جيران هههههههههه

الدوله بكبرها لازم تشدد على النظام وآداب الطريق ، والله ماراح تصدقون كيف النظام بكم من دوله زرتها وحالتهم الاقتصادية وضغوط الحياه اسوء من حالتنا بـ 100 مره...

أولاً الهرن مستحيل تسمعه وإذا سمعته بيكون هرن قصير جداً ما يتعدى لمسه .
ثانياً آداب القياده : الناس تفتح لبعض الطريق و يستخدمون الاشارات ومستحيل مستحيل حد يصف يعرقل المرور وإن صف فوق الرصيف صفوا بنظام وترتيب
ثالثاً : إعادة هيبه الشرطه بإنواعها ، لا أتكلم عن استخدام القوة والضغط المفرط لا ، اعاده صلاحيات الشرطه ، حاليا الشرطي ما يقدر لا يسوي لك شي و لا يجبرك تروح المركز ، كل يسويه يبلغ المركز ويطلبونك وانت براحتك بعد يوم اسبوع او شهر تروح وموضوعك محلول كان بواسطه أو مصالحه ولا كأن الموضوع صار
رابعا : تطبيق القوانين العقابيه وعدم تركها تخيس في الدفاتر مثلا شي بسيط تحرق الهرن بسبب او بدون سبب مثل بعض الإخوان والإخوات محسيسينك ان الهرن نفس البريك، وجنبك دوريه ولا يعبر ولا يطبق القانون .

الوضع بالبلاد صاير مخزي بشكل مانه بطبيعي ، أنا أدري إن أغلبيه أهل قطر ملتزمين بس شالفايده تلتزم واغلبيه البلاد الاسيوين كانوا دريوليه ام موظفين مشوهين صورة البلاد ؟

كل واحد يسوق كأنه في كيرلا او مانيلا ...

اناشد الدوله بكل اجهزتها كانت امنيه او نظاميه او تنسيقيه بالبدأ الأن قبل غداً بالتوعيه وفرض الأنظمه والقوانين ولا كل مناسبه نحتضنها كانت رياضيه ام ثقافيه او سياسيه بتظهر قطر دولة متقدمة بشعب مـتـخـلـف وطبعا تدرون من بياكلها أحنا القطريين بسبه الأجانب الأسيوين اللي خاربين البلاد ...

وأعتذر أخي حمد2002 ان كنت خرجت عن قلب الموضوع .

اخوكم ،

جمال اليافعي.

[المواطن]

أنا عاد مبتلي عدل
طريقي للبيت اوله مركز تحاليل واشعه وبعده مجمع طبي ساعات احتد اضرب رصيف علشان ادخل بيتي او اطلع .
واوقات بعض المراجعين يدخل بسيارته بيتي.
وانا ضايع بين المرور والبلديه.

[فارس قطر]

انا جدام بيتنا مخازن وسكن شركة التيسير ومدرسة تدريب السواقة في ابوهامور

بلغنا بلدية الريان

من ثلاث سنوات وبن عمك اصمخ.

[nooora]

المدرسة والعيادة والصالون قدام البيت !
اكيد تقصد منطقة الدحيل :victory:
اي والله المشكله في المواقف :rolleyes2:

[حمد 2002]

لي عوده بالرد على جميييييييع التعليقات بالقريب العاجل ان شاء الله ،،،،،

تحياتي لكم ،،،

[شموخ]

في المنطقة اللي أنا ساكنة فيها بانيين عيادة وعلى يمينها وعلى يسارها بيوت عوائل ومشاهدتها مدرسة بالله وين بيوقفون المراجعين سياراتهم لا يكون بعد بيدخلونها في كراجات البيوت اللي أبوابها مفتوحة بصراحة كل شيئ في هالزمن عجيب الله يكون في عون هالأسر اللي راح تنضرمن هالعيادة..

[حمد 2002]

والله عندنا في فريجنا صالونين + مركز تعليمي

وفوق هاي ماندري عنهم ولاتسمع لهم حس

الحمدلله الله كاف شرهم عنا

الحمد لله على كل حال

تحياتي لك اخووي ذيب ازغوى ،،،

[حمد 2002]

ما جات ياخوي على عيادة ولا صالون أنا ما أعاني ولله الحمد من هالشي لكن معاناتي من جارنا اللي جدام بيتي فاتح مجلس وكله سيايير اضيوفه جدام باب بيتي اشوي ويلصقون بالباب لا حيى ولا مستحى.

بللللللللل هاي اصعب شيء فعلا ،، لا والبعض متعلم بعد ايحلطله كراسي برع المجلس خصوصا بالشتاء لان الجو حلو ، وايجوفون الي رايح والي جاي بالشارع

الله المستعان

تحياتي لح اختي ولمرورج الجميل بالموضوع ،،،

[راشد محمد]

الله يعينكم والله..

[حمد 2002]

ما شاء الله طلعنا جيران هههههههههه

الدوله بكبرها لازم تشدد على النظام وآداب الطريق ، والله ماراح تصدقون كيف النظام بكم من دوله زرتها وحالتهم الاقتصادية وضغوط الحياه اسوء من حالتنا بـ 100 مره...

أولاً الهرن مستحيل تسمعه وإذا سمعته بيكون هرن قصير جداً ما يتعدى لمسه .
ثانياً آداب القياده : الناس تفتح لبعض الطريق و يستخدمون الاشارات ومستحيل مستحيل حد يصف يعرقل المرور وإن صف فوق الرصيف صفوا بنظام وترتيب
ثالثاً : إعادة هيبه الشرطه بإنواعها ، لا أتكلم عن استخدام القوة والضغط المفرط لا ، اعاده صلاحيات الشرطه ، حاليا الشرطي ما يقدر لا يسوي لك شي و لا يجبرك تروح المركز ، كل يسويه يبلغ المركز ويطلبونك وانت براحتك بعد يوم اسبوع او شهر تروح وموضوعك محلول كان بواسطه أو مصالحه ولا كأن الموضوع صار
رابعا : تطبيق القوانين العقابيه وعدم تركها تخيس في الدفاتر مثلا شي بسيط تحرق الهرن بسبب او بدون سبب مثل بعض الإخوان والإخوات محسيسينك ان الهرن نفس البريك، وجنبك دوريه ولا يعبر ولا يطبق القانون .

الوضع بالبلاد صاير مخزي بشكل مانه بطبيعي ، أنا أدري إن أغلبيه أهل قطر ملتزمين بس شالفايده تلتزم واغلبيه البلاد الاسيوين كانوا دريوليه ام موظفين مشوهين صورة البلاد ؟

كل واحد يسوق كأنه في كيرلا او مانيلا ...

اناشد الدوله بكل اجهزتها كانت امنيه او نظاميه او تنسيقيه بالبدأ الأن قبل غداً بالتوعيه وفرض الأنظمه والقوانين ولا كل مناسبه نحتضنها كانت رياضيه ام ثقافيه او سياسيه بتظهر قطر دولة متقدمة بشعب مـتـخـلـف وطبعا تدرون من بياكلها أحنا القطريين بسبه الأجانب الأسيوين اللي خاربين البلاد ...

وأعتذر أخي حمد2002 ان كنت خرجت عن قلب الموضوع .

اخوكم ،

جمال اليافعي.

:nice: ، تحياااااااااااااتي لك اخووووووي اليافعي على الاضافات الجمممميله التي قدمتها بالموضوع ،،،،،،

[حمد 2002]

أنا عاد مبتلي عدل
طريقي للبيت اوله مركز تحاليل واشعه وبعده مجمع طبي ساعات احتد اضرب رصيف علشان ادخل بيتي او اطلع .
واوقات بعض المراجعين يدخل بسيارته بيتي.وانا ضايع بين المرور والبلديه.

الله يعينك اخوووووي :eek5:

الصرررررررررررراااااحه المفروض الجهات المعنيه ايجوفونلهم حل بأسرع وقت ممكن لهلمشكله الصراااااااحه :telephone:


تحيااااااااااتي لك ،،،،

[حمد 2002]

انا جدام بيتنا مخازن وسكن شركة التيسير ومدرسة تدريب السواقة في ابوهامور

بلغنا بلدية الريان

من ثلاث سنوات وبن عمك اصمخ.

يارجال اصحااااااب هالشركات تلقاهم هوامير وكباريه بالبلاد :) ،،، تبيهم يسمعووون شكواك !!!!!

الله يعينك اخووووووي

تحياتي لك ،،،

[حمد 2002]

المدرسة والعيادة والصالون قدام البيت !
اكيد تقصد منطقة الدحيل :victory:
اي والله المشكله في المواقف :rolleyes2:

الله المستعااااان اختي ،،،،

تحياتي لج ،،،

[حمد 2002]

في المنطقة اللي أنا ساكنة فيها بانيين عيادة وعلى يمينها وعلى يسارها بيوت عوائل ومشاهدتها مدرسة بالله وين بيوقفون المراجعين سياراتهم لا يكون بعد بيدخلونها في كراجات البيوت اللي أبوابها مفتوحة بصراحة كل شيئ في هالزمن عجيب الله يكون في عون هالأسر اللي راح تنضرمن هالعيادة..

ياليت الجهات المختصه تسمع نداء المواطنين :telephone:

تــــــــــــحــــــــياتي لك اخوووي ولمرورك الجمـــــــــيل بالموضوع

[حمد 2002]

الله يعينكم والله..

الله ايعين الجميييييع اخووي ،،،

تحياتي لك ،،،

[intesar]

شوف البقالات بصراحة نحتاجها وتفك أزمات.. فلا مانع..
بقية الأشياء أنا معاك .. إنهم يمنعوها داخل الفرجان..

[naklan]

موضوع رائع ومهم اخوي حمد 2002 :nice:
تخطيط عقيم ومواصل على نفس الرتم ولم يتغير للاسف
اذا شوارع رئيسية مافيه مشكلة بس وسط فرجان اكيد غلط وازعاج
المفروض لكل منطقة تكون الخدمات وسط الفريج في شكل مجمع
خدمات مدرسة وسوبر ماركت وعيادة وصالون والمواقف تكون
محاوطة المكان من الخارج يعني تخدم المنطقة بلا ازعاج
نعم للحدائق نعم للمساجد وغيرها لا :)

[Dark_QTR]

شوف البقالات بصراحة نحتاجها وتفك أزمات.. فلا مانع..
بقية الأشياء أنا معاك .. إنهم يمنعوها داخل الفرجان..

صحيح، الدكان مفيد .. ولكن إذا كان الدكان إحذى باب بيتكم..
راح تصبح وتمسي على ((طيييط طيييييييط رفيييييق تعال سرعه :anger1:))
ومع الوقت بتنمي عندك مهارة معرفة موديل السيارة من صوت الهرن :shy:
خصوصاً الكروزرات لأن الهرن هذا بذات يحسسك إنه في واحد معصب يطقه
بكل رعونة والشخص هذا مستعد يدخل داخل الدكان بسيارته إذا العامل ما جيه
بسرعة ..

على العموم، الحمد لله كان في دكان احذانا ولله الحمد سكر وفتح دوبي بداله
وإحذانا في روضة، مب مسببه لنا ازعاج وبالعكس :shy:
المسبب لنا ازعاج هو إن الفريج سنة عن سنة العوايل القطرية صارت تشد
الدفنة و العزاب بدوا يحتلون المنطقة ومستغلين المواقف بمواترهم الكجرة:(

[Locale]

احذانا نسيم الربيع وملعوزينا بالباركنق
البيت مايستحمل غير سيارتين وظ£ سيارات يصفونها احذا البيت
عاد تعال حصلك موقف ماافي
واذا اتصلنا فالشرطه قالوا موقفين قدام الباب ولا احذا البيت ..يعني اغسلوا يدكم

[معماري قطري]

جدام بيتي صالون على اليمين شوي ومقابله بيت للموظفات وفتحوا باب من الصالون جهة البيت .. ومع انه ممنوع كان لكن لظروف الصالون سمحوا لهم وانا سمحت ما اشتكيت .. والحين مسوين أشوف في حوش البيت مبنى كامل حديدي ما ادري شناويين يسوون غرف عزاب أو بار أو ديسكو بانطر وباشوف ومستعد للتبليغ إذا التبليغ بيفيد، وجنب بيتي روضة وبقدرة قادر كانت تستوي بؤرة فساد وخصوصاً مع الكرسمس وراس السنه .. وهذا الكرسمس ليلة 23 أو 24 ديسمبر شفت الليتات الملونه والفلبينيات يتراكضون في الحوش وسمعت حشرة الموسيقى واتصلت بالشرطة، وحظي قطني في يد ضابط من أهل قطر الطيبين ... وقال بنطرش التحريات ولا تهتم وانا متابع على التلفون والساعه وحده قال خلاص خذنا ما يكفي من اثباتات وبنسوي مداهمة .. قلت ما قصرت كفيت ووفيت والحمد لله بعد ما سمعت حس لهم، مع انهم مزعجين جيراننا اللي جنبهم بالسيارات.

غير جدام بيتنا جهة اليسار شركة تجارية كبيرة .. المشكله وين ما يروح الإنسان حقه نهائياً غير محفوظ ولو محفوظ كان طلع له حق لو اشتكى في مكانه.

[قلبي الطيب]

هالموضوع جاء في وقته لان اللخبطة اللي صايرة ماتخلى الواحد يرتاح في بيته منطقة سكنية بقدرة قادر تحولت لمنطقة عمارات اربع طوابق بيتنا صار مكشوف أنسى ترتاح بقعدة في الحوش والشوارع بروحها ضيقة وقديمة زادت العمارات يعني بيصفون سياراتهم بكل مكان الله يعين وين نروح

[دلال قطر]

،




ثالثا :- المجمعات التجاريه

ليشششش المجمعات التجاريه خلوها اتركز في منطقه وحده مثلا الاند مارك الحين بيسوون جنبه كذا مجمع مما سيسبب بهالمنطقه زحمه كثيفه بالمستقبل فووق الزحمه الي انعاني منها نحن بشكل يومي ومستمرررر ، وليش مايودون هالمجمعات بكذا منطقه بقطر ،،، ماشاء الله بر قطر كبيرر وواسع ويستحمل كذا مجمع :victory:




هذا الشي الوحيد اللي نرفزني ف الموضوع بكبره
خل الابراج والانشطه التجاريه الصغيره لان اكيد فيه اكثر من شارع وطريق يوديك للبرج اللي تبيه

لكن 20 الف مجمع ف شارع عرضه 20 سم .. ماينفع والله حتى الدريول ضحك علينا:rolleyes2:
اشياء تصير بديرتنا بدووون تخطيط وانت قلتها " عشوااائية "
لا ويبون يستضيفون 2022 .. تخيلوا معاي ضيوف من انحاء العالم + مواطنين ومقيمين
بتصير الشوارع فلم رعب :(

انا من الحين اخطط لسفره خارج قطر ف الفتره هذي اذا الله عطاني عمر
والله الموفق :nice:

[لاجل QT]

وووي كان زين احذي..بيتى مدارس عيالي او عيادة او صالون ومركز صحي قريب حق نروح لهم مشي...بالعكس اشوفة شي حلو ونافع تكون هذة المرافق متوفرة في كل فريج او منطقة

كان زين كل شي دار مادر بيتى

خاطري بيتى يكون في النص وحاولي اشي مجمع واشي مدرسة واشي الفحص الفني وعيادة اطفال وصالونات وخياطين ومكتبة

فلة من قلب هههههههههههه

[بوخالد911]

خلوووهم بوسط الفرجان
يبووووون ( نقرب المسافات ))

لو هالمرافق بعيدة ؛ كان الكل اشتكى بعدها

[معماري قطري]

وووي كان زين احذي..بيتى مدارس عيالي او عيادة او صالون ومركز صحي قريب حق نروح لهم مشي...بالعكس اشوفة شي حلو ونافع تكون هذة المرافق متوفرة في كل فريج او منطقة

كان زين كل شي دار مادر بيتى

خاطري بيتى يكون في النص وحاولي اشي مجمع واشي مدرسة واشي الفحص الفني وعيادة اطفال وصالونات وخياطين ومكتبة

فلة من قلب هههههههههههه


هههههههههه ثرى ما ضحكني شيء كثر إشي .. وإذا الصالون فتح باب من ورا ومقابل البيت وكل شوي تشوفين هنود يدخلون من هذا الباب شيسون الله أعلم، ويوقفون مقابل البيت وما يتحركون الا الصبح .. شتتوقعين الموضوع واضح ما يبي له شيء .. إستخدام مزدوج الليل سكن عزاب وبيقولون حارس أو أي شيء وفي النهار وأول الليل صالون نسائي.

أما المدرسه بعد البلاغ إصطلبت استوت صج مدرسه محد يدخلها الليل... ومديرتها من قوم اشي بعد.

[النهار]

وووي كان زين احذي..بيتى مدارس عيالي او عيادة او صالون ومركز صحي قريب حق نروح لهم مشي...بالعكس اشوفة شي حلو ونافع تكون هذة المرافق متوفرة في كل فريج او منطقة

كان زين كل شي دار مادر بيتى

خاطري بيتى يكون في النص وحاولي اشي مجمع واشي مدرسة واشي الفحص الفني وعيادة اطفال وصالونات وخياطين ومكتبة

فلة من قلب هههههههههههه



ههههههههه بس ناقص مفاعل نووي :nice:

[حمد 2002]

لي عوده للتعليق على جمييييييع الردود غدا ان شاء الله اذا الله اعطانا عمررر

[لاجل QT]

هههههههههه ثرى ما ضحكني شيء كثر إشي .. وإذا الصالون فتح باب من ورا ومقابل البيت وكل شوي تشوفين هنود يدخلون من هذا الباب شيسون الله أعلم، ويوقفون مقابل البيت وما يتحركون الا الصبح .. شتتوقعين الموضوع واضح ما يبي له شيء .. إستخدام مزدوج الليل سكن عزاب وبيقولون حارس أو أي شيء وفي النهار وأول الليل صالون نسائي.

أما المدرسه بعد البلاغ إصطلبت استوت صج مدرسه محد يدخلها الليل... ومديرتها من قوم اشي بعد.

واشي واشي:nice:

هههههههه لا مش لدراجاتي :nice:

عيل شنهو دور الدوريات:)



ههههههههه بس ناقص مفاعل نووي :nice:

مو غلط:nice:

تعبنا من المشاوير البعيدة:weeping:

الا اطالب

ابي جمعية الميرة يبنونها جنب بيتى بالضبط:shy:

باختصار ابي بيتي في النص وجميع المنشأت والمرافق جنب بيتى:) بالذات مركز شرطة المفروض في كل فريج فرع من مراكز الشرطة..

كان على الازعاج ارقد من وهل ولاحد درا عنهم:nice:

وبكذا افتكينا من اهم شي مزعج في حياتنا الا وهو الزحمة الكريهة:(

اعنبوة كل شي بعيد كانة سفر:weeping:

[لاجل QT]

،

،

،

،


،


السلام عليكم ورحمه الله وبركاته

في موضوعي هاذا سأتحدث عن وزاره البلديه التخطيط العمراني ،، الصراحه المفروض يطلقون عليها التخبيص العمراني وليس التخطيط !!!!!

سوف اقول لكم لماذا :)

احس توزيعاتهم كلها غلط بغلط :rolleyes2: ،،

اولا :- ((لمدارس ))
عيل شلون وليش ايخلون قدام البيوت مدارس ؟ اشذنب هالبيوت اذا اتصف قدامهم السيارات بالذهاب والعوده للمدارس ؟ وليش ايخلون هالمدارس ابفرجاااان واحياء سكنيه ؟ :eek5:ليش مايودونها شوي بعيييد تفاديا للزحمه :victory:

ثانيا :- ((الفلل التجاريه )) من 1- عيادات طبيه وصالون نسائي ووو وووووووووو

اشذنب البيت السكني اذا جنبه عياده طبيه ولا صالوون ولا دكان والله بيتأذا من السيارات الي اتصف جنب بيته ، ليش مايخلون ويوزعون الفلل التجاريه بحيث تكون بعيده بشكل مناسب عن البيوت السكنيه ...

ثالثا :- المجمعات التجاريه

ليشششش المجمعات التجاريه خلوها اتركز في منطقه وحده مثلا الاند مارك الحين بيسوون جنبه كذا مجمع مما سيسبب بهالمنطقه زحمه كثيفه بالمستقبل فووق الزحمه الي انعاني منها نحن بشكل يومي ومستمرررر ، وليش مايودون هالمجمعات بكذا منطقه بقطر ،،، ماشاء الله بر قطر كبيرر وواسع ويستحمل كذا مجمع :victory:
رابعا :- الابراج
بعد كلها اتوزع في منطقه الدفنه مما يواجه الي اروحون دواماتهم الصبح صعوبه كبيره نتيجه الاختناقات المروريه الكبيره بأوقات معينه ،،،،

وخامسا وسادسا ووووووووووووووووووو :anger1::anger1:
سؤالي اوجهه لوزاره التخطيط العمراني ، انتم على اي اساس تخططون الشوارع والمدن ؟
هل بطرق مدروسه ولا عشوائيه ؟

الموضوع مفتووح للنقاش العام على مصراعيييه وفقا لسياسه المنتدى وبدون التجريح او الأساءه لاي حد

تحياتي لكم

حرام عليك ياحمد وين بتمشورنا في البرور:weeping:

العن الشيطان ياحمد واستهدى بالله:(

الحين انا لين ادور على سكن قبل كل شي اتاكد من ان جميع المرافق الهامة قريبة من السكن

بعد مو عاجب اما امركم يحير:rolleyes2:

[حمد 2002]

شوف البقالات بصراحة نحتاجها وتفك أزمات.. فلا مانع..
بقية الأشياء أنا معاك .. إنهم يمنعوها داخل الفرجان..

صاجه اهم شيء البقالات والخباز الايراني هههه

تحياااااااااتي لج ولمرورج الجميل بالموضوع

[حمد 2002]

موضوع رائع ومهم اخوي حمد 2002 :nice:
تخطيط عقيم ومواصل على نفس الرتم ولم يتغير للاسف
اذا شوارع رئيسية مافيه مشكلة بس وسط فرجان اكيد غلط وازعاج
المفروض لكل منطقة تكون الخدمات وسط الفريج في شكل مجمع خدمات مدرسة وسوبر ماركت وعيادة وصالون والمواقف تكون
محاوطة المكان من الخارج يعني تخدم المنطقة بلا ازعاج
نعم للحدائق نعم للمساجد وغيرها لا :)

بالفعل عجبني هالاقترااااااح وياليت يتم تنفيذه بأقرب وقت أو بالخطط القدامه على اقل تقدير

تحيااااااااااااتي لك ولهالأقتراح الحلو :nice:

[حمد 2002]

صحيح، الدكان مفيد .. ولكن إذا كان الدكان إحذى باب بيتكم..
راح تصبح وتمسي على ((طيييط طيييييييط رفيييييق تعال سرعه :anger1:))
ومع الوقت بتنمي عندك مهارة معرفة موديل السيارة من صوت الهرن :shy:
خصوصاً الكروزرات لأن الهرن هذا بذات يحسسك إنه في واحد معصب يطقه
بكل رعونة والشخص هذا مستعد يدخل داخل الدكان بسيارته إذا العامل ما جيه
بسرعة ..

على العموم، الحمد لله كان في دكان احذانا ولله الحمد سكر وفتح دوبي بداله
وإحذانا في روضة، مب مسببه لنا ازعاج وبالعكس :shy:
المسبب لنا ازعاج هو إن الفريج سنة عن سنة [SIZE="6"]العوايل القطرية صارت تشد
الدفنة و العزاب بدوا يحتلون المنطقة ومستغلين المواقف بمواترهم الكجرة[/
SIZE]:(

بالفعل اخووي اقلب العوايل القطريه مع مرور فتره زمنيه ، تترك بيوتها وتروح لمناطق اخرى ،، وانا مالومهم لأن هاي حال الدنيا ،،،،

بس انا لاحظت بأن اقلب الناس اتأجر بيوتها أجار ميت ،، يعني يعطي بيته لأسيوي وصاحب البيت يستلم 30 الف بالشهر وتلقى الاسيوي ايقسم البيت ويسكن فيه مئه شخص :secret:

تــــــحـــــــــياتي لك ولأضافاتك الجميييله والمفيييده بالموضوع

[حمد 2002]

احذانا نسيم الربيع وملعوزينا بالباركنق
البيت مايستحمل غير سيارتين وظ£ سيارات يصفونها احذا البيت
عاد تعال حصلك موقف ماافي
واذا اتصلنا فالشرطه قالوا موقفين قدام الباب ولا احذا البيت ..يعني اغسلوا يدكم

اختي مافيه حل الا اذا احد صف قدام بيتج ههههه اتبنجريين تواير سياراتهم :secret: ، علشاان محد ايصف مره ثااانيه :) ،

ههه امزح معاج مممممم بالفعل الدوله لازم تلتفت لهالمشكله واتحلها بأسرع وقت ممكن :victory:

تـــــــحـــــــــــياتي لج ولمرورج الجمـــــيل بالموضوع

[حمد 2002]

جدام بيتي صالون على اليمين شوي ومقابله بيت للموظفات وفتحوا باب من الصالون جهة البيت .. ومع انه ممنوع كان لكن لظروف الصالون سمحوا لهم وانا سمحت ما اشتكيت .. والحين مسوين أشوف في حوش البيت مبنى كامل حديدي ما ادري شناويين يسوون غرف عزاب أو بار أو ديسكو بانطر وباشوف ومستعد للتبليغ إذا التبليغ بيفيد، وجنب بيتي روضة وبقدرة قادر كانت تستوي بؤرة فساد وخصوصاً مع الكرسمس وراس السنه .. وهذا الكرسمس ليلة 23 أو 24 ديسمبر شفت الليتات الملونه والفلبينيات يتراكضون في الحوش وسمعت حشرة الموسيقى واتصلت بالشرطة، وحظي قطني في يد ضابط من أهل قطر الطيبين ... وقال بنطرش التحريات ولا تهتم وانا متابع على التلفون والساعه وحده قال خلاص خذنا ما يكفي من اثباتات وبنسوي مداهمة .. قلت ما قصرت كفيت ووفيت والحمد لله بعد ما سمعت حس لهم، مع انهم مزعجين جيراننا اللي جنبهم بالسيارات.

غير جدام بيتنا جهة اليسار شركة تجارية كبيرة .. المشكله وين ما يروح الإنسان حقه نهائياً غير محفوظ ولو محفوظ كان طلع له حق لو اشتكى في مكانه.


هلا هلا بمعماري قطر :nice: ،،،

صاااااادق اخوي بالفعل انا لاحظت بأن بعض الشركات تفتح الشركه لغرض معين وبنشاط محدد وتلقاها تستقله لمليون غرض ، يعني تلقى هالفله التجاريه اهي صالون وهي مكان اينامون فيه الموظفين ، وهي وهي وووووووووووو :rolleyes2:

تــــــحـــــــــــياتي لك ولمرورك المميز بالموضوع

[حمد 2002]

هالموضوع جاء في وقته لان اللخبطة اللي صايرة ماتخلى الواحد يرتاح في بيته منطقة سكنية بقدرة قادر تحولت لمنطقة عمارات اربع طوابق بيتنا صار مكشوف أنسى ترتاح بقعدة في الحوش والشوارع بروحها ضيقة وقديمة زادت العمارات يعني بيصفون سياراتهم بكل مكان الله يعين وين نروح

اختي مدام ملاك هالعماير وهالفلل التجاريه مستفيدين خلاص صاحب البيت القديم والمواطن الفقير ، مب شرط يرتاح :secret: :)

الله المستعاااااااااااااان ،،،

تـــــــــحــــــــياتي لج ولمرورج الجــــــمــــــــيل بالموضوع

[حمد 2002]

هذا الشي الوحيد اللي نرفزني ف الموضوع بكبره
خل الابراج والانشطه التجاريه الصغيره لان اكيد فيه اكثر من شارع وطريق يوديك للبرج اللي تبيه

لكن 20 الف مجمع ف شارع عرضه 20 سم .. ماينفع والله حتى الدريول ضحك علينا:rolleyes2:
اشياء تصير بديرتنا بدووون تخطيط وانت قلتها " عشوااائية "
لا ويبون يستضيفون 2022 .. تخيلوا معاي ضيوف من انحاء العالم + مواطنين ومقيمين
بتصير الشوارع فلم رعب :(

[SIZE="6"]انا من الحين اخطط لسفره خارج قطر ف الفتره هذي اذا الله عطاني عمر
والله الموفق :nice:[/SIZE


اي والله الواحد لازم ايسافر بهالوقت :secret: :telephone: هههه

تـــــــــحــــــــياتي لج ولمرورج الجميييييييل بالموضوع :nice::nice:

[حمد 2002]

وووي كان زين احذي..بيتى مدارس عيالي او عيادة او صالون ومركز صحي قريب حق نروح لهم مشي...بالعكس اشوفة شي حلو ونافع تكون هذة المرافق متوفرة في كل فريج او منطقة

كان زين كل شي دار مادر بيتى

خاطري بيتى يكون في النص وحاولي اشي مجمع واشي مدرسة واشي الفحص الفني وعيادة اطفال وصالونات وخياطين ومكتبة

فلة من قلب هههههههههههه


ان شاء الله اتحصليييين الي اتمنينه في القرييييييب العاااااااااااااااااجل :secret:

تــــــــــحـــــــــــــياتي لج ولمرورج الجمممممميل بالموضوع ،،،

[حمد 2002]

خلوووهم بوسط الفرجانيبووووون ( نقرب المسافات ))

لو هالمرافق بعيدة ؛ كان الكل اشتكى بعدها

شكلك من ملاك هالفلل التاجريه اخوي بوخالد :secret: هههه ،،،

اوفقك الرأي هالمرافق مهمه اخووي ، بس لازم اتكون بشكل اكثر تنظيما وبطريقه ماتزعج النااااااااااااااااااااااااااااااااااااس :nice::nice:

تـــــــــــحــــــــياتي لك اخووي ولمرورك الجمممميل بالموضوع ،،،،،،،،
،

[حمد 2002]

هههههههههه ثرى ما ضحكني شيء كثر إشي .. وإذا الصالون فتح باب من ورا ومقابل البيت وكل شوي تشوفين هنود يدخلون من هذا الباب شيسون الله أعلم، ويوقفون مقابل البيت وما يتحركون الا الصبح .. شتتوقعين الموضوع واضح ما يبي له شيء .. إستخدام مزدوج الليل سكن عزاب وبيقولون حارس أو أي شيء وفي النهار وأول الليل صالون نسائي.

أما المدرسه بعد البلاغ إصطلبت استوت صج مدرسه محد يدخلها الليل... ومديرتها من قوم اشي بعد.


:nice::nice: بالفعل اخووي معماري الواحد اذا لازم جاف شيء غلط لازم مايسكت لهم ، حتى لو الامر تطلب الرجوع للقضاء والمحاااااكم :discuss:

تـــــــحـــــــــــياتي لك :nice::nice:

[حمد 2002]

ههههههههه بس ناقص مفاعل نووي :nice:

هههههههههههه

[حمد 2002]

حرام عليك ياحمد وين بتمشورنا في البرور:weeping:

العن الشيطان ياحمد واستهدى بالله:(

الحين انا لين ادور على سكن قبل كل شي اتاكد من ان جميع المرافق الهامة قريبة من السكن

بعد مو عاجب اما امركم يحير:rolleyes2:

اكيد اختي الكل يتمنى منطقه الخدمات اتكون قريبه من بيته ، ولاكن لازم ايكون هناك تنظييييييييييييييييييييييييييييييييييم :nice::nice:،،،

تـــــــــحياتي لج :victory:

[العلم]

موضوعك حلو وواقعي ومفيد .. 3 في1.. :nice:


حمد اتذكر كان في موضوع يتعلق بتقييم الوزارات والإدارات فالدولة .. التخطيط العمراني كان فالأخير دائما .. الواسطة متخلخله فيها بشكل مب طبيعي ..

[RE-Qatar]

التخطيط العمراني ماعندة قانون يمشي عليه في ترخيص الشوارع إلى شوارع تجارية

ومافي قانون او نظام تعرف انه هذا الشارع ممكن يصير تجاري او فقط سكني لازم تنتظر لجنة ولازم يكون في شارعك هامور وواسطه عشان يفتحون له الشارع تجاري

في السعودية عندهم نظام جديد حلو اذا كان عرض الشارع أكثر من 60 متر تقدر تفتح محلات قانون واضح وسهل

وبخصوص العيادات والشركات اللي في وسط الاحياء السكنية هذا بسبب تخبيط التخطيط العمراني والبلدية بسبب نقص المحلات التجارية ونقص وقلة الشوارع الادارية والتجارية هذا يخلي الشركات والعيادات والصالونات تفتح بجانب البيوت السكنية ويتأذى سكان المنطقة منهم لو توفرت لهم محلات ومباني تجارية في شارع رئيسي وإيجارات مناسبة ماراح يجون وسط الحي السكني والكل بيرتاح

[بونووف]

اللي اعرفه انه لازم قبل لايفتح صالون ولا عياده ياخذ الأذن من الجار يمين ويسار البيت مادري اذا لازم قدامه ولا لا.. مادري معلوماتي صح ولا غلط ...

عندنا صالون فالفريج ماله حس ابد واهني المشكله لانه حتى مافيه زبائن كلش و واحد من الربع يقولي شكيت فيهم كذا مره العصر يشوف فلبينيات يركبون مع واحد شكله عربي ويطلعون ونص الليل اشوفه ينزلهم.. يقول مادري شسوي اتصل على صاحبة الصالون ولا على من

وقدام بيتنا بعد في بيت شعبي قديم وماجر على فلبينيات وفيه هنود وكذا واحد من جنسيه عربيه اشوفهم كلهم يدخلون مع بعض ويطلعون مع بعض مادري شسالفتهم

[^NoOOoR^]

واللي جاره قطري و حول بيته الشعبي لطابقين و الطابق لثاني درايش الغرف اتطل على حوش بيتنا :weeping:..
و هو قبل لا يبني الطابق الثاني لا استأذن ولا شي ..
الواسطة تلعب دور :(
غير جدام البيت مجمع سكني بو ثمان فلل و السيارات در مادار البيت
لا قادرين نطلع في الحوش ولا شيء
البيت مكشوف من كل الجهات

[حمد 2002]

موضوعك حلو وواقعي ومفيد .. 3 في1.. :nice:


حمد اتذكر كان في موضوع يتعلق بتقييم الوزارات والإدارات فالدولة .. التخطيط العمراني كان فالأخير دائما .. الواسطة متخلخله فيها بشكل مب طبيعي ..

الله المستعاااااان اخوووي العلم ، تعاااال نسيت اقووولك شخبار جارك الفرنسي للحين امأذيك :shy:

تـــــــحياتي لك :nice:

[حمد 2002]

التخطيط العمراني ماعندة قانون يمشي عليه في ترخيص الشوارع إلى شوارع تجارية

ومافي قانون او نظام تعرف انه هذا الشارع ممكن يصير تجاري او فقط سكني لازم تنتظر لجنة ولازم يكون في شارعك هامور وواسطه عشان يفتحون له الشارع تجاري

في السعودية عندهم نظام جديد حلو اذا كان عرض الشارع أكثر من 60 متر تقدر تفتح محلات قانون واضح وسهل

وبخصوص العيادات والشركات اللي في وسط الاحياء السكنية هذا بسبب تخبيط التخطيط العمراني والبلدية بسبب نقص المحلات التجارية ونقص وقلة الشوارع الادارية والتجارية هذا يخلي الشركات والعيادات والصالونات تفتح بجانب البيوت السكنية ويتأذى سكان المنطقة منهم لو توفرت لهم محلات ومباني تجارية في شارع رئيسي وإيجارات مناسبة ماراح يجون وسط الحي السكني والكل بيرتاح

اضفت اضافات جميله بالموضوع ، بالفعل نحن نحتاج الى زياده الشوارع التجاريه بقطر :nice:

تحياتي لك ولمرورك الجميل بالموضوع

[حمد 2002]

اللي اعرفه انه لازم قبل لايفتح صالون ولا عياده ياخذ الأذن من الجار يمين ويسار البيت مادري اذا لازم قدامه ولا لا.. مادري معلوماتي صح ولا غلط ...

عندنا صالون فالفريج ماله حس ابد واهني المشكله لانه حتى مافيه زبائن كلش و واحد من الربع يقولي شكيت فيهم كذا مره العصر يشوف فلبينيات يركبون مع واحد شكله عربي ويطلعون ونص الليل اشوفه ينزلهم.. يقول مادري شسوي اتصل على صاحبة الصالون ولا على من

وقدام بيتنا بعد في بيت شعبي قديم وماجر على فلبينيات وفيه هنود وكذا واحد من جنسيه عربيه اشوفهم كلهم يدخلون مع بعض ويطلعون مع بعض مادري شسالفتهم

هالفلبينيات مشكلتهم مشكله والله ، الله المستعان اخووي

تحياتي لك ولمرورك الجميييييل بالموضوع

[حمد 2002]

واللي جاره قطري و حول بيته الشعبي لطابقين و الطابق لثاني درايش الغرف اتطل على حوش بيتنا :weeping:..
و هو قبل لا يبني الطابق الثاني لا استأذن ولا شي ..
الواسطة تلعب دور :(
غير جدام البيت مجمع سكني بو ثمان فلل و السيارات در مادار البيت
لا قادرين نطلع في الحوش ولا شيء
البيت مكشوف من كل الجهات

فعلا بعض الجيران لايقدرون معنى الجيره ، وخصوصا بهالزمن للأسف

تــــــحـــــــياتي لج ولمرورج الجمــــــيل بالموضوع

[طبيب قطري]

السلام عليكم.
تكفون ابي رقم البلديه او ابي اعرف الجهة المسؤولة عن الشكاوي في مثل هالامور؟؟؟ منطقة الريان
جدام بيتي اربع فلل مقسمين لسكن عوايل وموظفات صالون وسكيورتي وعماله الله يعلم يمكن هاربه وأشكال غريبه مكس حريم علي رجال !
وجايبين كلاب طول الليل أصواتهم تزعجنا هذا غير أنهم يوفقون سياراتهم الكجره عند بيتي وطول اليوم واقفين بملابسهم الداخليه يدخنون شيشه وسجاير ويقطون زبالتهم عند الباب !!!
شنو الحل ، شرايكم لو كلمت برنامج وطني الحبيب هل بيفيدوني؟؟؟؟؟!!!!!!

[حمد 2002]

السلام عليكم.
تكفون ابي رقم البلديه او ابي اعرف الجهة المسؤولة عن الشكاوي في مثل هالامور؟؟؟ منطقة الريان
جدام بيتي اربع فلل مقسمين لسكن عوايل وموظفات صالون وسكيورتي وعماله الله يعلم يمكن هاربه وأشكال غريبه مكس حريم علي رجال !
وجايبين كلاب طول الليل أصواتهم تزعجنا هذا غير أنهم يوفقون سياراتهم الكجره عند بيتي وطول اليوم واقفين بملابسهم الداخليه يدخنون شيشه وسجاير ويقطون زبالتهم عند الباب !!!
شنو الحل ، شرايكم لو كلمت برنامج وطني الحبيب هل بيفيدوني؟؟؟؟؟!!!!!!

لاتشتكي ولا شيء تبي نصيحتي استخدم الـــ :discuss:

[حبر وقرطاس]

ما شاء الله طلعنا جيران هههههههههه

الدوله بكبرها لازم تشدد على النظام وآداب الطريق ، والله ماراح تصدقون كيف النظام بكم من دوله زرتها وحالتهم الاقتصادية وضغوط الحياه اسوء من حالتنا بـ 100 مره...

أولاً الهرن مستحيل تسمعه وإذا سمعته بيكون هرن قصير جداً ما يتعدى لمسه .
ثانياً آداب القياده : الناس تفتح لبعض الطريق و يستخدمون الاشارات ومستحيل مستحيل حد يصف يعرقل المرور وإن صف فوق الرصيف صفوا بنظام وترتيب
ثالثاً : إعادة هيبه الشرطه بإنواعها ، لا أتكلم عن استخدام القوة والضغط المفرط لا ، اعاده صلاحيات الشرطه ، حاليا الشرطي ما يقدر لا يسوي لك شي و لا يجبرك تروح المركز ، كل يسويه يبلغ المركز ويطلبونك وانت براحتك بعد يوم اسبوع او شهر تروح وموضوعك محلول كان بواسطه أو مصالحه ولا كأن الموضوع صار
رابعا : تطبيق القوانين العقابيه وعدم تركها تخيس في الدفاتر مثلا شي بسيط تحرق الهرن بسبب او بدون سبب مثل بعض الإخوان والإخوات محسيسينك ان الهرن نفس البريك، وجنبك دوريه ولا يعبر ولا يطبق القانون .

الوضع بالبلاد صاير مخزي بشكل مانه بطبيعي ، أنا أدري إن أغلبيه أهل قطر ملتزمين بس شالفايده تلتزم واغلبيه البلاد الاسيوين كانوا دريوليه ام موظفين مشوهين صورة البلاد ؟

كل واحد يسوق كأنه في كيرلا او مانيلا ...

اناشد الدوله بكل اجهزتها كانت امنيه او نظاميه او تنسيقيه بالبدأ الأن قبل غداً بالتوعيه وفرض الأنظمه والقوانين ولا كل مناسبه نحتضنها كانت رياضيه ام ثقافيه او سياسيه بتظهر قطر دولة متقدمة بشعب مـتـخـلـف وطبعا تدرون من بياكلها أحنا القطريين بسبه الأجانب الأسيوين اللي خاربين البلاد ...

وأعتذر أخي حمد2002 ان كنت خرجت عن قلب الموضوع .

اخوكم ،

جمال اليافعي.

اليافعي غشوك بالزعتر ..ما كسبك الا هيل وبزار والله الزمن غدار ..وانا جاركم الثالث طال عمرك .
بس المبنى للحين ما افتتحوه ولما يفتتحونه المواقف داخل في ساحته وكبيره

[طبيب قطري]

لاتشتكي ولا شيء تبي نصيحتي استخدم الـــ :discuss:

كلمتهم مافي فايده بصراحه هالاشكال الي ساكنه أشكال وقحه فعلا لو قلتلك الحركات الي يسوونها والله ياحمد ما تصدق .. :anger1: