ليش هالتناقض

[متفائل وايد]

مرعلي نفس هالموقف اكثرمن مره

واحد اقابله في مكان عمله ويتكلم معي باسلوب موب حلوووو وما يبي يخلص لك شغلك الا بشق الانفس ... ولكن لين قابلته في مكان عام او في ميلس او في اي مكان خارج عمله تلاقيه يتكلم باسلوب حلوويعاملني باسلوب غير الاسلوب اللي قابلني فيه وهو في مكان عمله ....

هل حد مر عليه هالتصرف من قبل والا لا ؟؟

وهل فيه ازواجيه في شخصيات بعض الناس في مكان عملهم غير لما يكون خارج نطاق العمل؟

انتظر الاراء وشاكر مرور وتعلقيات الجميع

[النهار]

الاخ متفائل
بس لازم نعرف ايش نوع الشغل ؟؟؟؟؟ الي يبى يخلصك بسرعه

[H H]

يمكن يكون احترافيه فالشغل!
بعضهم يجونك فمكان العمل ويبونك تقوم وتقول ارحبو ثم ارحبو ثم ارحبو سلم قحطان !
هذا مكان شغل وطبيعي مكان الشغل له احترامه بعيداً عن اي علاقات شخصيه
وبرا الشغل تعال وذبيحتك جاهزه واقوم بالحق ومايلحق بعد ولكل مقام مقال !!

[فراغ]

فيه نوع من البشر يكون مزدوج الشخصية

[جمال اليافعي]

مرعلي نفس هالموقف اكثرمن مره

واحد اقابله في مكان عمله ويتكلم معي باسلوب موب حلوووو وما يبي يخلص لك شغلك الا بشق الانفس ... ولكن لين قابلته في مكان عام او في ميلس او في اي مكان خارج عمله تلاقيه يتكلم باسلوب حلوويعاملني باسلوب غير الاسلوب اللي قابلني فيه وهو في مكان عمله ....

هل حد مر عليه هالتصرف من قبل والا لا ؟؟

وهل فيه ازواجيه في شخصيات بعض الناس في مكان عملهم غير لما يكون خارج نطاق العمل؟

انتظر الاراء وشاكر مرور وتعلقيات الجميع

انا اعرف زميل لي من ايام الأبتدائيه في مقر عمله مسوي لنفسه شخصيه مرعبه وما يكلم احد اما في المجلس تمسح فيه الأرض ولا يسوي شي هههههههه ، ازدواجيه مرضيه

[qtr qtr]

مرعلي نفس هالموقف اكثرمن مره

واحد اقابله في مكان عمله ويتكلم معي باسلوب موب حلوووو وما يبي يخلص لك شغلك الا بشق الانفس ... ولكن لين قابلته في مكان عام او في ميلس او في اي مكان خارج عمله تلاقيه يتكلم باسلوب حلوويعاملني باسلوب غير الاسلوب اللي قابلني فيه وهو في مكان عمله ....

هل حد مر عليه هالتصرف من قبل والا لا ؟؟

وهل فيه ازواجيه في شخصيات بعض الناس في مكان عملهم غير لما يكون خارج نطاق العمل؟

انتظر الاراء وشاكر مرور وتعلقيات الجميع


:con2:

شكلي اعرفه .. لانه نفس طبع

[الكبير الله]

نعم حتى السلام يختلف

مر علي يوم الاربعاء فالجوازات

انا فسرتها بأن هذا الانسان لا يستطيع مساعتك وليس له قبول لدا زملائه وفي نفس الوقت لا يريد ان يبين لك انه لا يستطيع

فيتقمص هذه الشخصية

هذي اسمها عقدة نقص

[لاجل QT]

مالة علاقة بالازوداجية

هذا دليل ان رجل سيدة في شغلة مايفرق بين اللى يعرفة واللى مايعرفة ..الشغل شغل جدام ربة اولا ثم ضميرة ..واللى بيقدر علية يسوية بيسوية حسب الاولوية وحسب نظام الشغل

يعنى باختصار مو مال تملحس او مصلحة

هذا هو الصح العلاقات تكون برة العمل داخل العمل انت مراجع حالك حال غيرك

واستغفرو ربك انتو كلتو في لحمة وهو غائب.. والدليل ان يستقبل الناس في المجالس افضل استقبال

الرجال طبيعي جدا مافية شي

الله يكثر من امثالة

[التيما]

يمكن شغله حساس .. او مكان عارف انه لازم فيه وساطات وهو ما يبي هالشي .. بس المفروض يرحب ويسلم مافيها شي ..
ومآلها علاقة بالازدواجية في الشخصية .. كل شخص وله أسبابه

[┋أَجِوَدًيّ┋]

هذا في حالة نفسية حرجة !

[حميداني]

مع الشباب الي قالو انه ممكن يكون سببه انه يبي يضع حاجز بين شغلته وحياته برى
علشان حياته الشخصيه والاجتماعيه ما تتضارب مع شغله

اعتبرها حرفيه وكفاءه ان كان هذا هو قصده فعلاً

[خليفـة]

بالفعل اخوي تصير وايد مثل هالمواقف
اعتقد ان الضغط المتواصل على الموظف هو السبب الي يخليه يتعامل بهالطريقة
مع المراجعين
مرات اعذرهم بصراحه والتمس لهم العذر

انا انصح كل مسؤول بتنسيب موظفين الاستقبال لدورات متخصصة
في مجال استقبال طلبات ومراجعات الجمهور

واقول لكل موظف في هالمكان .. الله الله بالبسمة الطيبة فهي صدقة
والله يكون بعونكم ويقويكم ان شاء الله

خليفـــة

[راشد محمد]

يمكن من ضغط العمل او لانه ما يحب يجامل

[.. الكاش ..]

صحيح برع الشغل يكون شخص ثاني بعض الناس تاخذ مكان العمل بجديه زايده عن الازوم احنا مانطلب منه يعطينا شي من خارج القانون ولكن في شي اسمه فن التعامل مع الجمهور

[مشاكل]

التمس له العذر اخوي
احيان ضغوطات العمل تخلي الواحد يتصرف تصرفات لاتعكس حقيقة الشخص وخصوصاً اصحاب المزاج المتقلب

[ناصـر]

احيانا وضع العمل يقتضي انك تتعامل مع المراجعين بآسلوب يوافق سياسة الشركة

[ريتويت]

وياكثرهن..