$ قدر الله وماشاء فعل $

[ضوى]

http://www8.0zz0.com/2013/02/28/22/737364629.jpg (http://www.0zz0.com)

[بريق الحق]

فالحديد ولا فيج
عسى ماشر ان شاء الله

[R 7 A L]

لا اله الا الله

سيارة من ؟
عسى مافيه إصابات ؟

[فراغ]

قدر الله وماشاء فعل $
باقي الخبر شنهو

[ضوى]

تحبون تعرفون ؟ !قلبكم بيعوركم

[Chambray]

تحبون تعرفون ؟ !قلبكم بيعوركم

:rolleyes2:

سيارة من شسالفه !!!!!!

[ضوى]

هذي سيارة بو عيالي

ولدي اللي ماكمل ظ،ظ¥سنة غافل السايق واخذ المفتاح وشال معاه اخته العليا ولانه ياهل سوا حادث خشن جدا والحمد لله والمنة لله بخير وسلامة

[بريق الحق]

الحمدلله على كل حال ان شاء الله محد صاده شي... السيارة ان شاء الله تتعوض اهم شي سلامتهم
ونفس ماقلتي قدر الله ماشاء فعل

[ضوى]

اخواني انا للحين مو قادرة اصلب طولي اشوف السيارة قدام البيت اتنافض واقول الحمد لله ياااارب الحمد لله

[Bin.Yousef]

لاحول ولاقوة إلا بالله
الحمد لله على سلامتهم
ومايشوفون شر
والله يبعد عنكم كل مكروه
والحمد لله على كل حال

[Miss]

حبيبتي في الحديد ولا فيهم اهم شي سلاامتهم والله
الله يطمن قلبج عليهم والحمد لله رب العالمين انها جات سليمه

[ضوى]

بذمتكم مثل هذا المتهور بشنواعاقبه؟

انا للحين اشوفه اصيح ولا كلمته ولا كلمة احس الكلام واقف ببلعومي

[R 7 A L]

الحمد لله على سلامة العيال

دفعه بلاء ان شاء الله

[ضوى]

الحمد لله حمدا كثيرا طيبا

[بريق الحق]

بذمتكم مثل هذا المتهور بشنواعاقبه؟

انا للحين اشوفه اصيح ولا كلمته ولا كلمة احس الكلام واقف ببلعومي

ااتمنى تتصرفين بعقلانيه ولا تغلب عليج العاطفه اكثر ويكون توبيخ يدل على حبج له :)

صار الي صار مانقدر نغير شي :victory: الحمدلله على كل حال و ان شاء الله يكون درس له فالمستقبل

[ضوى]

تدري يابو عابد

ابوه بغربه ، وانا الام والابو بهالفترة ، متخيل مراهق عمره 15 وامه توجهه ؟!

جايب لي التلفون ويصيح يراويني المسج اللي ابوه مطرشه له بعد الحادث عالواتس ، خنقتني العبره وخنقته

شوف المسج

لين احين الكتابه موجوده
يوم اقولك تحمل بخواتك
واتقول اوكي
ماراح امسحها ياليت قلت انشاء الله
اكتب لك هل الكلام وعيوني تدمع قلبي يتقطع
كنت اتمنى انه الي صاير لي هذا الشي بدالك
لاني ادري انك كنت قبل لاتسوي الحادث كنت فرحان ومستانس
وانا احين ادموعي تنزل لان هذي المشكله زعلتك
وانا اكثر شي حارق قلبي
انك انت متكدر
ياليت يايبى كنت اقدر اشيل هل الكدر عنك
لان الكدر الي فيك ايقطع قلبي
ولكن قلبي يتحمل
ولكن الي مايتحمل قلبي اني ما اشوفك متكدر
واكثر مايفرحني يايبى اني اشوفك
مستانس
لان ادري ان الشي الي صار ماكان بيدك
والي صار يايبى يفداك
لان سلامتك انت واختك اهم عندي من نفسي
والله لو لي الف روح
لفديتك فيهم انت وامك واخوانك
وان شاء الله هذي الشي الي صار
ليكون لك حمايه
ودرس تستفيده
وطلبي منك يايبى
انك ما تلغي الرساله
علشان تتذكر ان شلون الابو يحب عياله

[Miss]

بذمتكم مثل هذا المتهور بشنواعاقبه؟

انا للحين اشوفه اصيح ولا كلمته ولا كلمة احس الكلام واقف ببلعومي
ضوى اللي صار له كفايه والله ،،هو شاف بنفسه نتيجة تهوره وهذا أكبر درس له

[غير البشر]

الف الحمدلله على سلامتهم ضوى
تساهلين سلامتهم والله ربج حفظهم
لاحول ولاقوه الابالله
الحمدلله انها في الحديد

تصدقي اختي ضوى صدقه دفع البلأ
وربي يحفظهم كلهم ويخليهم لكم يااااااااااااارب :(

[غير البشر]

تدري يابو عابد

ابوه بغربه ، وانا الام والابو بهالفترة ، متخيل مراهق عمره 15 وامه توجهه ؟!

جايب لي التلفون ويصيح يراويني المسج اللي ابوه مطرشه له بعد الحادث عالواتس ، خنقتني العبره وخنقته

شوف المسج

لين احين الكتابه موجوده
يوم اقولك تحمل بخواتك
واتقول اوكي
ماراح امسحها ياليت قلت انشاء الله
اكتب لك هل الكلام وعيوني تدمع قلبي يتقطع
كنت اتمنى انه الي صاير لي هذا الشي بدالك
لاني ادري انك كنت قبل لاتسوي الحادث كنت فرحان ومستانس
وانا احين ادموعي تنزل لان هذي المشكله زعلتك
وانا اكثر شي حارق قلبي
انك انت متكدر
ياليت يايبى كنت اقدر اشيل هل الكدر عنك
لان الكدر الي فيك ايقطع قلبي
ولكن قلبي يتحمل
ولكن الي مايتحمل قلبي اني ما اشوفك متكدر
واكثر مايفرحني يايبى اني اشوفك
مستانس
لان ادري ان الشي الي صار ماكان بيدك
والي صار يايبى يفداك
لان سلامتك انت واختك اهم عندي من نفسي
والله لو لي الف روح
لفديتك فيهم انت وامك واخوانك
وان شاء الله هذي الشي الي صار
ليكون لك حمايه
ودرس تستفيده
وطلبي منك يايبى
انك ما تلغي الرساله
علشان تتذكر ان شلون الابو يحب عياله



رساااااااااله عظيمه الله يخليه لكم ويرجعه لكم بالسلامه ان شاء الله :weeping:

[بن موسى]

بذمتكم مثل هذا المتهور بشنواعاقبه؟

انا للحين اشوفه اصيح ولا كلمته ولا كلمة احس الكلام واقف ببلعومي

الحمدلله على سلامتهم
عاقبيه بالصمت - ولايطول
علميه بخطاه - حمليه المسولية عن الخساير المادية - وادعي لة بالهداية
وحرصي ابوالعيال على المفاتيح في المستقبل واعطي السايق تعليمات مشددة
بعدم السماح لة بالقيادة-
والاحسن خذيه لمدرسة السواقة لتعليمه بطريقة سليمة

[بريق الحق]

تدري يابو عابد

ابوه بغربه ، وانا الام والابو بهالفترة ، متخيل مراهق عمره 15 وامه توجهه ؟!

جايب لي التلفون ويصيح يراويني المسج اللي ابوه مطرشه له بعد الحادث عالواتس ، خنقتني العبره وخنقته

شوف المسج

لين احين الكتابه موجوده
يوم اقولك تحمل بخواتك
واتقول اوكي
ماراح امسحها ياليت قلت انشاء اللهاكتب لك هل الكلام وعيوني تدمع قلبي يتقطع
كنت اتمنى انه الي صاير لي هذا الشي بدالك
لاني ادري انك كنت قبل لاتسوي الحادث كنت فرحان ومستانس
وانا احين ادموعي تنزل لان هذي المشكله زعلتك
وانا اكثر شي حارق قلبي
انك انت متكدر
ياليت يايبى كنت اقدر اشيل هل الكدر عنك
لان الكدر الي فيك ايقطع قلبي
ولكن قلبي يتحمل
ولكن الي مايتحمل قلبي اني ما اشوفك متكدر
واكثر مايفرحني يايبى اني اشوفك
مستانس
لان ادري ان الشي الي صار ماكان بيدك
والي صار يايبى يفداك
لان سلامتك انت واختك اهم عندي من نفسي
والله لو لي الف روح
لفديتك فيهم انت وامك واخوانك
وان شاء الله هذي الشي الي صار
ليكون لك حمايه
ودرس تستفيده
وطلبي منك يايبى
انك ما تلغي الرساله
علشان تتذكر ان شلون الابو يحب عياله

ونعم الاب
الله يرجعه سالم باذن الله ويجمعكم تحت ظل الرحمن
الحمدلله لعله خير و لن يصيبنا الا ماكتبه الله لنا ... وعندي يقين ان الولد راح يتعلم من الي صار :)
كلمة ان شاء الله كلمة عظيمه ... والله العظيم واحد من الشباب كان طايش فالسواقه واحد من الربع انصحه قاله راح تدعم الرجال قال انا مستحيل ادعم بدعون مايذكر اسم الله ... وسبحان الله مافي موتر ماخذه الا ودعم فيه
ف ان شاء الله ماراح يعيدها :)

[khaldoon]

لا حول و لا قوة الا بالله

الله يعوض عليكم و الحمد لله على سلامة العيال و ان شاء الله اجر و عافيه و زوجك اللي كتب هذه الرسالة اب رائع يستحق كل تقدير و احترام.......و الله يحفظكم و يخليكم لبعض

[حـ ن ـيـ ن]

خطاهم السو...

وألف الحمدلله على سلامتهم ...

[بوسعود911]

الحمد لله على سلامة الاعيال ويرد أبوكم بسلامة ونعم الوالد الله يحفظه

[قطريه ماركه]

لا حول و لا قوة الا بالله
قدر الله وماشاء فعل ( خير ما قلتي )
الحمد لله على كل حال

حاسبوا مره ثانية .. و حذروا السايق !!
الله سلم لج عيالج الحمدلله و الشكر لله

[jo0ory.56]

الحمد لله على سلامتهم والله يخليهم لج ويحفظهم ويبعد عنهم كل شر اعتقد الحادث بيكون درس له وماراح يعيدها وانا حاسه بشعورج وخوفج عليهم لان ولدي قبل اربع شهور كان متعرض هو وربعه لحادث خشن وتونا رادين من المانيا والحمد لله ان الله سلم الجميع

[ابن قطر]

الف حمد الله علئ سلامة اولدج وبنيتج بس لازم من وقفه معاه لان هاي استهتار هدد حياة الاخرين الي بالشارع وما لهم ذنب

احرميه من المصروف

ما في طلعه من البيت


اسحبي الجوال من عنده اذا عنده جوال

ذكريه بالصلاه ويفضل يروح المسجد القريب من البيت


اخيرا الزميه يحط ويساعد ويرتب البيت

صدقوني مشكلتنا احنا الشرقيين طيبين زياده لا بد ان نتخذ اجراء حتئ يكون عبره لاخوانه وما يفكر انه يكرر الشي هاي مره ثانيه


مره ثانيه ما عليهم شر وارجو تقبل افكاري والامر لك

[شميرام]

ذي الجيل مستعيل يبغون يكبرون بسرعه ليش مادري الله يهديهم مافي صبر،،،،
الحمدالله عى سلامته

[بريق الحق]

الف حمد الله علئ سلامة اولدج وبنيتج بس لازم من وقفه معاه لان هاي استهتار هدد حياة الاخرين الي بالشارع وما لهم ذنب

احرميه من المصروف

ما في طلعه من البيت


اسحبي الجوال من عنده اذا عنده جوال
ذكريه بالصلاه ويفضل يروح المسجد القريب من البيت


اخيرا الزميه يحط ويساعد ويرتب البيت

صدقوني مشكلتنا احنا الشرقيين طيبين زياده لا بد ان نتخذ اجراء حتئ يكون عبره لاخوانه وما يفكر انه يكرر الشي هاي مره ثانيه


مره ثانيه ما عليهم شر وارجو تقبل افكاري والامر لك

مع احترامي لك هذي مب حلول ايجابيه
بوركت

[السيف5]

الحمد لله على سلامتهم ومايشوفون شر ان شاء الله
اعتقد رسالتهم ابوهم تكفي مع قرصة اذن منج وتذكيره
بحجم الغلط اللي سواه علشان مايعيدها
الله يحفظهم وجميع اولاد المسلمين

[Aaziz]

ضوى ضو ى ى ى

ان شاءالله ماتكونين تصرفتي مع الولد.


اول شي الحمد لله على السلامه و هونيها دام العيال متعافين السياره قلعه تقلعها.

اسمعيني و اتمنى تسوين بنصيحتي.

انا يوم كنت في سن ولدج سويت نفس الشي تقريبا. و ابوي الله يغفر له اتوقع من الحيره ماعرف كيف يتصرف معاي.
ابدا ماكلمني كلمه يوم اكتشف اني سرقت المفتاح و دعمت باب البيت و بهدلت السياره.

كان عقاب جدا قاسي علي متوقع يسوي اي شي فيني يضربني يحبسني اي شي كان اهون علي من انه يسكت ولا يقول لي كلمه وحده. كنت احسه مقهور علي و يعاملني عادي.
و ثاني يوم انا وياه نسوي اسمنت نعدل قواعد باب البيت الي تكسرت.

خلي الولد و اتمنى اذا تقدرين تخفين الموضوع على ابوه يكون افضل عشان ما يحاتي. و الامر ترى عدى و انتها مافيه تصرف يرد الي صار.

الحمد لله على السلامه و هونيها

[ابن قطر]

مع احترامي لك هذي مب حلول ايجابيه
بوركت
واحترم رايك بس صدقني لا بد من موقف حازم انا ما قلت انهم يضربونه بس من ضروري اتخاذ موقف لو كان داعم له لاسمح الله طفل بالشارع ايش كانت النتيجه

صدقني انا مؤمن بمقوله من امن العقوبة اساء الادب

وقد اكون مخطئ

[بومحمد المطاوعه]

الحمدلله على سلامه العيال

الحمدلله ان ماصار لهم شي

الموتر قلعته بداله الف موتر

اسجدلي لله تعالى واشكريه على سلامتهم

وخلي الولد يسجد لله ويشكره

والحمدلله على كل حال

الصراحه كلام ابوهم عور قلبي

الله يحبب قلبه فيكم والحمدلله على سلامتهم

[غير البشر]

اختي ضوى والله اقوى درس له واقوى عقاب رساله ابوه الله يحفظه
خلاص من صوبج سكري الموضوع نصيحه
ترا اكيد الولدالحين حالته صعبه ويتذكر الموقف
لاتزيدين عليه مادري هذا رايي

[Aaziz]

توني اقرا رساله ابو العيال. الحمد لله رساله طيبه و الموضوع ولا كانه صار من الاساس. ولا يزيد العقاب لا ياثر سلبيا على الولد.
يوم بالكثير و تعاملي معاه ولا كانه شي صار

[لامار]

‘

حـبـيـبـتـي . .

الله يـعـيـنـج . .

حـاســهـ فـيـج والله . .

الـحــمد لله عـلى ســـلامـتـهـم . .

والله يـحـفـظـهـم لــج يــا رب . .


‘

[qtr7]

تصدقي تدفع عن صاحبها المصائب والبلايا ، وتنجيه من الكروب والشدائد ، قال صلى الله عليه وسلم : ( صنائع المعروف تقي مصارع السوء والآفات والهلكات، وأهل المعروف في الدنيا هم أهل المعروف في الآخرة ) رواه الحاكم وصححه الألباني .

[ضوى]

الله يسلمكم من كل شر

الحمدلله كما ينبغي لجلال وجهه وعظيم سلطانه

[deema117]

لا حول ولا قوة إلا بالله


تستاهلين سلامتهم أختي ضوى


صلي صلاة شكر أن ربي خلى لج أعيالج سالمين


ولا كل شيء يتعوض إلا العيال

[ضوى]

الله قدر ولطف والشي الزين اللي تعلمه مني اني اربط لها الحزام دايما ، حاطها جدام ورابط لها الحزام وحجمهاالصغير ولطف رب العالمين نجاهم الاثنين ، من قوة الخبطة الايرباق طلع الله حفظها وماخنقهاهالايرباق الحمد لله

[الإكسير]

الحمدلله على سلامته.....
من الي علمه السواقه؟؟؟

[ضوى]

والله محد علمه من البيت ، بروحه ومن كيفه واكيد شاف ربعه ويبي يستعرض جدامهم، الله سلمه وحفظه

[بن غيث]

لا حول ولا قوة الا بالله .. عين ما صلت على النبي
الحمدلله على سلامة العيال

[امـ حمد]

الحمد لله على سلامة عيالج اختي
وقدر الله وما شاء فعل

[الشلهوب]

لا حول ولا قوة الابالله والحمد الله على السلامة

[Laffan]

الحمدالله على سلامتهم وماتشوفون شر ان شاءالله، عجبتني وايد رسالة الاب حلو أسلوبه وتفهمه.

إحنا يوم كنا بعمره بعد كنا نسوي جذي لاتحسبين ولدج الوحيد. سبحان الله الواحد بعد ما يكبر ويرزقه الله بالعيال يتقطع قلبه من هل التصرفات.

أنا أشوف افضل شي الولد يقتنع من داخله انه غلط وما يعيدها لانه الضرب او العقاب القوي ماراح يفيد. اذا في شخص ممكن يقعد معاه ويفهمه بطريقه عقلانيه حجم المشكله وانه التصرف غلط أكيد راح يأثر فيه ويقتنع.

وحرصي على الدريول خل ينتبه مرة ثانية.

الحمدالله على سلامتهم والله يرجع أبوهم سالم غانم وتقر عينكم فيه.

[غايه الطواش]

الف سلامه عليهم خطاهم الشر اختي ضوى تستاهلين سلامتهم

اعتقد احسن عقاب للولد انج ماتكلمينه لفتره واذا كلمتيه لاتطالعينه في عينه ع الاقل لمده اسبوع عشان يحس بالي سواه
هو مراهق يمكن بينه وبين نفسه بحس بتانيب الضمير لكن ربعه ممكن يكون لهم دور (ماعليك بتنسي كلنا سوينا وحركات المراهقين وكلامهم الي يخرب بعض) فاذا شاف تساهل ممكن يتجرا بعدين لازم يحس بغلطته وخاصه ان خذ العليا معاه دون اذنج

[مستجدة]

اخواني انا للحين مو قادرة اصلب طولي اشوف السيارة قدام البيت اتنافض واقول الحمد لله ياااارب الحمد لله


والله مالومج اختي ضوى السياره منظرها يعور القلب الف الحمدلله على سلامة العيال
في الحديد ولا فيكم

[قطريه جدا]

حمدلله على سلامتكم اهم شي في الحديد
بس من بعد هالشي يستاهل عقاب صارم

[vip-30003]

حمدالله على سلامة العيال

في الحديد ولا فيهم

والله يعوض عليكم

نصيحة اختي وانا انسان تربوي

يتوقف ولدج بالاحداث كم يوم وينشد

مثل هالحاله طالب عندنا سرق سيارة البيت واخذ رفيقه

واحد منهم لين اليوم يتعالج في المانيا

لو مركز شرطة وسجن ومجرمين بقول لا

اما في الاحداث لا عادي جداً ولازم يتوقف

واتمنى يطلع قانون بهذا اي حادث مروري والسايق دون 18

توقيف بالاحداث وغرام مالية وسحب السيارة

[حميداني]

لا حول ولاقوة الا بالله , الحمدالله على سلامة الصبي
وما شاءالله على ابوه عطاه درس غالي

ربي يخليه لكم

[رجل الجزيرة]

الحمدلله على سلامتهم.

[ROSE]

وي قلبي الحمدلله على سلامتهم خطاهم الشر

[لاجل QT]

الحمدالله على سلامتهم

بعد ماتهدين اختى ضوى...قعدي مع اعيالج وفهميهم خطورة اللى صار ..

اللدريول كيف سلمهم المفتاح ّّ!!؟؟

[النشميه]

أي والله (قدر الله وماشاء فعل)
الحمدلله على سلامتج عيالج

[عيون الدوحة]

خطاكم الشر والحمدالله على سلامتهم

سبحان الله نفس حركة ولد اختي غافل السايق وخذ المفتاح
عمرة ظ،ظ* سنوات وخذ ولد اختي الثانية ظ¨ سنوات وطلع يدور بالفريج
وابوة مرافق علاج مع اخوة بالخارج والام كانت في دورة
بس السايق على طول يوم شاف السيارة اختفت من البيت اتصل في اختي وبدورها تمت تتصل في الولد وماكان ير د وهي صادها خوف
وهو يوم شاف امة تتصل خاف ورج البيت باقرب وقت
والحمدالله ربي حفظهم

[الزعفراني]

الحمدلله على سلامتهم وخصوصا العليا الله يحفظها لج ويحفظ اخوانها

قدر الله وماشاء فعل والواحد يحمد الله على انه طلعهم من هالحادث سالمين

والله يستر عليهم وعلى كل عيال المسلمين

[الأصيلة]

الحمدالله على السلامة ياضوى
وإن شاء الله يكون درس للولد
وهذه النجاة أكيد بفضل دعاء وصدقة وتقديم عون لمحتاج منك أو من والده...
اكثري من الصدقة ودائما استودعيه الله في خروجه...
وخطاكم الشر...

[رهج السنابك]

تبين الصج مافي اقوى عقاب من رساله ابوه
انا دمعت لما قريتها

ولما يرجع خليه هوً يكلمه

انتي لا تعاقبينه بس قولي له كلام قوي واسكتي عنه
قولي له انت ريال البيت وكنت شاده ظهري فيك ابيك قد المسؤليه
الولد مب صغير واكيد فاهم خطورة الي سواه كان ممكن بعيد الشر يتعوق ولا يروح فيها حسسيه ان كان مب حاس ان الي سواه وايد كبير ناس صارت طول عمرها حبيسة فراش اوًكرسي متحرك من وراء هالسيارات وفي وايد باليوتيوب قصص حوادث السيارات وبعضهم كانوا بعمر ولدج
والحمدلله انهم سالمين هذا اهم شي
السياره قلعتها
لكن سلامتهم بالدنيا

[العلم]

لا حول ولا قوة الا بالله .. الحمد لله على كل حال ..


أختي ضوى خطاهم السوء عيالج .. والحمد لله فالحديد ولا فيهم ...

ولازم تجلسين معاه وتفهمينه وش سوا وإنه خطأ وشيء كبير ..



الله يعينج ويقويج ،،

[nooora]

الحمدلله على السلامة ما تشوفون شر الله يحفظكم حادث يخوف :eek5:

[راشد محمد]

الحمد لله على السلامة..زين ما صار فيهم شي..فعلا الصورة تخرع

[سهم عتيج]

تدري يابو عابد

ابوه بغربه ، وانا الام والابو بهالفترة ، متخيل مراهق عمره 15 وامه توجهه ؟!

جايب لي التلفون ويصيح يراويني المسج اللي ابوه مطرشه له بعد الحادث عالواتس ، خنقتني العبره وخنقته

شوف المسج

لين احين الكتابه موجوده
يوم اقولك تحمل بخواتك
واتقول اوكي
ماراح امسحها ياليت قلت انشاء الله
اكتب لك هل الكلام وعيوني تدمع قلبي يتقطع
كنت اتمنى انه الي صاير لي هذا الشي بدالك
لاني ادري انك كنت قبل لاتسوي الحادث كنت فرحان ومستانس
وانا احين ادموعي تنزل لان هذي المشكله زعلتك
وانا اكثر شي حارق قلبي
انك انت متكدر
ياليت يايبى كنت اقدر اشيل هل الكدر عنك
لان الكدر الي فيك ايقطع قلبي
ولكن قلبي يتحمل
ولكن الي مايتحمل قلبي اني ما اشوفك متكدر
واكثر مايفرحني يايبى اني اشوفك
مستانس
لان ادري ان الشي الي صار ماكان بيدك
والي صار يايبى يفداك
لان سلامتك انت واختك اهم عندي من نفسي
والله لو لي الف روح
لفديتك فيهم انت وامك واخوانك
وان شاء الله هذي الشي الي صار
ليكون لك حمايه
ودرس تستفيده
وطلبي منك يايبى
انك ما تلغي الرساله
علشان تتذكر ان شلون الابو يحب عياله

الحمدلله على سلامة الولد اختنا ضوى ، والحمدلله على كل حال
اعتقد ان هذه الرسالة تكفي لان تؤثر على الولد اكثر من اي عقوبة اخرى، والدليل انه تأثر بها اشد التاثر، وهذا ان شاءالله دليل على احساسه بعظم مافعله .

نصيحة اختي ضوى ومثل مايقول المثل ( اذا كبر ولدك خاوه )

فالولد في مرحلة الانتقال من الطفولة للرجولة ، ويحتاج الى اسلوب في التعامل قد يكون مختلفا تماما عما تعودتي عليه في الخمسة عشر سنة الماضية .

الحمدلله على سلامة الولد مرة ثانية والحمدلله جات في الحديد ولا في الولد

[أم نواري1]

الرسالة ادمعت عيني منها
الله يخليكم لبعض ويهدي العيال يارب ويرزقنا برهم
الله يحفظهم ويبعد عنهم الشر

الحمد لله وقدر الله وماشاء فعل

بحفظ الله

[Locale]

الحمدلله على سلامتهم
الله حفظهم من كل شر
:(

[التيما]

تستاهلين سلامتهم حبيبتي .. أنا طاح قلبي وقمت انتفض من قلتي عيالي تخيلت ولدي يسوي نفس الحركة طاح قلبي .. الله يحفظهم يارب ..
معليه فديتج قدر الله وما شاء فعل .. التصرف الصحيح تاخذينه من أبوهم هو بيفيدج أكثر شي والشباب في المنتدى لأنهم الأقدر على التصرف في الأمور الخاصة بالشباب لأنهم اعلم بتصرفات الشباب والمراهقين وكيفية مواجهتها ..

وتستاهلين سلامتهم ..

[نتفـه]

لا حول و لا قوة الا بالله
الحمدلله على سلامة عيالج ..
الله يحفظكم من كل شر ان شاء الله

[ضوى]

الله يسلمكم من كل شر يااارب

ورسالة ابوه عورت قلبه يقولي شوفي انا شسويت وشوفي،هو شكاتب،

يارب يكون اسف صادق مب وقت وينسي،

[نوار قطر]

لا حول و لا قوة الا بالله
الحمدلله على سلامة عيالج ..
الله يحفظكم من كل شر ان شاء الله

وفي الحديد ولا فيهم كل شي يتعوض اهم شي سلامتهم

[مـراحـب]

الحمدلله ع سلامتهم

الله يحفظهم ويخليهم لك

أجر وعافية

معوضه خير بالسيارة

اهم شي سلامه عيالك

[المبرمج صلاح]

تدري يابو عابد

ابوه بغربه ، وانا الام والابو بهالفترة ، متخيل مراهق عمره 15 وامه توجهه ؟!

جايب لي التلفون ويصيح يراويني المسج اللي ابوه مطرشه له بعد الحادث عالواتس ، خنقتني العبره وخنقته

شوف المسج

لين احين الكتابه موجوده
يوم اقولك تحمل بخواتك
واتقول اوكي
ماراح امسحها ياليت قلت انشاء الله
اكتب لك هل الكلام وعيوني تدمع قلبي يتقطع
كنت اتمنى انه الي صاير لي هذا الشي بدالك
لاني ادري انك كنت قبل لاتسوي الحادث كنت فرحان ومستانس
وانا احين ادموعي تنزل لان هذي المشكله زعلتك
وانا اكثر شي حارق قلبي
انك انت متكدر
ياليت يايبى كنت اقدر اشيل هل الكدر عنك
لان الكدر الي فيك ايقطع قلبي
ولكن قلبي يتحمل
ولكن الي مايتحمل قلبي اني ما اشوفك متكدر
واكثر مايفرحني يايبى اني اشوفك
مستانس
لان ادري ان الشي الي صار ماكان بيدك
والي صار يايبى يفداك
لان سلامتك انت واختك اهم عندي من نفسي
والله لو لي الف روح
لفديتك فيهم انت وامك واخوانك
وان شاء الله هذي الشي الي صار
ليكون لك حمايه
ودرس تستفيده
وطلبي منك يايبى
انك ما تلغي الرساله
علشان تتذكر ان شلون الابو يحب عياله

الحمد لله على سلامتهم الله يحفظهم لكي اختي
ما شاء الله عابو العيال نعم الاب الله يحفظه لكم ويبارك لكم فيه
انصحك انك تطبعي رسالة الاب وتلصقيها في باب غرفة ابنك من الداخل حتي يتذكرها ويعرف ان اللي سواه خطأ كبير جدا ويجب ان تتقربي منه وتتكلمي معه وانصحك بعد فترة ان تخلي عمه او خاله يعلمه السواقة ويخليه يسوق من فترة لفترة وهو معه في احد الشوارع الفاضية حتي يفرغ طاقتة وحبه للسواقة احنا لمن كنا في عمره كنا نسرق السيارة بسبب الشغف ومحد راضي يخلينا نسوق فكانت النتيجة السرقة والاخطاء والحمدلله الله سترها علينا

الحمد لله على سلامتهم والله يحفظهم لكي

[طبيب قطري]

اختي اول شي حمدلله على سلامة عيالج..
الولد والبنت لازم يتعاقبوا، سنهم مب صغير وابوهم مثل ماتقولين بغربه يعني المفروض اهمه الي يشيلون المسؤوليه ، لاتخلين العواطف تنسيج الموقف الي صار لانه والله شي مب هين..

[نورالهدى]

حمدالله على سلامة العيال

في الحديد ولا فيهم

والله يعوض عليكم

نصيحة اختي وانا انسان تربوي

يتوقف ولدج بالاحداث كم يوم وينشد

مثل هالحاله طالب عندنا سرق سيارة البيت واخذ رفيقه

واحد منهم لين اليوم يتعالج في المانيا

لو مركز شرطة وسجن ومجرمين بقول لا

اما في الاحداث لا عادي جداً ولازم يتوقف

واتمنى يطلع قانون بهذا اي حادث مروري والسايق دون 18

توقيف بالاحداث وغرام مالية وسحب السيارة
:anger1:

لا طبعا

ولا أحداث ولا شي

والله بيزيد في العناد وبتخليه يتعقد

حفظكم الله أجمعين

[شمس المغيب]

الحمد لله على سلامتهم وخطاكم الشر
في الحديد ولا فيهم

الله يحفظهم لج يهديهم

[QtrGate]

اتمنئ تشديد بعض القوانين لمن هم دون ال18
مثل هالحادث لازم الشرطة يمسكون الولد ويدخلونه الأحداث ثلاث أيام وفي الثلاث أيام يكون في معالجة نفسيه ودينية وأخلاقية
يعني يعلمونهم علئ الالتزام بالصلاة وأدب المخاطبه مع الكبار ويفهمونهم ان اهلهم والدولة تخاف عليهم

والحمد لله علئ سلامتهم
الله يفرحج فيهم ان شاء الله وتشوفينهم معاريس
والله يهديه ويجعله من خيرة الشباب ان شاء الله

[غزلان]

لاحول ولاقوة إلا بالله
الحمد لله على سلامتهم ضوى
قدر الله ولطف
يمكن يكون تحذير وتنبيه من رب العباد

اهم شي ماصار فيهم شي

[بوعلي2]

اووووووف حادث خشن هذي

الحمدلله انه طلعهم سالمين

تحملو فيهم والله سن المراهقه خطر جدا

تستاهلين سلامتهم

[بوعلي2]

تدري يابو عابد

ابوه بغربه ، وانا الام والابو بهالفترة ، متخيل مراهق عمره 15 وامه توجهه ؟!

جايب لي التلفون ويصيح يراويني المسج اللي ابوه مطرشه له بعد الحادث عالواتس ، خنقتني العبره وخنقته

شوف المسج

لين احين الكتابه موجوده
يوم اقولك تحمل بخواتك
واتقول اوكي
ماراح امسحها ياليت قلت انشاء الله
اكتب لك هل الكلام وعيوني تدمع قلبي يتقطع
كنت اتمنى انه الي صاير لي هذا الشي بدالك
لاني ادري انك كنت قبل لاتسوي الحادث كنت فرحان ومستانس
وانا احين ادموعي تنزل لان هذي المشكله زعلتك
وانا اكثر شي حارق قلبي
انك انت متكدر
ياليت يايبى كنت اقدر اشيل هل الكدر عنك
لان الكدر الي فيك ايقطع قلبي
ولكن قلبي يتحمل
ولكن الي مايتحمل قلبي اني ما اشوفك متكدر
واكثر مايفرحني يايبى اني اشوفك
مستانس
لان ادري ان الشي الي صار ماكان بيدك
والي صار يايبى يفداك
لان سلامتك انت واختك اهم عندي من نفسي
والله لو لي الف روح
لفديتك فيهم انت وامك واخوانك
وان شاء الله هذي الشي الي صار
ليكون لك حمايه
ودرس تستفيده
وطلبي منك يايبى
انك ما تلغي الرساله
علشان تتذكر ان شلون الابو يحب عياله

:weeping: :weeping: :weeping:

خنقتني العبره

[ناصـر]

ما تشوفون شر

[حفيد الأنصار]

الحمد لله على كل حال .. مقدر ومكتووب
الحمد لله على سلامة العيال والحديد معووض
من رايئ العقاب مايجيب نتيجة .. ادعيله بالهدايه لعل الله يستجيب دعائك
وانصحيه من فترره لفترره وذكريه باخطار السررعه ..
ولاتنسين الصدقه .. الله يكفينا وياكم شر الحوادث يارب

[غرِيبهـ]

الحمدلله على سلامتهم اختي ضوى

سمي بالرحمن واهدي قدر الله وماشاء فعل ولا تتخذين
اي قرار بهالوقت الرسالة من ابوه وسكوتك
اكبر عقاب له

[خليفـة]

الحمدلله على سلامة العيال اختي ضوى
في الحديد ولا فيهم

بالفعل .. قدر الله وماشاء فعل
وان شاء الله يكون هذا الموضوع الطيب عبرة وعضه لنا جميع
حتى لا نغفل عن عيالنا في مثل هالأمور الخطيرة

حمدلله على السلامة مرة ثانية اختي ضوى

خليفــة

[.. الكاش ..]

لاحول ولاقوه الا بالله

[ضوى]

الله يسلمكم جميعا ياارب ويحفظ عيالكم ويخليهم لكم ياارب

سبحان الله هذاك اليوم العليا نايمة واخوها خرب نومها قبل لا يطلع وانا احاول انومها قريت عليها ورقيتها ومعاها اذكار المساء ومانامت وشافته بيطلع وتمسك فيه ، وسبحان الله راحت معاه وقلبي ياكلني وبنتي الكبيرة من ردت من المدرسة وهي متضايقة ومنقبض قلبها لحد ماكلمني السايق انه الولد اخذالمفتاح وطلع مع العليا ،انجنيت ولبست عبايتي ىطلعت ووراهم ادوورهم ماحصلته بعدت شوي عن الفريج ماحصلته رديت الفريج شفت عالم وزحمةوسيارات عرفت انه ولدي صار فيه شي ، نزلت من السيارة ومدري اشلون نزلت شفتً السيارة صرخت عيالي انهرت ماعرفت شصار الا بنتي في حضني وولدي لامني في وسط الشارع ، موقف مخيف الله لا يكتبه على مسلم اوحتى كافر

الحمدلله الحمد لله

[Aaziz]

الحمد لله عدت. ضوى هو دعم ايش ؟ طوفه ؟ او سياره ثانيه ؟

[Locale]

اه ياقلبي الله لايحط مسلم في مثل هالموقف

[Roo7MooT]

الحمد لله على سلامتهم

وفي الحديد وصدقيني

كلام أبوه بيكون له أثر كبير

في حياته

[ضوى]

الحمد لله عدت. ضوى هو دعم ايش ؟ طوفه ؟ او سياره ثانيه ؟

شيرة وشبك حديد

[Aaziz]

اشوى من رحمه رب العالمين انه ماكان الحادث مع سياره ثانيه.
معليش بيكبر و بيكون درس له و ذكرى لن ينساها
داعم شجره :)
اكيد الشجره غلطانه :shy:

[فــلان]

لاحول ولا قوة إلا بالله

الحمدلله على سلامتهم أختي والله ستر و لطف الحمدلله

حمدلله على سلامتهم يا أختي

[حمد 2002]

الحمد لله على سلامت عيالج أختي ضوى ،،،،

والحمد لله على كل حااااال ،،،

[النجلا]

الحمدلله على سلامتهم ضووى
خطااااهم الشر الحمدلله جات في الحديد ولافيهم ..

الله يحفظهم ويحفظ عيال المسلمين..

[برشلوني قطر]

لا حول ولا قوة الا بالله..

الحمدلله ع سلامة العيال..والله يعوضكم خير

[أخت الكل]

الحمد لله على سلامة العيال أختي وتصدقي

[elders]

الحمدلله رب العالمين ..حمدلله على سلامتهم والله يخليلك اياهم وكل اولاد المسلمين

رح يكون درس عملي له في تحمل المسؤوليه ..ماتعملي معو شي

الله يهدي بالك

[باراكودا]

الحمدلله على السلامة وماتشوفون شر
الحديد يتعوض .

[صمتي حزن]

الف شكر للك يارب رحمه من رب العالمين

[الإكسير]

لو ولدي بعلقه من رجوله وبلشطه تلشط بالخيزان لين مانسيه السواقه

[ROSE]

الله يسلمكم جميعا ياارب ويحفظ عيالكم ويخليهم لكم ياارب

سبحان الله هذاك اليوم العليا نايمة واخوها خرب نومها قبل لا يطلع وانا احاول انومها قريت عليها ورقيتها ومعاها اذكار المساء ومانامت وشافته بيطلع وتمسك فيه ، وسبحان الله راحت معاه وقلبي ياكلني وبنتي الكبيرة من ردت من المدرسة وهي متضايقة ومنقبض قلبها لحد ماكلمني السايق انه الولد اخذالمفتاح وطلع مع العليا ،انجنيت ولبست عبايتي ىطلعت ووراهم ادوورهم ماحصلته بعدت شوي عن الفريج ماحصلته رديت الفريج شفت عالم وزحمةوسيارات عرفت انه ولدي صار فيه شي ، نزلت من السيارة ومدري اشلون نزلت شفتً السيارة صرخت عيالي انهرت ماعرفت شصار الا بنتي في حضني وولدي لامني في وسط الشارع ، موقف مخيف الله لا يكتبه على مسلم اوحتى كافر

الحمدلله الحمد لله

الحمدلله حمدا كثيرا طيبا مباركا الى يوم الدين

الله يعينج حاسه في اللي حسيتي فيه وكان الموقف جدامي بس الحمدلله انهم طلعوا سالمين منها

تصدقي فديتج شكر لله وعلى سلامتهم

والحمدلله جات في الحديد ولا فيهم وهالشي درس له ان شاء الله ومايكررها

بس هدي نفسج

[الحياة الخالدة]

الحمد لله على سلامتهم و الله يهديهم و يصلحهم و يخليهم لكم

[طير حوران]

الحمد لله على سلامتهم اختي العزيزه/ ضوى

وان شاء الله اخر الاحداث السيئه لعائلتكم الكريمه

ولكن كيف سمح هذا السائق للولد بالحصول على مفتاح السياره

صدقيني اذا قلت لك اني اشعر بغضب تجاه ذلك السائق بل واحمله كامل المسؤوليه عما حدث

[alnoida]

بذمتكم مثل هذا المتهور بشنواعاقبه؟

انا للحين اشوفه اصيح ولا كلمته ولا كلمة احس الكلام واقف ببلعومي


سلامة العيال اختي ضوى
قدر الله وماشاء فعل

لكل شخصية تركيبتها في التعامل من حيث الجزاء والعقاب
ولا تاخذين طريقة عقابة من الاخرين ... ممكن تكون طريقه ناجحة على غيره تكون عكسية عليه
وعدم الكلام معاه افضل طريقة بشرط لا تطول اكثر من 3 ايام

ذبحتوا ؟؟؟

[Bin Hood]

حمد لله على السلامة يا ضوى

وما عليهم الا العافية

وهذا درس غالي راح يعلمه السؤولية طول عمره

والحمد لله انهم بخير وصحة

المصيبة تبتدي قوية وتخف بسرعة الى ان تنتهي باذن الله

[راشد محمد]

شيرة وشبك حديد

الحمد لله ما دعم احد

[سكتون]

الحمد لله على سلامتهم
والحمد لله جات فالحديد
لاكن لازم تعاقبونه لانه عرض حياته وحياة الاخرين للخطر
اما سالفة ماكلمه وماحط عيني في عينه هذا مب عقاب
والله يهديه ان شالله

[ارين]

الحمد لله على سلامة عيالج ي ضوى والله يحفظهم يا رب
ويحفظ الجميع ..

[دنيا الاسهم]

الف الحمدلله على السلامة خطاكم الشر ان شاء الله
اجر وعافية اخت ضوى

[ضوى]

الحمد لله على سلامتهم اختي العزيزه/ ضوى

وان شاء الله اخر الاحداث السيئه لعائلتكم الكريمه

ولكن كيف سمح هذا السائق للولد بالحصول على مفتاح السياره

صدقيني اذا قلت لك اني اشعر بغضب تجاه ذلك السائق بل واحمله كامل المسؤوليه عما حدث


حرام السايق وايد حريص ويخاف من ابو العيال ،هذاك اليوم ماخذ مفتاح السيارة مني انه بيصب بترول وماتوقع في خلال ربع ساعة بياخذالمفتاح من غرفتهم ، السايق كان يغسل سياره البيت ورا بمكان صاد ،وماشافه ، شافه السايق الثاني واتصل وبلغني

[NINA RICCI]

الحمدلله على سلامه العيال والله يخليهم لج يارب .. :(

بصرااحه العقاب واجب للولد عشان مايكرر الغلط , خصوصا ان هالغلط مب شي صغير الصراحه ..

انتي ام وتعرفين اي انواع العقاب الي تمشي معاه وتخليه ما يكرر هالشي ..

والله يحفظهم لج

[Chambray]

هذي سيارة بو عيالي

ولدي اللي ماكمل ظ،ظ¥سنة غافل السايق واخذ المفتاح وشال معاه اخته العليا ولانه ياهل سوا حادث خشن جدا والحمد لله والمنة لله بخير وسلامة

الحمد لله على سلامه العيال في الحديد ولا فيهم
وان شاء الله هذا في حد ذاته عقاب نفسي للولد .. علشان مايكررها مستقبلاً ويكون حريص في سواقته في المستقبل

[قطري]

الحمد لله على سلامتهم اختي ضوى
الله سبحانه وتعالى حفظهم...

[مشاكل]

الحمد لله على سلامة ولدج اختي ضوى
حاسبو عليه مره ثانيه وخلوه تحت المراقبة والله الله فيه
سن المراهقة سن خطير اذا مااحسنا التعامل معاه
الله يحفظكم اجمعين من كل شر

[بومحمد المطاوعه]

اختي ضوى

ان شاءالله هذا درس له والحمدلله طلعو بعافيه

وسالمين ومعافين

وان شاءالله يتعض

والله كلام الاب عور قلبي

انا اب ويوم اشوف حد من عيالي مريض او يطيح او فيه شي

يتقطع قلبي وتدمع عيني على الي اشوفه فيهم

اشلون حال اب يشوف حادث صار لعياله

شي صعب والله

الحمدلله رب العالمين

[تغلبية]

الحمدلله على سلامتهم وسلامتج أختي ضوى ..
والله يكون في عونج .. بصراحة
والحمدلله على ما جات عليه
بخلاف العقاب اللي اتحددينه .. لابد من جلسة المصارحة والمواجهة علشان الولد بنفسه ياخذ موقف ومايعودها أبداً
براً وبوالديه والخوف على نفسه وخواته

ومثل ماقال alnoida..... ذبحتوا ؟

الدم حمد وقربان

[رجل تعليم]

لا حول ولا قوة إلا بالله

الحمد لله على سلامتهما ولا أراكم الله مكروها أبدا

[الصغيره]

لا حول ولا قوه الا بالله

الحمد لله على سلامتهم

يارب لك الحمد انهم بخير

يااااختي حاسبي السايق والله هلايام السووواقين يخافون من العيال ويعطونهم المفاتيح


لا اله الا الله

ربي يحفظهم لك يارب

[طير حوران]

حرام السايق وايد حريص ويخاف من ابو العيال ،هذاك اليوم ماخذ مفتاح السيارة مني انه بيصب بترول وماتوقع في خلال ربع ساعة بياخذالمفتاح من غرفتهم ، السايق كان يغسل سياره البيت ورا بمكان صاد ،وماشافه ، شافه السايق الثاني واتصل وبلغني

هلا والله اختي / ضوى

اذا في هذه الحاله الولد نهب المفتاح

نصيحه

يجب تأنيبه وليس تأديبه من عدة نواحي :

اولا : يجب ان يعتذر للسائق عن خطئه معه وتفهمين الولد ان هذه لوحدها خطأ بحق السائق فهذا المفتاح كان امانه عند السائق

ثانيا : اخذ السياره بدون اذن وهذا خطأ أخر

ثالثا : يجب ان يتعلم ان كل مااوله خطأ سيكون مابعده كله اخطاء ولذلك حصل الحادث


لاتزعلين وقد يكون في الامر خير والحمد لله على سلامتهم مره اخرى

[معماري قطري]

واحترم رايك بس صدقني لا بد من موقف حازم انا ما قلت انهم يضربونه بس من ضروري اتخاذ موقف لو كان داعم له لاسمح الله طفل بالشارع ايش كانت النتيجه

صدقني انا مؤمن بمقوله من امن العقوبة اساء الادب

وقد اكون مخطئ


انا أأيدك ومعاك ما قلت يا اخوي شيء غلط

يكفي إن العقاب والثواب مبدأ رباني من رب العزة القادر الحكيم .. والعقوبة والتذكير دوم واجب الأُم والأب.

انا دوم أحذر السايق من إعطاء حد مفتاح السيارة أو ترك السيارة والمفتاح فيها، وفي نفس الوقت أحذر العيال وتحذير شديد اللهجة من هذي المحاولة، وولدي الكبير يوم خلص أول ثانوي بغى سيارة له وكلمني وهو متحمس والسيارة كانت مستعمله وجربتها وشفتها زينه وقلت باشتريها لك بس بشرط تتم في البيت واقفه ومفتاحها عندي ولا تسوقها الا لين خذت رخصة قيادة سياره، قال زين وحاول فيني مرات اعطيه المفتاح ولا عطته، وحاول يقنعني بأنهم يعطون الرخصة للي ما وصل 17 سنه، وقلت بيننا وبينك المرور ورحنا المرور وكلمت مساعد المرور جزاه الله خير اللي قال له راجعني بعد تاريخ كذا ونصحه وما قصر، وراجعته مع ولدي وإمر له بالموافقة والإستثناء وإستفسرت منه حول قيادة الولد بدون مرافقة أحد السائقين الكبار له‘ وقال عادي يجوز ونتسامح عن هالشيء بشرط من المدرسة للبيت فقط، وبدأ يسوق والحمد لله مع النصح والمتابعة الحثيثة ألحين سياقته زينه وملتزم وإن شاء الله ما تكون له سوابق مثل إبوه.

[معماري قطري]

الأُخت ضوى الحمد لله على سلامة ولدج وإخته، وقدر الله ولطف، الله يرد ابوهم سالم وإن شاء الله ما تكون لهالحادث مشاكل ثانية كحقوق لناس ثانيين أو إصابات لا قدر الله.

مثل ما ذكرت في مشاركتي السابقة التحذير والتخويف من العقاب ومن مشكلة قيادة السيارة بدون رخصة واجب الأُم والأب، وانا بإتباعي هالأُسلوب مع عيالي محد منهم يتجرأ ياخذ مفتاح السيارة من السواق أو من غرفتي، ودوم أذكرهم شصار في أحد أصدقائهم، وأخليهم يسوقون شوي في البر ومعاي وتحت نظري بس في مناطق سكنية أو مدينه مستحيل ومفهمهم إن هذا خطر جداً.

[ضوى]

الله يسلمكم اجمعين ويحفظ عيالكم ويخليهم لكم ماقصرتوا جزاكم الله خير

بالنسبة للعقاب منتظرة ايوه يجي ويستلمه مني ، كل اللي علي اني خلال هالفترة اعاقبه بالصمت بس واعطاء الاوامر له فقط ،
اخوي معماري اخوه كان بسنه وماتجرأ ابدا يسويها فديته ماساق الا لما خذ الكجة الله يحفظه ، هذا الولد طايح له على شلة صبيان في المدرسه اللي مسوين فيها رياييل ومايخافون من احد ، وللحين اتذكر انه بوقت من الاوقات عايروه انه يسمع كلام امه وقالوا له ياولد امك ، الاولاد يتأثرون بالصحبه ، واحنا علينا نربي ونوجه والله يحفظهم ويهديهم ويصلحهم ياااارب

[بريق الحق]

الله يسلمكم اجمعين ويحفظ عيالكم ويخليهم لكم ماقصرتوا جزاكم الله خير

بالنسبة للعقاب منتظرة ايوه يجي ويستلمه مني ، كل اللي علي اني خلال هالفترة اعاقبه بالصمت بس واعطاء الاوامر له فقط ،
اخوي معماري اخوه كان بسنه وماتجرأ ابدا يسويها فديته ماساق الا لما خذ الكجة الله يحفظه ، هذا الولد طايح له على شلة صبيان في المدرسه اللي مسوين فيها رياييل ومايخافون من احد ، وللحين اتذكر انه بوقت من الاوقات عايروه انه يسمع كلام امه وقالوا له ياولد امك ، الاولاد يتأثرون بالصحبه ، واحنا علينا نربي ونوجه والله يحفظهم ويهديهم ويصلحهم ياااارب

والله العظيم كنت حاس الصراحة ... وهاي الشي حاصل الصراحة وهو يبي يثبت رجولته قدام ربعه
ربعه هم السبب قولي من تصاحب اقولك من انت
اتمنى انه يبتعد عنهم لانه العواقب راح تكون كبيرة
الصحبه الصحبه
اتمنى اذا يشارك في احد الوحدات التربوية الي موجوده في قطر اذا عندج اي استفسار حاضرين

[ضوى]

والله العظيم كنت حاس الصراحة ... وهاي الشي حاصل الصراحة وهو يبي يثبت رجولته قدام ربعه
ربعه هم السبب قولي من تصاحب اقولك من انت
اتمنى انه يبتعد عنهم لانه العواقب راح تكون كبيرة
الصحبه الصحبه
اتمنى اذا يشارك في احد الوحدات التربوية الي موجوده في قطر اذا عندج اي استفسار حاضرين

عنده صديق سمعته باذني يقوله كل شي تبي تقول لامك ياخي زهقتنا بامك يلعن امك ؟ وهالولد ماحب اكسر بخاطره يتيم الاب وامه صايدتها جلطة وتتعالج برع وانا احاوله احتضنه واستقبله ببيتي بس وايد المدرسين حذرونا منه وانه نزل مستوى ولدنا بسببه وغير جذي اخلاق ولدي تغيرت وصار يرادد وخلافه ، المهم اني منعته يجي البيت او انه يطلع معاه وهالشي محسسني بالذنب ولكن مابيدي شي هذا هو بالمدرسه يشوفه شنهو الحل بوعابد ؟

[المبرمج صلاح]

عنده صديق سمعته باذني يقوله كل شي تبي تقول لامك ياخي زهقتنا بامك يلعن امك ؟ وهالولد ماحب اكسر بخاطره يتيم الاب وامه صايدتها جلطة وتتعالج برع وانا احاوله احتضنه واستقبله ببيتي بس وايد المدرسين حذرونا منه وانه نزل مستوى ولدنا بسببه وغير جذي اخلاق ولدي تغيرت وصار يرادد وخلافه ، المهم اني منعته يجي البيت او انه يطلع معاه وهالشي محسسني بالذنب ولكن مابيدي شي هذا هو بالمدرسه يشوفه شنهو الحل بوعابد ؟

:anger1::anger1:
لا حول ولا قوة الا بالله
هذه المشكلة في نظري اكبر من الحادث الصحبة السوء سوف تدمره وخاصة في هذا السن
اختي الله يحفظك اذا كنتي تعرفين كل هذه المعلومات عن ابنك يجب اتخاذ قرارات باقصي سرعة من طرفك ومن طرف ابوه حتى تحفظه ابنكم من هؤلاء الاصدقاء
يجب ان لا يرق قلبك في معاملتة وتاديبه وان تحاولي جاهدة بابعاده عن هذا الصديق
ويجب ان يكون الاب اكثر شدة اذا تبين ان لا يستجيب لكي او يسمع كلامك
الله يهدية ويحفظه لكم اختي

[معماري قطري]

عيالنا يتكلمون بلسان أصدقائهم وانا دايماً من أسمع من ولدي جمله شاذه ومبين إن قايلينها له ربع غير آحاول أفهمه إن كلام امه وكلام الكبار مثل خواله وأعمامه هو الصح واللي لازم يتبعه، ولا يهتم لكلام ذيلا ويخلي له شخصية مستقلة ويرافج الطيبين، ومهم انه يقعد أول الصف ويعلم المدرس والمشرف بأي شيء غلط ويعلمني انا ولا يهتم.

بعدين اضحك معاه واقول خلاص كبرت لازم تسوي كذا وكذا وأعتمد عليه في شراء شيء أو عمل شيء خاص بي، ويستانس بهالمهات واقول له أوقات انت تصلح لك السياره الفلانية، أو باخذ هالسياره بس لتعلم حد من البيت .. لأن مره طلعنا سياره للبيت وكانت ليلة عيد وبناتي وامهم في مجمع يتسوقون وكنت باروح بارجعهم البيت وولدي معاي رحنا خذنا السيارة الجديدة ورحنا لهم ووقفنا في موقف تحت الأرض ويوم طلعنا معاهم سوينا نفسنا إننا مضيعين السيارة وندورها واحنا قريبين من سيارتنا الجديده ولا حد يدري من الباقيين وركبنا فيها سرعه وتفاجئوا وهو مستانس اني علمته ولا علمت الباقيين، وألحين كل وقت أقول له باشتري سياره باسمك ولك لين يعطونك ليسن تحت التعليم شوي شوي بنخليك تسوقها.

[ANONYMOUS]

الحمدلله ع سلامتهم

اطوي صفحةً الماضي وافتحيً صفحه جديده اكثر حزما

هالامور تحصل في احسن العائلات

كل شي مقدر ومكتوب

[بريق الحق]

:anger1::anger1:
لا حول ولا قوة الا بالله
هذه المشكلة في نظري اكبر من الحادث الصحبة السوء سوف تدمره وخاصة في هذا السن
اختي الله يحفظك اذا كنتي تعرفين كل هذه المعلومات عن ابنك يجب اتخاذ قرارات باقصي سرعة من طرفك ومن طرف ابوه حتى تحفظه ابنكم من هؤلاء الاصدقاء
يجب ان لا يرق قلبك في معاملتة وتاديبه وان تحاولي جاهدة بابعاده عن هذا الصديق
ويجب ان يكون الاب اكثر شدة اذا تبين ان لا يستجيب لكي او يسمع كلامك
الله يهدية ويحفظه لكم اختي

اخوي لا تلوم ارفيجه اذا كنت يتم الاب و امك بعيده عندك كان عرفت :victory:
الله يصلح حالهم

[مرتبش]

ماتشوفون شر والحمدلله على السلامة..

[المبرمج صلاح]

اخوي لا تلوم ارفيجه اذا كنت يتم الاب و امك بعيده عندك كان عرفت :victory:
الله يصلح حالهم

اتفق معك اخوي في كلامك ويجب ان اتعاطف مع اليتيم واساعده على قدر استطاعتي
ولكن ان كان هذا الصديق اليتيم سئ للاسف ولا استطيع ان اغير تربيته بحكم اني غريب عنه
هل اتركه يدمر ابني او اخي الصغير امام عيني من اجل انه يتيم
اخوي الكريم انا لي تجربة في تربية اخوي الصغير وللاسف لم اهتم باصحابه وكنت اقول مراهقين وسوف يكبرون ويعقلون للاسف اكتشفت اني ارتكبت اكبرخطأ وحاسس بالذنب بعدم ابعاده عنهم وقتها والنتيجة كانت سيئة للغاية ولكن الحمدلله الان بمجرد ابعاده عنهم تحسن ولكن ما زال في اخطاء في تربيته وانا احاول مجاهدا اصلاحه ولكنه كبر الان ولا استطيع ان اوجهه كما كان مراهق :weeping:

الله يحفظ كل اولاد المسلمين من الصحبة السوء

[قلم صادق]

الحمد لله على سلامتهم اختي ضوى وخطاهم الشر ان شالله في الحديد ولا فيهم .... والله سلامتهم تسوى الدنيا ... الله يخليهم لج ويهديهم .

[..er..]

الحمدلله على سلامتهم
عاقبيه بالصمت - ولايطول
علميه بخطاه - حمليه المسولية عن الخساير المادية - وادعي لة بالهداية
وحرصي ابوالعيال على المفاتيح في المستقبل واعطي السايق تعليمات مشددة
بعدم السماح لة بالقيادة-
والاحسن خذيه لمدرسة السواقة لتعليمه بطريقة سليمة

ماتشوفون شر وفي الحديد ..

والحمدالله على ماجا من الله
وهذا شي مكتوب له انه يصير

اعجبني رد بن موسى

[شبح الصمت]

حمد لله على سلامتهم اختي

وخطاهم الشر

ولا حول ولا قوة الا بالله

تستاهلون سلامتهم

ولازم تحاسبون عليهم لازم اختي

[ام السعف]

الحمدلله على سلامتهم يا ضوى في الحديد ولا فيهم وكل شي يهون دام انهم بخير
وان شاءالله تكون غلطة تغير مسار حياته ونقطة تحول في حياته ،،
ادعي له وربي بيحفظهم ان شاءالله ،،

[غير البشر]

الله يسلمكم اجمعين ويحفظ عيالكم ويخليهم لكم ماقصرتوا جزاكم الله خير

بالنسبة للعقاب منتظرة ايوه يجي ويستلمه مني ، كل اللي علي اني خلال هالفترة اعاقبه بالصمت بس واعطاء الاوامر له فقط ،
اخوي معماري اخوه كان بسنه وماتجرأ ابدا يسويها فديته ماساق الا لما خذ الكجة الله يحفظه ، هذا الولد طايح له على شلة صبيان في المدرسه اللي مسوين فيها رياييل ومايخافون من احد ، وللحين اتذكر انه بوقت من الاوقات عايروه انه يسمع كلام امه وقالوا له ياولد امك ، الاولاد يتأثرون بالصحبه ، واحنا علينا نربي ونوجه والله يحفظهم ويهديهم ويصلحهم ياااارب



اختي ضوى
لما يرجع ابوهم بالسلامه ان شاء الله
خليه يركز على اصدقاءه ويشوف نوعياتهم
ضروري الواحد ينتبه على اصدقاء اعياله
في هالمرحله يكون تأثير الاصدقاء تقريبا اكثر من الاب والام

[بونووف]

الحمدالله على سلامتهم ... والابو ماقصر ورسالته حسسته بأنه اللي سواه شي كبير ودليل على ذلك يوم اخنقته العبره وان شاءالله بيتعلم من هالخطأ .. واتوقع لو سألتيه شلون تبيني اعاقبك بيقولج اللي بتسوينه انا راضي وشكله ولدج عاقل بس انتبهي عليه من ربعه يمكن هم اللي شطوه على السواقه والله يحفظهم انشاءالله ويخليهم

[ghanim911]

تستاهلين سلامتهم ...والحمدالله على كل حال

[@north_star@]

بالمال ولا بالعيال والحمد لله على سلامتهم .....
والله يهديه ويبعد عنه الرفقة السوء

[وطن]

لاحول ولا قوة الا بالله

تستاهلين سلامتهم حبيبتي
في الحديد ولا فيهم

عساه درس له ان شاء الله و يتعض وما يسويها مره ثانية

[نور الحور]

خطاكم الشر .. تستاهلين سلامة عيالج ضوى ..
رسالة الوالد الله يحفظه وايد مؤثرة .. بس عليج تكملين التأثير عليه بمناقشة هادية مرة وحدة تبينين له خطأ اللي سواه .. وما تفتحين معاه الموضوع مرة ثانية أو تذكرينه فيه ..

واللي صار درس كبير له في عاقبة التهور، ودرس في حجم حب والدينه له وخوفهم عليه ..
الله يحفظنا ويحفظكم أجمعين

[رذاذ]

تدري يابو عابد

ابوه بغربه ، وانا الام والابو بهالفترة ، متخيل مراهق عمره 15 وامه توجهه ؟!

جايب لي التلفون ويصيح يراويني المسج اللي ابوه مطرشه له بعد الحادث عالواتس ، خنقتني العبره وخنقته

شوف المسج

لين احين الكتابه موجوده
يوم اقولك تحمل بخواتك
واتقول اوكي
ماراح امسحها ياليت قلت انشاء الله
اكتب لك هل الكلام وعيوني تدمع قلبي يتقطع
كنت اتمنى انه الي صاير لي هذا الشي بدالك
لاني ادري انك كنت قبل لاتسوي الحادث كنت فرحان ومستانس
وانا احين ادموعي تنزل لان هذي المشكله زعلتك
وانا اكثر شي حارق قلبي
انك انت متكدر
ياليت يايبى كنت اقدر اشيل هل الكدر عنك
لان الكدر الي فيك ايقطع قلبي
ولكن قلبي يتحمل
ولكن الي مايتحمل قلبي اني ما اشوفك متكدر
واكثر مايفرحني يايبى اني اشوفك
مستانس
لان ادري ان الشي الي صار ماكان بيدك
والي صار يايبى يفداك
لان سلامتك انت واختك اهم عندي من نفسي
والله لو لي الف روح
لفديتك فيهم انت وامك واخوانك
وان شاء الله هذي الشي الي صار
ليكون لك حمايه
ودرس تستفيده
وطلبي منك يايبى
انك ما تلغي الرساله
علشان تتذكر ان شلون الابو يحب عياله

لا حول ولا قوة الابالله قريت الرساله عيوني دمعت ..

الحمدلله على كل شي وفي الحديد ولا بالانسان ..

انشالله اخر الاحزان والهموم وعلقي الولد بالنصيحة والدريول لا تعمدين عليه مفتاح السيارة كان عنده ولا عندك الشي مكتوب وبيصير .

[Class - Qtr]

السلام عليكم

الحمد الله على سلامه عيالج والله يخليهم لج ويبارك فيهم ويهديهم وهذا عمر مراهق

هذا خذ سيارة وسوء حادث غيرة يمكن يسوي اكبر من كذا وهذا طبعا مب عذر لهم

الاهم انا تذكرت سالفه عيال عمي كانو تقريبا 19 سنه ( 2 ) ماسكين زقاير ويدخنون

صدتهم في مكان عام تقريبا من 4 او 5 سنوات والموقف بصراحه كان يصعب على

اجوفه كان عندي حل من الاثنين يا اني امسك روسهم اضربه في بعض واطفى الزقارة

في يد كل واحد فيهم ولا انى اكلمهم بالنصيحه والكلمه الطيبه اول ماقربت عندهم احذفو

الزقارة كنت مواعد لي رجال طرشت له مسج اعتذرت وركبتهم معاي تمشيت معاهم

شربتهم اذكر عصير ونصحتهم لا اكثر واللحين اعمارهم 25 سنه ( 2 ) وللاسف صارو

يدخنون الان والناس تعرف الا ابهاتهم الكبار طبعا

الاهم نصحتهم ووجهتهم بالطريقه

اللي اجوفها صح وتوجيهيه

وخسارة فيهم العصير

ذاك اليوم

:tease:

[بيانو]

الف الف الف سلامه أختى أم عبدالرحمن

وحمدالله على سلامة الاولاد

وقدر الله ماشاء فعل - والحمد لله على كل شىء

والاهم انتهم بخير دووووم يارب .. والله اعلم ماذا كان يحدث بعد ثوانى ان لم يحدث هذا

مصيبه اهون من اخرى

[الكواري 1972]

تستهلون السلامه

والحمدالله ع كل حال

ان شاءالله يوكن له درس وعضه

الله يحفظ لكم بو عيالك ويرده لكم بالسلامه

[ابـو مــحــــمـــــد]

الحمدلله علئ سلامة العيال
في الحديد ولا فيهم
والله يعينا علئ ها السن والجيل الحالي
وان شالله تكون الاخيره له وتكون رساله له للمستقبل

[Dana’1]

الحمدلله على سلامتهم..وما تشوفون شر يارب..والله يحفظهم ويحفط المسلمين آمين يارب العالمين
وترى هذي هي حركات أغلب المراهقين الله يهديهم ...أخوي زمان سواها بس مع لود الجيران...والسيارة جمس ناسية موديلة بالضبط تقريبا نفس هذا حتى باللون جديد من الوكالة
http://im34.gulfup.com/x9v7I.jpg (http://www.gulfup.com/?CsrDv3)

تخيلي بعد الحادث ما تقولين هالسيارة جمس ولا إلي فيها نجو:(
بس االحمدلله وسبحان من نجاهم إثنينتهم
ثاني يوم بالمدرسة البنات إلي أعرفهم وإلي ما أعرفهم ييسلمون علي و يتحمدون على سلامة أخوي...شكيت بالوضع شسالفة أخوي مطيح نص بنات المدرسة وإلا إيش هههههه
سألت منهم بنات شلون عرفتوا ..طلع إن الحادث ذاع صيتة وإنحطت صورة بالمدرسة وباللوح الإرشادية ..عظة وعبرة! ومن أخوانهم والبنات عرفوا الإسم وإسم العايلة وبالتالي أعرفوا إنة أخوي...قلت أشوا<<إن بعض الظن إثم:shy:

[بنـ الدحيل ـت]

الحمد لله على سلامة عيالج ي ضوى والله يحفظهم يا رب
ويحفظ الجميع ..

[intesar]

الحمد لله على سلامتهم جميعاً.. مرحلة مراهقة حبيبتي..
ورسالة أبوهم أوجعت قلبي جداً.. أعتقد بتوجعه وبيعرف غلطته..

لا تتخذين أي اجراء..
ولا تكلمينه.. خليه يفكر مع نفسه ويعرف غلطته..
وبعدها قعدي معاه قعدة رجاجيل.. وفهميه..

الله يصلح لنا عيالنا.. ويصبر قلبج..

ودمتم بحفظ الرحمن..

[السحابة]

الله يسلمكم من كل شر

الحمدلله كما ينبغي لجلال وجهه وعظيم سلطانه

[الجوكر90]

علموه السواقه شوي شوي
اذا صار عمره 17 طلعوا له سياره عاديه وخلوه يسوق بدون ليسن واذا دعم دعمات عاديه راح يدبر عمره
دام انه باق المفتاح الحين صعب ان تقدرين تمسكينه
ع الاقل يسوق برضاكم والاهم ان اذا يبي يسوق بس حق روحة المسيد

[ضوى]

الله يسلمكم من كل شر ويحفظ لكم عيالكم

[chillis]

تستاهلين سلامتهم فديتج بالحديد ولا فيهم ربج ستر

[بنت قطريههه]

السلام عليكم ورحمه الله الف حمد لله على سلامه عيالك وانا اعرف شعورش عندما تكونين الام والأب معا كان الله في عونك اقتراحي روحي مكه عمره معهم بدون اي نقاش وبعد ان ترجعين وديهم لمستشفى الرميله ليروا المصابين ويتعظوا وهددي السائق اذا أعطاه المفتاح مره ثانيه سيخصم من راتبه كان الله في عونك

[المهاجر]

الحمد لله على سلامتهم اختي ضوى

والله يحفظهم ويبعد عنهم كل مكروه

[المرحب]

لاحول ولاقوة إلا بالله
الحمد لله على سلامتهم
ومايشوفون شر
والله يبعد عنكم كل مكروه
والحمد لله على كل حال

[بو خليفه 123]

تستاهلين سلامتهم أختي ضوى اجر و عافيه .. كلنا مرينا في هالمواقف في مراهقتنا مع آبائنا و أنا اعرف شعورك تماماً الآن .


اقتراحي :

أول خطوه تقدمين عليها هي ابلاغ السائق بأنك سوف تخصمين 250رق من راتبه الشهر القادم و ذلك لتخاذله بأمانة البيت (عند قدوم وقت الراتب لك القرار بالخصم او لأ)


اما بخصوص الولد الخطأ الكبير هو انه خذ اخته الصغيره معه , حاولي تحرمينه من شوفتها لمدة يومين و بعد ذلك اسأليه عن شعوره .


خطاكم الشر

[sendarala]

الحمدلله على سلامتهم وخطاهم الشر



في الحديد ولا في النفس

[tawareq]

الحمدلله على السلامة وماتشوفون شر

اجر وعافية


قدر الله ما شاءالله فعل

[تحداني]

جعلها آخر الأحزان يارب .. واسملى عليهم من كل شر
والله يحفظهم في حلهم وترحالهم .. قدر ومكتوب .. ولا اعتراض على حكم الله


جملك الله برضاه

[khaldoon]

جعلها آخر الأحزان يارب .. واسملى عليهم من كل شر
والله يحفظهم في حلهم وترحالهم .. قدر ومكتوب .. ولا اعتراض على حكم الله


جملك الله برضاه

:eek5::eek5::eek5::eek5::eek5:

عودا حميدا يا تحداني الزمن.....وين هالغيبة

[عاشق الشهادة]

الحمد لله على سلامتهم في الحديد ولا فيهم ,
وربي يحفظهم ويحميهم من كل شر ومكروه .

[تحداني]

:eek5::eek5::eek5::eek5::eek5:

عودا حميدا يا تحداني الزمن.....وين هالغيبة




الله يرضى عليك يارب
كنت في اسكوتلندا



جملك الله برضاه

[ام السعف]

الله يرضى عليك يارب
كنت في اسكوتلندا



جملك الله برضاه

:eek5:

[تحداني]

:eek5:



بدل ما اتقولين ما شاء الله اتبققين هالاعيون
حسبالج اسكوتلندا مكان عادي

على كل شي يحسدون الناس

[ام السعف]

بدل ما اتقولين ما شاء الله اتبققين هالاعيون
حسبالج اسكوتلندا مكان عادي

على كل شي يحسدون الناس

ماشاءالله تبارك الرحمن

[تحداني]

ماشاءالله تبارك الرحمن


..:p..

[ضوى]

الله يسلمكم من كل شر ويحفظ عيالكم يااارب

[الدمعه]

تستاهلين سلامة العيال. الله حفظهم ،،،


الله يخليهم لج ويهديهم ويصلحهم. وربي يعينج عليهم.

دمعت عيني وعورني قلبي يوم قريت المسج ،،،

والحادث بروحه درس له ،،،،

[بصمة قطرية]

تدري يابو عابد

ابوه بغربه ، وانا الام والابو بهالفترة ، متخيل مراهق عمره 15 وامه توجهه ؟!

جايب لي التلفون ويصيح يراويني المسج اللي ابوه مطرشه له بعد الحادث عالواتس ، خنقتني العبره وخنقته

شوف المسج

لين احين الكتابه موجوده
يوم اقولك تحمل بخواتك
واتقول اوكي
ماراح امسحها ياليت قلت انشاء الله
اكتب لك هل الكلام وعيوني تدمع قلبي يتقطع
كنت اتمنى انه الي صاير لي هذا الشي بدالك
لاني ادري انك كنت قبل لاتسوي الحادث كنت فرحان ومستانس
وانا احين ادموعي تنزل لان هذي المشكله زعلتك
وانا اكثر شي حارق قلبي
انك انت متكدر
ياليت يايبى كنت اقدر اشيل هل الكدر عنك
لان الكدر الي فيك ايقطع قلبي
ولكن قلبي يتحمل
ولكن الي مايتحمل قلبي اني ما اشوفك متكدر
واكثر مايفرحني يايبى اني اشوفك
مستانس
لان ادري ان الشي الي صار ماكان بيدك
والي صار يايبى يفداك
لان سلامتك انت واختك اهم عندي من نفسي
والله لو لي الف روح
لفديتك فيهم انت وامك واخوانك
وان شاء الله هذي الشي الي صار
ليكون لك حمايه
ودرس تستفيده
وطلبي منك يايبى
انك ما تلغي الرساله
علشان تتذكر ان شلون الابو يحب عياله
صيحتيني يا ضوى :weeping:
لاحول ولا قوة الا بالله
الحمدلله على سلامتهم حبيبتي
طلعي دفعة بلا عنهم والله يحفظهم
و يهدي لج الولد
ماشاءالله على أبوهم
قمة في العقلانية
قريت الرسالة أكثر من مرة
ماشاء الله عليه ..
تصدقين تميت أفكر في اللي صار
عيالي من سناين ولدج و أكبر
و أبوهم في الغربة
يعني حالي من حالج :weeping:
أحمد ربي إن أخوي معاي

[ضوى]

بكل امانة يالدمعة ويا بصمة ابوه حنون وااايد ، الله يرده بالسلامه وياجره خير على مراعاته لاخوه ويمكن هذا الشي اللي حقظ عياله ولله الحمد

الله يحفظ عيالكم من كل شر

[ضوى]

بصمة الله يخليلج اخوج ياااارب ويرحم اخواني رحمة واسعة يااارب

[بصمة قطرية]

بصمة الله يخليلج اخوج ياااارب ويرحم اخواني رحمة واسعة يااارب

اللهم آمين ..