رايكم في مكيفات gree

[بوسـعد]

السلام عليكم ورحمة الله وبركاته


بغيت رايكم في مكيفات gree لان بغيت اخذهم لبيت العمر اول شي فكرت في جنرال سألت عن سعره 2طن قالي 4300 ريال سعر مبالغ فيه وانا عندي حوالي فوق 25 مكيف

[شموخ دائم]

,

,


مرحبا


اخوي الكريم

الزين بيكون سعره غالي اكيد
والرخيص رخيص
:)

انت وميزانيتك وانت ومقدرتك

المكيفات المعروفه الجنرال ومتسوبيشي وبناسونيك وفوجي

وترين ودايكن

وفي ناس بيقولك هذا روتري وهذا بستن والنصائح كثيره

اما قري وال جي تجي بعد الي ذكرتهم لك

والله يوفقك ويعينك على اتخاذ القرار

لو انا مكانك والمبلغ كبير علي

باخذ الاماكن المهمه صاله وغرفه نوم رئيسيه ومجلس نوعيه زينه

والباقي بحط لهم الي اقدر عليه او اتركهم لين اقدر عليهم مستقبلا

مو شرط احط تكيف لمكان ما بتستخدمه وهو فاضي او غرفه زايده


,

,


اخوك


شموخ دائم

[kuwari]

اخذت مكيف جري طنين ونص حق صاله ظ¦/ظ¥ ما شاء الله بارد وعندنا من سنه وما تقدر تطوله حدة والاعضاء الخبرة ان شاء الله ينفعونك

[Bozizoo]

سعره زين شريت مكيف واحد وصارله سنه
ومثل ماقال اخوي الكواري مافي منه مشاكل و تبريده ممتاز

[الخزرجي قطر]

اخذنا منهم لبيت الاهل ماعليها كلام الهواء بارد ومالها صوت ومافي تسرب اوتنقيط للماء
انصحك ابعد عن مكيفات ال جي سبيليت .اكيد جنرال احسن من قري لكن المشكله السعر والصيانه

[غرِيبهـ]

انا مغيره غالبية مكيفات البيت الى قري
وهالسنة رافعين اسعارهم

خذت طنين ب2900 نوع بستون
وطن ونص بـ 2600 نوع بستون بعد
يعني يتحمل فوق الخمسين درجه الحراره

[صــوت قطــر]

اخذ المكيفات وفالك التوفيق .. انا مجربهم واخوي مجربهم ماعليهم كلام وعندهم نوعين بستن وتروبيكال

انت عليك بالبستن وتوكل على الله

[عقار]

اخوي بو سعد
انا شريت من عندهم من سنتين 80 مكيف سبليت كلهم طنين المطابخ طنين ونص وكلهم بستن
الحمدلله ولا اي شكوى واحسن من جنرال وميتسوبيشي من كذا ناحية على سبيل المثال السيرفس ما بعد البيع
يجون لك على طول ،، السعر ممتااااااز ، باختصار خذهم وتوكل على الله

[اللوز]

مكيف فاشل

[Dana’1]

ما أنصحك فية إذا تقدر على غيرة إحنا عندنا جهاز تكيف واحد من هالماركة
هوشغال أوك وتبريدة زين بس بالفترة الاخيرة ومع إنة جديد أظن تحت الضمان للحين المهم اذا انزل الدرجة ل22 وأقل يطلع أصوات كانة حصى يتكسر بداخلة بصوت عالي ومتقطع يعني مرة هادئ وفجأة يجي الصوت لدرجة اني افز من صوتة !زوجي مرة فتح يشيك ظن انة مثلج بس طلع عادي مو مثلج
ومرة أسمع صوت خرفشة وتميت اطالع شسالفتة إلا احس شي بيطلع منة أستغرب تخيل طلعة ورقة شجرة يابسة مع إن مافي ولا شجرة بالحوش! بس يمكن من الهوا والعج طايرة وداخلة بالمروحة ما ادري شي عجيب غريب
هذه تجربتنا مع هالجهاز وبالتوفيق لك

[حياتي]

ما أنصحك فية إذا تقدر على غيرة إحنا عندنا جهاز تكيف واحد من هالماركة
هوشغال أوك وتبريدة زين بس بالفترة الاخيرة ومع إنة جديد أظن تحت الضمان للحين المهم اذا انزل الدرجة ل22 وأقل يطلع أصوات كانة حصى يتكسر بداخلة بصوت عالي ومتقطع يعني مرة هادئ وفجأة يجي الصوت لدرجة اني افز من صوتة !زوجي مرة فتح يشيك ظن انة مثلج بس طلع عادي مو مثلج
ومرة أسمع صوت خرفشة وتميت اطالع شسالفتة إلا احس شي بيطلع منة أستغرب تخيل طلعة ورقة شجرة يابسة مع إن مافي ولا شجرة بالحوش! بس يمكن من الهوا والعج طايرة وداخلة بالمروحة ما ادري شي عجيب غريب
هذه تجربتنا مع هالجهاز وبالتوفيق لك

تقصدين مكيف الوندو او الاسبليت ؟

[Dana’1]

^^^^
سبليت

[عيسى111]

مكيفات جيدة وخدمة ممتازة تجربتي سنتين معهم شريت منهم 24 مكيف طنين وطنين ونص

[كبير المتداولين]

يقولون خلص البستن في الكمبريشر الصغير

تنصحون فيه ولا .... تجاربكم

[Class - Qtr]

مكيف فاشل


السلام عليكم

ياليت تذكر السبب عشان الناس تستفيد

وشكرا جزيلا لك

:nice:

[Class - Qtr]

السلام عليكم

انا استخدمهم من 7 شهور ( سبلت بستن ) والمكيفات باامانه ممتازين لا صوت لا مشاكل حتي الان

لكن مااقدر انصح فيه خاصه انك بتاخذ المكيفات لبيت العمر السبب المكيف مااقدر احكم عليه الا بعد

تجربه ماتقل عن 3 سنوات حاليا بالرغم من الصيانه المتواضعه جدا غير جنرال العمادي لا تفكر

[Qt.1]

مكيف فاشل

صج مايصير اتقول فاشل وتسكت لازم اتبين الاسباب !

[مضارب دوسري]

سو مكسسس
فوجي وجري

انا مرتب اموري ان شاء الله فوجي وجري وكليفنتور

[خزامئ]

كلفينيتور
ممكن حد يدلني من وكيلها
اكون شاكره له

[مضارب دوسري]

صقر الخليج
طريق سلوى هو وكيل كلفينيتور

[AL-ANSARI]

مكيف جري ممتاز وهو الاكثر مبيعا في العالم حاليا توني شاري للبيت كله جري سبليت بستن. توكل على الله انا خذت 22 مكيف طلع لي الواحد ب3500 طنين ونص . والطنين 3000 وفرقت معاي في الميزانية بينه وبين فوجي 30 الف ريال وانا مجرب الاثنين تراه مايفرق شي عن الفوجي او جنرال بس عليك بالبستن لانه الافضل لجونا

[حمد بن سعد]

جنرال مركبهم شهر اربعه عدد ٢٢ مكيف سبلت واحد منهم اخترب الحين اسبوعين اتصلهم وكل يوم بكره خدمتهم بعد البيع زفت ندمت اني شريت من عندهم


الله يوفقك

[عقرب]

كلفينيتور
ممكن حد يدلني من وكيلها
اكون شاكره له

قبل مطعم ناندوز خط سلوى بيكون ثاني محل تقريبا لوحته صفره أسمه صقر الخليج

[عاشق العديد]

اخـوي أنا مركب 4

عندي اثنين اوكي بس مايبردون واجـد ..
وعنـدي واحـد جـداحـار ؤللعلم هم الي فيهم بستـن ..

وعندي فالمجلس اثنين جنرال صغار مب كبـار بس والله انهم يبردون لدرجة ابندهـم ..

[hanayen]

احسن مكيفات في قطر خذ منهم وانت مطمن انا جربت lg تعبان وصيانتهم زباله
جنرال معقول بس مب مثل قبل في عز الصيف ما يبردون أحسنهم gree عن تجربه

[العربية نت]

إذا عندك مقدرة مادية نصيحة لا تبعد عن الجودة والراحة وبتلقاها في
جنرال. متسوبيشي. باناسونيك وحاول تكون 2 طن
باناسونيك بتلقا عندهم حتى 3 طن
غالية بس بتريحك خاصة في مثل الأيام هذي الي نعيشها حاليا رطوبة وحر
ومش بالضرورة تشتريها دفعة وحدة كل شهر مجموعه أو كل شهرين :) ويمكن تلقا عندهم نظام تقسيط


بالتوفيق :(

[hanayen]

أخذه وما تندم انا جربتهم gree أحسنهم تحمل تأخذ lg
جنرال غالي بس في عز الصيف ما يبرد وخدمتهم تعبانه واسعارهم فوق الخيال

[معماري قطري]

,

,


مرحبا


اخوي الكريم

الزين بيكون سعره غالي اكيد
والرخيص رخيص
:)

انت وميزانيتك وانت ومقدرتك

المكيفات المعروفه الجنرال ومتسوبيشي وبناسونيك وفوجي

وترين ودايكن

وفي ناس بيقولك هذا روتري وهذا بستن والنصائح كثيره

اما قري وال جي تجي بعد الي ذكرتهم لك

والله يوفقك ويعينك على اتخاذ القرار

لو انا مكانك والمبلغ كبير علي

باخذ الاماكن المهمه صاله وغرفه نوم رئيسيه ومجلس نوعيه زينه

والباقي بحط لهم الي اقدر عليه او اتركهم لين اقدر عليهم مستقبلا

مو شرط احط تكيف لمكان ما بتستخدمه وهو فاضي او غرفه زايده


,

,


اخوك


شموخ دائم

ما شاء الله عليك دوم نصايحك مسكتة

انا تورطت مع ال جي وللبيت كله وبديت أغير من فترة صوب جنرال وفوجي وصراحة شفت الفرق من أول ما ركبت فوجي .. عندي مكتب كله أقعد فيه يعني أحياناً معدل 6 ساعات يومياً، وهذا مقابل شمال ومن ثلاث جهات زجاج وبارز معلق على أعمدة وهو الحيز الوحيد في البيت اللي سويته بدون عازل .. المهم يبرد كثير في الشتاء وفي الصيف حرارته معقولة، ركبت فوجي تكييف / تدفئة وارتحت كثير معاه خصوصاً فيه نظام تماتيك يبند بالكامل ويشتغل لو زادت الحرارة تكييف ولو نقصت تدفئة، وصراحة تحسفت اني مركب تكييف رخيص.

الراي زين ان الواحد ينوع في التكييف حتى بعض الأماكن يركب لها دكت سبلت وبعضها سبلت المعلق في السقف خصوصاً للصالات، وبعضها تكييف عادي أو يجهز للتكييف ولا يركبه الا وقت الحاجة.

[ضوى]

أخذه وما تندم انا جربتهم gree أحسنهم تحمل تأخذ lg
جنرال غالي بس في عز الصيف ما يبرد وخدمتهم تعبانه واسعارهم فوق الخيال

جنرال مايبرد في عز الصيف ؟!!!


انا اتجمد ودوم مسكرته من البرودة وبعد هاليومين رطوبة المكيفات تبريدها ذبحنا

[معماري قطري]

جنرال مايبرد في عز الصيف ؟!!!


انا اتجمد ودوم مسكرته من البرودة وبعد هاليومين رطوبة المكيفات تبريدها ذبحنا

قصري على الكمبريسر في الرطوبة المكيفات تزيد كفاءتها

[ضوى]

قصري على الكمبريسر في الرطوبة المكيفات تزيد كفاءتها

اشلون يعني اقصر عالكمبريسور ؟

انا مخليته عندي 24 واثلج من البرد

[معماري قطري]

اشلون يعني اقصر عالكمبريسور ؟

انا مخليته عندي 24 واثلج من البرد

ممكن خربان الثرموستات والمكيف كله شغال بكامل طاقته .. شوفي خليهم يشوفون شمشكلته، ولو عندج ثرموستات قيسي حرارة الغرفة إذا أقل من 24 وانتي ضابطته على 24 بيكون خربان الثرموستات أكيد .. لو عندج رموت ال جي وممكن هذي الميزة في بعض المكيفات تقدرين تقيسين الحرارة على الرموت بضغط زر مرسومة عنده غرفة وتتمين ضاغطته.

[piccadilly]

توكل على ولا تتردد عندي من اكثر من ثلاث سنوات 40 مكيف ولا عمري اشتكيت من شي الصراحه انا اشوفه احسن مكيف في السوق حالياً.
وبالتوفيق

[meto2010]

الأخوه الكرام .. نشكركم على ثقتكم الغاليه بمكيفات gree

ان شاء الله سوف يكون هناك تنزيلات فى الفترة من

10-10-2013 الى 10-12-2013

[QP Engineer]

الأخوه الكرام .. نشكركم على ثقتكم الغاليه بمكيفات gree

ان شاء الله سوف يكون هناك تنزيلات فى الفترة من

10-10-2013 الى 10-12-2013


شكرا على التنويه بهذا العرض

تعقيبا على الموضوع لصاحب الموضوع بعد التحيه

المكيف جيد وتم تركيب هذا النوع في فيلتين جدد لإثنين من أخواني والحمدلله :ok:
وإن شاء الله إذا كان فيه نصيب من الممكن أن أتعاقد معهم (في حال تم الإتفاق بيننا):deal:

مع عدم التنقيص من جودة باقي المكيفات المعروفه :nice:

[حياتي]

الأخوه الكرام .. نشكركم على ثقتكم الغاليه بمكيفات gree

ان شاء الله سوف يكون هناك تنزيلات فى الفترة من

10-10-2013 الى 10-12-2013

:nice:
المفروض صاحب الموضوع اتكافئونه للأمانه

سوالكم دعاية:shy:

انا خذت 20 مكيف من gree

والسبب هذا الموضوع من كثر الردود الايجابية عن استعمال المكيفات و الخدمه في السيرفس بعد

ولا ايش رايكم

[بوخالد911]

هلا

من شهر شريت سبيلت gree
2طن بسعر 3100 ريال

ولحد االان الامور طيبة

[باندول]

اعتقد المكيف قري صناعه صينية بدأت انتاجها الفعلي في سنة 1996 تعتبر جديده لباقي الشركات المعروفه وشركه طلعت وانشهرت لانه مكيفاتها رخيصه وشركه تنتج 45.5 مليون مكيف سنويا مو معناته شي زين
حاليا اذا سعر المكيف 2 طن ب 3100 ريال والله مايسوى هلمبلغ وماشريته

اروح شركه الدرويش ابرك مكيفات الزامل ومكيف الكلاسك صناعه سعوديه والكمبريسور امريكي
وكفايه شركه الدوريش هي وكيله ويا زين صيانتهم وتعاملهم وسعره ل 2طن 2600 ريال
وتأسست مكيفات الزامل في عام 1974،يعني خبرتها وجوده مكيفاتها ابرك من هلصيني التعيس

[باندول]

السلام عليكم ورحمة الله وبركاته


بغيت رايكم في مكيفات gree لان بغيت اخذهم لبيت العمر اول شي فكرت في جنرال سألت عن سعره 2طن قالي 4300 ريال سعر مبالغ فيه وانا عندي حوالي فوق 25 مكيف

بل 4300 :omg:

اخبر سعرة من خمس سنين 2300 وصل 4300 مايسوى شدعوة شاري موتر مستعمل مو مكيف

[مضارب دوسري]

لا يا اخوان
ال 2 طن ونص ب 3700
وال 2 طن ب 3000

[باندول]

لا يا اخوان
ال 2 طن ونص ب 3700
وال 2 طن ب 3000

يعني ماله سعر محدد والاعضاء الي يقول شاريه 2 طن باربعه وثاني 3100 وثالث 3200 وانا سايمه من قبل 2300
كيف نعرف سعر الحقيقي وكيف بيكون نعرف سعر التنزيلات اتوقع بيقول انه سعرة 4200 وسويت تنزيلات 3000 ريال ........ ههههههههه لعبه معروفه ومايستاهل اخرتها مكيف من الصين

عموما انصح بمكيفات كلاسيك من الدرويش يخليك اتعيش احلام بارده كانك في الاسكيمو من برودته :tease:

[مضارب دوسري]

يعني ماله سعر محدد والاعضاء الي يقول شاريه 2 طن باربعه وثاني 3100 وثالث 3200 وانا سايمه من قبل 2300
كيف نعرف سعر الحقيقي وكيف بيكون نعرف سعر التنزيلات اتوقع بيقول انه سعرة 4200 وسويت تنزيلات 3000 ريال ........ ههههههههه لعبه معروفه ومايستاهل اخرتها مكيف من الصين

عموما انصح بمكيفات كلاسيك من الدرويش يخليك اتعيش احلام بارده كانك في الاسكيمو من برودته :tease:

لا ياخوي
لو تلاحظ الموضوع من شهر 3 يعني من ست شهور
مب معقوله رافعين السعر من ست شهور وانا مار عليهم من كم يوم

[بوخالد911]

يعني ماله سعر محدد والاعضاء الي يقول شاريه 2 طن باربعه وثاني 3100 وثالث 3200 وانا سايمه من قبل 2300
كيف نعرف سعر الحقيقي وكيف بيكون نعرف سعر التنزيلات اتوقع بيقول انه سعرة 4200 وسويت تنزيلات 3000 ريال ........ ههههههههه لعبه معروفه ومايستاهل اخرتها مكيف من الصين

عموما انصح بمكيفات كلاسيك من الدرويش يخليك اتعيش احلام بارده كانك في الاسكيمو من برودته :tease:

هلا
بكم مكيف كلاسيك بو 2 طن؟
ومن متى عندك عشان حكمت عليه
وشكراً

[باندول]

5 سنين تقريبا يا بوخالد
وقيمته 2600 ريال بو 2 طن

[مضارب دوسري]

5 سنين تقريبا يا بوخالد
وقيمته 2600 ريال بو 2 طن


بستن اخوي ولا روتري ؟

[باندول]

ابشرك بستن ويستحمل فوق 50 درجه
وهذه صوره الجديد شكله حلو ممكن قريب ان الله راد اتفق معاهم على 38 مكيف لبيتي الجديد ان شاء الله

http://www3.0zz0.com/2013/09/21/22/693761510.png

[بوخالد911]

5 سنين تقريبا يا بوخالد
وقيمته 2600 ريال بو 2 طن


بارك الله فيكم

[ذكي جدااا]

انا شاري جري الواحد ب ٢٩٠٠ للطنين عندهم فرع ببن عمران بجانب الشاهين

[مضارب دوسري]

كلاسيك سالت عنهم قالوا مب بستن


وفرق 400 ريال بين مكيف بستن ومكيف مب بستن يعتبر فرق لا يذكر