نقاط الكهرباء والتلفزيون والانتركم

[sweety]

اخواني واخواتي اعضاء المنتدى الكرام
عندي استفسار بخصوص نقاط الكهرباء والتلفزيون والانتركم
متى يتم اختيار مواقعها في البيت ؟
ومن يقوم بهذي المهمه؟انا؟ ام المقاول ؟ام الاستشاري؟ ام الكهربائي؟ وهل تحتاج خرايط للنقاط المذكورة ولالا؟
لاني الاستشاري ماسألني وين تبغين تحطين مواقع فيش الكهرباء والانتركم لحد الان؟
علما باني في الفترة القادمة راح ابتدي في مرحلة العظم ؟
ودمتم بخير

[شموخ دائم]

,

,


مرحبا


هذا سؤال مهم جدا جدا جدا

الان في الخريطه ( تحط احتياجك )
وتوجد خريطه مكتوب عليها ( تمديد الكهرباء )

تحتاج شخص يساعدك في توزيع نقاط الكهرباء والاضاءه
احسن من تكسر قبل الاثاث
بتلاقي سوكتات جات خلف الكبتات
بتلاقي مافي كهرباء حق التلفزيون لما تختار مكان له
لازم تعرف توزيع الاثاث من الان
حتى تنسق الكهرباء معاه

لازم تخلي حوائط فاضيه مافيها سوكتات
حتى تعمل فيها ديكورات او لمسات جماليه

احيانا تلاقي كل الحوائط فيها سوكتات وتشوه منظر البيت
بشكل فضيع مما يترتب عليه
تحريكهم وتكسير كثير في البيت
وهذا التكسير بيضيع عليك الوقت والمال
وتصير كراكات في الحوائط

كل واحد يبني اول مره يطيح بهذا الخطاء

الا البعض ان شاء الله تكون انت من هذا البعض
:)

,

,


اخوك


شموخ دائم

[بوNasser]

اخواني واخواتي اعضاء المنتدى الكرام
عندي استفسار بخصوص نقاط الكهرباء والتلفزيون والانتركم
متى يتم اختيار مواقعها في البيت ؟
ومن يقوم بهذي المهمه؟انا؟ ام المقاول ؟ام الاستشاري؟ ام الكهربائي؟ وهل تحتاج خرايط للنقاط المذكورة ولالا؟
لاني الاستشاري ماسألني وين تبغين تحطين مواقع فيش الكهرباء والانتركم لحد الان؟
علما باني في الفترة القادمة راح ابتدي في مرحلة العظم ؟
ودمتم بخير

المفروض تكون فيه خرايط معتمدة لتمديدات الانتركم والتلفونات وتوزيع نقاط الكهرباء

طبعا يمكن في مرحلة ما قبل البلاستر تغيير بعض التوزيعات بسهولة اما عقب فالمسألة بتكون متعبة شوي تكسير وعبالة.

للتذكير فقط الرجاء الانتباه لأماكن التفلزيونات والكمبيوترات ان تكون نقاط الكهرباء مزدوجة على الأقل، لتتحمل الطابعات و الرسيفرات و المحولات وغيرها

[معماري قطري]

اخواني واخواتي اعضاء المنتدى الكرام
عندي استفسار بخصوص نقاط الكهرباء والتلفزيون والانتركم
متى يتم اختيار مواقعها في البيت ؟
ومن يقوم بهذي المهمه؟انا؟ ام المقاول ؟ام الاستشاري؟ ام الكهربائي؟ وهل تحتاج خرايط للنقاط المذكورة ولالا؟
لاني الاستشاري ماسألني وين تبغين تحطين مواقع فيش الكهرباء والانتركم لحد الان؟
علما باني في الفترة القادمة راح ابتدي في مرحلة العظم ؟
ودمتم بخير

الأخ شموخ دائم ما قصر كفى ووفى

باضيف حتى مواقع فتحات التكييف أو المكيفات السبلت مهمة ما تكون مواجهه الجالس أو السرير .. لو تبي مساعدة أو رأي في توزيعة الأثاث وعندك المخططات على صيغة أوتوكاد مستعد أسوي لك مقترح سريع، وعلى ضوء توزيع الأثاث يكون توزيع الكهربه والتلفونات وسويشات تشغيل الليتات شيء سهل.

بالنسبة لليتات لغرف النوم أفضل الواحد يركب جانبية أو مخفية بحيث ما تزعج العين مثل السبوتات القوية، ويمكن يحتاج ثرية وسطية أو إنارة سقفية مخفية أو فايبر اوبتكس بألوان هادئة متعددة .. لأن الحاجة للإنارة وقت التنظيف بس .. وللصالات يركب كم نوع إنارة وكل نوع بروحه بسويش خاص حق يتحكم في مستوى ونوعية الإنارة، وللحمامات كذلك، أما للمطابخ فالإنارة يجب أن تصمم مع تصميم المطبخ وبكذا نوع وسويتش حق كل نوع، فمثلاً إنارة مخفية تحت الكبتات العلوية، وإنارة داخل بعض الكبتات وقد تكون تشتغل اوتوماتيكاً مع فتح الكبت، وإنارة سبوتات معينة لبعض الأماكن الضرورية للطبخ، وهناك الإنارة العادية سواءً نيون أو سبوتات كبار.

حتى لكبتات غرف النوم ممكن عمل إنارة خاصة لداخل الكبت تشتغل أوتوماتيكياً مع فتح الباب.

وكل نوع من الإنارة يجب أن يمدد له مسبقاً، ومن السقف حسب القوانين القطرية، وبمفتاح خاص لأن لو تم الخلط بين كذا نوع بمفتاح واحد يكون استهلاك كل نوع مختلف ويكون هناك تأثير بحيث تحترق اللمبات بسرعة، كما يكون عدم وجود تحكم في مستوى الإضاءَة.

[بوخالد911]

المكتب اللي بيصمم لك الخرايط هو اللي يجيب لك مهندس كهربا وبيقترح عليك توزيع النقاط
يعني هالمهندس موجود وياهم بالمكتب

والله يسهل

[خزامئ]

حن بعد ماخلص العضم وقبل الابلاستر وزعنا النقاط والمكيفات واليتات الجانبيه
التلفزون والانتركم
واهم شي المطبخ كثرو البلاكات فيه واسالفه التوزيع تبي لها اكثر من قعده تروح للبيت مع الاهل وتوزع الجلسه والتفزون وتخيل كل قطعه اثاث وين عشان ماتحط وراها سويك ويروح خساره
واهم شي المكيف مايكون مقابل الجلسه ولا السرير
هاذي كانت اصعب فتره
كل مره نروح ونتخيل شكل البيت النهايي ونحدد علئ ذا الاساس
وبعد ماتخلص تحديد الاماكن تسوي نصختين من توزيع البلاكات والمكيفات تخلي نصخهه عندك والثانيه البيب فيتري

[MAZEN37]

عادي الواحد يغير مكان المكيف السبلت
كيف والبايبات مزروعه من السقف لين السطوح

[معماري قطري]

عادي الواحد يغير مكان المكيف السبلت
كيف والبايبات مزروعه من السقف لين السطوح


إذا سبلت سهل وأحسن تركب اللي معلق وسط السقف بو أربع فتحات، وفيه منه بو فتحتين بس ما شفته في قطر.