استفسار لأهل الخبرة في سويسرا والنمسا

[احساس غريب]

السلام عليكم
أنا الصراحة خاطري ازور مدينتين مع بعض في سفره وحده اللي هم أنتلاكن وزيلامسي لكن الصراحة احترت في كيفية وضع مخطط السفر وكيفية التنقل من زيلامسي لانترلاكن خصوصا أني مابي استأجر سياره ابدا ف ياليت تفيدوني يا جماعة الخير عن وضع مخطط للسفره وكيفية التنقل الأسرع والأفضل لني مازرت هالدول كلش وجزاكم الله خير

[غير البشر]

السلام عليكم
أنا الصراحة خاطري ازور مدينتين مع بعض في سفره وحده اللي هم أنتلاكن وزيلامسي لكن الصراحة احترت في كيفية وضع مخطط السفر وكيفية التنقل من زيلامسي لانترلاكن خصوصا أني مابي استأجر سياره ابدا ف ياليت تفيدوني يا جماعة الخير عن وضع مخطط للسفره وكيفية التنقل الأسرع والأفضل لني مازرت هالدول كلش وجزاكم الله خير



مرحبا اخوي احساس غريب

لو فرضا بتروح بالقطار من انتر لاكن الى زيلامسي المسافه طويله
راح يتعبكم القطار
المسافه مابين 9 ساعات الى 11 ساعه

لو سفرتكم مده كافيه يعني طويله اشوي
وماعندك مشكله تتنقل من مكان لأخر


المخطط :

انتر لاكن الـــــــــى زيوريخ ساعتين بالقطار
ومن زيوريخ الـــى ميونخ 5 ساعات وربع تقريبا
ومن ميونخ الى زيلامسي 3 ساعات


http://im33.gulfup.com/8453G.png (http://www.gulfup.com/?mRJ6n9)


عطني رايك وبنحاول نشوف لك حلول

[احساس غريب]

تسسسلم يأخوي غير البشر ومدة السفره تقريبا 12 يوم لين الحين ماحددت وبالنسبة لخط السير اللي حطيته فعلا متعب وبيروح علي يوم كامل بس واللي يسلمك ابي مخطط لي عائلي يكون من ضمنه زيلامسي لني بكنسل روحة انترلاكن يعني اماكن حلوه من ناحية الطبيعة وآخر كم يوم تسوق وأدبي أني كلفت عليك لكن شسوي تلعوزت ولا رسيت على شي وجزاك الله خير

[غير البشر]

تسسسلم يأخوي غير البشر ومدة السفره تقريبا 12 يوم لين الحين ماحددت وبالنسبة لخط السير اللي حطيته فعلا متعب وبيروح علي يوم كامل بس واللي يسلمك ابي مخطط لي عائلي يكون من ضمنه زيلامسي لني بكنسل روحة انترلاكن يعني اماكن حلوه من ناحية الطبيعة وآخر كم يوم تسوق وأدبي أني كلفت عليك لكن شسوي تلعوزت ولا رسيت على شي وجزاك الله خير



الله يسلمك يا الغالي
ابشر ولا يهمك
اليوم ان شاء الله برتب لك حق السفره
التسوق والفنادق والاماكن السياحيه
وان شاء الله يعجبك

[احساس غريب]

جعل عمرك طويل اخوي غير البشر لأخلا ولاعدم

[Class - Qtr]

المخطط :

انتر لاكن الـــــــــى زيوريخ ساعتين بالقطار
ومن زيوريخ الـــى ميونخ 5 ساعات وربع تقريبا
ومن ميونخ الى زيلامسي 3 ساعات


http://im33.gulfup.com/8453g.png (http://www.gulfup.com/?mrj6n9)


[/font][/color][/size]


تصحيح لا اكثر ,,

بالقطار من ميونخ الي زلامسي ساعه ونص لا اكثر

[monatee]

خلك بين ميونخ وزيلامسي

بالقطار افضل بس حط في بالك لازم ع الاقل في محطه تبديل وحده للقطار مايروح دايركت

واذا معاك اطفال وشنط ثقيله ماينفعك القطار

وخذلك سياره من ميونخ دايركت على زيلامسي بتوصل خلال ساعتين يا انت اللي تسوق او السواقين هناك اشكثرهم

واذا حاب اتضيف مدينه ثانيه للسفره انصحك بفيينا

بحيث تكون السفره 4 ليالي لكل مدينه ،، على انك تحجز التذاكر على هالاساس الذهاب لميونخ والعوده من فيينا ،، او تسوي العكس

وبنفس الطريقه من زيلامسي لين فيينا 5 ساعات وتبديل واحد للقطار بمحطه سالزبورغ او دايركت بالسياره


بصيف 2012 كانت سفرتنا فيينا والعوده من ميونخ وكانت مده الرحله 15 ليله

رتبناها 6 ليالي فيينا و 3 ليالي زيلامسي 6 ليالي ميونخ

من فيينا لين زيلامسي رحناها بالقطار 5 ساعات مع تبديل واحد

ومن زيلامسي لين ميونخ بالسياره دايركت تقريبا ساعتين ( على كلام السايق ) لان غيرنا المخطط واحنا فزيلامسي نزلنا يومين على ايطاليا زرنا فينيسيا وفيرونا وبعدها رحنا لميونخ وقعدنا فيها 4 ليالي

[الإكسير]

مدامك مسافر أنصحك انك تروح انترلاكن حتى لوفيها تعب لأنك ماراح تشوف اجمل من طبيعة انترلاكن

[غير البشر]

تصحيح لا اكثر ,,

بالقطار من ميونخ الي زلامسي ساعه ونص لا اكثر



ياهلا وغلااا والله

شلون ساعه ونص :omg:

انا شفت القطارات الالمانيه والاوربيه
وطلعت الوقت من موقعهم
وقبل كم سنه
طلعت من فيينا الى سالزبورغ الى زيلامسي لانه مافي دايركت
خذنا اكثر من 3 ساعات

[بونووف]

ياهلا وغلااا والله

شلون ساعه ونص :omg:

انا شفت القطارات الالمانيه والاوربيه
وطلعت الوقت من موقعهم
وقبل كم سنه
طلعت من فيينا الى سالزبورغ الى زيلامسي لانه مافي دايركت
خذنا اكثر من 3 ساعات

صح كلامك بخصوص من فينا الى زلامسي لازم توقف في سالزبورغ

اما من زلامسي لين ميونخ اذا بالسياره تاخذ ساعه ونص اما بالقطار اتوقع لازم توقف في سالزبورغ بعد وتبدل من هناك

[بونووف]

لصاحب الموضوع اذا بغيت اتم في النمسا فقط .... تقدر تنزل فيننا وتقعد فيها يوم وبعدها تروح لزلامسي عن طريق القطار لمدة 3 ساعات وتقعد اسبوع وبعدها ترد ل فيننا للتسوق

[غير البشر]

صح كلامك بخصوص من فينا الى زلامسي لازم توقف في سالزبورغ

اما من زلامسي لين ميونخ اذا بالسياره تاخذ ساعه ونص اما بالقطار اتوقع لازم توقف في سالزبورغ بعد وتبدل من هناك



صح كلامك
اخوي كلاس ماغلط كلامه صحيح
بس يمكن كان يقصد من ميونخ مانتبه معذوور :victory:

[غير البشر]

مرحبا اخوي احساس

لو افترضنا انك كنسلت انتر لاكن

بكون لك المخطط كاالتالي :

الدوحه - ميونخ - زيلامسي - فيينا - الدوحه
او العكس
الدوحه - فيينا - زيلامسي - ميونخ - الدوحه


السكن في فيينا :

افضل فنادق فيينا


1- ماريوت

http://www.booking.com/hotel/at/vienna-marriott.ar.html

2- انتر كونتيننتال

http://www.booking.com/hotel/at/intercontinental-wien.ar.html

3- هيلتون

http://www.booking.com/hotel/at/hilton-vienna.ar.html

4- راديسون ساس

http://www.booking.com/hotel/at/radisson-blu-palais.ar.html


5- فندق بريستول ( عجبني موقعه مقابل الاوبرا جنب شارع المشاه بس ماجربته )


http://www.booking.com/hotel/at/bristolawesvienna.html?tab=1&origin=hp&error_url=%2Fhotel%2Fat%2Fbristolawesvienna.ar.htm l%3Faid%3D357026%3Blabel%3Dgog235jc-hotel-ar-at-bristolawesvienna-nobrand-qa-com%3Bsid%3Df883d211fb917ccc2a156d5c3476b2a4%3Bdci d%3D1%3B&do_availability_check=on&aid=357026&dcid=1&label=gog235jc-hotel-ar-at-bristolawesvienna-nobrand-qa-com&sid=f883d211fb917ccc2a156d5c3476b2a4&checkin_year_month=2013-4&checkin_monthday=4&checkout_year_month=2013-4&checkout_monthday=5



الاماكن السياحيه في فيينا :


الخارطه توضح الاماكن السياحيه وتحتها بكتب لك كل رقم تمثل اسم المنطقه


http://im32.gulfup.com/DN7FP.png (http://www.gulfup.com/?I6n5yq)


1- Danube Tower : برج الدانوب وجنب البرج توجد حديقه الدانوب

2- Millenium City : مجمع تجاري ميلينيوم

3- Vienna Sightseeing Tour with Danube Boat : مكان ركوب العباره لرحله نهر الدانوب

4- Prater : مدينه العاب براتر

5- Kohlmarkt : شارع تجاري و محلات

6- Karntner Strasse : شارع المشاه كيرتنر

7- Stadtpark : شتاد بارك ( حديقه + بحيره )

8- gasometer vienna : كوستومر فيينا ( مجمع تجاري )

9- Meidlinger Hauptstrasse: ميدلنجر هاوبت ( شارع تجاري ومحلات )

10- Mariahilfer Strasse، ماريا هيلفر ( شارع تجاري ومحلات )

11- Schonbrunn : قصر الشونبرون مع حديقه



http://im32.gulfup.com/INpXq.png (http://www.gulfup.com/?9Kz8Ba)



1- Kahlenberg : جبل كالنبيرغ

2- Shopping City Süd + MULTIPLEX : مجمعين تجاريين جنب بعض ستي سود و مالتي بلكس



الاوت لت ( OUTLET):


اسم المدينه : Designer Outlet Parndorf


المسافه بالقطار : اقل من ساعه


http://im33.gulfup.com/rQYL0.png (http://www.gulfup.com/?iVnFZa)


وقت الدوام :

http://im33.gulfup.com/TmGLw.png (http://www.gulfup.com/?0erltA)



الماركات الموجوده :


http://im33.gulfup.com/qDUSf.png (http://www.gulfup.com/?jtW2Et)


رابط موقعهم :


http://www.mcarthurglen.com/at/designer-outlet-parndorf/en/




جذي خلصنا فيينا
وان شاء الله بعدها زيلامسي وميونخ
الا اذا بتغير بمخطط السفره المقترح براحتك :nice:

[OM_OMAR_QATAR]

لو سمحت
خلي عدد الأيام الي تبي تقسمها
ووقت سفرك متى
وعدد الأفراد

عشان نفيدك بمخطط سهل

[Class - Qtr]

السلام عليكم

ياجماعه هذا ردي عنه تجربه رايح 3 مرات واعرف جربت السيارة والقطارات ..

1/ ميونخ الي سالزبورغ :

بالسيارة المسافه تقريبا 140 كيلو ( ساعه وربع )

بالقطار تاخذ ( ساعه ونص )

2 / ميونخ الي زلامسي :

بالسيارة المسافه 150 كيلو ( ساعه ونص )

بالقطار المسافه بعيد لان القطار يجب عليه المرور في مدينه سالسبورغ تاخذ ( 3 ساعات )

3 / ميونخ الي سالزبورغ :

بالسيارة المسافه تقريبا 125 كيلو ( ساعه وربع )

بالقطار تاخذ ( ساعه و 20 دقيقه )

[Class - Qtr]

ياهلا وغلااا والله

شلون ساعه ونص :omg:

انا شفت القطارات الالمانيه والاوربيه
وطلعت الوقت من موقعهم
وقبل كم سنه
طلعت من فيينا الى سالزبورغ الى زيلامسي لانه مافي دايركت

خذنا اكثر من 3 ساعات


تصحيح لمعلومتك الصحيحه

نعم بالقطار 3 ساعات ولكن الافضل السيارة لقرب المسافه ( ساعه ونص )

مسافه 150 كيلو لا اكثر

[احساس غريب]

جزاكم الله الف خير إخواني وخواتي والله ما قصرتوا أختي موناتي وأخوي كلاس قطر وأختي ام عمر وأخوي كيو دي في سي فعلا استفدت من ردودكم واشكر اخوي غير البشر على مجهوده وتمنى انك تكمل لني بمشي على مخططك وبخصوص سفرتنا أنا وزوجتي وبنتي عمرها سنه ونص ومدة الرحله ظ،ظ¢ يوم والف شكر لكم جميعا

[غير البشر]

صباحك خير اخوي احساس
بعد ماخلصنا فيينا نجي حق زيلامسي



الرحله بالقطار من فيينا الي زيلامسي

http://im34.gulfup.com/k3siZ.png (http://www.gulfup.com/?RvIKGW)

وفي قطارات تروح في 4 ساعات وعشر دقايق حسب اليوم ووقت الرحله


السكن في زيلامسي :


1- فندق Seevilla Freiberg

رابط الحجز http://www.booking.com/hotel/at/seehotel-seevilla-freiberg.html?tab=1&origin=hp&error_url=%2Fhotel%2Fat%2Fseehotel-seevilla-freiberg.ar.html%3Fsid%3Df883d211fb917ccc2a156d5c3 476b2a4%3Bdcid%3D1%3B&do_availability_check=on&dcid=1&sid=f883d211fb917ccc2a156d5c3476b2a4&checkin_year_month=2013-3&checkin_monthday=28&checkout_year_month=2013-3&checkout_monthday=29


2- فندق Grand Hotel Zell Am See

رابط الحجز http://www.booking.com/hotel/at/grand-zell-am-see.html?aid=311984;label=hotel-70762-at-pEEwljJcl%2ANowo4FGI%2AxkAS953117837%3Apl%3Ata%3Ap 1%3Ap2%3Aac%3Aap1t1%3Aneg;sid=f883d211fb917ccc2a15 6d5c3476b2a4;dcid=1&lang=ar


3-فندق hotel Salzburgerhof zell am see

هو الفندق الوحيد خمس نجوم في زيلامسي

رابط الحجز http://www.booking.com/hotel/at/wellness-golf-und-geniesserhotel-salzburgerhof.html?tab=1&origin=hp&error_url=%2Fhotel%2Fat%2Fwellness-golf-und-geniesserhotel-salzburgerhof.ar.html%3Fsid%3Df883d211fb917ccc2a15 6d5c3476b2a4%3Bdcid%3D1%3B&do_availability_check=on&dcid=1&sid=f883d211fb917ccc2a156d5c3476b2a4&checkin_year_month=2013-3&checkin_monthday=25&checkout_year_month=2013-3&checkout_monthday=26


خارطه توضح اماكن الفنادق في زيلامسي



http://im31.gulfup.com/Dc9CF.png (http://www.gulfup.com/?2YoEkY)




السياحه في زيلامسي


1- بحيره زيلامسي

المشي في البحيره

منطقه الالعاب جنب فندق غراند

تركب قارب صغير يمشي بحركه الرجل والتجول في البحيره جنب فندق غراند


امام فندق غراند على الشارع الثاني مطعم على بابا عربي + كوفي شوب
والتجول في المدينه



2- ركوب القارب وجوله في بحيره زيلامسي

3- الذهاب الى جبل كابرون ارتفاعه 3 الاف متر
وتركب ثلاث محطات تلفريك حتى تصل للقمه
بعد التفلريكالثاني بتحصل كوفي شوب ومطعم لحاله مافي جنبه شي
جرب الكابتشيون مالهم في الاجواء الحلوووه روعه :victory:


4- الذهاب الى شلالات كريمل اعلى شلالات في اوروبا

5- الذهاب الى الخوانق المائية من بحيره كلام (Liechtensteinklamm)
شلالات تجي من بحيره اسمها كلام في مدينه قريبه من زيلامسي
تتجول بين الشلالات وتكون قريب منها وفيها اماكن حلوه والمشي جنب الشلال
ويرش عليك ماي الشلال

6- منجم الملح



وان شاء الله راجع لك حق ميونخ

[احساس غريب]

جزاك الله خير يأخوي غير البشر

[AL-MAYSTRO]

عندي اقتراح لك مدينه حلوة وقريبه

بما انك حاب تكنسل انتر لاكن عندي لك منطقه تعوضك وقريبه من ميونخ

اسمها قارمش .. تبعد عن ميونخ 90 كيلو تقريبا

http://im35.gulfup.com/UuDPR.jpg (http://www.gulfup.com/?2ub4zS)

منطقه ريفيه فيها طبيعه روعه , ومنطقه سياحيه

اذا ماتعرفها وتبي صور لها انا حاضر

[احساس غريب]

تسلم يأخوي المايسترو عالاقتراح وحنا بانتظار اخوي غير البشر

[غير البشر]

اسمح لي يا الغالي
كانت عندي مشكله صغيره بأحد المواقع
وان شاء الله راح احط لك ميونخ وكل ماجاورها الاوت لت اليوم بأذن الله

[احساس غريب]

جزاك الله خير غير البشر عالمجهود والله ماقصرت

[غير البشر]

مرحبا اخوي احساس غريب
السموحه على التأخير


بالنسبه للقطار من زيلامسي الى ميونخ

تختلف مده الرحله على حسب اليوم والوقت
الوقت مابين 3 ساعات الى 3 ساعات ونص

القطارات الالمانيه

http://im35.gulfup.com/JE7Nj.png (http://www.gulfup.com/?6EoJll)


والقطار الاوروبي


http://im33.gulfup.com/vk7Xg.png (http://www.gulfup.com/?FMtcCP)

وفي قطار ارخص QBB وسريع نوعا ما
لو تعطيني اليوم والوقت تقريبا الي تبغيه بشوف لك احسن وقت متى
تقريبا يفرق نص السعر الطقارات الثانيه


http://im33.gulfup.com/0LXUh.png (http://www.gulfup.com/?ZncJWh)



بالنسبه للفنادق
رشحت لك 3 فنادق خمس نجوم واماكنهم حلوه






1- فندق كمبنسكي
رابط الحجز



http://www.booking.com/hotel/de/hotelvierjahreszeitenkempinskimunchen.ar.html



2- فندق لي مرديان ميونخ
رابط الحجز



http://www.booking.com/hotel/de/le-meridien-munich.ar.html


3- فندق سوفتيل ميونخ
رابط الحجز


http://www.booking.com/hotel/de/bayerpost.html?tab=1&origin=hp&error_url=%2Fhotel%2Fde%2Fbayerpost.ar.html%3Faid% 3D357026%3Blabel%3Dgog235jc-hotel-ar-de-bayerpost-nobrand-qa-com%3Bsid%3Df883d211fb917ccc2a156d5c3476b2a4%3Bdci d%3D1%3B&do_availability_check=on&aid=357026&dcid=1&label=gog235jc-hotel-ar-de-bayerpost-nobrand-qa-com&sid=f883d211fb917ccc2a156d5c3476b2a4&checkin_year_month=2013-4&checkin_monthday=1&checkout_year_month=2013-4&checkout_monthday=2



وان شاء الله بنزل لك مشاركه بعد اشوي فيها خارطه للأماكن السياحيه واماكن الفنادق المذكوره والاوت لت

[رجل شرقي]

غير البشر ، ابدعت .
جعلها في ميزاين حسناتك . فالك الاشراف إن شاء الله .

مثلك نرفع لهم العقال تحيه وإجلال .

[وسمي2016]

نصيحة مجرب,,,,جميع الاماكن المذكوره جميله والواحد

مايبي يفوتها بصراحه,,,,,

,,,,,,,,,ولكن بما ان الفتره 12 يوم فقط اطلع من الدوحه الى

ميونخ و كذلك العوده,,,,,

تحتاج يومين بميونخ ثم يومين سالزيورغ وبعدها الى زيلامسي

والعوده مباشره الى ميونخ وخلي لها اخر 3 ايام لان الشوبينج فيها

ممتع,,,,,,,,,خصوصا في منطقة مكسيميليان شتراسي وحوالينها بالداونتاون

وستكون محطة قطارات ميونخ الرئيسيه قريبه جدا ومنها الاكسبرس ياخذك

سالزبورغ في 55 دقيقه بالضبط,,,:),,,,

اذا بتتنقل بالقطارات بوسط اوروبا يبيلك ترتب امور العفش اذا كان شناطكم كثيره
لان بالقطارات تاخذ شناطك وياك,,,:nice:,,,,

بالتوفيق وسفره سعيده وممتعه,,,,:victory:,,,,

[احساس غريب]

اخوي لموفق جزاك الله خير ..
اخوي رجل شرقي والله ان رأيي من رأيك فعلا ارفع العقال تحيه وإجلال لأخوي غير البشر والله ماقصر واتمنى أشوفه مشرف المنتدى السياحي ولو تلاحظ اغلب مواضيع الاستفسارات عن السفر لازم تحصله ردود عسا ربي يطول بعمرك يأخوي غير البشر أفدتني وااااايد

[غير البشر]

مرحبا اخوي احساس غريب

تكمله لميونخ
بعطيك خارطه توضيحيه وبذكر لك الاماكن الي تروح لها با الارقام



http://im33.gulfup.com/8QQ9b.png (http://www.gulfup.com/?s94xzH)


الارقام باللون الاحمر هي الفنادق

1- فندق سوفتيل

2- فندق لي ميرديان

3- فندق روكو فورت الشارلس

وهذا رابط حجزه



http://www.booking.com/hotel/de/rocco-forte-the-charles.ar.html


4- فندق كمبنسكي ماكسي مليان




والارقام باللون البنفسجي هي شوارع التسوق
وهي في منطقه وحده


1- kaufingerstrasse شارع كاوفينغر

2- Theatinerstrasse and fuenf hoefe شارع تياتينروالفناء الخمس

3- Marienplatz مارين بلاتز

4- Viktualienmarkt فيكتوالينماركت

5- maximlianstrasse شارع المركات ماكسيمليان ( الماركات )

6- karstadt كارتشتاد ( مجمع بيع اثاث وادوات كهربائيه وغيرها الكثير )



مجمعات التسوق حطيتها في خارطه لوحدها لانها نوعا ما خارج مركز المدينه لميونخ



http://im33.gulfup.com/ZNXqF.png (http://www.gulfup.com/?914Dem)



1- olympia - einkaufszentrum با الالماني ( مركز تسوق تجاري مجمع اولمبيا)

وبا الانجليزي Olympic Shopping Center in Munich

2- Olympic park الحديقه الاولمبيه ( حديقه + بحيره + منطقه العاب الكترونيه + برج عالي به مطعم )

3- Englischer Garten با الالماني ( الحديقه الانجليزيه + بحيره وفيها مراكب تتمشى فيها بحركه رجلك في البحيره + مطاعم

4- riem arcaden ريم اركادن ( مركز تسوق )

5- München, Perlacher Einkaufszentrum مجمع تسوق بيرلاخ





وفي مدينه العاب تقريبا ساعه بالقطار من ميونخ لو حبيتو تروحون لها
وهذا موقعهم



http://www.maerchenwald-isartal.de/englisch/





باقي لنا اخوي الاوت لت لو حبيت تروح بالمشاركه الجايه

[غير البشر]

outlet munich



1- Ingolstadt Village Outlet Munich

المسافه بالقطار ساعه و 25 دقيقه

http://im35.gulfup.com/NjPak.png (http://www.gulfup.com/?BuHOfb)



اوقات الدوام

من الاثنين الى السبت من الساعه 10 صباحا الى 8 مساء
الاحد اجازه


http://im35.gulfup.com/sOgWH.png (http://www.gulfup.com/?l9KkQV)




الماركات الموجوده


http://im35.gulfup.com/zKF79.png (http://www.gulfup.com/?LVNGqD)




2- Metzingen designer outlet


المسافه بالقطار من 2 ونص الى 3 ساعات

http://im35.gulfup.com/URRGX.png (http://www.gulfup.com/?6nJu5S)


اوقات الدوام

من الاثنين لين الجمعه من 10 صباحا الى 6 مساء
ويوم السبت من 8 صباحا الى 6 مساء
الاحد اجازه


http://im35.gulfup.com/HkQ7y.png (http://www.gulfup.com/?IZHiIL)




الماركات الموجوده


http://im35.gulfup.com/u6YH9.png (http://www.gulfup.com/?iNZu6h)




اذا في اي استفسار انا حاضر اخوي :victory:

[احساس غريب]

جزاك الله خير اخوي غير الصراحه مب عارف شلون اشكرك على مجهودك وربي يعطيك الصحه والعافيه يارب

[غير البشر]

غير البشر ، ابدعت .
جعلها في ميزاين حسناتك . فالك الاشراف إن شاء الله .

مثلك نرفع لهم العقال تحيه وإجلال .


جزاك الله خير اخوي غير الصراحه مب عارف شلون اشكرك على مجهودك وربي يعطيك الصحه والعافيه يارب



ويجزاكم بمثله ان شاء الله
والف شكر لكم على كلامكم الطيب
وحاضرين الله يسلمكم
وبالتوفيق للجميع
وسفره سعيده ان شاء الله :victory:

[ضوى]

ياحلو النمسا وسويسرا

نصيحتي لا تطوف هايدي لاند وانترلاكن اماكن رومانسية رائعة جدا وغلطان اذا ماتستاجر سيارة بالعكس روووعة جدا ومريحة جدا وعملية جدا

[ضوى]

غير البشر بنحتاج خدماتك قريبا ان شاء الله

[غير البشر]

غير البشر بنحتاج خدماتك قريبا ان شاء الله



ان شاء الله ضوى تامرين امر :victory:

[بوعجيل]

بالتوفيق ان شاء الله

[OM_OMAR_QATAR]

الله يحرسك

[alkatalony]

اخوي نصيحة طبيعة سويسرا وانترلاكن وباقي مدنها مثل لوزان ومونترو ولوزيرن وزيورخ راح تغنيك عن زيلامسي طبيعى سويسرا احلى هي اكيد مشابهة لطبيعة زيلامسي لكن صدقني راح تطق درب على الفاضي انا رحت سويسرا وختمتها في زيلامسي وفيينا وتحسفت اني قعدت يومين في زيلامسي كئيبة الصراحة مقارنة مع انترلاكن حط لك جدول وروح مدن سويسرا انا نزلت في جنيف ومنها رحت يوم باريس بالقطار وقريب منها مدينة لوزان ومونترو الخيالية وبعدين رحت انترلاكن ودرت حواليها وبعدين رحت زيورخ وبعدين رحت زيلامسي ومسك الختام فيينا وفيينا حلوه بعد حبيتها حق تسوق وبخصوص المواصلات انا اعتمدت على الفندق كنت اطلب تاكسي او ليموزين وحتى في التنقل من مدينة لي مدينة بالتاكسي أو الليموزين أريحلي من القطار خاصة أن معاي شناط كبيرة وثقيلة بس جدا اسعار المواصلات غالية يبيلها ميزانية لحالها واذا بتأجر سيارة أرخص لك والله يوفقك اخوي

[الفا برافو]

والله ياخوي لو تستاجر سياره اريح لك وبتستانس اكثر توقف متى ماتبي وتتحرك متى ماتبي
انا استاجرت سياره الصيف اللي راح وجابوها لي لين الفندق في ميونخ.. ورحت الى مدينة رست اللي فيها يورو بارك اكبر مدينة ملاهي باوربا.. وتميت يومين فيها ومنها الى انترلكن بسويسرا.. وهناك تقدر تتحرك وتشوف المناطق السياحيه فيها مثل البحيره الزرقاء وغيرها وغير.. ومن هناك تقدر ترجع الى جزيرة الورود اللي في بحيرة قسطنطين ومنها تتجه الى سيلامزي او توقف في سالزبورج لو حبيت .. يعني السياره الف مره اريح واونس.. وعليك مثل ماقالوا الاخوان بالسياره الديزل وفيها جهاز ملاحه.
على فكره انا جربت هالرحله بالقطار من 3 سنوات .. واذا كانت معاك عايله بتتعب لانه في تبديل قطارات وشيل شناط واركض من جهة الى جهة .
الله يعطيك العافيه ورحلة سعيده