خبر شبة مؤكد بخصوص الخدم

[KING OF FISH]

السلام عليكم سمعت من مصادري الخاصة بأنة تم وقف موافقات الخدم ألأندونيسيات من لجنة ألأستقدام نرجوا من عندة الخبر اليقين تزويدنا بة أو بأي معلومة يستفيد منها الجميع وما هو البديل جزاكم الله خيرا.

[الخزرجي قطر]

ننتظر من لديه التاكيد للخبر وشكرا لك على الموضوع
اتمنى ان يكون الخبر صحيح نظرا لمشاكل الخدم من هذه الجنسيه

[عصير بو نص]

عيل ايش الجنسيات المسموح فيها؟

[الصغيره]

اليوم طلعت تاشيرة اندونسيه

وياليت يتم مقاطعة الاندونسيات لانهن شر لا بد منه

الصراحه قنابل موووقته البعض وليس الكل لكن وش البديل الفلبينيات غاليات السيرلانيكات والهنديات الله يكون بالعون من الدهن والنفسيه اللي ما تنطاق

الا لازم خدم الا لازم رافهيه بتقولون اناقض نفسي والله لو ما كنت محتاجتها لكبر سن الوالده وكثرة المسوليه كان ما جبت خدامه بالبيت

[qrt_trading]

عيل ايش الجنسيات المسموح فيها؟



السيريلانكيات ممتازات حسب ما سمعت من الناس اللي حوالي لكن المكاتب الله يغربلهم ضاربين ضربتهم امس ماخليت مكتب حاط إعلانه في ملاحق الجرايد الثلاث إلا اتصلت فيه اللي يقولك ماعندنا واللي يقول بعد يومين واللي عندهم طلبات بس الأسعار حدث ولا حرج أرخص مكتب8500 وأغلى مكتب 10.200 ولما سألتهم ليش هالسعر قالوا لي لأنهم دافعين مبلغ اكبير لمكتب سيريلانكا علشان يتوصون فيهم ويعطونهم طلبات أكثر :secret: اللي أبي اعرفه وحنا وش دخلنا في هالموضوع ليش يدفعونا هم يبون طلبات أكثر واحنا اللي ننغرم :anger1: وغير الكذب مكتب منهم قالي ب 8000 قلت زين أرخص يوم رحت وزوجي واخترنا اللي نبيها قال لنا 9500 أنا صرت جذي :omg: وتبلعمت زوجي قاله إحنا اتصالنا وقلتو لنا غير هالكلام سكت الريال وقام يمثل ويحسب جدامنا وبعدها قال لنا علشانكم عملت لكم خصم 8500 ولا والخراط يقول أن 7500 لمكتب سيريلانكا يعني هم مساكين ربحهم بس بس 1500 ريال ولا الطامه الكبرى يبينا ندفع المبلغ كامل علشان يخلص المعاملات بسرعه وتجينا بسرعه :rolleyes2: صراحه خليناه يولي وطلعنا هذي البدايه وسوى لنا هالمسرحيه عيل بكره وش بسوي :weeping:

[اتعبني غروري]

السلام عليكم جميعا.. اخبر من اسبوعين رحت اقدم على فلبينيه الضابط قلي طااااف من قلب ... يعني الفيز موقفه حقتهم... بس اخبر قلي في اندونيسيا النيبال وكينيا وسريريلنكا ..تقدر تقدم على اي جنسيه منهم.. والله اعلم.

[chillis]

السلام عليكم جميعا.. اخبر من اسبوعين رحت اقدم على فلبينيه الضابط قلي طااااف من قلب ... يعني الفيز موقفه حقتهم... بس اخبر قلي في اندونيسيا النيبال وكينيا وسريريلنكا ..تقدر تقدم على اي جنسيه منهم.. والله اعلم.

توني من كم يوم طالبه فلبينيه سائقه :secret:

[اتعبني غروري]

توني من كم يوم طالبه فلبينيه سائقه :secret:

افااا... بروح اقدم مره ثانيه .. بس ممكن اخوي فيز الخدم غير فيز الدريوليه :eek5:

[chillis]

افااا... بروح اقدم مره ثانيه .. بس ممكن اخوي فيز الخدم غير فيز الدريوليه :eek5:

لا ممنوع تجيب سائقه انا جبتها على انها خادمه :) شوف مكاتب ثانيه وتاكد منهم

[حبر وقرطاس]

اتصلوا على لجنه استقدام الخدم في الجوازات واطلبوا الاخ محمد الرئيسي بفيدكم
لانه اللجنه كل يوم لها راي

[Rider]

هذا كلام مب صحيح اليوم انا جاتني الموافقة على اندونيسيا