هل اخطأت في تصرفي

[رذاذ]

اليوم الصبح كنت متجه من اشارات بن عمران الى دوار الدفاع المدني وطريق زحمة

سمعت صفارات سيارات الاطفاء قلت الحمدلله انهم الصوب الثاني مفتوح ..

http://www.moi.gov.qa/site/arabic/departments/CivilDefence/resources/images/2010/05/18_16805.jpg

والاشاره الى على الدوار حمرا

شوي الا اشوف السيارات خلفي بمسافة بعيدة وزحمة 4 خطوط بها زحمه

فتحت الاشارة وقفلت ودخلت بنص الدوار نزلت من السيارة ومشيت الزحمة ووقفت الى بالدوار

ومر تقريبا 5 سيارات مطافي 2 تدخل سريع ودنكرين وسيارة اخرى تابعه لهم



بعد ما مشوا ركبت سيارتي الا اشوف واحد من الى اوقفته بالدوار يكتب رقم سيارتي !!

ليش انا سهلت حركة المرور لحاله طارئة

وخليتهم يمشون هل هذا خطأ على العلم انا مب عسكري بس من انشوف لخويا والمرور اشلون يسون سويت نفسهم لأقل من 4 دقايق لين مروا.

انت بمكاني هل بتتصرف هالتصرف .!

ولو الى اخذ الرقم وبلغ علي هل تحسب عرقله سير !

تو دخلت المنتدى وشفت انه في حريق بالكرنيش!

سؤال لأخونا غير البشــر هل يجوز للشخص المدني ان يساعد في حاله طارئة وايقاف وتسهيل حركه السير.!

[حبر وقرطاس]

ماعليك

انشالله عشرين واحد ياخذون الرقم

امورك طيبه ، وانت ساعدت ماعرقلت السير

حتى لو مب عسكري الناس لبعضها

[R 7 A L]

في البداية بيض الله وجهك اخوي
ماقمت به عمل طيب

ولكن في قانون المرور
لا اعلـــم هل انت مخالف ام لا

عموماً ان شا الله ماراح يصير لك الا كل خير

[بنت المطر]

اول شي الله يجزاك خير

ثاني شي الشخص اللي خذ رقم سيارتكم يمكن بيكرمك هههههه ماتدري

واذا لو صار شي ثاني تاكد اذا هالشارع فيه كيمرات لان اغلب طرق الدوحة فيها كيمرات مراقبة

[حمد 2002]

حتى لو خالفوك ، اهم شيء ضميرررررررررك مستريييييييييييييييح

[Aaziz]

الله يكتب اجرج ،،، انت تكافاء بتصرفك العفو هذا لا تخالف

[ثابت]

جزاك الله خير اخي الكريم
قد تكون بتصرفك هذا انقذت روح او اكثر
وهذا عمل كل مسلم يجب ان يساعد في حال حدوث اي مكروة با اقل الواجب

اتمنى من احد الاخوان الي موجودين معنا مطلع على قوانين المرور ان يفيدنا بهذا الامر.

[شبح الصمت]

الله يجزاك الف خير

مش شرط تكون عسكري والا شرطي لاجل تسوي الي يسوونه

انت سويت الي يحكمك فيه عقلك وخوفك على شيء يمس ايا كان شخص والا حريق لبيت والا لمكان ما ..

بيض الله وجهك

وخله يسجل من اليوم لبكره ولا تخاف ما اخطيت

ولو انا مكانك سويت نفسك والا افتكرت فيه واذا يبي انا بسجل له رقمي وبعطيه اياه ولا يزعل بروح وياه للمرور

لاني ساهمت في خدمة الوطن
ايا انسان على هالارض الطيبه الله يبعد عنها الشر دام فيه خير لها يساهم ولا يستحي

[chillis]

الي سويته هو الي كان لازم يصير جزاك الله خير المفروض يشكرك

[monatee]

ماقصرت

مثل ماقال اخوي اهم شي ضميرك مرتاح


اصلا لو بيبلغ اشبيقول ؟؟!

[رذاذ]

الله يجزاكم خير جميعا .. طمأنتم قلبي

حتى لو خالفوك ، اهم شيء ضميرررررررررك مستريييييييييييييييح



بالفعل اخوي حمد 2002 يوم مرت سيارة المطافي الى جنب السايق يسوي لي بيدة اوكية وسلم علم علي

بس ما قهرني الا هذا الى خذا الرقم .. بس ضميري مرتااح مرتااح

خلاني اوسوس وافكر تصدق جاني مسج البنك قلت بس جات المخالفة

[شبح الصمت]

في ناس فيهم عقده يتآخر عن الشغله الي اهو يبيها ويوم توصل انه ينتظر لك 5 دقايق يقلب الدنيا نفس هذا الشخص الي نزل لك لو فكر فيها لحظة صدقني صدقني وهو بعقله وشايف الي قاعد تسويه بعين العقل صدقني ما نزل والا سوى شيء الا جاء وشكرك وقالك بيض الله وجهك او اقل شي فيها ابتسم لك ..

بس ما نقول الله يعينا على بعض العقول الي تفكر في نفسها

[غير البشر]

جزاك الله خير اخوي رذاذ
وفي ميزان حسناااتك يا الغالي

ماعليك شي تطمني حتى لو سجل رقمك وتخالفت بعد تطمن :victory:
للأسف عندنا بعض الناس عقولها متحجره مايعرفون الاولويات حق من

المفروض انه هو وغيره ينتبهون للشارع بكل الجهات
لو شافو اسعر او سيارات مطافي يوقفون من نفسهم
ماينتظرون ان الواحد يوقفهم لكن عقولهم متحجره



لاتحاتي خبرني اخوي رذاذ اذا صار معاك شي

[راشد محمد]

بيض الله وجهك اخوي

[khalid Qtr]

تصرف حكيم يدل على وعي وادراك للمصلحة العامة ..

تطمن اخوي ، اللي سجل الرقم في الغالب مب شرطي مرور ، والمرور ما يردون على اي واحد يجيب لهم رقم سيارة يقول لهم هذا خالف ويخالفونه !!

اصلا حتى اذا شرح لهم الواقعة ما راح يخالفونك لانك ساعدت في مرور حالة طارئة ، واكيد انهم ما يخالفونك بدون استدعائك وسؤالك عن الحادثة

اصلا حتى في المشاكل اللي تصير بين الناس في الشارع ما يتصرفون في الشكوى الا باستدعاء الشخص الموجهة ضده الشكوى والتحقيق معه

بارك الله فيك

[قطريه ماركه]

اللي سويته شي صحيح و ما فيه شي ...

سهلت حركة السير

[بونووف]

كفو يا اخوي رذاذ وان شاء الله ربي يجازيك على عفويتك وحبك للخير .. وتفائل خير يمكن اللي سجل رقمك يبغي يكافئك .... اتمنى تكون في توعيه للناس اذا في حالة طواريء سوى مطافي ولا اسعاف ولا دوريه يعطونهم الاولويه للعبور حتى لو الاشاره كانت خضره

[بوحمد111]

جزاك الله خير اخوي رذاذ والي سويته تصرف صحيح وكل واحد منا لازم يسوي الي انت سويته ويمكن الشخص الي اخذ رقمك مب عسكري ولو حتى انه عسكري ما يقدر يخالفك وانت قمت بتسهيل حركة السير ويمكن بحركتك هذه تنقذ اشخاص والعلم عند الله

الله يجعل ما قمت به في موازين حسناك

[المهاجر]

بالعكس اخوي رذاذ انت قمت باللي المفروض تقوم فيه واي واحد يكون بمكانك يتصرف نفس تصرفك

وقد جاء في قانون المرور بالماده 64 هذا النص

على سائق المركبة الميكانيكية مراعاة ما يلي :
8- إفساح الطريق للمركبات الميكانيكية المخصصة للطوارئ ( شرطة – قوة الأمن الداخلي (لخويا) – دفاع مدني – إسعاف )
أثناء أدائها لخدمة طارئة عاجلة ، مع تهدئة السرعة أو التوقف عن السير إذا اقتضت الضرورة لذلك .

9- إخلاء الطريق على الفور إذا كان في تقاطع أو مفارق أو ملتقى الطريق
الذي تسير فيه المركبات الميكانيكية المخصصة للطوارئ ( شرطة – قوة الأمن الداخلي (لخويا) – دفاع مدني – إسعاف )
لتأخذ هذه المركبات طريقها دون أدنى عائق لها .


وانت افسحت الطريق واخليته لسيارات الدفاع المدني طالما لم تكن هناك دوريه للقيام بتلك المهمه
ولم تعطل السير او تعرقل حركة المرور

ولاتستعجل بخصوص من دون رقم سيارتك فقد يكون ذلك من أجل الثناء عليك وشكرك على ما قمت به من إجراء

بارك الله فيك وجزاك الله خير

[حسن]

عادي ياخوك واللي سويته قد يسويه غيرك مهب شرط يكون عسكري

والمفروض يعطونك كتاب شكر

[ودي أكون]

كفو

وبارك الله فيك والله يحفظك

[الـخـالـدي]

بيض الله وجهك و الله يكتب اجرك

بس مرات الواحد يسوي خير وينقلب عليه فـ مالومك اذا قمت تحاتي

[المرحب]

الله يجزيك الخير

أنــا سويت نفس الشي اليــوم عند دوار الدفاع المدني رميله

:tease:

[رذاذ]

بالعكس اخوي رذاذ انت قمت باللي المفروض تقوم فيه واي واحد يكون بمكانك يتصرف نفس تصرفك

وقد جاء في قانون المرور بالماده 64 هذا النص

على سائق المركبة الميكانيكية مراعاة ما يلي :
8- إفساح الطريق للمركبات الميكانيكية المخصصة للطوارئ ( شرطة – قوة الأمن الداخلي (لخويا) – دفاع مدني – إسعاف )
أثناء أدائها لخدمة طارئة عاجلة ، مع تهدئة السرعة أو التوقف عن السير إذا اقتضت الضرورة لذلك .

9- إخلاء الطريق على الفور إذا كان في تقاطع أو مفارق أو ملتقى الطريق
الذي تسير فيه المركبات الميكانيكية المخصصة للطوارئ ( شرطة – قوة الأمن الداخلي (لخويا) – دفاع مدني – إسعاف )
لتأخذ هذه المركبات طريقها دون أدنى عائق لها .


وانت افسحت الطريق واخليته لسيارات الدفاع المدني طالما لم تكن هناك دوريه للقيام بتلك المهمه
ولم تعطل السير او تعرقل حركة المرور

ولاتستعجل بخصوص من دون رقم سيارتك فقد يكون ذلك من أجل الثناء عليك وشكرك على ما قمت به من إجراء

بارك الله فيك وجزاك الله خير

تصدق انا تفاجأت من شفتهم وراااي وزحمه ومتعلقين ولا عرفت اسوي الا اني اطب بنص الدوار وانزل وكني رجل مرور بالفعل حسيت براحه وطمئنينة بعد ما مروا بس الى سجل الرقم فرررررررر مخي :anger1:

:telephone:بغيت اتصل للمرور واقولهم بس خفت تنقلب على السالفة:rolleyes2:

[رذاذ]

عادي ياخوك واللي سويته قد يسويه غيرك مهب شرط يكون عسكري

والمفروض يعطونك كتاب شكر

انا خايف اتكون انت الى سجلت الرقم اخبرك اتسجل وتصور المخالفين على كلام عاهد بن على وغاية الطواش:victory:

[راس مشعاب]

اتوقع انه سجل رقمك للتكريم لا للمخالفة
وان تخالفت مكتب الخرجي مفتوح للناس كلها اهم شي انك حافظ تاريخ ووقت اللي الرجال سجل رقمك وبس

[حسن]

انا خايف اتكون انت الى سجلت الرقم اخبرك اتسجل وتصور المخالفين على كلام عاهد بن على وغاية الطواش:victory:

يارذاذ يمكن ليش لا انا الغلط اصوره

واعتقد الكل يتفق معي بدون استثناء
وانت منهم الغلط مرفوض:victory:

ياخي لازم الجيد يكافئ والغلطان يحاسب

ويقولك المثل لاتبوق ولا تخاف

وهذا واجب على كل مقيم على هذه الارض

اذا جاك رقم مسلسل اخره

:secret:
حاول ترد عليه

[نوار قطر]

الي سويته صح اذكر مره كنت مع عمي وصادفه نفس هالموقف اعترض بسيارته على الدوار وخلى الاسعاف يطوفون وعقب حرك ،، انت ساعدتهم يمكن هالدقايق الي بيوصلون فيها قبل ينقذون ارواح ناس،، الله يجزيك خير

[A bin M]

من فترة في تلفزيون الدوحة على ما اعتقد في ( في الضحى ) قال : افسح الطريق بس لا تعرض نفسك للخطر .!!


جزاك الله خير

[شميرام]

اذكر مره شفنا حادث في امريكا ،،ما كان في إصابات بس السيارة في نص التقاطع وفيها مره وعيالها كذ سياره (ناس عادين) سكرو التقاطع عشان محد يدعمهم لين تحرك سيارتها


افعل خيرا ول عليك

[ام السعف]

انتظر راي ادارة المرور :telephone:

[الجوري3]

جزاك الله خير ... ماعليك منه بس جي جدامك حركات وبعدين بينسى الموضوع .. اصلا ع شنو يبلغ ما سويت شي غلط

[حميداني]

انت منقهر من سالفة المخالفه ولا انت تدري انك ما غلطت لو الموضوع مثل ما ذكرت
لا تحاتيها دامك على حق

[بو خليفه 123]

بيض الله وجهك وماقصرت يا رذاذ

يمكن الي سجل رقمك ناوي ياخذك لفه باليخت قريب :nice:

و بعدين لنفرض انه خالفك عرقلة سير .. فدوه للوطن

[حياة]

جزاك الله خير وكثر الله من امثالك