كم المساحه المثاليه للشبابيك

[MAZEN37]

سواء كانت شبابيك غرفة نوم علويه ام شبابيك صاله بالدور الارضي او مجلس او مطبخ
هل تكبير المساحه بجونا سلبي لدخول غبار وحراره
من تجارب الاعضاء ومشاكلهم افيدونا

[رذاذ]

100*120

[sweety]

انا افضل النظام ا لفرنسي
تكون بشكل مستطيل الى نهايه ارضية الغرفه

[معماري قطري]

مهم إن أي مصمم يحط إعتبار كبير للنور الطبيعي وخصوصاً عندنا .. عندنا نعمه كبيره وهي الشمس ما نستغلها صح.

عن تجربتي وكنت متخوف منها وخوفوني أكثر مختصين التكييف، انا غامرت بعمل مناور سقفية، ومنها منور ماخذ فوق نص مساحة صالة توزيع بين الغرف صغيره، وسويت سقف بالكامل البلاستيك اللي شبه شفاف ومحبب يدخل نور بين المطبخ الداخلي والخارجي، وسويت قبة بثمان درايش ثابتة منحنية ومواجهة الشمس من فجر لين المغرب، وركبت صف طوب زجاجي بإرتفاع 30 سم وطول حول 5 متر وصج تحسفت اني مارفعت السقف شوي وركبت صفين أو ثلاثه لأن الطوب الزجاجي اللي فيه فقاعات ينشر النور ومنظره كثير جميل مع أشعة الشمس، وركبت للحمام الرئيسي دريشه كبيرة تنفع لغرفة، والميزة إنها مقابلة شرق تسطع الشمس عليها أول الصبح، وحتى إنارة برج اسباير تدخل في الليل وتكون مقبولة .. يعني اللي يقوم الليل يدخل تكرمون الحمام ما يحتاج يولع ليت .. هذا الزجاج للدريشة محبب ما يبين شيء من وراه وبدون ستارة .. مع اني كنت حاط اختيار الستارة حل أخير لو بين.

درجة الحراره في كل نواحي البيت مقبوله، والتكييف الثرموستات بين 24 و26 للصالات، ولا فيه تأثير واضح لحرارة الشمس وكان حساب تكييف الصالة المتصلة من تحت لفوق 8 مكيفات كل واحد 2 ونص طن .. بعد غامرت وركبت 3 مكيفات 2 طن و3 2.5 طن وإستوينا نشغل نصهم الا في عز الحر.

سويت عزل حراري للجدران مع الأبيام الخرسانية الجانبية، وسويت كسرات مكان الدرايش 5 سم من برا ومن داخل 20 سم مثل منطقة تدخل فيها الستارة، وطلعت هذي الكسرتين صدفة تكسر حدة الصوت الخارجي، وطبعاً مع درايش اليو بي في سي المعزولة واللي في الفراغ غاز الأرغون اللي يخفف حرارة الشمس، واللي ما يعرفونه كثير من شركات اليو بي في سي الرخيصه.

كنظام لعزل الصوت والحراره حتى الستاير ونوعيتها وسمكها وطبقاتها تعزل الحراره والصوت وبفعالية كبيرة، وبالنسبة للغبار إستوى شكل ما يقولون هستوري .. حتى للحمامات تكرمون إعتمدت المراوح اللي تتركب في الجدار والجدار بسمك يقارب ال 45 سم يكسر الصوت الداخل من هذي البايبات ودخول الغبار يكون محدود للغاية، ويبين وقت السفر أيام الصيف وإغلاق هذي المراوح.

وأخيراً هذا موضوع للعزل الحراري حاولت اشرح فيه أنظمة العزل للي يبي يستفيد.

http://www.qatarshares.com/vb/showthread.php?t=512291

[معماري قطري]

انا افضل النظام ا لفرنسي
تكون بشكل مستطيل الى نهايه ارضية الغرفه

تطلع حلوه وكلها تعتمد على توزيع الغرفة من الأساس .. انا شغال في مبنى مكاتب صغير والمكاتب ضيقة وظهرها مجابل شمال ومطل على ساحة مواقف .. سويت جدار المكتب كله زجاجي من تحت للسقف.

[معماري قطري]

100*120

كنت شغال مع مهندس هندي قديم الله يذكره بالخير، وكانت هذي فكرته للأجواء الحارة مثل جونا ولتوفير التكلفة، بس عن تجربة الدريشة الكبيرة تدخل نور كافي للمكان ولو تطل على منظر تعطي بعد شراحة للغرفة خصوصاً وقت النهار.

فيه درايش ألحين ما تحتاج ستاير نهائياً وتتحكم في درجة تعتيمها من 0% إلى 100% كهربائياً .. يعني تقدر تسويها سودا وخرمس في عز الظهر.