استحق الدرجه السادسة او انا غلطانه ؟

[موت في سبورت]

السلام عليكم ورحمة الله وبركاته

اخواني واخواتي في منتدى الاسهم القطرية

موضوعي..

انا موظفه في مؤسسة العامة القطرية للكهرباء والماء من تاريخ 5\5\2002 والتحقت بدراستي في كلية شمال الاطلنطي في شهر 1 \ 2008 بطلب من المؤسسه ولله الحمد تخرجت بعد انهائي لدراستي (4 سنوات) ورجعت لمباشرة العمل ، وتمت اعطائي الدرجه الثامنه في شهر 2\2011 قبل تخرجي طبعا.
بعد التخرج المفروض الوضع يتغير ولكن دوامي ينظرون باني لا استحق غير الدرجه الثامنه وكذلك الامانه العامه وخاطبت مكتب الوزير لشرح وضعي وتمت مراسله بين مكتب الوزير والمؤسسه والامانه العامه ومثل ما خبرتكم الامانه ينظرون باني لا استحق غير الدرجه الثامنه.
والغريب في الامر بان المؤسسه وفرت لي وظيفه سنير ومهاام سنير ومكتب سنير والدرجه جنير كيف ؟؟؟
لو بحسبها بعد الشهاده مثل ما وعدنا مدير الموارد البشريه السابق بان بعد انهاء الدراسه راح نعطيكم السنير.. مو ذنبي المدير يتغير !! ومو ذنبي ينزل قانون الموارد البشريه!! المفروض اللي مثل وضعي ع الاقل ينظرون له او يستثنونه لان بهالطريقه راحت سنيني هدر مع العلم بان الدفعه الاولي للموسسه عطوهم السنير وفي اللي طلع وشتغل في جهه اخرى
ولو بنظر لها من ناحيه عدد سنين العمل انا استحق الدرجة السادسة مو السابعه.
طيب طلبت منهم اخلاء طرف .. طبعا طلبوا مني مصاريف الدراسه والرواتب اللي خذتها في فتره الدراسه اللي تقدر باكثر من نص مليون ريال!!!! وطبعا رفضوا
انا قدمت ستقالتي وطلعت لاني نظلمت ولجات لكل الجهات حتى مكتب الوزير اللي طلبت مقابلته عشان اشرح الوضع لاني صاحبه الموضوع ولكنهم كتفوا بمخاطبه جهة العمل لا حول ولا قوه الا بالله..
انا موظفه قطريه خدمت البلد 12 سنه اللي مثلى سنير من زمان والحين انا لا طايله لا ارض ولا سما اللي اعرفه الشخص اللي يجتهد يكافؤنه مو يعاقبونه ولكن الموسسه العامه القطرية تشتهر بالعقاب اكثر من المكافاه.
لو ما يبون يعطوني الدرجه ما راح نختلف عطوني اخلاء طرف وبشوف رزقي في مكان ثاني وين المشكله اذا الموظف القطري شتغل في جهه اخرى سواء في المؤسسه او جهه اخري في كل الاحوال نشتغل لقطر !!!!!!!!!!!!!!!!!!!!!
انا موظفه تقديري سنويا من جيد جدا وامتياز وعندي اكثر من كتاب شكر معناها اني ملفي الوظيفي وحتي الدراسي لا غبار عليه..

تمني اي شخص يقرا الموضوع ومنصف للحق يوصله للجهه اللي ممكن تنصفني او يفيدني ع الخاص

سمحولي ع الاطاله ولكم مني فائق الاحترام والتقدير

[رذاذ]

تستاهلين كل خير .. نموذج والنعم فيج .

تستاهلين الترقية واثر رجعي بعد

[Class - Qtr]

السلام عليكم

دوري على واسطه حصلتي شي ممتاز ماحصلتي مالج الا الدعاء

:telephone:

[شموخ دائم]

,

,


مرحبا


الله يعطيك العافيه مثال طيب للمثابره والطموح في التعليم

ولكن موضوعك موضوع ( قانوني ) صرف وهناك فقرات بقانون الموارد
لا نفهم فيها كثيرا
وليس المجال هنا لوضع ردود ( تعاطف )

بما انك وصلتي موضوعك للجهات العليا بعملك
وجاك الرد منهم
فما اعتقد هناك شي اكبر ممكن تعملينه
غير الدعاء ومحاوله الحصول على وظيفه افضل

اتمنى لك الخير والتوفيق


,

,


اخوك


شموخ دائم

[دستور]

إنتي قدمتي إستقالتش يعني العلاقة الوظيفية انتهت لكن مايمنع
أن أشارك برأيي
إذا الشهادة الدراسية اللي خذيتيها بكالوريوس أو ما يعادلها فأنتي تستحقين بداية السابعة وإذا أقل فلا تستحقين الدرجة السابعة إلا من خلال الترقية بالأقدمية والسنوات البينية فقط
والسادسة الله يجيبها
هذا إذا أنتي خاضعة لقانون الموارد البشرية رقم 8/ 2009

وبالتوفيق إن شاء الله

[شميرام]

هذا إذا أنتي خاضعة لقانون الموارد البشرية رقم 8/ 2009
بس هي شهادتها كولج مب جامعي ما ذكر ان في ماده تنظم العاملين عل ذي الشهاده يعني الجامعي درجه سابعه والثانوي التاسعة بينهم الثامنة وهي وصلت الثامنة بحكم سنين العمل قبل الشهاده
انتي اشتغلتي عل اي درجه ؟؟؟؟ اذا شهادتج ثانوية حاسبي كل اربع سنين درجه لين ظ¢ظ*ظ*ظ©

[السلولي]

إنتي قدمتي إستقالتش يعني العلاقة الوظيفية انتهت لكن مايمنع
أن أشارك برأيي
إذا الشهادة الدراسية اللي خذيتيها بكالوريوس أو ما يعادلها فأنتي تستحقين بداية السابعة وإذا أقل فلا تستحقين الدرجة السابعة إلا من خلال الترقية بالأقدمية والسنوات البينية فقط
والسادسة الله يجيبها
هذا إذا أنتي خاضعة لقانون الموارد البشرية رقم 8/ 2009

وبالتوفيق إن شاء الله





رد كافي ووافي اشكرك :nice:

[بوخالد911]

الله يسهل

[موت في سبورت]

بس هي شهادتها كولج مب جامعي ما ذكر ان في ماده تنظم العاملين عل ذي الشهاده يعني الجامعي درجه سابعه والثانوي التاسعة بينهم الثامنة وهي وصلت الثامنة بحكم سنين العمل قبل الشهاده
انتي اشتغلتي عل اي درجه ؟؟؟؟ اذا شهادتج ثانوية حاسبي كل اربع سنين درجه لين ظ¢ظ*ظ*ظ©

مثل ما قلت لو بحسبها بمده سنين العمل توظفت بشهادتي الثانويه يعني ع التاسعه وكل اربع سنوات يعني المفروض السادسه!!!!!
والغريب في الموضوع معي بنات في نفس المؤسسه شهادتهم ثانويه ومتوظفين من 4 سنين وشهر 4 الجاي بيعطونهم الثامنه يعني انا اللي من 12 سنه موظفه درجتي نفس اللي توظفت من 4سنين !!!!!!!!

[موت في سبورت]

,

,


مرحبا


الله يعطيك العافيه مثال طيب للمثابره والطموح في التعليم

ولكن موضوعك موضوع ( قانوني ) صرف وهناك فقرات بقانون الموارد
لا نفهم فيها كثيرا
وليس المجال هنا لوضع ردود ( تعاطف )

بما انك وصلتي موضوعك للجهات العليا بعملك
وجاك الرد منهم
فما اعتقد هناك شي اكبر ممكن تعملينه
غير الدعاء ومحاوله الحصول على وظيفه افضل

اتمنى لك الخير والتوفيق


,

,


اخوك


شموخ دائم

أخوي سبب طرحي للموضوع هو ايجاد حل او توجيهي وليس للتعاطف
مثل ما ذكرت ، تاكد باني لا اطلب العطف والرحمه الا من الله عز وجل وليس عباده
وما طرحت الموضوع في المنتدي الا لمعرفتي بان هناك اصحاب خبره ومعرفه بهذه الامور لتوجيهي.. تقبل تحياتي

[BURBERRY]

اختي انتي اشتغلتي في 2002 لين 2008

ماعرف على اي درجة حطوج في 2002 لكن في هالفترة لين 2008 لازم فيه ترقيه في 2006

المشكله القوانيين تغيرت في 2004 و2009

فترة الدراسة يمكن ماحسبوها لج من ضمن الخدمة في المؤسسة

افضل حاجة انج تسئلين احد الخبراء القانونيين في إدارة الموارد البشرية الحكومية في الامانة العامة

[ودي أكون]

مثل ما قلت لو بحسبها بمده سنين العمل توظفت بشهادتي الثانويه يعني ع التاسعه وكل اربع سنوات يعني المفروض السادسه!!!!!
والغريب في الموضوع معي بنات في نفس المؤسسه شهادتهم ثانويه ومتوظفين من 4 سنين وشهر 4 الجاي بيعطونهم الثامنه يعني انا اللي من 12 سنه موظفه درجتي نفس اللي توظفت من 4سنين !!!!!!!!

في اشياء غلط عندج حبيبتي استشفيتها من ردودج ..

اولاً .. انتي تقولين تعيينج في 5/5/2002 .. على الدرجة التاسعه

وهذا مستحيل .. القانون قبل .. تعيين خريج الثانوية العامة على الدرجة العاشره مو التاسعه ..؟؟!! .. بس عشان تصلحين هالمعلومة حبيبتي ..

ثانياً .. لو حسبنا مدة خدمتج من 2002 الى هالسنه 5/5/2013 .. تطلع 11 سنه مو 12 سنه هذا ثاني شيء

وثالث شيء .. اذا الشهادة اللي عندج تعادل سنير .. فانتي تستحقين السنير ام اذا كانت دبلوم فالوضع يختلف حبيبتي ..

ورابع شيء .. اذا بالحسبه فيبغيلج حبيبتي سنه بعد وتصيرين سنه والله اعلم

وخامس شيء واخيراً .. تقدرين كنتي حبيبتي تقدمين على استثنائيه .. لكن الحمدالله على كل حال

والله اعلم

[موت في سبورت]

عزيزتي ودي اكون

موضوع اني توظفت ع التاسعه طبعا مجرد حسبه لاني فعلا ما عندي اي فكره في بدايه عملي كيف كان موضوع الدرجات وكانت تختلف طبعا مثل ما وضحتي.

طيب فهميني كان اكون موظفه 12 سنه ودرجتي نفس درجه موظفه ملتحقه بالدوام من 4 سنين؟؟؟
وفهميني هالنقطه بعد ليه دوامي يرسلون دراسه كليه شمال الاطلنطي وما يعترفون فيها ولا سوا لنا شي؟؟؟
وين الوعود والكلام اللي نسمعه في كل اجتماع؟؟؟؟؟؟

لو تامه مكاني كان خذت السنير مثل ربعي اللي رحت ورديت لقيتهم سنير!!!

[موت في سبورت]

شكرا لكل من اهتم ورد ع الموضوع

لا خلا ولا عدم

[ودي أكون]

عزيزتي ودي اكون

موضوع اني توظفت ع التاسعه طبعا مجرد حسبه لاني فعلا ما عندي اي فكره في بدايه عملي كيف كان موضوع الدرجات وكانت تختلف طبعا مثل ما وضحتي.

طيب فهميني كان اكون موظفه 12 سنه ودرجتي نفس درجه موظفه ملتحقه بالدوام من 4 سنين؟؟؟
وفهميني هالنقطه بعد ليه دوامي يرسلون دراسه كليه شمال الاطلنطي وما يعترفون فيها ولا سوا لنا شي؟؟؟
وين الوعود والكلام اللي نسمعه في كل اجتماع؟؟؟؟؟؟

لو تامه مكاني كان خذت السنير مثل ربعي اللي رحت ورديت لقيتهم سنير!!!

لا تزعلين نفسج حبيبتي ترا محد ياخذ الا رزقه يالغاليه ..

المهم بالنسبة لسؤالج .. طيب فهميني كان اكون موظفه 12 سنه ودرجتي نفس درجه موظفه ملتحقه بالدوام من 4 سنين؟؟؟

اول شيء حبيبتي انتي 11 سنه خدامة في 5/5/2013 ..

وبالنسبة لسؤالج مو مفهوم بالنسبه لي فلو توضحين اكثر ..

وبالنسبة للقانون .. فللاسف ظلم فئه كبيرة والله المستعان وهالشيء محد ينكره .. وشيء مؤلم موظف توه متعيين يتعيين على التاسعه في القانون الجديد .. والقديم مازال على العاشره ..! والبعض ارفعوهم والبعض تعويض مادي والله المستعان .. والبعض لا تعديل

ماقولج مافي ظلم .. لكن للاسف هذا القانون وما باليد حيله

المهم بالنسبة لوضعج حبيبتي في ظلم ان غيرج جا وتخاطج لكن خلي ايمانج بالله ان الانسان ماراح ياخذ غير رزقه والباقي مايضيع عند رب العالمين

لكن كاجراء لج اشوف الوضع طبيعي حبيبتي ويمكن الشهاده كانت لتحسين لغه .. بس اسال هي اتعادل شنو وبعدها بتتضح الصورة اذا اترفعين والا لا ..

والله اعلم

[موت في سبورت]

ونعم بالله

اشكرك على ردك وتوضيحك

قوله صلي الله عليه وسلم "وأعلم أن الأمة لو اجتمعت علي أن ينفعوك بشيء ، لم ينفعوك إلا بشيء قد كتبه الله لك ، وإن اجتمعوا علي أن يضروك بشيء ؛ لم يضروك إلا بشيء قد كتبه الله عليك"