ظاهرة تسمية المواليد بأسماء غريبة !!!!

[انتر ميلان]

السلام عليكم ورحمه الله ،،،


انتشرت في الفترة الأخيرة ظاهرة وهي تسمية المواليد بأسماء غريبة أو أجنبية (( وخاصة اسماء البنات )) ،،، واذا كان الاسم متداول قالوا عنه : قديم !!!


هل انتوا مع أو ضد ؟
ماهي نظرتك للأب أو الأم ؟

ورايكم بشكل عام في الظاهرة :omen2:

[بونووف]

جاء رجل إلى أمير المؤمنين عمر بن الخطاب رضي الله عنه، يشكو إليه عقوق إبنه فأحضر عمر بن الخطاب رضي الله عنه إبنه وأنبه على عقوقه لأبيه، فقال الابن: يا أمير المؤمنين، أليس للولد حقوق على أبيه؟ قال: بلى، قال: فما هي يا أمير المؤمنين؟ قال: أن ينتقي أمه، ويحسن اسمه، ويعلمه الكتاب (القرآن). فقال الابن: يا أمير المؤمنين إنه لم يفعل شيئاً من ذلك: أما أمي فإنها زوجية كانت لمجوسي، وقد سماني جعلاً (جعراناً)، ولم يعلمني من الكتاب حرفاً واحداً. فالتفت أمير المؤمين إلى الرجل، وقال له: أجئت إليّ تشكو عقوق ابنك، وقد عققته قبل أن يعقك، وأسأت إليه قبل أن يسيء إليك


اهمية اختيار الاسم المناسب للأبناء لانه الولد ولا البنت بيتعقد من الاسم وعيالنا مايرحمون كله يحكون بعض ويستلمون بعض ههههه

اعرف شباب غيروا اساميهم بعد ماخلصوا الثانويه

[Locale]

مافي صوبنا اسماء غريبه ،،
مثل ايش يعني؟؟!

[الدوحة قطر]

شخصيا افضل ان الاسامي تكون من العيلة يعني الواحد يسمي عياله على اسامي ابوه وامة وجده وجدته وعمامة وخواله وعماته وخالاته .....الخ

واشوف ان هذا يزيد من الترابط والحب بين افراد العيلة

[Miss]

ما أحب الاسماء الجديده
الاسماء القديمه واااايد أحلى

[أسد الجزيرة]

هذي الموضة منتشرة في السعودية و جات قطر

[Dana’1]

إذا الإسم ماعلية مأخذ من الناحية الشرعية و حلو نطقا ومعنى عادي خل يسمون إلي يريحهم
الرسول صلى الله عليه وسلم..سمى الحسين حسينا مع إن كان إسمة جعفر علية السلام الحسين كان أسم جديد عندهم وهو حلو معنى ونطق..والأحلى إن جدة الحبيب المصطفى هو من إختار لة الإسم صلى الله عليه وسلم وعلى ريحانتي المصطفى صلى الله عليه وسلم الحسن والحسين..وعلى أله الطيبين الطاهرين وصحابتة الغر الميامين



هذي الموضة منتشرة في السعودية و جات قطر

:eek5: هههههه
مممم طيب يمكن لأن القطريين يتزوجون من السعودية كثير....وبالتالي السعوديات يسمون بناتهم هالأسماء!:tease:

يعني كل شي لازم السعودية طرف فية..حتى غرابة الأسماء في قطر!

[ريلاكس قطر]

ما أحب الاسماء الجديده
الاسماء القديمه واااايد أحلى

[حسن الاحمد]

اهم شي مايسمونهم عالمسلسلات أو افلام الكرتون هههه

[حياة]

انا احب الاسامي القديمه خاصه البنات مثل حمده وشيخه ولولوه وموزه ونوره ووضحى وامنه وهدى وشما ومريم وعايشه...الخ وش زينها والله:victory:
وابد مااشجع على الاسماء مثل ود وشوق ورناد وريهام وراما ونوت و... الخ من الاسماء الغريبه
وصحيح هي اسماء البنات الصغار في السعوديه
انا مره اشوف برنامج اطفال على قناه الدانه واستغربت اسمائهم وماحبيتها:secret:

[بوخالد911]

حرية شخصية

ولكن الناس فيما تعشق مذاهب

[حميداني]

ما فيها شي

فيه من الاسماء حميده الي يمكن هي يديده ما اعتادها البعض لكن مع الوقت شي معروف انهم يعتادونها
مثلاً فيه اسماء بدويه غريبه عن الحضر واتكون اسماء مختاره وفيه العكس
لكن سرعان ما يعتاد كل منهم على اسم الثاني

وعادي .. يمكن غريبه وتعني معاني حميده بلهجه ثانيه او لغات ثانيه وهذا هم بعد شي ماشوف به شي
فيه اسماء مذمومه ومافيها اساءه بقصد على الغالب ان صاحبها يبعد عن هذا الطفل العين والحسد
فيتم هالطفل باسم ذميم وهذا شي استنكره رسولنا عليه الصلاة والسلام لكنه ما ارفضه او حرمه

الاسامي القديمه كانت جديده بيوم ... يحيى عليه السلام كان اسم جديد وغريب في نفس الوقت .اسم مختار من العزيز
وهذا ان دل فيدل ان غرابة الاسم ما تعيب خاصه ان كان اسم جميل ولو بالمعنى
الموضوع موضوع ذوق شخصي

وشخصياً احب اشوف اسماء مميزه تميز صاحبها مثل القعقاع و بحر و .. اسماء مش تقليديه
اسماء لو تسمعها حتى للوهله الاولى , تدري انها رهيبه
وان سألت عن معناه وعرفته فكثير منهم ورى معاني اسماءهم اشياء جداً جميله

على العموم بالتوفيق

[وبشرالصابرين]

إذا اصل الاسم عربي أصيل ليش لا

بالعكس اعتبره أحياء الأسماء العربية

والتاريخ العربي الإسلامي يشهد عندنا الكثير الكثير من الأسماء افضل من لأسماء المكره

وشكرا علئ الموضوع

[بريق الحق]

يعني تقارنو عبدالله احم احم وعبدالرحمن وخالد وعائشة ومريم بالاسامي الي خذت طابع الحيونات اكثر

[بومحمد المطاوعه]

بارك الله فيك على هالموضوع

الاسماء القديمه بعضها معقده الصراحه

ويمكن الولد يتشائم من الاسم ويتعقد

وحتى البنت

يعني مثل

سبيكه

ميمونه

مزنه

عتقه

عفراء

حسناء

ناديه

اما اسماء الأولاد

مثل واحد من الربع مسمي ولده

معيكل على ابوه
مع انه ابوه رافض ان يسميه عليه

بس الرجال مناحس الا يسمي

والثاني مسمي ولده نمر

والثالث مسمي دوسر

ومن طرف الاهل انعرف ناس مسمين ولدهم

عكاشه


انا مادري ليش يسمون اسماء غريبه

[بريق الحق]

^^^^
للعلم بومحمد عكاشة اسم صحابي رضي الله عنه
وحتى ميمونه رضي الله عنها
اما الاسماء الثانية غريبه الصراحة

[elders]

عادي كل حد بسمي اللي بحب يسمي عليه
انا بحب الاولاد على الانبياء والصحابه رضي الله عنهم
والبنات اسماء خفيفة قصيرة
اجمالا
الاسامي كلام ..وشو خص الكلام ؟ عينينا هني اسامينا ...

[طبيب قطري]

بارك الله فيك على هالموضوع

الاسماء القديمه بعضها معقده الصراحه

ويمكن الولد يتشائم من الاسم ويتعقد

وحتى البنت

يعني مثل

سبيكه

ميمونه

مزنه

عتقه

عفراء

حسناء

ناديه

اما اسماء الأولاد

مثل واحد من الربع مسمي ولده

معيكل على ابوه
مع انه ابوه رافض ان يسميه عليه

بس الرجال مناحس الا يسمي

والثاني مسمي ولده نمر

والثالث مسمي دوسر

ومن طرف الاهل انعرف ناس مسمين ولدهم

عكاشه


انا مادري ليش يسمون اسماء غريبه


طيب انا عجبني اسم نمر ومزنه وعفراء !

[الصغيره]

كله ولا ريماس بيبي الجن

ترى هالظاهره ما تطلع الا من النسوان لو الرجال توقف بوجه النسوان كان ما شفتوا هالظاهره

[الصغيره]

مزنه السحابه الممتلئه بالماء

عفراء من اسماء الخيل

عكشه ذات هدب العين الكثيف

سبيكه من سبائك الذهب مفردها سبيكه واحده

عتقه من العتق اي عتقاء من النار

ابحثوا عن المعاني تجدون الجمال او القبح

[بصمة قطرية]

فعلاً طلعت أسماء غريبة ..!!!

[معماري قطري]

تذكرت سالفة واحد حاط إعلان في جريدة سعودية إن عنده أسماء جديدة لبنات وأولاد ونسيت كم حاط أسعاره.

انا عندي إسم جديد مبتكر بمليون من يشتري؟ :nice:

[Mr. H]

على طاري الاسماء , فيه إسم كان العرب يفخرون به بس تغير و صار هالاسم مثل المسبة وهو

( كلاب ) أو ( كليب ) و ( مكلب ) و قبائل كاملة كان اسمها كذا

يعني الكلب حيوان معروف بوفائه و البدو يقدرون الكلب و يحبونه على وفائة و طيبته وانه صديق الانسان. وش الي غير الحال؟

[التيما]

عليهم بالعافية .. ويبارك لهم بعيالهم .. في اسماء قديمة معقدة وجديدة معقدة .. بس الأهم اختيار اسم ما يحرج صاحبة وله معنى حلو .. أنا اعرف بنات وحدة اسمها عمشه والثانية خزنة !! ليش هالعذاب !!

[R 7 A L]

هو ليس بحث عن اسماء غريبة
انما بحث عن اسماء جديدة

او محد سماها من قبل في العائلة

[A.L.I]

ماغريب الى الشيطان

عيب ماعندنا هل سوالف

[حسن]

هو ليس بحث عن اسماء غريبة
انما بحث عن اسماء جديدة

او محد سماها من قبل في العائلة

رحال صباح الخير

ياخوك انا عندي بنت اسمها على منطقه بحريه في قطر وهي اول اسم في قطر ولا اعتقد حد سمى الى حد الان
وناس سمو على بنتي نعرفهم واحد فيالبحرين واحد في عمان والبنقالي مالي
سمى بنته عليها يعني بنقاليه

بس الاسم جدا حلو

[شيخ القبيلة]

^^^^
للعلم بومحمد عكاشة اسم صحابي رضي الله عنه
وحتى ميمونه رضي الله عنها
اما الاسماء الثانية غريبه الصراحة

بارك الله فيك :victory:

[رذاذ]

نستفيد من الموضوع انشالله عن قريب جاي لي ولد واخ لخالد ولدي
:)

وبصراحه ف بالي اربعة اسامي سعود - حمد - داود - عيسى

[دااانة قطر]

عليهم بالعافية .. ويبارك لهم بعيالهم .. في اسماء قديمة معقدة وجديدة معقدة .. بس الأهم اختيار اسم ما يحرج صاحبة وله معنى حلو .. أنا اعرف بنات وحدة اسمها عمشه والثانية خزنة !! ليش هالعذاب !!


شراايكم في قااحص ولا قرينيس



المهم أتوقع الأسمااء لها مكاانه عند أصحاابها
ولأن أحنا مومتعودين عليها نحسها ثقيله
وفي أسمااء جديده حتى نطقها صعب

[sweet qatar]

لا مع ولا ضد.. مع أني أحب أغلب الأسماء القديمة .. رزة..



الناس أذواق والي يعجبك يمكن ما يعجب غيرك،
أعرف واحد طلب يخطبون له وحده اسمها جديد ما يبي وحدة اسمها قديم.. :)
مادري شالحكمة.. بس هي مسألة أذواق لاتنفع ولاتضر..

ديور..
فعلا صديقاتي السعوديات او الي لهم اهل بالسعودية يقولون عن اهل قطر متحجرين دايما نسمي اليهال بأسماء قديمة..

[خالد_قطر]

أفضل الأسماء القديمة وسميت عيالي كلهم أفضل الأسماء
البنات على سيدات العالمين.

بس عندي ملاحظة لا يعني أني أسمي على أسم صحابي فهو أسم جميل فمن الممكن كان جميل في عهد الصحابة رضوان الله عليهم ولكنه غريب على أيامنا وإذا أردت فسمهم على أسماء الصحابة المحببة للكل ك عمر وعبدالله وعلي وغيرهم رضوان الله عليهم اجمعين

[Serenade]

ماهي نظرتك للأب أو الأم ؟

::

نظرة ازدراء و خيبة أمل

لا صج كيفهم الناس اذواق

[الزعفراني]

انا مع الاسماء التقليديه والمتعارف عليها :)

[عضوو]

خير الأسماء ماحمد وعبد

[أم نواري1]

كله ولا ريماس بيبي الجن

ترى هالظاهره ما تطلع الا من النسوان لو الرجال توقف بوجه النسوان كان ما شفتوا هالظاهره

ريماس أسم مركب من الريم و الألماس فصار ( ريماس )
ليس معناه بيبي الجن أبدا أبدا

[أم نواري1]

للأولاد خير الأسماء ما حمد وعبد
وللبنات الأسماء المتعارف عليهم
ماحب أسماء الحيوانات واللي فيها غرابة

بحفظ الله

[بومحمد المطاوعه]

طيب انا عجبني اسم نمر ومزنه وعفراء !

الناس اذواق اخوي

وتأكد ان الولد يمكن مع الوقت يغير اسمه او يتعقد لاسمح الله لأن شفنا ناس غيرو اساميهم

في ناس ماتعبجهم هالاسامي

وانا مستحيل اسمي :)

نفس اسم عكاشه

صحيح ان اسم صحابي

بس في ناس ترغب هذا الاسم وفي ناس مستحيل

كل واحد ورغبته وراحته

بس لاتظلم الولد ولا البنت في حقه

اختيار الاسم مهم جدآ

[شجن]

مو مهم قديم او جديد ...اهم شي يكون حلو ومايعقد..
على فكره سمعت والله اعلم اسم (عفراء )من الاسماء المكروها
فانصيحه للاباء والامهات قبل لاتسمون عيالكم الاسماء الغريبه استفسروا عنها وعنى معناها

[العقل المدمر]

مايهم الاسم قديم والا جديد
اهم شي متعارف عليه ومعناه حلو

[أم نواري1]

مو مهم قديم او جديد ...اهم شي يكون حلو ومايعقد..
على فكره سمعت والله اعلم اسم (عفراء )من الاسماء المكروها
فانصيحه للاباء والامهات قبل لاتسمون عيالكم الاسماء الغريبه استفسروا عنها وعنى معناها

عفراء في قاموس المعاني لها 3 معاني :

1- الأرض التي لم توطأ.

2- اليلة الـ 13 من الشهر .

3- المعفرة بالتراب.

بحفظ الله

[المزمجرر]

رحال صباح الخير

ياخوك انا عندي بنت اسمها على منطقه بحريه في قطر وهي اول اسم في قطر ولا اعتقد حد سمى الى حد الان
وناس سمو على بنتي نعرفهم واحد فيالبحرين واحد في عمان والبنقالي مالي
سمى بنته عليها يعني بنقاليه

بس الاسم جدا حلو

حوار - شراعوه - أسحاط - بنانا - السافلية - العالية

اتوقع الاسم الاول ( حوار )

[ام السعف]

السلام عليكم ورحمه الله ،،،


انتشرت في الفترة الأخيرة ظاهرة وهي تسمية المواليد بأسماء غريبة أو أجنبية (( وخاصة اسماء البنات )) ،،، واذا كان الاسم متداول قالوا عنه : قديم !!!


هل انتوا مع أو ضد ؟
ماهي نظرتك للأب أو الأم ؟

ورايكم بشكل عام في الظاهرة :omen2:

يا ميلاني تقول اسماء غربية

ممكن تعطينا نوعية هالاسامي لأني لاحظت الاخوان في ردودهم يتكلمون عن
اسامي عربية وانت في موضوعك تتكلم عن اسماء أجنبية وغريبة !!

[حسن]

حوار - شراعوه - أسحاط - بنانا - السافلية - العالية

اتوقع الاسم الاول ( حوار )

لا والله يالمزمجر بس لاتحط في خاطرك قربت

اسمها

بروق

[نوار قطر]

الاسماء القديمه طبعا وااايد احلى من الاسامي اللي هابين فيها هالايام ريماس ريتاج وغيرها من الاسامي ،،، والاسامي الي لاهي قديمه ولا هي جديده بعد حلوووه،،،

[Locale]

يا ميلاني تقول اسماء غربية

ممكن تعطينا نوعية هالاسامي لأني لاحظت الاخوان في ردودهم يتكلمون عن
اسامي عربية وانت في موضوعك تتكلم عن اسماء أجنبية وغريبة !!
الموضوع عن الاسماء الغريبه والردود عن الاسامي القديمه
للحين انتظر الجواب الاسامي الغريبه مثل ايش؟
مامر علي اسم غريب غير اسامي الشغالات :secret:

[نوار قطر]

الموضوع عن الاسماء الغريبه والردود عن الاسامي القديمه
للحين انتظر الجواب الاسامي الغريبه مثل ايش؟
مامر علي اسم غريب غير اسامي الشغالات :secret:

وايد ناس تسمي بناتها اسماء غريبه ومالنا خص فيها مثل: ريماس ،وله ، ريتاج ، ريناد، لين ، سما، تالا، ديمه، سحايب، ليان ،،، ومن هالاسامي يعني :)

[قطريه ماركه]

الواحد حر في الاختيار لكن لابد انه يتعرف على المعنى قبل !!

يعني اللي يسمي (( مايا ))

اسم الهة الطبيعة لدى اليونان و الرومان !!!!!!!

[Right]

واحد من الشباب عندنا هنا .. عنده بنتيين



وحده اسمها ريماس والثانية ريفال



سالته شنو معنى الأسامي بس ما يعرف



بس حلوة أساميهم :)



الله يخليهم له .. ويخليه لهم .. آمين

[نورقطر]

الاسماء الجديدة حلوة بالعكس تغيير

[Right]

خلاص قررت بغير إسمي من ... إلي روميو :shy:

[حمد 2002]

السلام عليكم ورحمه الله ،،،


انتشرت في الفترة الأخيرة ظاهرة وهي تسمية المواليد بأسماء غريبة أو أجنبية (( وخاصة اسماء البنات )) ،،، واذا كان الاسم متداول قالوا عنه : قديم !!!


هل انتوا مع أو ضد ؟
ماهي نظرتك للأب أو الأم ؟

ورايكم بشكل عام في الظاهرة :omen2:

انا اجووف أنه يجب تسمية المواليد على أجدادهم من باب الإحسان والود والاحترام ،،،،:nice:

تـــــــــحـــــــــياتي لك

[نوار قطر]

خلاص قررت بغير إسمي من ... إلي روميو :shy:





انا اشوف اسمك حاليا سنايدر احلى من روميو :nice: خلك على اسمك ولا تغيره

[مشاكل]

الاسماء ملكيتها للأبناء وليس للآباء
لذا وجب على الوالدين ان يتقوا الله في ابنائهم بحسن اختيار الاسماء على الوجه الذي يرضي رب العالمين ثم ابنائهم عندما يكبروا ويواجهوا بعد ذلك بها العالم
بالنسبه لي كان في خاطري عدة اسماء اسمي بها ابنائي وبناتي
لكني بالاخير سميتهم اسامي ستاندر ،،، لأنها بالأخير ملكاً لهم

[Right]

انا اشوف اسمك حاليا سنايدر احلى من روميو :nice: خلك على اسمك ولا تغيره





حلت دنياج .. ثكراً :shy:

[Locale]

وايد ناس تسمي بناتها اسماء غريبه ومالنا خص فيها مثل: ريماس ،وله ، ريتاج ، ريناد، لين ، سما، تالا، ديمه، سحايب، ليان ،،، ومن هالاسامي يعني :)

اممم اشوف انها مب واايد منتشره فالدوحه
الاسامي هذي اللي ذكرتيها اعتقد منتشره فالسعوديه اكثر

[غايه الطواش]

الصراحه مرت علي أسامي ضحكت لما قريتها الله يسامحني
صندح, خرباش, شخبوط, مسيمير, معلق
مشموم, عافيه
بذمتكم هاي أسامي

[fifa 2022]

وايد ناس تسمي بناتها اسماء غريبه ومالنا خص فيها مثل: ريماس ،وله ، ريتاج ، ريناد، لين ، سما، تالا، ديمه، سحايب، ليان ،،، ومن هالاسامي يعني :)


هذه اسامي مطاعم وله معاصر كرك :secret:


انا سمعت اسم وايد غريب واحد من الشباب مسمي بنته وعجبني الصراحة .. مقديم ..

من يعرف شنوا معناه، الي اعرفة ان في لنج في المتحف القديم اسمها مقديم

[ولد البدر]

حلاتها اسماء قديمة : ثاجبة وكلثم وسبيكة وجاملة وعفره وهلم جرة

[نور الحور]

بالنسبة لي أهم شي :
لفظ الاسم حلو
معناه حلو
نطقه بالانجليزي ما يحور معناه لشيء مو زين أو مضحك
يكون صعب يتحور لمسبات أو تعليقات
يكون جديد ..يعني شبه نادر او قليل لأني ما أحب الأسماء التقليدية أبداً

وبالنسبة لي كنت حاطه في بالي اسم وايد حلو كنت بسمي فيه البيبي الأخير لكن جبت ولد .. وعرفت بعدين انه ممنوع في قطر :secret:

[Dana’1]

^^^
ممنوع وفي قطر؟ ظنيت بس السعودية إلي تمنع!
إيش هو الأسم إشتغل الفضول هههه


وايد ناس تسمي بناتها اسماء غريبه ومالنا خص فيها مثل: ريماس ،وله ، ريتاج ، ريناد، لين ، سما، تالا، ديمه، سحايب، ليان ،،، ومن هالاسامي يعني

نوار قطر..في بعض الأسماء ذكرتيها ما هي غريبة ولا حتى جديدة عند العرب
مثل ديمة
ديمة من زمان الناس تسمي هالإسم ومعناه زين
ديمة : هو المطر في جو ساكن يعني لا برق ولا رعد بس مطر ويستمر يوم إلى 5 أيام من كذا يسمونة ديمة وجمعة ديم

ولين وليان ولينا قريبين من بعض بالمعنى ومسمى من قبل عند العرب وأعرف بنات كبار يمكن صاورا أمهات بإسم لينا

[romoz]

الحين الناس هابين في الاسماء التركية

هزال ، ريتال ، إلين ، جوان ، جوانا ، رنيم


صح الناس اذواق و الكل حر فيما يختار ، بس احس المسأله صارت سباق !
يعني اذا اخترت اسم قالو لا قد سمو مثله ناس !!!


شي غريب الصراحة
يا حلاة اسماء بناتي ( نورة و شيخة ) و العيال ع اجدادهم

[Al-Kuwari]

بالنسبه للأولاد خير الأسماء ما حمد وعبد

مثل

محمد ، حمد ، عبدالرحمن ، عبدالعزيز

بالنسبه للبنات افضل الاسماء التقليديه

مريم ، فاطمه ، شيخة ، نورة ، وهلم جرا

لكن ما انكر ان خاطري اسمي بنت من بناتي اذا الله رزقني بـ الغالية :shy:

[درب الساعي]

الواحد حر في الاختيار لكن لابد انه يتعرف على المعنى قبل !!

يعني اللي يسمي (( مايا ))

اسم الهة الطبيعة لدى اليونان و الرومان !!!!!!!

أسم مايا من أسماء الجن وقد ذكر الداعية طارق الحبيب مجموعة من الأسماء التي يجهل اكثير من الناس معناها وهي محرمة مثل اسم مايا

[أم نواري1]

أسم مايا من أسماء الجن وقد ذكر الداعية طارق الحبيب مجموعة من الأسماء التي يجهل اكثير من الناس معناها وهي محرمة مثل اسم مايا

عالم الجن غيب بالنسبة لنا
ودام ماورد شي في القرآن والسنة يثبت شي من أساميهم
فمن وين جابوا إن اسم مايا من الجن ؟!

اسم مايا اسم آلهه عند الرومان مثل ماذكرت الأخت وهو إله الربيع
وهم قبيلة من الهنود الحمر يعيشون في المكسيك

فإن حرم فهو لمعناه وليس لأنه اسم جني

بحفظ الله

[نوار قطر]

^^^
ممنوع وفي قطر؟ ظنيت بس السعودية إلي تمنع!
إيش هو الأسم إشتغل الفضول هههه


نوار قطر..في بعض الأسماء ذكرتيها ما هي غريبة ولا حتى جديدة عند العرب
مثل ديمة
ديمة من زمان الناس تسمي هالإسم ومعناه زين
ديمة : هو المطر في جو ساكن يعني لا برق ولا رعد بس مطر ويستمر يوم إلى 5 أيام من كذا يسمونة ديمة وجمعة ديم

ولين وليان ولينا قريبين من بعض بالمعنى ومسمى من قبل عند العرب وأعرف بنات كبار يمكن صاورا أمهات بإسم لينا

اي حبيبتي ديما الغيمه السوده ولين وليان احنا في قطر مانسمي هالاسماء الا نادرااااا يعني تلقين بين كل عشر او 15 بيت عندهم واحد من هالاسماء اذا ماكان اكثر ممممم هالاسماء مشهوره عندكم فالسعوديه :victory:

[تحداني]

أحب الأسماء الغريبه على البنات فقط
أما الشباب ما احبها .. ما اعرف ليه

بس توصل غرابتها لحد معين


جملكم الله برضاه

[نوار قطر]

اممم اشوف انها مب واايد منتشره فالدوحه
الاسامي هذي اللي ذكرتيها اعتقد منتشره فالسعوديه اكثر

لا موجوده اعرف ثنتين ومنهم بنت خالي مسميين بناتهم ريماس ووحده اعرفها مسمين بنتهم وله ،،، ووحده مسميه بنتها رغد ،،، خل اتذكر برجع اقولكم :nice:

[نوار قطر]

هذه اسامي مطاعم وله معاصر كرك :secret:


انا سمعت اسم وايد غريب واحد من الشباب مسمي بنته وعجبني الصراحة .. مقديم ..

من يعرف شنوا معناه، الي اعرفة ان في لنج في المتحف القديم اسمها مقديم

لالا اسامي بنات ،،، يعني ناس تسمي بناتها :ok:

مغديم مب مقديم انا اعرف وحده اسمها مغديم بس مافكرت اسالها شنو معنى اسمج

[نوار قطر]

بالنسبه للأولاد خير الأسماء ما حمد وعبد

مثل

محمد ، حمد ، عبدالرحمن ، عبدالعزيز

بالنسبه للبنات افضل الاسماء التقليديه

مريم ، فاطمه ، شيخة ، نورة ، وهلم جرا

لكن ما انكر ان خاطري اسمي بنت من بناتي اذا الله رزقني بـ الغالية :shy:

الله يرزقك بالذريه الصالحه وعلى فكره اسم غاليه وااايد حلووو ومب غريب سمها بس بدون ال احلى :shy:

[ام السعف]

أحب الأسماء الغريبه على البنات فقط
أما الشباب ما احبها .. ما اعرف ليه

بس توصل غرابتها لحد معين


جملكم الله برضاه

شنهي الاسماء الغريبة للرجال ؟:shy:

[تحداني]

شنهي الاسماء الغريبة للرجال ؟:shy:


اخاف يزعلون مني الرجال او يستنكرون رفضي
بس هو رفض شخصي لا يعمم


جملك الله برضاه

[ام السعف]

اخاف يزعلون مني الرجال او يستنكرون رفضي
بس هو رفض شخصي لا يعمم


جملك الله برضاه

اهاا...> كذا اتفق معاج واقول خلاص لا تبوحين بالمستور ،،

زين الحين تتوقعين شنهي الأسامي اللي تكون اجنبية وبدت تنتشر ؟

[تحداني]

اهاا...> كذا اتفق معاج واقول خلاص لا تبوحين بالمستور ،،

زين الحين تتوقعين شنهي الأسامي اللي تكون اجنبية وبدت تنتشر ؟



جوزيف :shy:

[ام السعف]

جوزيف :shy:

هاهاهاا

اوكي
شكرا لج ،،

وينه صاحب الموضوع ما عطانا الاسامي الأجنبية اللي يقول عنها :telephone:

[تحداني]

هاهاهاا

اوكي
شكرا لج ،،

وينه صاحب الموضوع ما عطانا الاسامي الأجنبية اللي يقول عنها :telephone:



اضحكي عدل
عفواً بحجم السماء

جملك الله برضاه

[Al-Kuwari]

الله يرزقك بالذريه الصالحه وعلى فكره اسم غاليه وااايد حلووو ومب غريب سمها بس بدون ال احلى :shy:

اللهم امين

الله يجزاج خير

اكيد لو الله رزقني وسميت الغالية بناديها غالية لكن بالجواز الأسم الرسمي الغالية بنت محمد :shy:

[نوار قطر]

اللهم امين

الله يجزاج خير

اكيد لو الله رزقني وسميت الغالية بناديها غالية لكن بالجواز الأسم الرسمي الغالية بنت محمد :shy:

والنعم بالغاليه بنت محمد :nice: بس ليش تخسر حبر الدوله في الشهاده وهي وعليه لين تكتب اسمهااا تسوي لها سالفه وهي توهااا :shy:

[Right]

بالنسبه للأولاد خير الأسماء ما حمد وعبد

مثل

محمد ، حمد ، عبدالرحمن ، عبدالعزيز

بالنسبه للبنات افضل الاسماء التقليديه

مريم ، فاطمه ، شيخة ، نورة ، وهلم جرا

لكن ما انكر ان خاطري اسمي بنت من بناتي اذا الله رزقني بـ الغالية :shy:





فعلاً أسامي حلوة .. لأن واحد منها إسمي :nice:

[عاشق الشهادة]

الحمد لله ومن فترة طويله اسماء اعيالنا ان كان بنات او اولاد هي نفسها عمليه تدوير :nice:
ومنها على سبيل المثال :
اسماء الاولاد :
1- محمد
2- حمد
3- سلطان
4- صالح
5-علي
6- مبارك
واسماء البنات :
1- شيخة
2- فاطمه
3-شريفه
4-شمه

وهذه الاسامي متكرره في اغلب البيوت عندنا .

[معماري قطري]

الأسماء حلاتها سهلة ولها معنى مفهوم وسهل مثل خالد وعلي وناصر وعبدالله ومحمد وأحمد وحمد وعبدالعزيز وباقي الأسماء المشهورة عندنا أما اللي يطلعون بإسم غريب ولا دخيل علينا دوم صاحب الإسم تحصلونه متضايق أو يغيره مثل إسم صلاح مع انه إسم حلو وعربي أصيل قديم لكن في قطر غير منتشر.

[سيكل]

هذه كلها من تأثير المسلسلات والافلام .. كان بالسابق هكذا على اسماء ممثلين عرب .. ثم أختفت .. فرجعت مره ثانية بس تأثر بالافلام والمسلسلات الاجنبية المدبلجه .. لكن للأسف شفنا اغلب العادات القديمه تختفي ان لما يرزق الولد ببنت او ولد ما يسمية على اسم والدية .. ولكن صدقوني ما يصح الا الصحيح وبدأت هذه الاسماء ترجع القديمه الحلوه ... عاد سامحوني اذا اسمي سيكل !!! ههههههههههه

[معماري قطري]

هذه كلها من تأثير المسلسلات والافلام .. كان بالسابق هكذا على اسماء ممثلين عرب .. ثم أختفت .. فرجعت مره ثانية بس تأثر بالافلام والمسلسلات الاجنبية المدبلجه .. لكن للأسف شفنا اغلب العادات القديمه تختفي ان لما يرزق الولد ببنت او ولد ما يسمية على اسم والدية .. ولكن صدقوني ما يصح الا الصحيح وبدأت هذه الاسماء ترجع القديمه الحلوه ... عاد سامحوني اذا اسمي سيكل !!! ههههههههههه

عادي يا اخوي :nice: لتستغرب هالأيام يطلع لنا واحد يسمي ولده سيكل والبنت بطبطه ههههههههه.

الا اللي في الكويت سموهم بوش وأمريكا شأخبارهم ألحين؟

[رجل مثالي]

رابط أسماء جميلة للمواليد

http://forums.yallagroup.net/topic/66390-%D8%A7%D8%B3%D9%85%D8%A7%D8%A1-%D8%A8%D9%86%D8%A7%D8%AA-%D8%AC%D8%AF%D9%8A%D8%AF%D9%87-2013-%D8%A3%D8%B3%D9%85%D8%A7%D8%A1-%D8%AC%D9%85%D9%8A%D9%84%D8%A9-%D8%AC%D8%AF%D8%A7%D9%8B-%D9%84%D9%84%D9%85%D9%88%D8%A7%D9%84%D9%8A%D8%AF/

[عزووز قطر]

مافي احلى من الاسماء التقليدية

[سيكل]

عادي يا اخوي :nice: لتستغرب هالأيام يطلع لنا واحد يسمي ولده سيكل والبنت بطبطه ههههههههه.

الا اللي في الكويت سموهم بوش وأمريكا شأخبارهم ألحين؟

:nice:هههههههه لان أسم العائلة غاري:weeping:بس لو ألحين اسمي مرسيدس او لكزس قلتوا حلو :shy:اما بالكويت فقاموا يسوقون بورش لان الاسم صعب يطلق على العرب ؟ اما اميكا فمنتخبهم يلبسون أزرق ما ان علمهم مافي ازرق بعلم الكويت؟ والأزرق موجود في علم أمريكا !!! هههههههههههههههههههههه:victory:

[Dark_QTR]

خلاص عيل بسمي نفسي ليوناردو ولا كرستيانو

ولا أقول قوارديولا أفضل

[بو آمنة]

لا تستغربون يا اخوان
الاسماء الغريبه منتشره والضحيه هالاطفال المساكين
انا شخصيا اعرف ناس مسميه عيالها او بناتها اسماء غريبه او غير معروفه
يمكن لها معنا و يمكن لا
ولين اسال ليش سميت ولدك او بنتك هالاسم يقولك عالوالد او الوالده او على اخوي اخاف يزعلون اذا ماسميت عليهم او لو كان ابوة متوفي يقول اخاف ينقدون علي اذا ماسميت على ابوي
سواء ابوك او امك حيين و الا الله يرحمهم هالياهل ايش ذنبه :omen2:
اعطيكم امثله على اسامي من مجتمعنا و انتو احكموا اذا الابو ظلم ولده او بنته او لا
عندك : شخبوط - بطي - مهاوش - شمسان - نصيب - هماش - خماس
عوضه - رافع - عواد ،،، واسماء كثيره ما تحضرني
ومن اسماء البنات اسم بنت عمري ما انساه يوم اذكرها تكسر خاطري


زعافر <<<هذا اسم نثيه

عطوني رايكم فالموضوع

[حميداني]

لا تستغربون يا اخوان
الاسماء الغريبه منتشره والضحيه هالاطفال المساكين
انا شخصيا اعرف ناس مسميه عيالها او بناتها اسماء غريبه او غير معروفه
يمكن لها معنا و يمكن لا
ولين اسال ليش سميت ولدك او بنتك هالاسم يقولك عالوالد او الوالده او على اخوي اخاف يزعلون اذا ماسميت عليهم او لو كان ابوة متوفي يقول اخاف ينقدون علي اذا ماسميت على ابوي
سواء ابوك او امك حيين و الا الله يرحمهم هالياهل ايش ذنبه :omen2:
اعطيكم امثله على اسامي من مجتمعنا و انتو احكموا اذا الابو ظلم ولده او بنته او لا
عندك : شخبوط - بطي - مهاوش - شمسان - نصيب - هماش - خماس
عوضه - رافع - عواد ،،، واسماء كثيره ما تحضرني
ومن اسماء البنات اسم بنت عمري ما انساه يوم اذكرها تكسر خاطري


زعافر <<<هذا اسم نثيه

عطوني رايكم فالموضوع

بالعكس الاسامي المميزه جميله وتميز صاحبها ...
احيان الاسامي الغريبه الي ما تمد للاساءه تحمل معاني في باطنها , اما اسماء
لمناطق زهور او بحيرات او ابطال او نوع من الغيوم ... والكثير الكثير

زعافر غريب للوهله الاولى وما ينبلع للبعض لكن ان عرفت المعنى احيان تختلف النظره

ان بحثتي عن الكلمه تجدين معناها هو جمع للزعفران وجمعه البعض بزعافير او زعافر
اسم من اسماء الطيب الي يستطاب به البشر

البعض يستسيغه والبعض لا , مثل اي اسم
مثلاً اهناك اسماء تقليديه شخصياً ما احبها مثل كثار بعضها تعجبني وبعضها لا
مثلها مثل اي اسم جديد علي .. اما يدش الكور او مايدش