والحل مع زحمه شارع 22 فبراير .. صورة للتعليق !!

[AL-MAYSTRO]

السلام عليكم ورحمة الله وبركاته :)

يوميا والمعاناه نفسها في طريق 22 فبراير .. (هايوي الدوحه)

رايح للدوام وطالع من الدوام .. يعني اللي محيرني ياجماعه

:no: ان الخط يعتبر سريع ويفترض ماتوقف السيارات فيه لكن :no:

مع خط 22 فبراير الامور غير :)

http://im33.gulfup.com/Y6QxB.jpg (http://www.gulfup.com/?CxoURP)

لاحظوا كم السرعه .. تخيلوا تقريبا طول الطريق واحنا شبه واقفين :weeping:

:cry: نبيك عون يالخط السريع صرت فرعون :weeping:

.. :weeping: مطلوب دراجه .. سيكل .. عربانه جمعيه .. جوتي بو تواير .. اي شي بس غير السياره :nice: :fight:

كل يوم على هالحاله فالزحمه .. رايح جاي صباح مساء

escape صار الواحد ماله خلق يطلع يخلص اشغاله بسبه الزحمه



تعليقاتكم ياجماعه :omen2:

[الزعفراني]

الله يعين مستخدمي هالطريق .. للأمانه أزمة أزمة مش طبيعيه ومع الاسف الجهات المسؤوله ولا حركت ساكن !!!!

انا اقترحت ولا زلت اقترح .. يزيدون السرعه في هالشارع .. او يكنسلون كل الرادارت اللي على هالخط

لان مع الاسف اغلب الزحمه من الاجانب والجاليات الاسيوية خصوصا .. يعني من يعرف ان السرعه 100 في هالخط تلقاه ماشي 80 .. وتخيل ست والا سبع سيارات على هالمنوال .. اكيد بتستوي الزحمة :rolleyes2:

[وطن]

الحل يسوونه بفلوس مثل سالك
و الحل يوقفون شرطه يخالفون المتجاوزين من كتف الطريق
ويفعلون مخالفة اعاقة الطريق للي يمشون بطيء

هو صحيح الخط زحمه في بعض الاوقات بس يمشي احسن من غيره
صج تمشي ابطأ من السلحفاه احيانا
بس بعد اسرع من شوارع وايد

[بوحمد111]

الحل الجذري لهذا الخط ان يكون فيها رسوم للدخول وان شاء الله الامور بتعتدل مثل بعض الدول المجاوره واقصد دبي بطاقة سالك ودربك سالك

[بو خليفه 123]

الحل يسوونه بفلوس مثل سالكو الحل يوقفون شرطه يخالفون المتجاوزين من كتف الطريق
ويفعلون مخالفة اعاقة الطريق للي يمشون بطيء

هو صحيح الخط زحمه في بعض الاوقات بس يمشي احسن من غيره
صج تمشي ابطأ من السلحفاه احيانا
بس بعد اسرع من شوارع وايد



أنا اقترحت هذا الحل و لكن أين البديل لمرتادي الطرق المجانيه ؟
بتتكدس شوارع الكورنيش والطرق الداخليه الاخرى


المشكله انه لا يوجد بديل

والعيب في هذا الخط هو المخارج .. المخارج .. المخارج

[لـبـيـه]

علق شعار سوبرمان الي على المرايه وطير مالك الى الحل ذي

[وطن]

أنا اقترحت هذا الحل و لكن أين البديل لمرتادي الطرق المجانيه ؟
بتتكدس شوارع الكورنيش والطرق الداخليه الاخرى


المشكله انه لا يوجد بديل

والعيب في هذا الخط هو المخارج .. المخارج .. المخارج

يا اخوي الكورنيش متكدس متكدس


بعدين قبل ما يكون العيب في المخارج
ترى الشارع تم بدراسة بين المرور و أشغال أو البلدية في ذاك الوقت
تم التنفيذ على اساس الدراسة
من اللي ما التزم بالدراسة والاحصائيات اللي حطها وقام يوزع لياسن على كل وافد !!!
اللي يعرف يسوق والعليمي و غيرهم من اللي ما يتبعون النظام
بلشونا بهم

[وطن]

علق شعار سوبرمان الي على المرايه وطير مالك الى الحل ذي

هاهاهاهاهاهاها

[لـبـيـه]

يا اخوي الكورنيش متكدس متكدس


بعدين قبل ما يكون العيب في المخارج
ترى الشارع تم بدراسة بين المرور و أشغال أو البلدية في ذاك الوقت
تم التنفيذ على اساس الدراسة
من اللي ما التزم بالدراسة والاحصائيات اللي حطها وقام يوزع لياسن على كل وافد !!!
اللي يعرف يسوق والعليمي و غيرهم من اللي ما يتبعون النظام
بلشونا بهم

اذا عرف السبب بطل العجب

[R 7 A L]

اقترح يكنسلونه ويخلونه للمشي فقط ولسيارات الشرطة فقط

[بوعلي2]

الحل دراجة سزوكي 700 سي سي وخوذه ورايح الدوام ببدله
والثوب خله حق المسيد
هم يبون جذي شوبدنا نساوي

[وطن]

اذا عرف السبب بطل العجب

قصدك المرور اكيد

:tease:

[لـبـيـه]

قصدك المرور اكيد

:tease:

دام انتي تسوقين توقعي المرور :secret:

[AL-MAYSTRO]

:shy:المفروض نهايه الشارع يحطون لنا ناس تصفق انه يعني وصلنا بالسلامه :nice:

ويحطون مقهوي بين السيارات يمشي ويقهوينا فالزحمه :discuss:


اقترح يعني :omen2:

[لاجل QT]

الا

والحل مع زحمة الكورنيش المرور مسكر جميع الدوارات مالك الا سيددددددددة

اعنبوة كلة سيدة..وين نروح سيدة؟؟ نبي نلف صوب بيتنا

[لاجل QT]

:shy:المفروض نهايه الشارع يحطون لنا ناس تصفق انه يعني وصلنا بالسلامه :nice:

ويحطون مقهوي بين السيارات يمشي ويقهوينا فالزحمه :discuss:


اقترح يعني :omen2:

ههههههههههههههههههههههههههههه

اي والله صاج

اخيرا وصلنا:nice:

ابي عصير برتقال فرش:shy:

بيغمى علينا من الانتظار:(

[وطن]

دام انتي تسوقين توقعي المرور :secret:

:anger1:

قصدك انا سبب الأزمه
خلاص زعلت بسافر


:weeping:

[AL-MAYSTRO]

هههههههههههههههههههههههههههههههه

انا اذا بمشي على هالخط

امر الدكان قبل واخذ مزة ههههههههههههههه

عشان وراي خط كأني مسافر :nice:

[AL-MAYSTRO]

الكرنيش بروحه مب مترقع م الزحمه

[BO.ABDULLA]

اغلاق بعض المخارج هوالحل في الوقت الحالي

[AL-MAYSTRO]

صح بو عبدالله

لو تلاحظ مخرجين ورى بعض عالم يطلعون من مخرج ويتقابلون مع عالم يبون يدخلون المخرج اللي عقبه

فتصير دربكه بين المخرج والمدخل والزحمه توصل الخط السريع وتعطل العالم وتتراكم الزححمه

[بومحمد المطاوعه]

والله انك صادق ياخوي

جزاك الله خير


وانا من شماليك

يوميآ من الخيسه للدوحه

ومن الدوحه للخيسه

لين دوام خميس العبيدلي

الزحمه يوميآ

وحوادث وبريكات جامده ع الخط

وبعض المستهترين الي يدخلون جدامك

والي يتجاوز نفس الثعبان فالخط

يمين يسار بين المواتر


خلها على الله

ودي اخذ جي موديل 87 وامشي على هالخط

الي يسوي هالحركات جدامي

اروح له وانا زايد الريس حده


ولا الي يزيدك قهر

الحادث في الشارع الثاني انزين هالشارع ليش تصير الزحمه !!

يخف ويقعد يشوف الحادث مسوي نفسه عنتر

انزين روح اشقح الشارع وساعدهم وشوف موضوعهم بس ليش تعطل الناس وراك

او بعض الناس ماسك اقصى اليسار

ويمشي 80 ولا يوخر لو تكبس له ليتات

واذا وصل عند الرادار يخف لين 50 هههههههههه

استغفر الله بعيد الشر

ياخي روح على اليمين وخف لين ماتبي

ليش تجبرني في اقصى اليسار انه اخف وياك

يمكن انا عندي حاله خاصه

يمكن انا ابي الرادار يصورني

وخر عن الشارع ومالك خص تتحكم في اقصى اليسار

خط السريع بالفيت انه هاي وي

بس صار دعثه وي للأسف

الله المستعان الله يحفظنا ويحفظكم ويحفظ ابنائنا وابنائكم

من الحوادث ومن شر هذا الشارع




اخوك : بومحمد المطاوعه

[AL-MAYSTRO]

صح كلامك اخوي بومحمد المطاوعه

هاللي يمشون ع الخط السريع وتهرنله وتعطيه ليتات وتصفقله وتصيحله

ولا يفتحلك والقهر يمشي 52 وتحسه يهددك بالبريك خخخخخخخخخ

ولا اللي يخفون عند الحادث والحادث فالشارع الثاني

استغفر الله بس .. اللي يجوف هالزحمه بيقول فيل منسدح ع الشارع

وهالزحمه الشارع فاضي مافيه شي بس اللي يطق بريك فجاء يتسلسلون وراه البريكات توصل 50 سياره ورى من بريك هاي اللي جدام

[عيون الدوحة]

اليوم كان في حادث خشن الساعة ظ،ظ، ونص في الخط السريع عن ان صلال علي
والإسعاف الطائر كان موجود لنقل المصابين

[عزووز قطر]

يا اخوي الكورنيش متكدس متكدس


بعدين قبل ما يكون العيب في المخارج
ترى الشارع تم بدراسة بين المرور و أشغال أو البلدية في ذاك الوقت
تم التنفيذ على اساس الدراسة
من اللي ما التزم بالدراسة والاحصائيات اللي حطها وقام يوزع لياسن على كل وافد !!!
اللي يعرف يسوق والعليمي و غيرهم من اللي ما يتبعون النظام
بلشونا بهم


اتفق مع الاخت وطن

الحل يكون بتصعيب الحصول على اللياسن
والله ثقافة السواقة معدوووووومة عند بعض الوافدين


والحل الثاني لو نشوف مرتادي الشارع الساعة 5 اغلبهم باصات العمال بو 60 راكب ومحتكرين المسار اليمين والوسط ،،، اتمنى منع الباصات من الدخول

[AL-MAYSTRO]

باصات العمال الفجر هاي كلام ثاني فلم رعب

[راشد محمد]

الحل اركب دراجة وروح للدوام وامورك سهالات

[مستر بن]

السلام عليكم ورحمة الله وبركاته :)

يوميا والمعاناه نفسها في طريق 22 فبراير .. (هايوي الدوحه)

رايح للدوام وطالع من الدوام .. يعني اللي محيرني ياجماعه

:no: ان الخط يعتبر سريع ويفترض ماتوقف السيارات فيه لكن :no:

مع خط 22 فبراير الامور غير :)

http://im33.gulfup.com/y6qxb.jpg (http://www.gulfup.com/?cxourp)

لاحظوا كم السرعه .. تخيلوا تقريبا طول الطريق واحنا شبه واقفين :weeping:

:cry: نبيك عون يالخط السريع صرت فرعون :weeping:

.. :weeping: مطلوب دراجه .. سيكل .. عربانه جمعيه .. جوتي بو تواير .. اي شي بس غير السياره :nice: :fight:

كل يوم على هالحاله فالزحمه .. رايح جاي صباح مساء

escape صار الواحد ماله خلق يطلع يخلص اشغاله بسبه الزحمه



تعليقاتكم ياجماعه :omen2:



عندي سيككل 3 توايرر محول هارلي 3 توايرر ,’,
علييه ليتات هلكسس وهرن جمسس ومططول ^^
وعليه كرسسي ورا وفرووه
وبطاريه سياره ,,
وشاشه في اكس ارر بس خلصصت البطاريه ثاني يوم هههه
وكنت مشبكك الوايرات يعني لكل شيءء زر
اشاره يمين ويسار وريوس وبريكك ^^







بس امي قططته قبل ككم سنه ,, كنت تعبان علييه والله :(

[بومحمد المطاوعه]

صح كلامك اخوي بومحمد المطاوعه

هاللي يمشون ع الخط السريع وتهرنله وتعطيه ليتات وتصفقله وتصيحله

ولا يفتحلك والقهر يمشي 52 وتحسه يهددك بالبريك خخخخخخخخخ

ولا اللي يخفون عند الحادث والحادث فالشارع الثاني

استغفر الله بس .. اللي يجوف هالزحمه بيقول فيل منسدح ع الشارع

وهالزحمه الشارع فاضي مافيه شي بس اللي يطق بريك فجاء يتسلسلون وراه البريكات توصل 50 سياره ورى من بريك هاي اللي جدام

هههههههههههههه اي والله ياخوي

صدقت

الله يهديهم

ولا اخس شي الي يلصق ورى موترك


الا تفتح له وانت ماتقدر تفتح له الدرب

جنبك مواتر ومافي مجال تعطي الطريق حقه

في هالحاله انا عن نفسي ما اكبس بريك

اشغل المساحات الخلفيه مع الماي :tease:

اشوفه يخف ويرجع بعيييييييييد :nice: