قنبله موقوتة على وشك الانفجار .. واكتشاف مثلث برمودا في قطر

[ولي العهد]

بل هناك قنبلتين موقوتة على وشك الانفجار .. فالقنبلة الاولى موجودة بالقرب من نفق اللاند مارك وهي المجمعات الى قريب راح يتم افتتاحها بالاضافة الى المدرستين الي في مكان جامة قطر للتكنلوجيا سابقاً يعني راح يكون عندنا مثلث برمودا جديد والجميع يتفق ان مجمع اللاند مارك احد اسباب زحمة النفق حالياً .

القنبلة الثانية مدرسة نيوتن الي قبل اشارات محطة بترول التضامن فلكل يعلم ان اقلبية اولياء الامور ينزلون عيالهم على الشارع الرئيسي .

اعتقد القنبلة الثانية خلاص انفجرت وحالياً الاضرار عبارة عن زحمة سيارات بسبب الوقوف على الشارع الرئيسي كما ذكرت سابقاً ولكن الخوف الاكثر توصل الاضرار لحد الدهس (لاقدرالله) .

السؤال الاهم من المسؤل عن كل هذا ؟؟؟وماهي اقتراحاتكم ؟؟

[عيون الدوحة]

مصيبه والله

[تهامي باشا]

لقد أسمعت إذ ناديت حيا ولكن لا حياة لمن تنادي

كلامك سليم 100%
التخطيط عندنا زفت بكل ما تحمله الكلمة من معنى، وودي أعبر بكلمة أثقل من زفت بس المكان ما يساعد
والبلا الأكبر إنهم ما يتعلمون من أخطائهم
يعني ما شافو مدرسة وحدة صغير على الخط السريع إيش سوت فيه يقومون يفتحون ثانية
ما شافو اللاند بنفسه ايش سوا في الخط السريع يقومون يفتحون 3 مجمعات جنبه
الواحد نفسيته كل مالها تصير أزفت والسبب الزحمة والتصرفات الغبية واللامسئولة تجاهها من قبل المسئولين

الناس اتعبت وهي تتكلم .. في الجرايد .. في الراديو .. في التلفزيون .. في النت .. في المجلس البلدي .. ولكن مثل ما قالو الأوليين (( عمك أصمخ ))

[المحقق كونان]

تخبط في التخطيط للاسف

يعني قلت الاماكن عشان يحطون 3 مجمعات جنب بعض؟ ولا بعد عقبهم بكم كيلو مجمع ايكيا

فيه مساحة فاضيه صوب السد ودرب الساعي ليش ماحطو مجمع هنااااااك؟!!

وبالنسبة لمدرسة نيوتن فهذي مصيبه .. وجنبها على طول مدرسة نور الخليج ومقابلهم مدرسة هندية و الخافي اعظم في داخل هالمنطقة مدارس وايد وحضانات

يعني قلت الاماكن !!

[حسن]

اي والله من يومين اشوف المجمعات

معقوله كلها جنب بعض الاند مارك واللولو وغيره

والله كارثه

[الفاخر]

هيئة التخبيط

[tawareq]

اقتراح بسيط لطريق 22 فبراير

انشاء طريق ملاصق للشارع ممن يود الدخول والخروج فقط الى شارع 22 فبراير فقط كم مخرج وكم مدخل .

اما شارع 22 فبراير فقط لاتجاه واحد الى الشمال والثاني اتجاه الى المطار

[عزووز قطر]

والله صار لي فترة وانا مستغرب من التخبط الغريب ،، وياليت اذا كانت 3 مجمعات !!!

اللولو واللاند مارك ومجمع الغرافة ومجمع الخليج (( مقابلين اللاند مارك )) ومجمع بن طوار اللي عند دوار دحل الحمام ،، وقبلهم في مجمع مطاعم وكافيهات حاطين عليه لوحات العمادي للمشاريع ،،،

كلهم على مسافة كيلو ونص تقريباً !!!!

انا مستغرب من التخطيط الفاشل وخصوصا في الوضع الحالي !!!!!

[فارس قطر]

ولا تزعل بكرة يسون لك جسرور من فوق هذة المجمعات مثل اليابان

http://www.budhabi.org/up/uploads/images/budhabi-13f2667450.jpg

http://img14.imageshack.us/img14/481/japan6.jpg

http://www.ii1i.com/uploads6/4d27d8324a.jpg

[qtr qtr]

وزارة البلديه هي المسؤوله الاول والاخير

والمفروض يسوون جسوور لكل مجمع ومدرسه

والله الانسان الجاهل اللي ماعنده شهادة هندسة تخطيط وغيرها راح يخطط طرق للمدى البعيد

والمهندسين الحاليين تخطيطهم حق بكره او شهر قدام

الله يعين

[السكين]

اللاند مارك ومقابله مجمع على وشك الافتتاح وجنبهم اللولو ومقابلهم اسواق المحطة ورامز وقدام على طريق الشمال ايكيا والشارع لسيارتين في النفق ومرات تخاف تسرع وتحك في اللي جنبك من ضيق الشوارع .

بالنسبة لخط دحل الحمام باتجاه دوار كبار الموظفين ونادي قطر الشارع ضيق جداااا وخطر ومشروع العمادي على وشك الافتتاح ورح يكون مكان العائلات والشباب المفضّل في فترة المساء .


الله المستعان

[الرميله]

في دبي الشقيقه
يتم عمل جسر مخصص لك مجمع
مثال
سيتي سنتر
مول الامارات
دبي مول
و
و

[بصمة قطرية]

تخبط و سوء تخطيط ..

[نورهان88]

الله المستعان

[قطرية مثقفة]

الحل جسور للمشاة تربط بين المجمعات وقطارات سريعة

[حميداني]

الله يستر

[وحيد-الشوق]

الحل جسور للمشاة تربط بين المجمعات وقطارات سريعة

هذا واحد من الحلول المفيده جدااااا

تدرون صرت اكره انزل الدوحة فديت الوكرة بس << جايتكم الزحمة بس اصبروا شوي

[ALHAJAJI]

اولا عندك سوق العلي
ثانيا ادارة الجوازات
ثالثا المبنى الاداري والتجاري اللي جمب الجوازات
رابعا اسواق الغرافة ومحلات دسمان والمصرف
خامسا شارع الاتحاد ومحلات التلفونات والمجمع التجاري اللي لاصق فيهم
سادسا مول ازدان
سابعا مول الخليج
ثامنا اللولو هايبر ماركت
من الناحية الاخرى الموازية لهذا كله ....
اولا الفلل التجارية اللي مواجهه دسمان
ثانيا المدارس الجديدة اللي فاتحة مكان الجامعة القديمة
ثالثا افرع البنوك الجديدة اللي فاتحة جمب وكالة التويوتا والرنج
رابعا مجمع لاند مارك
خامسا محطة البترول ورامز والمحلات اللي معاهم
سادسا المجمع التجاري الجديد اللي قبل جسر الشمال
سابعا فيه مجمع تجاري قاعد ينبني جمب محطة بترول قطر وجمعية الدحيل


تخيل هذا كلة تصريفهم ياتي عن طريق نفق او مازق اللاندمارك

صراحة قمبلة وراح تنفجر واحنا الضحية

[بوخالد911]

اعووووذ بالله من القناااابل

[مزعله النساء]

السلام عليكم ورحمه الله وبركاته

كلامك أخوي صحيح والناس أتعبت وهي تكلم ماحد يسمع

ياليت يشووووفون دبي ويسوووون مثلها

الواحد كره الطلعه من سبه هالزحمه الي صايره

لين مته بنتم على هالدورات والاشارات نبي جسور انفاق شوارع وسيعه ملينا الرصيف عندنا نصف الشارع

["بو قاســـم"]

الله المستعان

[راشد محمد]

ولا تزعل بكرة يسون لك جسرور من فوق هذة المجمعات مثل اليابان

http://www.budhabi.org/up/uploads/images/budhabi-13f2667450.jpg

http://img14.imageshack.us/img14/481/japan6.jpg

http://www.ii1i.com/uploads6/4d27d8324a.jpg

:omg: لا تستبعد شي

[الرويـس]

ماعرف الحل بس حبيت ابدي اعجابي بنطحة الموضوع وتشبيهاته الرائعة

انت رائع يا أخي

[A bin M]

إذا تم افتتاح المجمعات ..

شنو اللي بيصير في هالشارع .!!!!!!!!!!

[ahmed1111]

انزين لا تروحون أهناك وعندكم خط الكورنيش

[تحداني]

ماعرف الحل بس حبيت ابدي اعجابي بنطحة الموضوع وتشبيهاته الرائعة

انت رائع يا أخي



حبيت مصطلح " نطحه " هههههههه



إذا تم افتتاح المجمعات ..

شنو اللي بيصير في هالشارع .!!!!!!!!!!




راح تنفجر كل القنابل ..:)

.........................................
اتخيل احذى بيتنا جسور .. وورى بيتنا جسور .. والناس تتمشى فوق الجسور
لا خيالي مب قادر يستوعب هالنطحات ..


جملكم الله برضاه

[سكرمر]

لا صدقوني في تخطيط وفي كل شي


وهم عارفين ان هالشي غلط وبسبب ازمه ...


لكن من هم اصحاب المجمعات :nice:



عقب الله يسلمك بيسون مدري شنو ويلهفون كم مليون :secret:


مثل موضوع الحضانه الى كانت في فيلاجيو


الواسطات وماتسوي لكن لصار مشكله قطوها على اضعف جهه وورطوا موظف ام مسئول مسكين


لو بس وزاره البلديه تشتغل بضمير كان تغير الوضع


على كثر مايطلعون دورات واجتماعات ومدري شنو فى دول اورباء ويحضرون ندوات


الا ان لايوجد تغير او استفاده


نبي نعرف هالعقول الفارغه شنو فايدتها





هل هذي روئيه قطر 2030 !!!!!!!

[قناص قطر]

السلام عليكم

صباح الخير

الزحمه موجوده موجوده وبكل مكان والحل بسيط

طبق نظام الرسوم نفس دبي وبعض الدول

اما بخصوص المجمعات

اذا مالك الارض يبي يطور الارض ويبني مجمع تجاري

وموقعها جنب لاندمارك

تتوقع تقدر تتفاهم معاه وتقوله لا مايصير هني مجمعات وايد

و و و و و و و

بيرد عليك هذي ارضي والشارع تجاري مالك حق تمنعني

ومعاه حق

[تحداني]

انا قررت اشتري همر

[مواقف النجادة]

فيه لجنة في البلدية .. هي المسؤولة عن اعطاء الموافقات على المجمعات التجارية الكبيرة والمولات.. وشكل هاللجنة ماتحب ترد حد..خاصة ان اغلب اصحاب المجمعات من الكبارية والواصلين..

السؤال اللي يطرح نفسه.. الحين يالبلدية وافقتوا على المولات.. غيروا تخطيط الشوارع اللي حواليها بيحيث تشيل الزحمة الناتجة عنها.

اقترح عدم السماح بافتتاح المولات الجديدة حول تقاطع اللاند الى ان تقوم اشغال بتعديل واعادة تخطيط الشوارع حواليها.. او تاجيل الافتتاح الى سنة ٢٠٢٢ موعد افتتاح المترو في الدوحة..( شخصيا اشك ان المترو راح يسوي فرق لان اغلب مرتادي المجمعات من القطريين اصحاب السيارات وليسوا من مستخدمي المترو )

وفي النهاية اقول حللوا معاشاتكم يا مسئولين اشغال وحلوا مشكلة الزحمة في قطر..

[باراكودا]

الحل عمل أنفاق للسيارات والمشاه تحت الارض .

[النهار]

ليش مستعجلين كل الي قلتوه بيسونه
مسكين واحد بيي يرخص فله تجاريه طلعوا له الف عليه وبعيده عن الزحمه
ومثلث برمودا افتحوا له الحبل على الغارب
وزيد عليهم سوق العلي والسوق الي جنب الجوازات وسوق الغرافه ودسمان وسوق الجولات في الغرافه
كلهم على نفس الخط ( والمصيبه كرك النعيمي )

[معماري قطري]

ما شاء الله أشوف العامة والناس العاديين يعرفون سلبيات التخطيط ويتنبئون بها قبل لتصير وأشغال وهيئة التخبيط العمراني ما يدرون شالقصة.

هذا عيب المؤقت وحتى هالهيئتين يعتبرون نفسهم مؤقتتين لا محاسبة ولا شيء وبيتغيرون في آخر الطريق فالأفضل ما يسوون شيء، وبعدين بيجون أطفال حديثي التخرج وبيديرون هالهيئتين، ونفس المنوال تخصصات ما لها علاقة بالتخطيط ولا بالطرق بس المهم مهندسين.