** ملاحظاتكم على المخطط لفيلا سكنية **

[Just Smile]

السلام عليكم و الرحمة اخواني و خواتي

أرحب بآرائكم و أي ملاحظات على هالمخطط لفيلا سكنية، قد ما نقدر حاولنا نخلي التصميم و التوزيع للغرف بشكل عملي يتيح اكبر استفاده ممكنه من المساحة.

البناء ابعاده 11 متر عرض و 22 متر طول غير الملحق الخارجي:

* الدور الأرضي: صالتين لإستقبال الضيوف و صالة داخلية للعائلة بحماماتهم تكرمون، غرفة للضيوف و غرفة للخادمة و مطبخ داخلي

* الدور الأول: 5 غرف ماستر، صالة مع مطبخ صغير

* الدور العلوي (البنتا هاوس): غرفتين ماستر، صالة

* الملحق الخارجي: مطبخ مع مخزن، حمام تكرمون


السموحة ما عرفت أنزل المخطط كصور منفصله، ارفقته كمرفق.


شكرا جزيلا

[عيون الدوحة]

الحمام الي بالملحق حق الخارجي حق من ..؟؟
بدون غرفة خدامة ؟؟

[Just Smile]

يا هلا اختي

الحمام الي بالخارج راح يكون مغسلة ملابس

الخادمة غرفتها مقابل المطبخ الداخلي

[معماري قطري]

ما ينفتح عندي الفايل بسبب الأمان حاولت كم مره

[No_oN]

التصميم اعجبني بصراحة .. يعطيك العافية

[Just Smile]

أخ معماري ارسلت لك الرابط عالخاص

ان شالله تقدر تشوفه، و نعرف رايك :)

[Just Smile]

يا هلا اختي او اخوي نو أون

و شكرا على رايك

[PGR]

مرحبا اختي ,, عندي ملاحظات وان شاء الله تكون مفيدة :
- اول شي بالنسبه حق المجلس الداخلي مافيه غرفة طعام فها راح تستخدمين المكان نفسه جلسه وغرفة طعام؟ اذا اي شوفي المكان اللي بتحطين فيه طاولة الطعام افتحي باب من الخارج عشان لما تبين تدخلين الاكل في المجلس يكون من الخارج مايكون من داخل البيت عشان ما يكون جدام الضيوف . واذا كانت غرفة ال dining هي المكان اللي بياكلون فيه الضيوف فماعندج هالمشكلة وامورج تمام.
- بالنسبه للغرف فوق اشوف مداخل الغرف كلها من غرفة الملابس فالتصميم غريب شوي علي ,, ممكن تغيرين ترتيب غرفة الملابس والحمام بحيث يكون الدخول على غرفة النوم ويتفرع منها الملابس ,,
- المساحة الخلفية عندج ضايعة جنب الملحق اللي فيه المطبخ والحمام يعني مش مستخدمته حق اي شي فتقدرين تسوين فيه قعدة او ملحق زيادة اذا تحتاجينه
بس وبالتوفيق ان شاء الله

[دااانة قطر]

مالي في المخططات
لكن استفساار ليش ماخليت المطبخ الداخلي والغرفة الطعاام في الجهه الثاانيه مع المجلس الدااخلي
ويكون في ممر بين المجلس وغرفة الطعاام والمطبخ

[عيون الدوحة]

ووباب الخزن ليش مب داخلي على المطبخ يفتح
وبعدين أنت مامسوي مكان لغسيل الملابس في الملحق الخارجي

[قطري قديم]

مرحبا

اخوي عندي ملاحظه مساحات الغرف صغيرة كبرها شوي والبانتري الي فوق انت حاطه 2 في 2 متر لاتحطه مفصول افتح طوفته علي الصاله الي فوق وخله جزء من الصاله لانك ماراح تطبخ فيه.
وبالتوفيق

[@north_star@]

http://www.majaless.com/up/get-3-2013-pi9duaq6.jpg (http://www.majaless.com/up)

http://www.majaless.com/up/get-3-2013-w3rbij0s.jpg (http://www.majaless.com/up)

http://www.majaless.com/up/get-3-2013-ow1ivqsv.jpg (http://www.majaless.com/up)

http://www.majaless.com/up/get-3-2013-3a5mixs9.jpg (http://www.majaless.com/up)

[معماري قطري]

ما شاء الله إستغلال موفق للمساحات وبيت مدروس بالنسبة للأرض .. كرأي مبدئي وبارجع إن شاء الله أحط ملاحظات أكثر .. أشوف ضرورة عمل موقف سيارة ثاني .. ممكن جنب الأُولى وممكن عمل مظلة خرسانة وطابوق مفتوحة لسيارتين وباب عريض مباشر على الشارع واستغلال المساحة في حديقة بسيطة.

عمل نافذتين جانبيتين للدرج والتخطيط لعمل مصعد في المنطقة الوسطى بيكون حل عملي ومريح .. كما أنني أتوقع أن عتبات الدرج ستكون بإرتفاع يزيد عن 15 سم وستكون متعبة.

ممكن تصغير الستور الخارجي ل 2.2 في 4 متر وزيادة مساحة المطبخ .. ووضع باب الستور أما وسطي على داخل المطبخ أو وسطي للخارج .. لكن على الداخل ستكون هناك سهولة للوصول ولأخذ الأغراض.

مساحات الغرف معقولة جداً، لكن ملاحظ كثرتها، ولا أدري إذا هناك حاجة لغرفة سائق أو غرفة خادمة .. في رأيي غرفة الخادمة ممكن تكون قرب المطبخ الداخلي.

توزيعة المطبخ تحتاج لدراسة خصوصاً أن الفرن قرب الباب الموصل للداخل وقد تنتقل الروائح والدخان للداخل بسهولة.

توزيعة الغرف تحتاج لدراسة ولترتيب الأثاث ومن رايي لو تم استخدام المساحة البسيطة كتسريحة جدام الحمام وتم إيجاد وضع خزانة حائط بعرض الحائط بيكون أفضل، وممكن تكون بواجهة مرايه تعطي الغرفة سعة.

لو أمكن إرسال الملف بصيغة اوتوكاد باحط إقتراحاتي واضحة بالقياس الصحيح مع توزيعة الأثاث.

[Just Smile]

مرحبا اختي ,, عندي ملاحظات وان شاء الله تكون مفيدة :
- اول شي بالنسبه حق المجلس الداخلي مافيه غرفة طعام فها راح تستخدمين المكان نفسه جلسه وغرفة طعام؟ اذا اي شوفي المكان اللي بتحطين فيه طاولة الطعام افتحي باب من الخارج عشان لما تبين تدخلين الاكل في المجلس يكون من الخارج مايكون من داخل البيت عشان ما يكون جدام الضيوف . واذا كانت غرفة ال dining هي المكان اللي بياكلون فيه الضيوف فماعندج هالمشكلة وامورج تمام.
- بالنسبه للغرف فوق اشوف مداخل الغرف كلها من غرفة الملابس فالتصميم غريب شوي علي ,, ممكن تغيرين ترتيب غرفة الملابس والحمام بحيث يكون الدخول على غرفة النوم ويتفرع منها الملابس ,,- المساحة الخلفية عندج ضايعة جنب الملحق اللي فيه المطبخ والحمام يعني مش مستخدمته حق اي شي فتقدرين تسوين فيه قعدة او ملحق زيادة اذا تحتاجينه
بس وبالتوفيق ان شاء الله

اهلا اخوي بي جي آر

- بالنسبة لملاحظتك الأولى: بالفعل بيكون المكان المخصص للطعام بجزء من المجلس، ماراح يكون باب من الخارج لان الفكرة تجهيز الطعام بيكون قبل انتقال الضيوف من المجلس المقابل للمجلس الي فيه الطعام. الدايننج بتكون هي الصاله الداخلية للعائلة.
- بالنسبة لملاحظتك الثانية: اكون شاكرة لك لو توضح شلون ممكن يسير لأن بالفعل شايفين ان تواجد الباب مضيع الاستفادة من غرفة الملابس.- بالنسبة لملاحظتك الثالثة: بتكون مكان نشر الغسيل و خزان الماي.

الف شكر لك على الملاحظات اخوي

[Just Smile]

مالي في المخططات
لكن استفساار ليش ماخليت المطبخ الداخلي والغرفة الطعاام في الجهه الثاانيه مع المجلس الدااخلي
ويكون في ممر بين المجلس وغرفة الطعاام والمطبخ

يا هلا عزيزتي دانة قطر (أنا بنت :secret:)

كانت الفكرة الأولى مثل ما تفضلتي، بس بعدين شفنا ان التخطيط الحالي عملي أكثر


تسلمين حبوبة

[Just Smile]

ووباب الخزن ليش مب داخلي على المطبخ يفتح
وبعدين أنت مامسوي مكان لغسيل الملابس في الملحق الخارجي

معاج حق، ان شالله بيتم تعديل باب المخزن و بنخليه من داخل المطبخ و غسيل الملابس بيكون في الحمام تكرمين جنب المطبخ الخارجي

جزاج الله خير على ملاحظاتج :)

[Just Smile]

مرحبا

اخوي عندي ملاحظه مساحات الغرف صغيرة كبرها شوي والبانتري الي فوق انت حاطه 2 في 2 متر لاتحطه مفصول افتح طوفته علي الصاله الي فوق وخله جزء من الصاله لانك ماراح تطبخ فيه.
وبالتوفيق

تسلم اخوي على ملاحظاتك

الغرف خليناها مقاس ستاندرد على اساس مستقبلا ممكن تنضم على بعض، والبانتري 2 في 3 الا، و معاك حق بخصوص الطوفة


لا هنت

[Just Smile]

http://www.majaless.com/up/get-3-2013-pi9duaq6.jpg (http://www.majaless.com/up)

http://www.majaless.com/up/get-3-2013-w3rbij0s.jpg (http://www.majaless.com/up)

http://www.majaless.com/up/get-3-2013-ow1ivqsv.jpg (http://www.majaless.com/up)

http://www.majaless.com/up/get-3-2013-3a5mixs9.jpg (http://www.majaless.com/up)

رحم الله والديك اخوي نورث ستار :nice:

مشكور ما قصرت

[Just Smile]

ما شاء الله إستغلال موفق للمساحات وبيت مدروس بالنسبة للأرض .. كرأي مبدئي وبارجع إن شاء الله أحط ملاحظات أكثر .. أشوف ضرورة عمل موقف سيارة ثاني .. ممكن جنب الأُولى وممكن عمل مظلة خرسانة وطابوق مفتوحة لسيارتين وباب عريض مباشر على الشارع واستغلال المساحة في حديقة بسيطة.

عمل نافذتين جانبيتين للدرج والتخطيط لعمل مصعد في المنطقة الوسطى بيكون حل عملي ومريح .. كما أنني أتوقع أن عتبات الدرج ستكون بإرتفاع يزيد عن 15 سم وستكون متعبة.

ممكن تصغير الستور الخارجي ل 2.2 في 4 متر وزيادة مساحة المطبخ .. ووضع باب الستور أما وسطي على داخل المطبخ أو وسطي للخارج .. لكن على الداخل ستكون هناك سهولة للوصول ولأخذ الأغراض.

مساحات الغرف معقولة جداً، لكن ملاحظ كثرتها، ولا أدري إذا هناك حاجة لغرفة سائق أو غرفة خادمة .. في رأيي غرفة الخادمة ممكن تكون قرب المطبخ الداخلي.

توزيعة المطبخ تحتاج لدراسة خصوصاً أن الفرن قرب الباب الموصل للداخل وقد تنتقل الروائح والدخان للداخل بسهولة.

توزيعة الغرف تحتاج لدراسة ولترتيب الأثاث ومن رايي لو تم استخدام المساحة البسيطة كتسريحة جدام الحمام وتم إيجاد وضع خزانة حائط بعرض الحائط بيكون أفضل، وممكن تكون بواجهة مرايه تعطي الغرفة سعة.

لو أمكن إرسال الملف بصيغة اوتوكاد باحط إقتراحاتي واضحة بالقياس الصحيح مع توزيعة الأثاث.

يا هلا اخوي معماري قطري و جزاك الله خير على ملاحظاتك

بالنسبة لملاحظتك لموقف السيارات و الحوش عموما معاك حق، كان التركيز اكثر على الفيلا و ماتم التركيز في تصميم الحوش في المرحلة الحالية

و ملاحظتك عن منطقة الدرج صحيحة بالنسبة للعتبات و النوافذ، لو تلاحظ احنا مجهزين مكان لاضافة مصعد في المستقبل وسط الدرج

و المخزن الخارجي مثل ملاحظة اختي عيون الدوحة الله يوفقها بيتم التعديل عليها ان شالله

و بالنسبة للغرف مسوينها مقاس ستاندرد على اساس يكون هناك مرونة اكثر للدمج مستقبلا
و بالفعل غرفة الخادمة بتكون مقابلة المطبخ الداخلي

ملاحظتك عن الفرن في المطبخ صحيحة، بيتم نقل الفرن و منطقة الطبخ كامله للجهة المقابلة على الطوفة الملاصقة لطوفة غرفة الخادمة و بنفصل المنطقة عن كامل المطبخ بباب المنيوم عشان ريحة الطبخ

و ملاحظتك بخصوص غرفة الملابس صحيحة بعد، مبدئيا الفكرة نخلي خزاين الملابس في الغرف نفسها بارتفاع الطوفة كامله

و الله يجزاك خير على اللفته الجميله، للحين التصميم ما تم اعتماده و ماعندنا الاوتوكاد :shy:

[بن غيث]

موفق ان شاء الله ..

[معماري قطري]

يا هلا اخوي معماري قطري و جزاك الله خير على ملاحظاتك

بالنسبة لملاحظتك لموقف السيارات و الحوش عموما معاك حق، كان التركيز اكثر على الفيلا و ماتم التركيز في تصميم الحوش في المرحلة الحالية

و ملاحظتك عن منطقة الدرج صحيحة بالنسبة للعتبات و النوافذ، لو تلاحظ احنا مجهزين مكان لاضافة مصعد في المستقبل وسط الدرج

و المخزن الخارجي مثل ملاحظة اختي عيون الدوحة الله يوفقها بيتم التعديل عليها ان شالله

و بالنسبة للغرف مسوينها مقاس ستاندرد على اساس يكون هناك مرونة اكثر للدمج مستقبلا
و بالفعل غرفة الخادمة بتكون مقابلة المطبخ الداخلي

ملاحظتك عن الفرن في المطبخ صحيحة، بيتم نقل الفرن و منطقة الطبخ كامله للجهة المقابلة على الطوفة الملاصقة لطوفة غرفة الخادمة و بنفصل المنطقة عن كامل المطبخ بباب المنيوم عشان ريحة الطبخ

و ملاحظتك بخصوص غرفة الملابس صحيحة بعد، مبدئيا الفكرة نخلي خزاين الملابس في الغرف نفسها بارتفاع الطوفة كامله

و الله يجزاك خير على اللفته الجميله، للحين التصميم ما تم اعتماده و ماعندنا الاوتوكاد :shy:


الله يجزيج بما دعيتي .. هو مبين إن التصميم مبدئي .. ووايد استشاريين يتكيسلون يسوون أي تعديل وبعدين يقولون كل شيء بيتعدل وقت التنفيذ .. ووقت التنفيذ يكون المقاول شغال على خطه ورسومات وعلشان يعدل يعني تكسير وشغل زياده، فالأفضل إن المخططات تكون صحيحة حق تنفيذ سهل.

عندي ملاحظة على الحمام الرئيسي وهو مساحته كبيرة وضائعه بدون فايدة وتوزيعته تحتاج تعديل .. مثل المفروض تكون المغسلة مواجهة الباب والزاوية اليسرى بعد الدخول تدون حق شاور مسكر بزجاج وجنبه يكون كرسي الحمام والبديه .. يعني مكان المغسلة الحالي .. أو ممكن تصغير الحمام وتكبير غرفة الملابس ممكن حتى 50 سم يكون عرض الحمام 1.8 ويكون كافي للأربع قطع بالراحة .. ويكون البانيو ملفوف بحيث يكون ملاصق للحائط.

المساحة المتروكة للفت صغيرة تبدو لي .. وممكن تصغير الدرج بحيث يكون مثل عرض العتبات اللي صوب النافذة لأن عرض العتبات على ما يبدو مختلف .. ولو تم التجهيز للفت حالياً بيكون وايد أسهل وأريح لو نويتوا تركبونه في المستقبل.

[وحيد-الشوق]

سؤال فضولي كم مساحة البناء بالمتر المربع ؟ ومساحة الارض ايضا ؟

اذا ممكن طبعا :)

[معماري قطري]

سؤال فضولي كم مساحة البناء بالمتر المربع ؟ ومساحة الارض ايضا ؟

اذا ممكن طبعا :)


مساحة الأرض 621 متر مربع ومساحة البناء للفيلا قريب من ال 600 متر مربع ونضيف لها الملحق والمجلس والملحق 43 والمجلس 50 .. يعني مساحة البناء قريبة من 710

[Just Smile]

الله يجزيج بما دعيتي .. هو مبين إن التصميم مبدئي .. ووايد استشاريين يتكيسلون يسوون أي تعديل وبعدين يقولون كل شيء بيتعدل وقت التنفيذ .. ووقت التنفيذ يكون المقاول شغال على خطه ورسومات وعلشان يعدل يعني تكسير وشغل زياده، فالأفضل إن المخططات تكون صحيحة حق تنفيذ سهل.

عندي ملاحظة على الحمام الرئيسي وهو مساحته كبيرة وضائعه بدون فايدة وتوزيعته تحتاج تعديل .. مثل المفروض تكون المغسلة مواجهة الباب والزاوية اليسرى بعد الدخول تدون حق شاور مسكر بزجاج وجنبه يكون كرسي الحمام والبديه .. يعني مكان المغسلة الحالي .. أو ممكن تصغير الحمام وتكبير غرفة الملابس ممكن حتى 50 سم يكون عرض الحمام 1.8 ويكون كافي للأربع قطع بالراحة .. ويكون البانيو ملفوف بحيث يكون ملاصق للحائط.

المساحة المتروكة للفت صغيرة تبدو لي .. وممكن تصغير الدرج بحيث يكون مثل عرض العتبات اللي صوب النافذة لأن عرض العتبات على ما يبدو مختلف .. ولو تم التجهيز للفت حالياً بيكون وايد أسهل وأريح لو نويتوا تركبونه في المستقبل.



رحم الله والديك اخوي معماري و كل من أعطى ملاحظات و تعديلات عالمخطط

بالنسبة للحمام الرئيسي نفكر نضيف فيه جاكوزي او زاوية للبخار شفنا كذا فكرة لمساحات مقاربة

و ان شالله بنجهز للمصعد من الحين و بنركبه متى ما دعت الحاجه مستقبلا و حاليا بنمر على محلات المصاعد عشان نشوف الأبعاد

لا هنت

[معماري قطري]

رحم الله والديك اخوي معماري و كل من أعطى ملاحظات و تعديلات عالمخطط

بالنسبة للحمام الرئيسي نفكر نضيف فيه جاكوزي او زاوية للبخار شفنا كذا فكرة لمساحات مقاربة

و ان شالله بنجهز للمصعد من الحين و بنركبه متى ما دعت الحاجه مستقبلا و حاليا بنمر على محلات المصاعد عشان نشوف الأبعاد

لا هنت

الله يرحم والديج إخت جست سمايل

بديت بتحويل الصور إلى فايل اوتوكاد مع التعديلات اللي أشوفها من وجهة نظري ضرورية، بس مؤكد باخذ وقت فيها وباحطها إن شاء الله هنيه للكل يستفيد من النقاش الهندسي.

بالنسبة للمصعد ممكن يتأسس له بحديد خاص أو آي بيمز وتتغلف بعدين بالزجاج، وتوزيعة الحمام الرئيسي لو كان فيها جكوزي عادي لشخص واحد أفضل وبيكون مقارب للموجود حالياً في المساحة والشكل، وتقدرون تضيفون شاور مبني خاص ووسيع ومعاه جهاز بخار، وهذا بيكلف حول 10 آلاف ريال.

ولي متابعة إن شاء الله.

[Just Smile]

سؤال فضولي كم مساحة البناء بالمتر المربع ؟ ومساحة الارض ايضا ؟

اذا ممكن طبعا :)

اهلا اخوي وحيد الشوق

مساحة البناء تقريبا مثل ما وضح اخوي معماري 600 متر مربع و الارض 618 متر مربع

[Just Smile]

الله يرحم والديج إخت جست سمايل

بديت بتحويل الصور إلى فايل اوتوكاد مع التعديلات اللي أشوفها من وجهة نظري ضرورية، بس مؤكد باخذ وقت فيها وباحطها إن شاء الله هنيه للكل يستفيد من النقاش الهندسي.

بالنسبة للمصعد ممكن يتأسس له بحديد خاص أو آي بيمز وتتغلف بعدين بالزجاج، وتوزيعة الحمام الرئيسي لو كان فيها جكوزي عادي لشخص واحد أفضل وبيكون مقارب للموجود حالياً في المساحة والشكل، وتقدرون تضيفون شاور مبني خاص ووسيع ومعاه جهاز بخار، وهذا بيكلف حول 10 آلاف ريال.

ولي متابعة إن شاء الله.

يعطيك العافيه عالمجهود الي تبذله اخوي معماري، بصراحة تثري المنتدى بمعلوماتك الهندسية