طلب نصيحة مستعجلة اصبت بتسمم غذائي

[Aaziz]

السلام عليكم


هل التسمم الغذائي شي خطير لازم اروح لطبيب ؟

تعشيت الساعه تقريبا 9 و رقدت 1
ورقدت و انا مصخن و كنت اعتقد انه لفحه برد و من وعيت و انا صايبني الله يكرمكن اسهال قوي لين الحين و اصوات في البطن صار لي اكثر من 24 ساعه على هذي الحاله :(

انا في امريكا و الدخول لطبيب يبيله كم يوم بسبب المواعيد ،، لكن هل اتحمل لين يخف ولا التسمم من الاشياء الي لازم اشوف طبيب ؟

[قطريه22]

سلامات ماتشوف شر
ولازم تدخل على دكتور بشكل عاجل
لان التسمم انواع
انشالله مافيك الا كل خير
وطمنا عليك

[بنت قطريههه]

السلام عليكم ورحمه الله الافضل تشوف طبيب واشرب سفن اب لانه كويس للإسهال وتطبخ رز واشرب ماء الرز مثل الشوربه واشرب شوربه خضار واذا عندك ًًمرًًينقع ويشرب ماءه حوالي بياله والمر حوالي ملعقه وخذ حبوب من الصيد ليه للإسهال

[monatee]

الافضل تروح اي عياده ،، احتمال تحتاج لمغذي


وماتشوف شر اخوي

[Aaziz]

سلامات ماتشوف شر
ولازم تدخل على دكتور بشكل عاجل
لان التسمم انواع
انشالله مافيك الا كل خير
وطمنا عليك

اذا انواع فانا صايدني اقوى نوع


السلام عليكم ورحمه الله الافضل تشوف طبيب واشرب سفن اب لانه كويس للإسهال وتطبخ رز واشرب ماء الرز مثل الشوربه واشرب شوربه خضار واذا عندك ًًمرًًينقع ويشرب ماءه حوالي بياله والمر حوالي ملعقه وخذ حبوب من الصيد ليه للإسهال

شربت شوربه خضار و كلت المحلبيه البيضا (نشا) قالو تهدي المعده ،، من صادني التسمم ماكلت شي يذكر ،، لكن للحين نفس الحاله
كله سوائل


الافضل تروح اي عياده ،، احتمال تحتاج لمغذي

وماتشوف شر اخوي

خربطه في الجسم بصراحه احس صخونه تروح و ترجع.

بحاول اشوف طبيب اذا قدرت ،، مشكله الصيدليات مايصرفون ادويه عدله الا بوصفه طبيه

[عيون الدوحة]

علبتين سفن اب لمعادلة حموضة المعدة

[غزلان]

ماتشوف شر اخوي

المفيد لحالتك الروب والبطاطا المسلوقه وعليك بمغلي النعناع

تغلي ماي وتحط بالكوب نعناع وتصب عليه الماي وتخليه شوي وعقب تشربه وايد بترتاح

واول ماتحصل فرصه روح للطبيب

[عاشق الشهادة]

ماعليك شر اخوي الغالي ,
لازم تروح الطوارئ لاتهمل نفسك طال عمرك واجر وعافيه ان شاء الله .

[بصمة قطرية]

إبتعد عن شوربة الخضار
ماي العيش وايد زين يمسك البطن
السفن آب و الروب ..
لازم تروح المستشفى
إحتمال يكون معاك جفاف
و ضروري تحتاج لمغذي ..
ما عليك شر أخوي ..

[بوعلي2]

ياساتر

ماعليك شر يارب :(

[قطرية مثقفة]

عليك بالروب واااااايد زين @@ وسلامات ياولد بلادي وفي حفظ الرحمن

[Aaziz]

اشكركم جميعا. حاليا اسعى اني اشوف طبيب اذا قدرت اليوم. و باخذ بنصيحتكم بخصوص ماء العيش و الروب و السفن اب.

ان شاءالله مايصيب مسلم هالي صادني حسبي الله ونعم الوكيل في اكل المطاعم و خصوصا العرب. تووووووبه توبه توبه لو اموت جوع ما اكل منهم

[fifa 2022]

السلام عليكم


هل التسمم الغذائي شي خطير لازم اروح لطبيب ؟

تعشيت الساعه تقريبا 9 و رقدت 1
ورقدت و انا مصخن و كنت اعتقد انه لفحه برد و من وعيت و انا صايبني الله يكرمكن اسهال قوي لين الحين و اصوات في البطن صار لي اكثر من 24 ساعه على هذي الحاله :(

انا في امريكا و الدخول لطبيب يبيله كم يوم بسبب المواعيد ،، لكن هل اتحمل لين يخف ولا التسمم من الاشياء الي لازم اشوف طبيب ؟



سلامات خطاك الشر ان شاء الله

اخوي اصوات في البطن يعني هوا عليك بالـ فيكس ادهن بطنك وظهرك ودف روحك مثل السحر ساعة يطلع الهوا
ومثل ماقالولك الاخوان عليك بالبطاطا المفيوحة والموز السفن آب والروب والشاي الاحمر بعد زين، وبعد عن الشوربة لانها تسهل البطن

اجر وعافية

[برشلوني قطر]

افاااا اجر وعافيه يابوسعود

يا ليتني عندك أجيلك طياااار واوديك

بوسعود نصيحة اتصل 911 وخلهم يودونك المستشفى

واسأل الله العظيم رب العرش العظيم ان يشفيك

[Aaziz]

سلامات خطاك الشر ان شاء الله

اخوي اصوات في البطن يعني هوا عليك بالـ فيكس ادهن بطنك وظهرك ودف روحك مثل السحر ساعة يطلع الهوا
ومثل ماقالولك الاخوان عليك بالبطاطا المفيوحة والموز السفن آب والروب والشاي الاحمر بعد زين، وبعد عن الشوربة لانها تسهل البطن

اجر وعافية

الله يعافيك ،، حاليا رحت الصيدليه و كل الي قدر يعطوني اياه حبوب تهدي المعده و توقف البطن .

بشرب بعد شوي ماء العيش و على الله .

[Aaziz]

افاااا اجر وعافيه يابوسعود

يا ليتني عندك أجيلك طياااار واوديك

بوسعود نصيحة اتصل 911 وخلهم يودونك المستشفى

واسأل الله العظيم رب العرش العظيم ان يشفيك

الله يجزاك خير برشلوني ،، اموري اوكيه مش سيئه لهذي الدرجه و الشباب موجودين لا خلا و لا عدم ، انتظر السفاره يردون بشوف ايش ممكن يسوون

[العلم]

ماتشوف شر يابوسعود ..

مثل ماقالوا الشباب عليك بالروب .. وروح وانا اخوك للمستشفى والا الصيدلية ..

[Aaziz]

ماتشوف شر يابوسعود ..

مثل ماقالوا الشباب عليك بالروب .. وروح وانا اخوك للمستشفى والا الصيدلية ..

ولاتواجهة يالعلم ،، سبحان الله الصحه محد يقدرها ،، اكله غلط تسوي بالانسان هذا كله ،،، احس لو الي صايدني صايد بنت كان دموعها اربع اربع تقول سكاكين تقطع البطن.

هذا انا الحين شربت ماء العيش (طعمع تعبان كلش) و قاعد اكل عيش ابيض مع روب.
و ان شاءالله تظبط الامور مع الحبه

[khaldoon]

سلامات يا الغالي....ما تشوف شر

ما تنتظر و روح الطبيب

[حراير قطر]

سلامات وما عليك شر

حالتك اهون من حالتي :weeping:

[حقيقه]

علبة روب وفص ثوم مدقوق وبتصير أوكي

سلامتك

[سارآ]

خذ لك شاي احمر ثقيل ولاتاكل ظ¢ظ¤ ساعه حول تبتعد عن الأكل حاوا المعدة تكون فاضيه واشرب بس ماي
سلامات وما تشوف شر أن شاء الله
وطمنى عليك

[Al-Kuwari]

ما عليك شر اجر وعافية ياخوي

اخس شي بالغربة يوم تطيح مريض

فعلا فعلا تحس بالغربة وقت المرض وماعندك حد

ماعليك شر اجر وعافية وانصحك تراجع المستشفى

سلامات ان شاء الله

[pink dream]

اكيد في مركز للطورئ روح اقرب مركز او قول للتاكسي يوديك احسن لان يدل اكثر وما تشوف شر

[غزلان]

طمنا عليك ان شاء الله صرت احسن؟

[Aaziz]

الله يرحم والد كل شخص داخل الموضوع و يشافي كل مريض


طمنا عليك ان شاء الله صرت احسن؟

اتوقع اني اتجه للشفاء باذن الله ،،، بعد الحبه و ماء العيش و العيش الشيلاني مع الروب . احس صار هدوء في المعده فقط .
باقي الجهاز الهضمي زفه مصرية :shy:

[غزلان]

الله يرحم والد كل شخص داخل الموضوع و يشافي كل مريض



اتوقع اني اتجه للشفاء باذن الله ،،، بعد الحبه و ماء العيش و العيش الشيلاني مع الروب . احس صار هدوء في المعده فقط .
باقي الجهاز الهضمي زفه مصرية :shy:



الحمد لله

اذا متوفر عندك نعناع او شاء اخضر سو لك كوب بترتاح

[Aaziz]

الحمد لله

اذا متوفر عندك نعناع او شاء اخضر سو لك كوب بترتاح

اذا استمر الهدوء مابي شي ،،، مابي اخبص
اول مره احس ان الاكل ممكن يشكل خطر حقيقي على صحة الانسان ،،، دررررس ماراح استحي مره ثانيه في الاكل ،، اذا ماعجبني الطبخ بعتذر :(

[elders]

ما تشوف شر. ..طهور ان شاء الله

[غرِيبهـ]

سلامات وماتشوف شر اخوي

الله يقومك بالسلامه ويشافي كل مريض يارب

[تحداني]

الله يعينك
لو انا مكانك كان شفت ادموعي اربع اربع
لا روب ولا بطيخه ولا عيش
سيده المستشفى حتى لو ما شافني الطبيب وجودي اهناك يحسسني اني ابخير
:(

[Aaziz]

ما تشوف شر. ..طهور ان شاء الله


سلامات وماتشوف شر اخوي

الله يقومك بالسلامه ويشافي كل مريض يارب

اللهم امين، الله يجزاكم خير



الله يعينك
لو انا مكانك كان شفت ادموعي اربع اربع
لا روب ولا بطيخه ولا عيش
سيده المستشفى حتى لو ما شافني الطبيب وجودي اهناك يحسسني اني ابخير
:(



@@
تحداني ماكنتي عضو مؤسس :rolleyes2:

والله يا تحداني ان الوضع كان صعب الم احس لو يزيد شوي كان صارخت من الالم سكاكين تقطع المصران اعوذ بالله و انا افضل اروح لطبيب ولكن للاسف في امريكا لازم كم يوم لين تشوف دكتور مختص. و حاليا بانتظار موعدي مع دكتور مختص لاني متاكد ان شي مثل هذا مايعدي و مايترك اثر خصوصا اني اعاني من جرثومه المعده، رب ضاره نافعه ببدا العلاج مره ثانيه ولن اتوقف حتى يقول لي الطبيب الجهاز الهضمي سليم 100% باذن الواحد الاحد

[ANONYMOUS]

flagyl tablets or equivalent

[دروب]

ما تشوف شر أخوي
أنا سمعت بالليمون والملح
بس ما جربتهم
واللي أعرفه ان الليمون يطهر الجسم من السموم
بس الأكيد شاي ثقيل بدون سكر كل ساعتين لين يوقف الإسهال

[حياة]

ملعقه خل مع كاس ماي تشرب عند الاحساس بالتسمم فعاله جدا
وماعليك شر انا اكثر وحده اتسمم من اي اكله في المطاعم
اخذ لك فيلاجيل يطهر الامعاء وزنتك او لوسك علشان المعده
والاكل تحمل من اي شي ثقيل او فيه حمسه او بهارات
خلك على العيش الابيض المستوي زين والروب والسفن اب
والخبز الابيض والجبن او الجام والشاي الاحمر
يومين ثلاثه بتتحسن ان شاء الله
ومالك شر طهور ان شاء الله

[المهاجر]

ماعليك شر اخوي عزيز وأجر وعافيه

[Aaziz]

flagyl tablets or equivalent

ان شاءالله عدت هالمره و الحبوب الي ذكرتها بحطها في البال والله لا يحوجنا لها .. سلم يالمجهول


ما تشوف شر أخوي
أنا سمعت بالليمون والملح
بس ما جربتهم
واللي أعرفه ان الليمون يطهر الجسم من السموم
بس الأكيد شاي ثقيل بدون سكر كل ساعتين لين يوقف الإسهال

خبرتي مش لذيك الدرجه ،، بس اتوقع الي نصحك بالليمون و الملح واحد يبي يسوي فيك مقلب ... وين ليمون و ملح المعده متهيجه و هذا بيزيدها ،، يمكن يسبب قرحه .
من اخطر الوصفات هي الوصفات الشعبيه احيانا تودي بداهيه .
مره نصحني خص و كنت زكم و مصخن ،، قال لي اكل بصل قد ماتقدر و اعصر عليه ليمون ... يمكن ربع كيلو بصل قطعته و عليه 3 حبات ليمون .
من الم المعده الي صادني نسيت السخونه و الزكام .



ملعقه خل مع كاس ماي تشرب عند الاحساس بالتسمم فعاله جدا
وماعليك شر انا اكثر وحده اتسمم من اي اكله في المطاعم
اخذ لك فيلاجيل يطهر الامعاء وزنتك او لوسك علشان المعده
والاكل تحمل من اي شي ثقيل او فيه حمسه او بهارات
خلك على العيش الابيض المستوي زين والروب والسفن اب
والخبز الابيض والجبن او الجام والشاي الاحمر
يومين ثلاثه بتتحسن ان شاء الله
ومالك شر طهور ان شاء الله

انا مواضب على الشاي الاحمر ،، و سالفه الخل هذي غريبه :con2:
معروف ان الخل معقم بس للامعاء و وقت التسمم هل يعتبر معقم او لا مايندرا .
الواحد من الي يشوفه صار وسواسي يخاف من اي شي

[Aaziz]

ماعليك شر اخوي عزيز وأجر وعافيه

الله يجيرك من الشر يالمهاجر ،،، وجودك مبين في المنتدى :yes2:
عافورر ماشاءالله :app2:

[المهاجر]

خلك على الروب والعيش الابيض والسفن اب

مهم جداً تكثر من السوائل عشان مايصيدك جفاف

وما عليك مكروه بإذن الرحمن

[المهاجر]

الله يجيرك من الشر يالمهاجر ،،، وجودك مبين في المنتدى :yes2:
عافورر ماشاءالله :app2:

هههههههه

وين عافور صار لي فتره طويله مشغول وما ادخل

[R 7 A L]

يبي لك كوي :secret:


مجرد ذكرك لكلمة تسمم
يستوجب عليك إذا كنت متأكد بزيارة طبيب باطنية


ما تشوف شر

[كازانوفا]

ياااااااااامسككككككككيييييين طمنا عليك ايش مسوي الحين ان شالله احسن

[الزعفراني]

ما اظن تسمم .. التسمم كأن فيه ترجيع

امورك طيبة .. وماعليك شر ..

ترى الاسهال رغم مضاره لكن يقولون له فوايد انه ينظف البطن

[الزعفراني]

ماشاء الله قريت ردود الاعضاء .. كلنا طلعنا دكاتره وين المراكز الصحية عنا

[Aaziz]

يبي لك كوي :secret:

مجرد ذكرك لكلمة تسمم
يستوجب عليك إذا كنت متأكد بزيارة طبيب باطنية

ما تشوف شر

هذا انا اكافح عشان اشوف دكتور .. لو الكي يفيد والله ما اتردد ،، و اخبر لي شله شباب بالراحه بلقى حد فيهم يكوي ،، حتى لو مايعرف بعد بيكوي :nice:


ياااااااااامسككككككككيييييين طمنا عليك ايش مسوي الحين ان شالله احسن

بل كسرت خاطر نفسي :this:

ان شاءالله احسن والله اعلم


ما اظن تسمم .. التسمم كأن فيه ترجيع
امورك طيبة .. وماعليك شر ..
ترى الاسهال رغم مضاره لكن يقولون له فوايد انه ينظف البطن


ماشاء الله قريت ردود الاعضاء .. كلنا طلعنا دكاتره وين المراكز الصحية عنا

على مشاكل المعده الي عندي و على كثر ما اخلفت اشكال تأثر الجهاز الهضمي عندي انا اني لا اذكر اني رجعت غير مره وحده في حياتي ،، و هذا الي يزيد المشكله عندي .
لو كنت من النوع الي اذا تأذى من الاكل رجع كان اهون ولا دخلت في كل هالتفاصيل.

الحمد لله حمد الشاكرين

[خليفـة]

ما تشوف شر اخوي عزيز
نصيحتي لك تراجع اقرب عيادة حتى ﻻيتطور الوضع
سلامتك واجر وعافية ان شاء الله

خليفة

[غايه الطواش]

لاباس عليك اخوي
اجر وعافيه
اقرب صيدليه وان شالله ماعليك شر
الطواري اذا شافو حالتك ماتستدعي بشرشحونك الطواري عندهم مهب مثل عندنا


شكلك ماكل تراميسو ومكثر:shy:

[Aaziz]

ما تشوف شر اخوي عزيز
نصيحتي لك تراجع اقرب عيادة حتى ﻻيتطور الوضع
سلامتك واجر وعافية ان شاء الله
خليفة

الله يعافيك بودعي ،، ان شاءالله اليوم بحسم موضوع الطبيب ،، الموضوع معقد شوي


لاباس عليك اخوي
اجر وعافيه
اقرب صيدليه وان شالله ماعليك شر
الطواري اذا شافو حالتك ماتستدعي بشرشحونك الطواري عندهم مهب مثل عندنا


شكلك ماكل تراميسو ومكثر:shy:

الصيدليه رحت و ماتسوي شي .
ههههه لا لا ترميسو بعيدين عنه .

[تحداني]

لاباس عليك اخوي
اجر وعافيه
اقرب صيدليه وان شالله ماعليك شر
الطواري اذا شافو حالتك ماتستدعي بشرشحونك الطواري عندهم مهب مثل عندنا


شكلك ماكل تراميسو ومكثر:shy:




احتمال ماكل اكل تايلندي او صيني :)
بعد اذنك اخوي عزيز ابي اكلم غايه على انفراد

................................................

غايه وحشتيني وايد



جملكم الله برضاه

[بصمة قطرية]

أخوي عزيز
ما أعتقد اللي معاك تسمم ..!!
عادةً التسمم يصاحبه ترجيع
إحتمال معاك مشكلة في الأمعاء
أو تهيج في القولون
لازم تتأكد ..
و الإسهال عادةً ما يصرفون له علاج
إذا كان نتيجة تسمم
لأن الجسم يتخلص من السموم ..

[Dana’1]

لاباس طهور إن شاءلله

[storm..]

بشرنا عنك ياخوي ؟؟

[Aaziz]

الحمد لله مية مية

http://fsa.zedge.net/content/3/8/5/2/1-1565233-3852-t.jpg

[رهج السنابك]

على اي اساس شخصته تسمم!!

مب شرط الاكل مب نظيف من تحليلي لكلامك واضح ان عندك مشاكل سابقه في الجهاز الهضمي

فاحتمال تهيج فقط من اكل المطعم خاصه لو مبهر او فيه كميه دهون واحتمال من الحاله النفسيه

لا تحاتي مجرد اسهال عادي من تلبك معوي كل ماعليك اكل بطاطس مسلوقه وروب وسفن اب وامورك تمام