نعلات لاطراف الفيلا من الخارج ( للوقايه من الماء ) رأيكم؟ [الأرشيف]

Chambray

06-03-2013, 06:46 PM

السلام عليكم

أفكر في عمل نعلات من البلاط الشعبي او من جرانيت رخيص لخارج الفيلا

حيث ان غسيل الحوش بالماء يضر بالصبغ الخارجي ويكون الرطوبه

صراحة انا ماشفت حد مركب نعلات من الخارج .. لكن طرى في بالي هالفكرة .. مع انها غير مكلفه كثير وعملية

فأيش رايكم؟؟

عيون الدوحة

06-03-2013, 06:53 PM

ماشاء الله
http://www.m5zn.com/newuploads/2013/03/06/jpg//m5zn_c2afbb9f4273cc2.jpg

http://www.gulfup.com/?OL5iJX

هذي فلتنا عارضتها للبيع
وسوينا النعلات من بلاط الحوش
تحمي الطوفة من الرطوبة والضربات

وعندي فيلا ثانية حاطة بلاط اماراتي كسر رخام ومحتارة لحد الحين في نوع النعلات الي بركبها

khaldoon

06-03-2013, 07:01 PM

فكرة حلوة جدا بس اجمل لو كانت رخام او جرانيت و بارتفاع 40 سم ..... مب بلاط شعبي

بالنسبة للداخل انصح الجميع بعدم عمل نعلات خشب لانها موطن للحشرات

عكاس للتجارة

06-03-2013, 07:13 PM

اعمل حجر صناعي بإرتفاع 50سم بيكون أحلى وأكيد مفيد ويحمي الفيلا وصبغها

ولد المنصور

07-03-2013, 12:10 AM

فكرة حلوه ,, والفلا احلى

naklan

07-03-2013, 01:27 AM

فكرة طيبة يا مشرفنا العزيز :nice:
بس شوري عليك ابعد عن الحجر والرخام خارج الفلة شركات الحجر تركب
اول صف قرانيت القرانيت يعمر وما يتغير لونه مع الشمس اعمل الواح 60×30
بتركيب راسي وبينهم فرزة 2 سنتي تعطي منظر حلو واعمل عليهم من فوق مساطر
10 سنتي دائرية من الخارج ولو عملتها من لون اخر بعد بتكون جميلة وبتحمي
البيت من الرطوبة وبتعطيه شكل جميل موفق يالغالي :)

نور الحور

07-03-2013, 07:04 AM

فكرة ممتازة .. وكنت مسجلتها عندي من بين الملاحظات اللي استفدتها من اطلاعي على المنتديات الخليجية .. لأنهم يسوون تجمعات للي يبون يبنون ويتبادلون الخبرات .. جزاهم الله عنا كل خير .. ياليت لو ينفتح موضوع مشابه هني في المنتدى أو على الأقل الأفكار المهمة اللي ممكن تنفع المقبل على البنيان :victory:

Chambray

07-03-2013, 02:36 PM

فكرة ممتازة .. وكنت مسجلتها عندي من بين الملاحظات اللي استفدتها من اطلاعي على المنتديات الخليجية .. لأنهم يسوون تجمعات للي يبون يبنون ويتبادلون الخبرات .. جزاهم الله عنا كل خير .. ياليت لو ينفتح موضوع مشابه هني في المنتدى أو على الأقل الأفكار المهمة اللي ممكن تنفع المقبل على البنيان :victory:
:) شكراً على التعليق ،، المواضيع المفيده بتحصلينها مثبته :)
خصوصاً ( اخطاء البناء ) بتستفيدين كثير ..

فكرة طيبة يا مشرفنا العزيز :nice:
بس شوري عليك ابعد عن الحجر والرخام خارج الفلة شركات الحجر تركب
اول صف قرانيت القرانيت يعمر وما يتغير لونه مع الشمس اعمل الواح 60×30
بتركيب راسي وبينهم فرزة 2 سنتي تعطي منظر حلو واعمل عليهم من فوق مساطر
10 سنتي دائرية من الخارج ولو عملتها من لون اخر بعد بتكون جميلة وبتحمي
البيت من الرطوبة وبتعطيه شكل جميل موفق يالغالي :)

اي مفكر انا جرانيت والله ،، بس مفكر اركب نعله 10 - 15 سم بس .. مب اكثر .. ابغي شئ عملي ، وما ابغي شي يكلف علي ..

وافكارك حلوه .. بس يبيلها ( فلوس ) هههههههههه وانا تعرف على نهايه التشطيب يعني الواحد ( شبه معلن افلاسه ) ههههههههه

فكرة حلوه ,, والفلا احلى

اعمل حجر صناعي بإرتفاع 50سم بيكون أحلى وأكيد مفيد ويحمي الفيلا وصبغها

جزاك الله خير ، بس انا مفكر جرانيت .. او برسلان عادي .. بس الظاهر الجرانيت فكرة طيبه ..

فكرة حلوة جدا بس اجمل لو كانت رخام او جرانيت و بارتفاع 40 سم ..... مب بلاط شعبي

بالنسبة للداخل انصح الجميع بعدم عمل نعلات خشب لانها موطن للحشرات

صح كلامك .. :nice:

ماشاء الله
http://www.m5zn.com/newuploads/2013/03/06/jpg//m5zn_c2afbb9f4273cc2.jpg

http://www.gulfup.com/?OL5iJX

هذي فلتنا عارضتها للبيع
وسوينا النعلات من بلاط الحوش
تحمي الطوفة من الرطوبة والضربات

وعندي فيلا ثانية حاطة بلاط اماراتي كسر رخام ومحتارة لحد الحين في نوع النعلات الي بركبها

ماشاء الله شغل عدل :nice:

معماري قطري

07-03-2013, 03:14 PM

ماشاء الله
http://www.m5zn.com/newuploads/2013/03/06/jpg//m5zn_c2afbb9f4273cc2.jpg

http://www.gulfup.com/?ol5ijx

هذي فلتنا عارضتها للبيع
وسوينا النعلات من بلاط الحوش
تحمي الطوفة من الرطوبة والضربات

وعندي فيلا ثانية حاطة بلاط اماراتي كسر رخام ومحتارة لحد الحين في نوع النعلات الي بركبها

فكرة حلوه وعملية وأكيد بتحمي الحائط والصبغ من تحت .. وموضوع الإخت عيون الدوحه فتح عيني على هذي الفكرة .. المشكله اللي لازم ينتبه لها الواحد هي ميلان الأرضية لتصريف المياه، وممكن يوصل هذا الإختلاف في المستوى لعشرين سم أحياناً .. لذلك فإن عمل خط أُفقي كحد أعلى للنعلة في الفيلا ومن ثم تحديد أنسب إرتفاع وقص البلاطات على هالأساس.

ولو سوينا بلاطات بقصة علوية مختلفة ولصقنا معاها كم قطعة تعطي عرض ولفات أو أقواس في الأعلى ومن ثم تم ملىء الباقي بالإسمنت ستكون لدينا نعلة بأقواس فنية تعطي منظر مشابه لنعلات القصور الفخمة لكن من الخارج... وهناك قطع وفرزات جاهزة من السيراميك ممكن أن تركب في أعلى البلاطات أو الرخام أو الغرانايت لكن ستعطي شكل مختلف لإختلاف النوعية.

MAZEN37

07-03-2013, 03:54 PM

هذه الطريقه في فلل السعوديه مثل السلام عليكم
لازم حول الفلل
وطبعا حمايه اكثر على الاقل على الاساسات

Chambray

07-03-2013, 04:11 PM

فكرة حلوه وعملية وأكيد بتحمي الحائط والصبغ من تحت .. وموضوع الإخت عيون الدوحه فتح عيني على هذي الفكرة .. المشكله اللي لازم ينتبه لها الواحد هي ميلان الأرضية لتصريف المياه، وممكن يوصل هذا الإختلاف في المستوى لعشرين سم أحياناً .. لذلك فإن عمل خط أُفقي كحد أعلى للنعلة في الفيلا ومن ثم تحديد أنسب إرتفاع وقص البلاطات على هالأساس.

ولو سوينا بلاطات بقصة علوية مختلفة ولصقنا معاها كم قطعة تعطي عرض ولفات أو أقواس في الأعلى ومن ثم تم ملىء الباقي بالإسمنت ستكون لدينا نعلة بأقواس فنية تعطي منظر مشابه لنعلات القصور الفخمة لكن من الخارج... وهناك قطع وفرزات جاهزة من السيراميك ممكن أن تركب في أعلى البلاطات أو الرخام أو الغرانايت لكن ستعطي شكل مختلف لإختلاف النوعية.

تصدق ان كل شخص له ميول خاصه في الديزاين هههههه

فكرتك حلوه :)

وين موضوع صور المدن .. اشوفك ماقمت تحط صور ..

هذه الطريقه في فلل السعوديه مثل السلام عليكم
لازم حول الفلل
وطبعا حمايه اكثر على الاقل على الاساسات

عيل ليش احنا محد يسويها ؟؟
في السعوديه البناء عندهم متطور اكثر منا
مع انها عملية والله

naklan

07-03-2013, 10:59 PM

http://www10.0zz0.com/2013/03/07/19/196262794.jpg (http://www.0zz0.com)

هذي الطريقة المقصودة

http://www10.0zz0.com/2013/03/07/19/752765343.jpg (http://www.0zz0.com)

وخطوط راسية بنفس الطريقة وش رايك :telephone:

معماري قطري

07-03-2013, 11:11 PM

[QUOTE=Chambray;8770622]تصدق ان كل شخص له ميول خاصه في الديزاين هههههه

فكرتك حلوه :)

وين موضوع صور المدن .. اشوفك ماقمت تحط صور ..

هلا سفيرنا في فرانس ..

والله يا اخوي الصور يبي لها بحث ومصادر وحطيت شوي من قطر بس الباقيين متكررين .. سكنت مره في فندق في ميونخ مجدد بس الواجهة نفسها القبلية من أيام الحرب العالمية الأُولى وضربات الرصاص في الحجر باقية للحين وكانت فيه صورة قديمة للشارع وللمبنى والشارع والمبنى تقريباً باقي مثل ما كان بس فيه تغييرات بسيطة، والمبنى بس واجهته باقية، ودوم أفكر في المباني القديمة اللي عندنا، فهي ممكن يدعمونها بالحديد من الخلف ويحركونها لتوسعة الشارع، مثل بعض المباني في شارع الريان والكهربه.

الخزرجي قطر

07-03-2013, 11:18 PM

فكره حلوه بارك الله فيك بطبقها ان شاءالله في الفيلا الجديده

معماري قطري

07-03-2013, 11:25 PM

http://www10.0zz0.com/2013/03/07/19/196262794.jpg (http://www.0zz0.com)

هذي الطريقة المقصودة

حلوه ذي الصورة وتجانس الألوان طالع مسكت .. الأرضية بلاط عادي منقوش بس مركب زين وبصبية تحته ويبين شغل إحترافي، والنعلة الكبيرة مكملة المنظر.

انا في صدد صبغ البيت بس حاب أركب كيمرات قبل، وساتر بيني وبين الجيران، وشلال في الواجهة، وهذي النوعية من النعلات .. بس أحس أنسب شيء الغرانيت الأسود أو حتى بلاط عادي أسود لماع .. لكن يبي له قص وايد خصوصاً من تحت صوب الأرضية علشان يتساوى مع ميلان الأرضية .. إذا حد يعرف وين احصل هاللون من البورسلان أو الغرانايت آحتاج لما يقارب الأربعين متر مربع.

http://www10.0zz0.com/2013/03/07/19/752765343.jpg (http://www.0zz0.com)

وخطوط راسية بنفس الطريقة وش رايك :telephone:

قصدك خطوط أُفقية مثل ذي على ما اعتقد .. وبالحجر تطلع حلوه .. بس أي لون تكون أرضية البيت وأي لون يكون حائط الفيلا النعلة الفاصلة لو كانت بلون أسود أو رمادي تبين أحلى وتفصل بين اللونيين.

حسن الاحمد

07-03-2013, 11:28 PM

احم احم

naklan

08-03-2013, 04:03 PM

حلوه ذي الصورة وتجانس الألوان طالع مسكت .. الأرضية بلاط عادي منقوش بس مركب زين وبصبية تحته ويبين شغل إحترافي، والنعلة الكبيرة مكملة المنظر.

انا في صدد صبغ البيت بس حاب أركب كيمرات قبل، وساتر بيني وبين الجيران، وشلال في الواجهة، وهذي النوعية من النعلات .. بس أحس أنسب شيء الغرانيت الأسود أو حتى بلاط عادي أسود لماع .. لكن يبي له قص وايد خصوصاً من تحت صوب الأرضية علشان يتساوى مع ميلان الأرضية .. إذا حد يعرف وين احصل هاللون من البورسلان أو الغرانايت آحتاج لما يقارب الأربعين متر مربع

هلا باخوي العزيز معماري قطري اللون الاسود جميل جداً
القرانيت الاسود الهندي يفي بالغرض سواً ابسلوت او جلاكسي
60×30 اذا ما تبيه مرتفع يتركب بالعرض يعني بارتفاع 30 سنتي
وما يبي قص اذا حوشك انتر لوك واذا بلاط وتبي تقص الي يركب يقص
في الموقع وعلى حسب القياس لكل مكان روح الصناعية شارع 45
متروس محلات ارخص من المحلات الي بشارع سلوى وينفذ لك
القص واذا تبي فرزه بين الالواح القرانيت او شطفة جانبية
طب واختار حتى المساطر الي تركب فوق يسويها لك

قصدك خطوط أُفقية مثل ذي على ما اعتقد .. وبالحجر تطلع حلوه .. بس أي لون تكون أرضية البيت وأي لون يكون حائط الفيلا النعلة الفاصلة لو كانت بلون أسود أو رمادي تبين أحلى وتفصل بين اللونيين.

وعن الصورة اقصد نفسها بس التركيب للخطوط راسي من الاعلى الى الاسفل
والالون الغامقه دائماً احلا لن اغلب الالون للفلل فاتحه وتبقى المسئلة ذوق صاحب
البيت وله الخيار وما انصح اول صف للفلل ان يكون حجر الافضل قرانيت لانه
لا يتغير من الماي والغسيل او الرطوبة الارضية موفق يا باش مهندس :nice:

لبيبة

08-03-2013, 04:05 PM

عجبتني الفكرة، ممكن صور اضافية للنعلات الخارجية؟ شكرا وايد على الموضوع

naklan

08-03-2013, 04:13 PM

احم احم

اخوي معماري جود في رفيجك راعي الاحم احم :)
العلم بين ظلوعه وطريقة التركيب الي انا اقصدها يستخدمونها
اهل الحجر في اول صف ويركبون الحجر فوقها واكيد عنده
صور ولا تروح بعيد يركب لك بعد :nice:

معماري قطري

08-03-2013, 05:27 PM

اخوي معماري جود في رفيجك راعي الاحم احم :)
العلم بين ظلوعه وطريقة التركيب الي انا اقصدها يستخدمونها
اهل الحجر في اول صف ويركبون الحجر فوقها واكيد عنده
صور ولا تروح بعيد يركب لك بعد :nice:

يا اخوي انا شفت الإحم إحم البارحه، وإخونا تاجر ما يقصر .. وودي والله أتعامل معاه بس الشغلة بسيطة وعندي عمال مستعدين يسونها كل اللي علي المواد ... ههههههههه ضحكتني بتعليقك وأكيد إخونا تاجر مبتديء مخلينه لشغل الحجر ولا شيء غير الحجر.

وانا يوم قلت لك قصدك أُفقي يمكن لأن هو الصح الأُفقي ولو سويتها بطريقة رأسية بتكون عطيت إحساس بإرتفاع البيت والمفروض يكون بالأُفقية والعرض، وخصوصاً إنك نظرك يتركز على جزء بسيط تحت وما يتركز على المبنى كامل، فتشوف الإمتداد الأُفقي ولا تشوف الإمتداد الرأسي.

نور الحور

08-03-2013, 08:16 PM

أخوي Chambray .. أنا أقصد ياريت تنفتح مواضيع مثل اللي حاصل في المنتديات الخليجية .. مختصة بتجمع للي يبنون بيت العمر مثلا .. والموضوع مو مقتصر على الأخطاء وكيفية تداركها .. أدري إن في موضوع مثبت هني ومفيد وايد بس ما يتحرك من عدة شهور ..
أنا أقصد تجمع تتم فيه المناقشات والتساؤلات وطرح وتبادل الأفكار .. وايد أفكار أستفدت منها من ذيك التجمعات .. ومو شرط يكون في الموضوع بس أخطاء يتم تفاديها .. لو تدخل واحد من ذيك المنتديات وتشوف حجم الاستفادة اظن بتغير رايك :nice:

حياة

08-03-2013, 09:20 PM

انا مركبتها لفيلتنا وطوفه بيتنا من داخل سيراميك بنفس لون البيت تقريبا وشكلها حلو

naklan

08-03-2013, 11:46 PM

يا اخوي انا شفت الإحم إحم البارحه، وإخونا تاجر ما يقصر .. وودي والله أتعامل معاه بس الشغلة بسيطة وعندي عمال مستعدين يسونها كل اللي علي المواد ... ههههههههه ضحكتني بتعليقك وأكيد إخونا تاجر مبتديء مخلينه لشغل الحجر ولا شيء غير الحجر.

وانا يوم قلت لك قصدك أُفقي يمكن لأن هو الصح الأُفقي ولو سويتها بطريقة رأسية بتكون عطيت إحساس بإرتفاع البيت والمفروض يكون بالأُفقية والعرض، وخصوصاً إنك نظرك يتركز على جزء بسيط تحت وما يتركز على المبنى كامل، فتشوف الإمتداد الأُفقي ولا تشوف الإمتداد الرأسي.

http://www8.0zz0.com/2013/03/08/20/641415917.jpg (http://www.0zz0.com)

شوف اخوي معماري انا نزلت لك صورة اثنين في واحد نسكافيه :nice:
الاول هو التركيب الراسي لاول صف نفس الي في الصورة والثاني شوف الحجر
بعد سنة ويش يصير فيه يملح من الرطوبة الي في الارض ومن الغسيل يمتص
ويصعد الملح في الحجر لذالك بنيت رأيي على تركب اول صف قرانيت :)

Chambray

09-03-2013, 01:29 AM

http://www8.0zz0.com/2013/03/08/20/641415917.jpg (http://www.0zz0.com)

شوف اخوي معماري انا نزلت لك صورة اثنين في واحد نسكافيه :nice:
الاول هو التركيب الراسي لاول صف نفس الي في الصورة والثاني شوف الحجر
بعد سنة ويش يصير فيه يملح من الرطوبة الي في الارض ومن الغسيل يمتص
ويصعد الملح في الحجر لذالك بنيت رأيي على تركب اول صف قرانيت :)

ايش نوع هالحجر ؟؟ انا سمعت ان السوري مايشرب ماي نفس السعودي ؟

معماري قطري

09-03-2013, 02:31 AM

http://www8.0zz0.com/2013/03/08/20/641415917.jpg (http://www.0zz0.com)

شوف اخوي معماري انا نزلت لك صورة اثنين في واحد نسكافيه :nice:
الاول هو التركيب الراسي لاول صف نفس الي في الصورة والثاني شوف الحجر
بعد سنة ويش يصير فيه يملح من الرطوبة الي في الارض ومن الغسيل يمتص
ويصعد الملح في الحجر لذالك بنيت رأيي على تركب اول صف قرانيت :)

صح والله حتى الصبغ العادي يتشرب بالرطوبة وأحسن القرانيت الأسود شيء أكيد .. ومشكور على هالصور التوضيحية .. وواضحة إنها بتكون أحلى لو تم تركيب الحجر بالعرض .. إن شاء الله تاجر مبتديء يعلق على هذي الوضعية

معماري قطري

09-03-2013, 02:35 AM

ايش نوع هالحجر ؟؟ انا سمعت ان السوري مايشرب ماي نفس السعودي ؟

الحجر يا اخوي مسامي وكله يشرب الماي بس بعضه بدرجات أقل وايد .. حتى الرخام والغرانايت بعد بدرجات أقل بكثير من الحجر .. يمكن الأقل تشرب للماء البورسلان.

ZURICH

09-03-2013, 04:05 AM

فكرة النعلات ممتازة ،، تحافظ على الحجر او الصبغ من البقع وتعطي شكل حلو

بالنسبة لبيتي حطيت له نعلات رخام برلاتو سيسيليا ايطالي ،، معروف بقوته

http://www13.0zz0.com/2013/03/09/00/453024360.jpg (http://www.0zz0.com)

http://www13.0zz0.com/2013/03/09/00/747838720.jpg (http://www.0zz0.com)

naklan

09-03-2013, 11:40 PM

ايش نوع هالحجر ؟؟ انا سمعت ان السوري مايشرب ماي نفس السعودي ؟

والله ياخوك ماعاد يبين نوعه من الملح ههههههههههههههه بس اكيد
انه سعودي او سوري شكله سوري والله اعلم ومثل ما قال اخوي معماري
كلهم لهم نسبة امتصاص شي طبيعي لذالك ابعاد الحجر عن الارض
بصف قرانيت يبعده عن الرطوبة والحجر السوري حجر ما يعلا
عليه لك وللزمن وافضل من السعودي بفرق كبير :)

الحجر يا اخوي مسامي وكله يشرب الماي بس بعضه بدرجات أقل وايد .. حتى الرخام والغرانايت بعد بدرجات أقل بكثير من الحجر .. يمكن الأقل تشرب للماء البورسلان.

كلام خبير ولا يعلا عليه :victory:
اخوي معماري اذا بيتك ما عليه حجر ما يلزمك قرانيت
سراميك او برسلان من الانواع المزخرفة بيقوم
بالمهمة وسعره رخيص وتركيبه سهل :)

حسن الاحمد

10-03-2013, 09:35 PM

بالنسبة للغرانيت بعد فترة تروح لمعته من الشمس ولونه بعد غامق والحجر يكون بالعادة ابيض او اصفر فلون الغرانيت يطلع مختلف كلش.

الرخام يمكن يكون حل افضل لان لونه قريب من الحجر وخصوصا الكريم مارفل او سيسيليا مثلا او حتى كارارا ابيض او كلكتا. لكنه غالي مقارنة مع اسعار الحجر .

بالنسبة للحجر : فالحجر السعودي يملح فورا والاردني بعد باستثناء المعان لازم يسحب رطوبة من الدفان تحت الانترلوك ويتشرب ماي بنسبة بسيطة جدا.

اما الحجر السوري فانا اشوفه احسن حل مارح يبقع ولا يتغير لونه ولا يهتري.

http://im35.gulfup.com/HOZxh.jpg (http://www.gulfup.com/?MDETiB)

. هذا حجر سوري اصفر فاتح وفوقه شعيرة 3 سم

حسن الاحمد

10-03-2013, 09:40 PM

http://www8.0zz0.com/2013/03/08/20/641415917.jpg (http://www.0zz0.com)

شوف اخوي معماري انا نزلت لك صورة اثنين في واحد نسكافيه :nice:
الاول هو التركيب الراسي لاول صف نفس الي في الصورة والثاني شوف الحجر
بعد سنة ويش يصير فيه يملح من الرطوبة الي في الارض ومن الغسيل يمتص
ويصعد الملح في الحجر لذالك بنيت رأيي على تركب اول صف قرانيت :)

مساء الخير اخوي نكلان.
الحجر هذا سعودي ومن أرخص انواع الحجر السعودي لأن فيه حجر سعودي اجود من ذه واغلى.

معماري قطري

10-03-2013, 10:27 PM

دايماً النعله يا اخوان تكون فاصل والنعله الخشب داخل البيت تكون بإرتفاع بسيط ولونها غير عن الحائط وغير عن الأرضية.

وصحيح مثل ما قال الأخ تاجر مبتديء الغرانيت يبهت بعد فترة، والأهم تكون طريقة التركيب ونظافته .. لو مثلاً يتم تركيب بلاط على صبية خرسانه أو إنترلوك على صبية خرسانه أتوقع بيخف تأثير الرطوبة على الحائط.

انا ركبت بلاط شعبي إماراتي العريض وعلى 15 سم خرسانه مع فايبر غلاس كتقوية، لكن بعد فترة بينت الرطوبة وبين لون الملح على البلاط وبكثرة واتخيل هذي المشكلة حلها صعب .. باشوف بورسلان للحوائط كنعلات خارجية ولا أحسن أنسى الموضوع صبغ جوتن جوتاشيلد وخلاص من فوق لتحت.

naklan

10-03-2013, 10:54 PM

مساء الخير اخوي نكلان.
الحجر هذا سعودي ومن أرخص انواع الحجر السعودي لأن فيه حجر سعودي اجود من ذه واغلى.

مسساء الانوار اخوي العزيز تاجرمبتدئ
والله ياخوي ماعرفت نوعه من كثر الكلس عليه
انا ركبت حجرسعودي مرة وحده وان شاء الله ما
اركب مرة ثانية الا سوري فرق شاسع حتى
في القص بالقلندر تحس ان السعودي
ينقص بسهولة والسوري يذوب
قرص القلندر صلب كانه
رخام :)

عيون الدوحة

11-03-2013, 12:46 PM

دايماً النعله يا اخوان تكون فاصل والنعله الخشب داخل البيت تكون بإرتفاع بسيط ولونها غير عن الحائط وغير عن الأرضية.

وصحيح مثل ما قال الأخ تاجر مبتديء الغرانيت يبهت بعد فترة، والأهم تكون طريقة التركيب ونظافته .. لو مثلاً يتم تركيب بلاط على صبية خرسانه أو إنترلوك على صبية خرسانه أتوقع بيخف تأثير الرطوبة على الحائط.

انا ركبت بلاط شعبي إماراتي العريض وعلى 15 سم خرسانه مع فايبر غلاس كتقوية، لكن بعد فترة بينت الرطوبة وبين لون الملح على البلاط وبكثرة واتخيل هذي المشكلة حلها صعب .. باشوف بورسلان للحوائط كنعلات خارجية ولا أحسن أنسى الموضوع صبغ جوتن جوتاشيلد وخلاص من فوق لتحت.

الظاهر جي سوي مثلك صبغ وخلاص
الطوفة ماتكلف شي والنعلات الي كنت بحطها طلع المبلغ 47 الف :secret:

حسن الاحمد

11-03-2013, 08:29 PM

الظاهر جي سوي مثلك صبغ وخلاص
الطوفة ماتكلف شي والنعلات الي كنت بحطها طلع المبلغ 47 الف :secret:

47 الف :eek5::eek5:

شدعوة؟؟

معماري قطري

11-03-2013, 09:50 PM

الظاهر جي سوي مثلك صبغ وخلاص
الطوفة ماتكلف شي والنعلات الي كنت بحطها طلع المبلغ 47 الف :secret:

أكيد شافوا بيتكم قالوا ذيلا أغنياء :nice: انا قال لي واحد من الإخوان مقاول بيطلع عليك السعر بسيط .. باشوف شلون بيحسبه وكم بتكون المساحة وإحتمال الصبغ بعد وارد.

انا الصبغ مبدئياً بيكلفني حول 60 ألف جوتاشيلد .. طلع المتر 35 .. شرايكم زين ولا وايد؟ وقبل محصله كنت ب 25.

مهره

18-03-2013, 10:47 PM

فكره والله