ابغي فزعتكم تكفووون ... مع البهق

[نسيم الغربي]

السلام عليكم ورحمة الله



يااهل المنتدى تكفووون ابغي وقفتكم وتجاربكم مع البهق

عندي خالي جالة البهق على كبر

وتعب وهو يراجع ويمر عالدكاتره والي يقولون له سو ليزر والي يقولون له اضرب ابره ووحد اللون وافتك

وجرب الليزر نفخ له جسمة

وجربنا دكتور فالامارات ودكتور فالسعودية ولا في فايده

ياريت الي عنده حل ولا يعرف شخص يفيدنا والله يجزاه ويزا والدية كل خيررر

[خوي الدرب]

فيه دكتور في الرياض اسمه علي زاهر القرني أو أبوعين
اسمع الناس تمدحه

[نسيم الغربي]

جربناه مافي فايده قال للرجال بنوصف لك دوا يوحد اللون ويصير لون الجسم على ون البهق

[<اضرب واشرد>]

الله يشفيه ويعافيه

وراثة ولا غيرها ؟

[حقيقه]

ماشرحت لنا البهق وين بالضبط وهل منتشر بشكل كبير ؟

لي صديقه أظهرت فيها بقعه صغيره ووصف لها الدكتور كريمات خففت منها ورد لونها الطبيعي
بس فيه قليل مايبين إلا بالشمس
وساعات تختفي إذا نفسيتها حلوه

أهم شيء نفسيته لها دور كبير بالعلاج

دكتورها عادل في مستشفى العمادي

[احلى ستايل]

انا اعرف وحدة وصف لها دكتور حرب اللي بالخبر في مستشفى المانع على مااعتقد

كريم يوحد لون الجسم والحين صار لها كم سنة مرتاحة واللون توحد

اذا تبي اسم الكريم بجيبة لك

[نسيم الغربي]

الله يشفيه ويعافيه

وراثة ولا غيرها ؟

له علاقة بالوراثه لكن جاله على كبر قريب ال 40

[نسيم الغربي]

ماشرحت لنا البهق وين بالضبط وهل منتشر بشكل كبير ؟

لي صديقه أظهرت فيها بقعه صغيره ووصف لها الدكتور كريمات خففت منها ورد لونها الطبيعي
بس فيه قليل مايبين إلا بالشمس
وساعات تختفي إذا نفسيتها حلوه

أهم شيء نفسيته لها دور كبير بالعلاج

دكتورها عادل في مستشفى العمادي

لا البهق الي فية منتشر على حبات كبار فالجسم

[الصغيره]

القران

فيه ايه كريمه تقول :
(
فَأَصَابَهَا إِعْصَارٌ فِيهِ نَارٌ فَاحْتَرَقَتْ )
يقراها على البهق وهو يحطيط بالسباب هاليمنى على البهق سبع مرات وهو يقرا ثم ينفث في زيت ويمسح جسمه زيت الزيتون الطبيعي صدقوني هالايه الكريمه جربتها على الحزاز واختفى من ابني فقط ثلاث ايام انت جرب اكثر من مره واكثر وسوف تلاحظ بنفسك

اسال الله لكم الشفاء

[درع الوطن]

وعليكم السلام ورحمة الله وبركاته

فيه كريم جابه لي واحد من الربع من الهند خاص بالبهق
بس المشكله البهق منتشر بشكل كبير والعلاج يبيله صبر وطولة بال وإتباع التعليمات خطوة بخطوة، وإذا تبي الكريم عطني خبر

اختي احلى ستايل ممكن اسم الكريم لو سمحتي

[بوراشد82]

انا اللي اعرفه انه ياخذ كبريت مطحون مع زيت زيتون ويخلطهم ويدهن المنطقة وبيروح البهق بإذن الله