حريم يشربون كرك ولكن !!!!

[حمد 2002]

السلام عيكم ورحمه الله وبركاته

اليوم موضوعي تحت عنوان { حريم يشربون كرك ولكن !!!!}

عندما ذهبت لكي اشرب كرك عند معصره النعيمي بالاند مارك ، وعندما كنت منتظرا بالسياره رأيت حريم مروا بسيارتهم عند كرك النعيمي ولاكنهم لم يطلبو كرك لالا بل توقفو عند سياره اخرى بها شباب وكلا السيارتين فتحو جامه السياره واخذو يتبادلون اطراف الحديث !!! فعلا مازلت متعجب على هذا الموقف الذي رأيته حتى الان ، هل لهذه الدرجه وصلنا ؟!!!

وبعدها ذهبت إلى داخل الاند مارك لأشتري بعض الاغراض ، فمررت باحدى الكوفيات والا رأيت منظر عجيب غريب !! بنات قطريات جالسين بالكوفي شوب على احدى الطولات ، وبالطاوله الي جنبهم مجموعه شباب قطرين بعد ضحك وسوالف ، !! وين راح الخجل والمستحى من هالبنات !!
والله هالمناظر اتعور القلب الصراحه

فعلن زمن عجيب غريب !! ، الله المستعان

سامحوني على الأخطاء الاملائيه بالموضوع لاني اكتب من الجوال = النقال = الموبايل

الموظوع مفتوح للنقاش العام على مصراعيه وبما يتوافق مع سياسه المنتدى

تحياتي لكم

[العلم]

في بلدنا التجرء على الحرمات يحدث أمام أعيننا ولانحرك ساكن ..



اللهم اعف عنا

[al-sadd]

بأكذب علئ نفسي وبقول أنهم غير قطريات

[راشد محمد]

احنا نعيش في زمن العجايب للاسف..لا حيا ولا مستحى..

[النهار]

ياخوي خلها على الله
لوحصلوا حد يربيهم عدل ماشطحوه هالشطحات
اعطاء الحريه بهذه الطريقه مصيره الدمار والخراب لبنات المسلمين

[غزلان]

ماعرف
لأني ماروح محلات الكرك فما شفت الى تقوله

الله يهديهم ويهدينا

[chillis]

هو شي غريب بس مو يمكن من هلهم ؟

[R 7 A L]

يمكن الي عند الكرك فيه
يبون يبيعون سيارتهم:nice:

[عزووز قطر]

هذا ردك في موضوع الاخت اللي تشتكي من الشباب في مكتبها :



اختي مع احترامي لج لازم اتكون اعصابج هادئه ، ومبين عليييج انج ماتتحملين ضغط العمل ، ومب اجتماعيييه ،،
الواحد لازم ايكون ريلاكس بالعمل ، وايكون طيب واجتماعي مع زملاء العمل ،،،،

والصراحه الله يعين بعد المراجعييين اذا بيجوون ايراجعون بمكتبج ههه

تحياتي لج



يمكن يكونون زملاء عمل مثل ماذكرت ونقاشهم وسوالفهم عن العمل !!!!

[النهار]

هو شي غريب بس مو يمكن من هلهم ؟

لايختي هالعاده منتشره من زمان انا صارت معاي ومع ربعي

[Right]

يمكن الهندي حاط شي بالكرك فــ لذلك هستروا !!!

[قطرية مثقفة]

100٪ مش قطريات

[دااانة قطر]

انا سمعت هالكلام من إخواني
للأسف حتى لو طلعت تعرفهم هل بتجرأ تكلمهم أو تكلم ولي أمرهم ؟!

[chillis]

100ظھ مش قطريات

وبس هذي احنا اي شي نقول مو قطريات اصل وليش مافي قطريات يسون جذي قولي الله يهديهم بس ؟

[شموخ]

الله يهديهم ان شاء الله لكن عيب عليهم يسوون جذي ويشوهون سمعتهم وسمعة اهاليهم.الله المستعان..

[pure]

هذا ردك في موضوع الاخت اللي تشتكي من الشباب في مكتبها :






يمكن يكونون زملاء عمل مثل ماذكرت ونقاشهم وسوالفهم عن العمل !!!!

هههههههههههههههههه اخ حمد من بعد هالرد انا غسلت يدي منك :secret:

[chillis]

هههههههههههههههههه اخ حمد من بعد هالرد انا غسلت يدي منك :secret:

قصدك بين التناقض بين مواضيعه ورده هني يالهوي سقطه :secret:

[حمد 2002]

قصدك بين التناقض بين مواضيعه ورده هني يالهوي سقطه :secret:

رجاءا هاذا موضوع جاد وليس شات او هزلي

مع احترامي للجميع يرجى عدم الخروج عن صلب الموضوع

[chillis]

رجاءا هاذا موضوع جاد وليس شات او هزلي

مع احترامي للجميع يرجى عدم الخروج عن صلب الموضوع

احنا بصلب الموضوع وهذي حقيقه :) نشوف هالرد ونشوف مواضيعك حسيت انك شخصين يتكلمون بنفس النك بس :secret:

[<اضرب واشرد>]

الله يعطيك العافية على الموضوع
والله يستر علينا وعلى المسلمين
ويهدينا


هذا ردك في موضوع الاخت اللي تشتكي من الشباب في مكتبها :






يمكن يكونون زملاء عمل مثل ماذكرت ونقاشهم وسوالفهم عن العمل !!!!

الأخ حمد2002
كان يتصنع في رده
ويلعب دور الرأي الآخر
للسخرية

والدليل هذا رده الثاني :

http://www.qatarshares.com/vb/showpost.php?p=8770221&postcount=9

[حمد 2002]

هذا ردك في موضوع الاخت اللي تشتكي من الشباب في مكتبها :






يمكن يكونون زملاء عمل مثل ماذكرت ونقاشهم وسوالفهم عن العمل !!!!

مع احترامي لك اخووي هذاك موضوع ثاني وهاي موضوع ثاني ، وبعدين أنا ردي على الاخت مساعه يحمل بين ثناياه نوع من العتاب لها لانها قبلت بالوضيفه وهي تعلم وتدري بأن هالوضيفه اختلاط فيجب عليها ان تتحمل لان محد غصبها ،،

تحياتي لك ويرجى التركيز على هذا الموضوع والتعليق عليه فقط

[قطريه22]

الله يهديهم

بس ممكن اسألك سؤال اشفايدة الموضوع؟؟ انت قلت الموضوع جاد وللنقاش؟ طيب شنو النقاش الي بتستفيده بعد ماتلاقي الحل المناسب هذا اذا لقيت حل ،،


ماراح تلاقي حل من هالموضوع لان الكل بيدخل وبيقواك انه شاف هالاشكال ومنتشره بكثره ومن هالكلام ، يعني ماراح تتوصل لحل..


احسك كله معصب وتهاوش ،،

وكلامك اسفه بس متناقض جدا

للاسف الموضوع مش هادف ومافي فايده منه وانت كاتب فوق التعليق على الموضوع ؟؟
بتستفيد شي يوم تسمع تعليقات الاعضاء اصلا انت مب معطهم مجال يعلقون

[مشـــــاعر]

ماعندكم سالفة غير البنات والبنات أفففففففففف لين متى يعني ؟؟

البنات هذيلا لو لاقين(رجّال) سنع يربيهم ماسووا هالخرابيط

لكن (الرجال) الحين معطينهم الحرية ووجودهم وعدمه واااااااااااااااحد

ف عدلوا تربيتكم ي (رجال) يتعدلون بناتكم

وشكرا

[حمد 2002]

الله يعطيك العافية على الموضوع
والله يستر علينا وعلى المسلمين
ويهدينا



الأخ حمد2002
كان يتصنع في رده
ويلعب دور الرأي الآخر
للسخرية

والدليل هذا رده الثاني :


http://www.qatarshares.com/vb/showpost.php?p=8770221&postcount=9

مشكور على الأنصاف بالرد وتوصيل الحقيقه للاخوه

تحياتي لك

[pure]

احنا بصلب الموضوع وهذي حقيقه :) نشوف هالرد ونشوف مواضيعك حسيت انك شخصين يتكلمون بنفس النك بس :secret:




قصدك بين التناقض بين مواضيعه ورده هني يالهوي سقطه :secret:

ههههههههههههههههه لا قصدج طلع الصج ,,

[حميداني]

هذا ردك في موضوع الاخت اللي تشتكي من الشباب في مكتبها :






يمكن يكونون زملاء عمل مثل ماذكرت ونقاشهم وسوالفهم عن العمل !!!!

سوء فهمك لرد الرجال ما يدل على ان المشكله من قبله هو
ممكن جداً اتكون المشكله من عقليتك وضيق نظرتك انت أخ عزوز

شخصياً شفته يتكلم بحدود نطاق العمل في ذاك الموضوع والسالفه مو سايبه فهو تكلم
عن التوتر الي جرى في ذاك المكان بين الموظفه والموظف واماكن العمل لازم يكون فيها تبادل احترام من قبل الموظفين مش تناوشات وكيد وضرب مضارب

لازم يكون الي يشتغل مرتاح نفسيا ووسيع الصدر علشان يعرف يشتغل ويتعامل مع الناس دام شغلته تعتمد على هذا الشي
فيداري الناس بنفس طيبه ومسؤوليه

افضل اننا لا نحكم على بعض لاننا ان ابتدينا ما بننتهي

-----

اما صلب الموضوع ... اولاً يجب ان ماندخل في النوايا سبحان الله يطلعون يصيرون لبعض
وممكن انقول ما احسبو نظرات الناس صح , اتصير لكن هالشي مايعني انهم قاضيات خلاص

ان ما كانو وكانو اغراب عن بعض
فهذي وقاحه والوقاحه ترتد على تربية هالبنات سواء كانو قطريات او غير قطريات
أصليات أو تقليد ان تكلمنا بمستوى البعض بعيداً عن الاخلاق العامه والتعاليم الدينيه


الحل

ادعي لهم بالهدايه , والله يستر عليهم كانو من كانو
وان في نفسك شي اتصل على المعاضيد خلهم يتصرفون , فهذي شغلتهم
وشغلتك انك تبلغ عن اي شي تشوف فيه اساءه لنا وللاسلام

وقواك الله

[elders]

يعطيك العافية اخي

هلأ انا مع الامر بالمعروف والنهي عن المنكر والتنبيه على شي غلط ومنتشر متل الحجاب الغلط اوالاختلاط او او ...بس ما بعرف ليش غصيت من هاد الموضوع ،يمكن لانو مو منتشر كتير واقرب انو نادر فهيك مواضيع ممكن تخليه مألوف بمعنى اخر لما يكون الشي انتشارو بسيط بشعر انو سترو اولى ..والله تعالى اعلم بس انا حكيتلك شعوري

تحياتي

[غير البشر]

اخوي حمد ليش الحريم غلطانين بس
حتى الشباب غلطانين بعد لانهم واقفين يسولفون معاهم في مكان عام
الخطأ على الاثنين




وبخصوص الي يقول من اهلهم :omg:
بعد حتى لو خواتهم او اهلهم او من يكونون بعد غلط قدام الشباب والعالم واقفين عند الكرك
يعني الناس اشدراهم ان من اهلهم :omen2:

[غير البشر]

100٪ مش قطريات


اختي حتى ولو ان مب قطريات
الموضوع يعتبر في دينا خادش للحيا ومنقود وكلشي
وعادي في قطريات يسوونها

[حميداني]

اخوي حمد ليش الحريم غلطانين بس
حتى الشباب غلطانين بعد لانهم واقفين يسولفون معاهم في مكان عام
الخطأ على الاثنين




وبخصوص الي يقول من اهلهم :omg:
بعد حتى لو خواتهم او اهلهم او من يكونون بعد غلط قدام الشباب والعالم واقفين عند الكرك
يعني الناس اشدراهم ان من اهلهم :omen2:

ايه لان في ترى مراهقين ما ينتبهون لهالزوايا للاسف فيظنون ما يسوونه عادي

الله يهديهم ان شاءالله ومعاك في الي قلته انه الخطأ على الاثنين وقاحه من الفتاه وقلة مروءه من الفتيان ( ما يستحقون مسمى رجال )
وقلة حياء من الطرفين ان كان ما سووه ما يهيئ لنا

غير ذلك الله يسامحهم وعساهم ينتبهون ان شكلهم ترى غلط

[الخزرجي قطر]

الله يهديهم ويصلحهم ويهدينا جميعا

[جفى الجوارح]

سواد الويه الحين صار عادي وجدام الناس عيني عينك ومن الطرفين سواء بنات ولا شباب , شيء يعور القلب والله

الله يهديهم ان شاء الله

[chillis]

اخوي حمد ليش الحريم غلطانين بس
حتى الشباب غلطانين بعد لانهم واقفين يسولفون معاهم في مكان عام
الخطأ على الاثنين




وبخصوص الي يقول من اهلهم :omg:
بعد حتى لو خواتهم او اهلهم او من يكونون بعد غلط قدام الشباب والعالم واقفين عند الكرك
يعني الناس اشدراهم ان من اهلهم :omen2:

علشان جذي الواحد يخلي فكره نظيف وما نتهم قبل نعدف

[intesar]

أحسن النية أخي.. لعلهم أهل ومعارف..
اتركوا الناس وشأنهم..

[بوحارب]

ياخي بعض البنات والله ودك تروح لين عند موترها وتكتب على الموتر

هذي البنت قليلة أدب :)

يعني ما حلا لها الكرك الا بين الشباب ! ام حق سنع بس

[امـ حمد]

الله يهديهم ويصلحهم

[بصمة قطرية]

اللي إختشوا ماتوا ..
الله يهديهم و يصلحهم
و يحفظ عيالنا و عيال المسلمين ..

[بريق الحق]

ماهي الحلول يا اخ حمد ؟

[باراكودا]

يمكن زملاء في منتخب الرماية .

[ضوى]

الله يهديهم ويصلحهم

والمفروض هالاشياء مانتكلم فيها لانها بتفتح العيون واللي مايدري بيدري ويروح يتطمش ويمكن يصير شي اسوأ ، الستر في هالامور مطلوب مع الدعاء لهم بالهداية

[Miss]

وليش ما حطيت حريم ورجال في العنوان دام الخطأ على الاثنين ولا ماعاد فيه كلمة على لسانك الا الحريم