مستخدمي سيارات السيكويا في قطر ..

[asulaiti]

الإخوة أصحاب السيكويا المتواجدين في قطر ..

في أحد ركب زر التراكشن للسيكويا ؟

ارجو اذا في أحد أن يخبرنا في أي محل ركب الزر ؟
ومن وين اشترى زر التراكشن وباقي أجزاء القطع المطلوبة للتركيب ..

حيث أنني إلى الآن لم أركب الزر .. ولم اجرب الموتر في الرمل ..

وخاطري اروح فيه كشته !! :nice:

بانتظار الاجابة .. والشكر موصول مقدماً لأي عضو يقدر يفيدنا في طريقة الحل ..

وشكراً للجميع ..

[SUKHOI]

مدري اخوي اذا كان مسموح اذكر اسم منتدى اخر او لا
ولكن هناك منتدى معروف يختص بالتويوتا اكثر مايذكرون فيه زر التراكشن في السعودية ولا عندي خبر عنه في قطر
بس السيارة في الرمل ماشاءالله تبارك االرحمن بحكم محركها القوي

[النهار]

مدري اخوي اذا كان مسموح اذكر اسم منتدى اخر او لا
ولكن هناك منتدى معروف يختص بالتويوتا اكثر مايذكرون فيه زر التراكشن في السعودية ولا عندي خبر عنه في قطر
بس السيارة في الرمل ماشاءالله تبارك االرحمن بحكم محركها القوي


مايسمحون ياخوي تحط اسم منتدى اخر
دزله على الخاص اسم المنتدى

[asulaiti]

هلا إخواني ..

عارف اسم ذاك المنتدى .. ومسجل فيه ..
وتكلمت مع الاعضاء هناك عن هذا الامر ،، وهو لابد من تركيب الزر ..
لكن بغيت أعرف هل فيه احد ركب الزر في قطر ؟

لأن الموتر بهذه الطريقة ما ينفع للرمل .. واللي سمعته إن بعضهم غرس بالموتر بسبب خاصية
منع الإنزلاق للي ماتقدر تلغيها في الموتر !!

والله مهزلة هالوكلات عندنا !!

السيكويا اللي في أمريكا يجي معاه هذا الزر من المصنع .. حاله حال كل المواتر اللي فيها دفع رباعي ..
إلا وكيل الشرق الاوسط عندنا ،، يستورد هذه السيارة ويبيعها على الناس بدون هذا الزر ..
علشان ما يميز السيكويا عن الكروزرات في الرمل .. والله لعبة علينا .. اشتري موتر في دبل .. ويغرس بسرعة !!
هو ما شاء الله مكينته قويه وموتر فيه عزم .. لكن للأسف يغرس بسرعة في الطعوس والسبب أن خاصية التراكشن شغالة على طول ..

علشان هذا الامر ابحث عن محل في قطر يركب الزر .. هي الوصلات موجودة في الموتر من المصنع ..
المطلوب فقط كهربائي شاطر يعرف حق المواتر ويركب فيشة الزر مع الفيشة المناسبة في الموتر ... وبس ..