الازواج وزوجاتهم في بيت واحد!!!

[نيساني]

موضوعي يتكلم عن اخوان مع زوجاتهم في بيت واحد :)

لانه عندي واحد من الربع يقولي احنا عادي نجتمع حزة الغدا على صحن واحد !!!:eek5:
ونقعد كلنا في الصاله !!!:eek5:

وواحد ثاني يقول زوجة اخوه حسبت امه يقعد ويسولف معاها لانه من انولد لين وصل عمره 25وهي قدامه:secret:

عن
عقبة بن عامر أن رسول الله صلى الله عليه وسلم قال : "إياكم والدخول على
النساء فقال رجل من النصار: يا رسول الله أفرأيت الحمو؟ قال : الحمو الموت
" رواه البخاري ومسلم. (والحمو هواخو الزوج وما اشبه من اقارب)


وش رايكم في هالكلام ؟؟؟

اتمنى تكون الردود هادفه ومفيده للجميع!!!

وشكراً:)

[التيما]

والله أخوي تربينا مع عمامنا في بيت واحد واحنا صغار ولمن تزوجنا مابغينا بعض لأننا نشوف بعض إخوان .. ترا في ناس جذي بس موضوع الغدا فصحن واحد !!! قوية خبرنا الحريم في البيت والرياييل في الميلس ..

[Aaziz]

رايي طال عمرك ان هذا الامر يتقبله ناس و يستغربون من ينكر عليهم هذا و يرفضه ناس اخرون رفض قاطع.

كلن و على بيئته و على طبعه الي ربا عليه

[حمد 2002]

عادي ، وبعدين الحرمه اكيد بتكون متحجبه ، فأجووف ما فيها شيء

تحياتي لك

[elders]

في عائلات عادي عندهم وناس تانيين مش عادي

والدخول على النساء المقصود فيه بالحديث هو الخلوة بغير المحارم ، مع شوية تنسيق وحذر بعد الاستعانة بالله ممكن يتلاشو هذا الشي

[بوحارب]

اشكرك اخوي نيساني على الطرح الطيب

رأيي في الموضوع ان البنت لابد تستتر من اخو زوجها مثل ما تتستر من الرجل الغريب

لأنه لايحل لها

والموضوع يرجع لغيرة الزوج على زوجة ولحشمة وحياء البنت نفسها!!

تحياتي

[تغلبية]

ممكن الاخوان وزوجاتهم يجتمعون ببيت واحد .. لكن يجتمعون على وجبه ... صعبة صراحة ولا افضلها والافضل الفصل في كل شي .. ماقال عليه الصلاة و السلام الحمو الموت الا من وضع خطر ممكن يحصل جراء هذا الاجتماع ...
مع ان في بيوت كثيرة عادي عندهم .. الحريم مع الرجال على الغداء .. ووقت المباراة .. ووقت العشاء وفي المطعم !:rolleyes2:

[حفيد الأنصار]

الصحيح مثل ماقلت انه مايصير يكشفوون على بعض ..
لكن هذه عادات وتقاليد تربو عليها بعض الناس وكل مين على ماترربى ..
وماتقدرر تغييير رأيهم وتفكيرهم اللحين ..
بالغالب اللي يسوون كذا عندنا هم اخواننا الحضر ..
طبعا الحضر المقصود اللي تجنسو متأخرر واصلهم من تركيا او بلدان عربيه او من دول اسيا ..

[حياة]

اول مره اسمع ان مجموعه اخوان وحريمهم
يتغدون في صحن واحد:omg::omg::omg:
اولا مايجوز شرعا
وثانيا عيب عرفا

[R 7 A L]

اول مره اسمع ان مجموعه اخوان وحريمهم
يتغدون في صحن واحد:omg::omg::omg:
اولا مايجوز شرعا
وثانيا عيب عرفا

بلا موجودة

في المسلسلات

[الحريّه]

لا زالت بعض الأُسر تعيش لذّة الأُسرة الممتدة و تستمتع بها , متّعهم الله بكل خير .
و الأُسرة الممتدة هي النظام الذي كانت تعيشه الأُسر القطرية في السابق. و يتكون هيكل هذه الأُسرة من الأم و الأب و الأبناء و زوجاتهم . و قد يتواجد الجد و الجدة في كثير من الأحيان إذا طال عمرهما.
و كان هذا النظام صمّام أمان لحفظ بقاء الأُسرة و استمرارها بوجود الأب و الأم الكبار يراعون و يتابعون استمرار الأُسر الصغيرة التي تتكون بزواج الأبناء و تواجد زوجاتهم معهم في بيتٍ واحد. و كانت حكمة الكبار هي سبب أساسي في لمّ شمل الأسرة الصغيرة حين حدوث خلافات صغيرة بين حديثي الزواج من الأبناء , فتتدخل الأم بتعليم الزوجة الشابة و الأب بتوضيح الأمور لولده . و كان هذا الكيان سبباً قوياً في استمرار الحياة العائلية الطيبة في الكثير من بلدان الوطن العربي و الخليج ومن بينهم قطر.
كما أن هذا الكيان الطيب على تواجده في بيتٍ واحد , كان يسير بِهَدْيِ الإسلام . و كلنا يعلم أن الكثير من العادات و التقاليد في قطر مصدرها تعاليم الإسلام . لذلك استمرت قوية شامخة.
فكانت النساء - الزوجات - متقيدات بتعاليم الإسلام في حجابهن و سترهن و عفافهن . فأخو الزوج هو الحمو , و هن يعرفن ما هو الحمو . لذلك كان كَمُّ الإختلاط لا يتجاوز التجمع بوجود الشيبة و العجوز و الأم و الأب . و لا خلوة لأن أماكن الخلوة غير موجودة . و عندما تكبر الأسرة الصغيرة , ينتقل عائلها إلى بيت مستقل , ليكمل حياته مع زوجته و أبنائه .
أما الإجتماع على الطعام فكان داااائماً بوجود النساء على صحنٍ و الرجال على آخر. و هذا في معظم - و أكاد أقول جميع - الأُسر القطرية .
قد يكون حال صديقك بسبب ضيق الحال , أو سبب آخر لا تعرفه .
رأيي أنه في حجاب المرأة ستر لها أمام إخوة زوجها و حشمة و مداراة لكرامة زوجها و أبنائها.
تحياتي:discuss:

[Miss]

شدعوه على صحن واحد :eek5:
الله يعطي امهاتنا وابهاتنا طولة العمر ويرحم جداتنا وجدّانا .. جدتي ما كانت تشرب القهوه قدام جدي :(

[لاجل QT]

عادي ، وبعدين الحرمه اكيد بتكون متحجبه ، فأجووف ما فيها شيء

تحياتي لك

صحيح دام مستترة ومافي خلوة عادي

وفي عوايل كلن في صوب

على حسب عوايد كل عائلة

[طبيب قطري]

أولا نسأل الله أن يعينك على الخير وشكرا لطرحك هذا الموضوع..
الإخوان الي يقولون عادي يأكلون من صحن واحد ، الله يهديكم بس على أي أساس تقولون هالكلام وتحللون هالتصرف !؟
أتوقع اذا بياكلون من صحن واحد يعني غالبا راح ينفتح المجال للسوالف والضحك بعد ، هل هذا عادي ؟


عن عقبة بن عامر أن رسول الله صلى الله عليه وسلم قال : " إياكم والدخولَ على النساء ، فقال رجل من الأنصار : يا رسول الله أفرأيت الحمو ؟ قال : الحمو الموت " .

رواه البخاري ( 4934 ) ومسلم ( 2172 ) .

قال النووي :

اتفق أهل اللغة على أن الأحماء أقارب زوج المرأة كأبيه وعمه وأخيه وابن أخيه وابن عمه ونحوهم ، والأختان أقارب زوجة الرجل ، والأصهار يقع على النوعين .

[طير حوران]

لالالالالالالالالالالالالالالالالالالالالالالالالا لالالالالالالالالالالالالالالالالالالا

[الأصيلة]

فعلا كل عائلة وظروفها..
يعني البيت الكبير واللي فيه أكثر من عائلة
مستحيل الوحدة تصك الباب عليها في الغرفة
حتى ماتظهر لاخوان زوجها
وفي نفس الوقت مستحيل هم بعد ينحرمون من بيتهم
والقعدة مع أهلهم عشان زوجة اخوهم..
لذلك أنا أشوف القعده معاهم بأدب وحجاب وستر وبدون مكياج
وبدون ضحك بصوت عالي والتحدث في أمور خاصة..
مافيها شيء وعادي وصراحة كأنهم اخوان ...

[الأصيلة]

اشكرك اخوي نيساني على الطرح الطيب

رأيي في الموضوع ان البنت لابد تستتر من اخو زوجها مثل ما تتستر من الرجل الغريب

لأنه لايحل لها

والموضوع يرجع لغيرة الزوج على زوجة ولحشمة وحياء البنت نفسها!!

تحياتي

نعم الستر مطلوب وهو أساسي ...
لأني سمعت صراحة إن بعض العائلات يقعدون مع بعض كاشفات متبرجات
حتى أفضى ذلك إلى أن يُعجب الأخ بزوجة أخيه او ابن العم بزوجة ابن عمه
وصارت مشاكل كثيرة للأسف....
وكل عائلة حسب تربية أبنائها وبناتها...

[chillis]

عادي دام المره متستره ومحجبه مافيها شي بالنسبه لي

[NINA RICCI]

مايجوز الصراحه , المفروض يتعامل اخو الزوج معاملة الريال الغريب

[m.m.76]

خلكم من الاراء الشخصية ..فقد حسمها الرسول صلى الله عليه وسلم في قوله..((الحمو الموت))
خلكم من السوالف مثل اختي ومثل اخوي حرااااااااام حرام حرام..

[نيساني]

عساكم عالقوه جميع وشرفني مروركم

ومازالت الردود متباينه بين مؤيد ومعارض!

[qatara]

كل وحسب مذهبه
حد مذهبه وسيع وحد محافظ

(الحمو النار)
والعياذ بالله

[تهامي باشا]

أهل زوجتي دوم يعزموني حلى حفلات شوي يسوونها فيها عمام وعمات وخوال وخالات برياييلهم وحريمهم مع بناتهم وأولادهم خلط بلط، وانا كل مرة أتعذر بسالفة عشان ما اروح لاني مو متعود على اجواء المكس

كل عايلة لها عاداتها وتقاليدها المرتاحة فيها والله يسهل على الجميع

[دااانة قطر]

عن نفسي هلموضوع كان مسبب لي أزمه موحد كان مقتنع أني أتغنى لحالي فـâ™،ـي غرفتي








ذكرتوني بأيام مضت

[الخزرجي قطر]

اكيد في ظروف معينه تخليهم ساكنين في بيت واحد

[Locale]

حريم اخواني منقبات بلافعهم وانقاباتهم يقعدون فالصاله جميع وحتى الغدا لين طاح كلهم على سفره وحده .. لاتقولون لي شلون منقاب ويتغدون مع بعض لان اهما جذي ياكلون من تحت النقاب
والصراحه مب عاجبني نظامهم

لكن بيت اهل زوجي مب جذي الحمدلله

اشوف كلن على ماتعود

والصراحه اللي الله مقدره يطلع اول مايتزوج افضل له
لان في بعض العائلات تزعل اذا عيالهم ماتغدوا وياهم
الله المستعان

[Cooki]

اعتقد مافيها شي بس بحدود ..
اهم شي الستر والحشمه وتجنب الخلواات .. حريم اخواني معانا فالبيت ويقعدون معانا على الوجبه وفالجمعه والطلعات بحجابهم ومتسترات واخواني ماينادونهم الا بام فلان .. من باب الاحترام ...
والامور طيبه والحمد لله كلن ملتزم بحدوده ..
لكن اذا بتقطون الخيط والمخيط
والامور سهالات وقعدات ضحك ووناسه والله لو شنو هم ..
الشيطان شاطر وله مداخلة ..
الله يستر علينا وعلى اهلنا وعيالنا

[تغلبية]

بقولكم سالفة للي يقول عادي .. وهذي صايرة لصديقتي .. سامعتها منها باذني

صديقتي هذي متزوجة من ولد عمها .. وام عيال .. وكانت جدا سعيدة في حياتهامع زوجها .. ومتفهمين ورومانسيين لابعد الحدود ..
وكانت هي رومانسية حتى في ترتيبها لبيتها (شقه) .. انيقة وبسيطة .. والمكان اللي ترتبه يطلع حلو .. وطباخها حلو ..
وكان واحد من اخوان زوجها القريب من زوجها يزورهم بين فترة وفترة ..
ويحب يقعد عندهم .. وعادة يعزمونه على غدا وما كان بينهم اي كلام .. غير السلام عليكم السلام شلونك وشلون العيال وام العيال

مات زوجها الله يرحمه ..

وتمت المسكينة تربي عيالها .. ومحافظه على نفسها ..

لين جاءها ذي أخو زوجها (وولد عمها بنفس الوقت) .. واعترف باعجابه بها من حياة زوجها .. وكان يغبط اخوه على سنعها وروحها الحلوة الواضحة في اناقة البيت ونظافته
وكان يقارن بينها وبين زوجته في نفسه !!!!!!
وخطبها فعلا .. لكن ماصار نصيب ..

صدق رسول الله صل الله عليه وسلم " الحمـــو المــــوت"

[Locale]

بقولكم سالفة للي يقول عادي .. وهذي صايرة لصديقتي .. سامعتها منها باذني

صديقتي هذي متزوجة من ولد عمها .. وام عيال .. وكانت جدا سعيدة في حياتهامع زوجها .. ومتفهمين ورومانسيين لابعد الحدود ..
وكانت هي رومانسية حتى في ترتيبها لبيتها (شقه) .. انيقة وبسيطة .. والمكان اللي ترتبه يطلع حلو .. وطباخها حلو ..
وكان واحد من اخوان زوجها القريب من زوجها يزورهم بين فترة وفترة ..
ويحب يقعد عندهم .. وعادة يعزمونه على غدا وما كان بينهم اي كلام .. غير السلام عليكم السلام شلونك وشلون العيال وام العيال

مات زوجها الله يرحمه ..

وتمت المسكينة تربي عيالها .. ومحافظه على نفسها ..

لين جاءها ذي أخو زوجها (وولد عمها بنفس الوقت) .. واعترف باعجابه بها من حياة زوجها .. وكان يغبط اخوه على سنعها وروحها الحلوة الواضحة في اناقة البيت ونظافته
وكان يقارن بينها وبين زوجته في نفسه !!!!!!
وخطبها فعلا .. لكن ماصار نصيب ..

صدق رسول الله صل الله عليه وسلم " الحمـــو المــــوت"

استغفر الله العظيم

[تغلبية]

استغفر الله العظيم

اي والله .. استغفر الله العظيم

لاحظي أختي.. الرسول قال الحمو ... ماقال المراة او زوجة الاخ
لان الرجال يقع في نفوسهم من المراة ما يقع .. واحنا الحريم ياغافلين لكم الله

[Locale]

اي والله .. استغفر الله العظيم

لاحظي أختي.. الرسول قال الحمو ... ماقال المراة او زوجة الاخ
لان الرجال يقع في نفوسهم من المراة ما يقع .. واحنا الحريم ياغافلين لكم الله

صدقتي والله..
وقالها الحبيب صلى الله عليه وسلم (ماتركت بعدي فتنة اشد على الرجال من النساء )

[qatara]

صدقتي والله..
وقالها الحبيب صلى الله عليه وسلم (ماتركت بعدي فتنة اشد على الرجال من النساء )

صدق حبيبي رسول الله
انشهد انها فتنه ما بعدها فتنه
وبالفعل انها الاشد

[Al-Kuwari]

مـصـخـرة !!

[العقل المدمر]

والله حتى لو بحجابي ومتستره بستحي بصراحه
احسن شي الواحد مايدري عن حريم اخوانه
والوحده ماتدري عن رياييل اخوانها
احس وايد تصير مقارنات بينهم حتى لو في نفسهم

[دااانة قطر]

بقولكم سالفة للي يقول عادي .. وهذي صايرة لصديقتي .. سامعتها منها باذني

صديقتي هذي متزوجة من ولد عمها .. وام عيال .. وكانت جدا سعيدة في حياتهامع زوجها .. ومتفهمين ورومانسيين لابعد الحدود ..
وكانت هي رومانسية حتى في ترتيبها لبيتها (شقه) .. انيقة وبسيطة .. والمكان اللي ترتبه يطلع حلو .. وطباخها حلو ..
وكان واحد من اخوان زوجها القريب من زوجها يزورهم بين فترة وفترة ..
ويحب يقعد عندهم .. وعادة يعزمونه على غدا وما كان بينهم اي كلام .. غير السلام عليكم السلام شلونك وشلون العيال وام العيال

مات زوجها الله يرحمه ..

وتمت المسكينة تربي عيالها .. ومحافظه على نفسها ..

لين جاءها ذي أخو زوجها (وولد عمها بنفس الوقت) .. واعترف باعجابه بها من حياة زوجها .. وكان يغبط اخوه على سنعها وروحها الحلوة الواضحة في اناقة البيت ونظافته
وكان يقارن بينها وبين زوجته في نفسه !!!!!!
وخطبها فعلا .. لكن ماصار نصيب ..

صدق رسول الله صل الله عليه وسلم " الحمـــو المــــوت"



فعلا سمعنا وشفنا نااس تقاارن بمجرد ماتحس بالنقص
الله المستعاان

[ام السعف]

الحين الاختلاط ماخذ من المجتمع مأخذ ،، ويقولون لك دام المراة ساترة نفسها
محد له شي عندها ،،

بنتكلم عن اجتماع الاخوان وزوجاتهم على الغدى ؟


اللي ما يمانع من الاختلاط في العمل ،، اشوف ما يصير يمانع من مثل
هالاجتماعات في البيت الواحد ،،

اما اللي يعمل في الدين في الاختلاط فله الحق انه ينادي بحديث الرسول
صلى الله عليه وسلم ،،

يمكن كلامي ما بيعجب ناس كثار ،، بس الغلط غلط
سواء في الاختلاط الحاصل او وجود الحمو في مكان واحد وضحك
وسوالف وغشمرة ،،

انتهى

[ام السعف]

عساكم عالقوه جميع وشرفني مروركم

ومازالت الردود متباينه بين مؤيد ومعارض!

اخوي بالنسبة لي مب معارضة على شرط الوحدة تحشم نفسها
وتستر عمرها وما تتزين ،،
ولكل بيت ظروفه الخاصة اللي احنا مانقدر نتحكم فيهم،،

الأهم الواحد يكون حريص انه ما يمصخها ويحط حواجز في الكلام
والسوالف والغشمرة و...... و.......

[أسد الجزيرة]

( الحمو الموت ) صدق رسول الله صلى الله عليه و سلم

قصة صارت انه اخوان و زوجاتهم يجلسون كاشفات في مكان واحد افضى الى الزنا بين الاخ و زوجة اخيه بدون علم الزوج و السبب الاعجاب

[عبدالعزيز الهتمي]

الحين الاختلاط ماخذ من المجتمع مأخذ ،، ويقولون لك دام المراة ساترة نفسها
محد له شي عندها ،،

بنتكلم عن اجتماع الاخوان وزوجاتهم على الغدى ؟


اللي ما يمانع من الاختلاط في العمل ،، اشوف ما يصير يمانع من مثل
هالاجتماعات في البيت الواحد ،،

اما اللي يعمل في الدين في الاختلاط فله الحق انه ينادي بحديث الرسول
صلى الله عليه وسلم ،،

يمكن كلامي ما بيعجب ناس كثار ،، بس الغلط غلط
سواء في الاختلاط الحاصل او وجود الحمو في مكان واحد وضحك
وسوالف وغشمرة ،،

انتهى

+ 1 اتفق معا هذا الرد

[أسد الجزيرة]

الحين الاختلاط ماخذ من المجتمع مأخذ ،، ويقولون لك دام المراة ساترة نفسها
محد له شي عندها ،،

بنتكلم عن اجتماع الاخوان وزوجاتهم على الغدى ؟


اللي ما يمانع من الاختلاط في العمل ،، اشوف ما يصير يمانع من مثل
هالاجتماعات في البيت الواحد ،،

اما اللي يعمل في الدين في الاختلاط فله الحق انه ينادي بحديث الرسول
صلى الله عليه وسلم ،،

يمكن كلامي ما بيعجب ناس كثار ،، بس الغلط غلط
سواء في الاختلاط الحاصل او وجود الحمو في مكان واحد وضحك
وسوالف وغشمرة ،،

انتهى

اتفق معاج

[ام السعف]

+ 1 اتفق معا هذا الرد

+1


اتفق معاج

+2

زاد الله منا زادنا

رقم 100 له هدية من عندي :shy:

[الزعفراني]

السوالف ذي ما كنا نسمع فيها الا من عقب المسلسلات الخليجية اللي نشوفها ..

[Rider]

انا استغرب من اخوي العضو حمد الي مواضيعه كلها ضد النساء وجاء على هالموضوع وقال عادي مافيها شي ياكلون في صحن واحد مهما يكون زوجة اخوي مراة غريبة ومالي حق اجلس معها على صحن واحد

[ضوى]

مدري بهالشي لاني ما عشته ، كانت لي خصوصيتي ، بس كنا نتجمع ببيت ابوي رحمة الله عليه مع اخواني وزوجته وزوجي وزوج اختي الكبيرة بحكم كبار بالسن بس الصراحة حتى مع يمعتنا كانوا الرجال بصوب عالصفرة والحريم بصوب وصادين عن الروية المباشرة ، وطبعا هالشي بمناسبات معينة مب كل وقت

لكن ارد واقول مانعرف ظروف الناس يمكن الابو متعود على الوجبه مع عياله ويحب يمعتهم عالسفرة فما نقدر نعيب فيهم دام في وقت معين وبحشمة وستر وبدون مياعة

[أم نواري1]

مدري بهالشي لاني ما عشته ، كانت لي خصوصيتي ، بس كنا نتجمع ببيت ابوي رحمة الله عليه مع اخواني وزوجته وزوجي وزوج اختي الكبيرة بحكم كبار بالسن بس الصراحة حتى مع يمعتنا كانوا الرجال بصوب عالصفرة والحريم بصوب وصادين عن الروية المباشرة ، وطبعا هالشي بمناسبات معينة مب كل وقت

لكن ارد واقول مانعرف ظروف الناس يمكن الابو متعود على الوجبه مع عياله ويحب يمعتهم عالسفرة فما نقدر نعيب فيهم دام في وقت معين وبحشمة وستر وبدون مياعة


معاج بالرأي
+ 1

[العقل المدمر]

+1



+2

زاد الله منا زادنا

رقم 100 له هدية من عندي :shy:


اعتبريني عن 98 شخص فبكون رقم 100 وانتي كريمه وانا استاهل :shy:

[ام السعف]

اعتبريني عن 98 شخص فبكون رقم 100 وانتي كريمه وانا استاهل :shy:

ياضارة

من 2 طرتي لين 98
قوية ما اقدر استوعب هالحركة :(

[العقل المدمر]

ياضارة

من 2 طرتي لين 98
قوية ما اقدر استوعب هالحركة :(


افا :(
توقعت عقب هالرد بخمس دقايق
بيوصلني مسج من البنك
حاطين فحسابي مليون
ماتوقعتج جي
الله يسامحج :(

[ام السعف]

افا :(
توقعت عقب هالرد بخمس دقايق
بيوصلني مسج من البنك
حاطين فحسابي مليون
ماتوقعتج جي
الله يسامحج :(

تقول مليون

تبيني انجلط ؟:weeping:

[العقل المدمر]

تقول مليون

تبيني انجلط ؟:weeping:


لا اسم الله عليج الله يحفظج ويخليج لنا :weeping:

[ام السعف]

لا اسم الله عليج الله يحفظج ويخليج لنا :weeping:

زين جذيه
فرحتيني:p

[نيساني]

بقولكم سالفة للي يقول عادي .. وهذي صايرة لصديقتي .. سامعتها منها باذني

صديقتي هذي متزوجة من ولد عمها .. وام عيال .. وكانت جدا سعيدة في حياتهامع زوجها .. ومتفهمين ورومانسيين لابعد الحدود ..
وكانت هي رومانسية حتى في ترتيبها لبيتها (شقه) .. انيقة وبسيطة .. والمكان اللي ترتبه يطلع حلو .. وطباخها حلو ..
وكان واحد من اخوان زوجها القريب من زوجها يزورهم بين فترة وفترة ..
ويحب يقعد عندهم .. وعادة يعزمونه على غدا وما كان بينهم اي كلام .. غير السلام عليكم السلام شلونك وشلون العيال وام العيال

مات زوجها الله يرحمه ..

وتمت المسكينة تربي عيالها .. ومحافظه على نفسها ..

لين جاءها ذي أخو زوجها (وولد عمها بنفس الوقت) .. واعترف باعجابه بها من حياة زوجها .. وكان يغبط اخوه على سنعها وروحها الحلوة الواضحة في اناقة البيت ونظافته
وكان يقارن بينها وبين زوجته في نفسه !!!!!!
وخطبها فعلا .. لكن ماصار نصيب ..




صدق رسول الله صل الله عليه وسلم " الحمـــو المــــوت"



قصه جداً مؤثره ونسئل الله العفو والعافيه

وشكراً اختي على المداخله:)

اما بخصوص اختنا ام السعف كلامها جداً منطقي:)

وشكراً للجميع دون استثناء:)

[روح الاطلس]

بصحن واحد!! اخاف ماعندهم صحون بس :)

[R 7 A L]

بصحن واحد!! اخاف ماعندهم صحون بس :)

يمكن القصد
نفس الصحن بعد مايخلصون من الرجال
يودونه للحريم ويأكلون فيه :tease:

[المحاميه]

في ناس عندها عادي هالشي

بس انا ماحب واتضايق تحس الوحده مب ماخذه راحتها مع ان في ناس عادي ياخذون راحتهم ولا يفتكرون

[متفائل وايد]

انا لا اويد ان يتم اجتماع الرجاجيل والرحيم على مائدة واحده
وانا واخوي في بيت واحد ومتزوجين بس مافيه اي اجتماع او نقاش ما بين الحمو وزوجه الاخ
وتقبلوا مروري

[ضوى]

يمكن القصد
نفس الصحن بعد مايخلصون من الرجال
يودونه للحريم ويأكلون فيه :tease:

طيب هذا اللي يصير ببعض الحالات

[R 7 A L]

طيب هذا اللي يصير ببعض الحالات

وانا اقول يمكن هذا الى يقصدة راعي الموضوع

[ضوى]

وانا اقول يمكن هذا الى يقصدة راعي الموضوع

لا مستحيل انه سيقصد هالشي شنهو العيب في هذا ؟؟

[R 7 A L]

لا مستحيل انه سيقصد هالشي شنهو العيب في هذا ؟؟


او يمكن يقصد ان الاسرة كاملة مجتمعين على طاولة طعام مثل المسلسلات الخليجية

[ام السعف]

او يمكن يقصد ان الاسرة كاملة مجتمعين على طاولة طعام مثل المسلسلات الخليجية

يقصد كلهم على سفرة وحدة ،، ويمكن ياكلون من صحن واحد،،
والصحن المقصود الصينية اللي تنجب فيها العيش ،،

[R 7 A L]

يقصد كلهم على سفرة وحدة ،، ويمكن ياكلون من صحن واحد،،
والصحن المقصود الصينية اللي تنجب فيها العيش ،،

يعني من نفس الـ ( ودام ) يأكلون :omg:
وبنفس الوقت والمكان والزمان !

[موووج قطر]

أنا اعرف عيله..
ابو البنات مستضيف نسايبه في البيت
يعني عايشين عند ابو زوجاتهم
وهم ثلاث خوات ماخذين ثلاث أخوان
و حياتهم حلوه واليهال لهم سفره عيش و روب و يتنافسون عشان كل واحد يخلص قبل الثاني
و الابو و نسايبه و حريمهم و أخوانهم و الام على الطاوله :)
مادري احسهم وايد مترابطين ..
عندهم وقت الغدا مقدس
موب احنا الحين كل واحد ياكل بروحه ..
الزوجه اتخلص الساعه 3
الزوج يخلص 1 ونص
العيال ليمن يوصلون من المدارس 2
اذا احنا في البيت الواحد مانجتمع الا يوم الجمعه ..
وحنا مجرد أخوان

مادري .. من وجهة نظري .. عادي
على حسب تربيه الابناء و ترابطهم .. و بالاول و الاخير الخوف من الله


اسمحولي على الاطاله ..

[ام السعف]

يعني من نفس الـ ( ودام ) يأكلون :omg:
وبنفس الوقت والمكان والزمان !

ايــه ،، واعرف ناس وايد يتبعون نفس الطريقة

[شبح الصمت]

ان اجتمعوا قلتم اجتمعوا وطلعتم الشكوك في البعض !!

وان ما اجتمعوا قلتم اسر متفككه !!!

شالسالفه يعني ..:anger1:

في رياجيل يجتمعون بروحهم والحريم بروحهم

وفي ناس خلاص مع بعض أسرة وحده تعودوا على هالشيء

ترى الدنيا عآدها بخير والعرب عادهم حافظين نفسهم والستر والحشيمه كلن على ما تربى عليه !!

غريب حال الدنيا

نمشي على كف القدر والا ندري وش المصير

حياتنا صارت ذم وحش ونقد ماله اي تبرير

اتقوا الله يلي تكلمون في عروض الحريم

مقيوله كما تدين تدان واستغفر ربك الكريم

[R 7 A L]

ايــه ،، واعرف ناس وايد يتبعون نفس الطريقة

اكبر غلط

[ام السعف]

اكبر غلط

اتفق معاك

بس الغلط صاير مستشري فينا في اغلب امورنا للاسف الشديد

[رمح الضعاين]

موضوعي يتكلم عن اخوان مع زوجاتهم في بيت واحد :)

لانه عندي واحد من الربع يقولي احنا عادي نجتمع حزة الغدا على صحن واحد !!!:eek5:
ونقعد كلنا في الصاله !!!:eek5:

وواحد ثاني يقول زوجة اخوه حسبت امه يقعد ويسولف معاها لانه من انولد لين وصل عمره 25وهي قدامه:secret:

عن
عقبة بن عامر أن رسول الله صلى الله عليه وسلم قال : "إياكم والدخول على
النساء فقال رجل من النصار: يا رسول الله أفرأيت الحمو؟ قال : الحمو الموت
" رواه البخاري ومسلم. (والحمو هواخو الزوج وما اشبه من اقارب)


وش رايكم في هالكلام ؟؟؟

اتمنى تكون الردود هادفه ومفيده للجميع!!!

وشكراً:)

طيب وين الشي الغريب

انا ساكن بيت اهلي من زمان وعيالي كلهم معاي ومايصير شي بالبيت إلا انا على علم به الحمد لله ومستحيل اطلع عنهم

الحمد لله مازالت الاسر بخير طالما الرجل مايقط اذنه لسوالف الحريم وحركات بعض الزوجات الي يحاولون يفرقون الرجل عن أهله




اخوكم

[ضوى]

اكبر غلط

انت تشوفه غلط غيرك يشوفه صح وغيرنا يشوفه نص ونص ، تبقى قناعات ، مالنا حق نقول غلط وصح دام الشي يصير في مجتمعنا

[R 7 A L]

انت تشوفه غلط غيرك يشوفه صح وغيرنا يشوفه نص ونص ، تبقى قناعات ، مالنا حق نقول غلط وصح دام الشي يصير في مجتمعنا



لا والله اختي ضوى
الغلط بنقول عنه غلط
والصح بنقول عنه صح

وين الحياء وين المستحى وين غيرة الزوج

واذا بتقولون من زمان والناس كذا
بنقول زمان اول غير والحين غير

[ام السعف]

لا والله اختي ضوى
الغلط بنقول عنه غلط
والصح بنقول عنه صح

وين الحياء وين المستحى وين غيرة الزوج

واذا بتقولون من زمان والناس كذا
بنقول زمان اول غير والحين غير

اختلف مع ضوى ،، من حقك تقول انه غلط دام انك تشوفه غلط
ومن حقك تثار غيرتك في مثل هالمواضع دام انك تشوفها غلط ،،

في الوقت نفسه اتفق مع ضوى في ان لكل بيت ظروفه
فهناك حدود للتواجد الحاصل واذا زاد عن الحد المسموح فيه
اهنيه نقول الغيرة راحت فيها خلاص ،،

[R 7 A L]

اختلف مع ضوى ،، من حقك تقول انه غلط دام انك تشوفه غلط
ومن حقك تثار غيرتك في مثل هالمواضع دام انك تشوفها غلط ،،

في الوقت نفسه اتفق مع ضوى في ان لكل بيت ظروفه
فهناك حدود للتواجد الحاصل واذا زاد عن الحد المسموح فيه
اهنيه نقول الغيرة راحت فيها خلاص ،،

والي راضين على هالوضع شينتظرون !!

ينتظرون تصير اخطاء على شان يتوقفون عن هالشي !

[ضوى]

لا والله اختي ضوى
الغلط بنقول عنه غلط
والصح بنقول عنه صح

وين الحياء وين المستحى وين غيرة الزوج

واذا بتقولون من زمان والناس كذا
بنقول زمان اول غير والحين غير

اخوي رحال مالنا نتدخل بطبايع بعض الاسر وقناعتهم ، والله يا اني اتذكر من ثلاثين والا 32 سنة تقريبا اني كنت على سفرة واحدة مع ناس واايد في الفريج منهم وشنهو علاقتنا فيهم مدري بس الاكيد مب اهل ، ليش نقول الحين غير واول غير اذا القلوب طاهرة ونقية ، ليش لازم احط محاذير وشكوك واقول هذا يناظرني باعجاب وهذا بشغف وهذا وهذا ، سلامة النية تريح القلب طبعا فيه استثناءات للامور الخارجة الواضحة للعيان ولكن في المجمل ماشوف فيها شي ، مرت اخوي الله يرحمه ويغفر له تنزل هي وعيالها ونتجمع على سفره واحدة مع اخوي وابوي رحمة الله عليهم بس بحجابها وصوتها مايطلع الا اذا بغت شي من عالسفرة ،

[أسد الجزيرة]

قبل ثلاثين سنة كنتي ياهل توج صغيرة

[R 7 A L]

اخوي رحال مالنا نتدخل بطبايع بعض الاسر وقناعتهم ، والله يا اني اتذكر من ثلاثين والا 32 سنة تقريبا اني كنت على سفرة واحدة مع ناس واايد في الفريج منهم وشنهو علاقتنا فيهم مدري بس الاكيد مب اهل ، ليش نقول الحين غير واول غير اذا القلوب طاهرة ونقية ، ليش لازم احط محاذير وشكوك واقول هذا يناظرني باعجاب وهذا بشغف وهذا وهذا ، سلامة النية تريح القلب طبعا فيه استثناءات للامور الخارجة الواضحة للعيان ولكن في المجمل ماشوف فيها شي ، مرت اخوي الله يرحمه ويغفر له تنزل هي وعيالها ونتجمع على سفره واحدة مع اخوي وابوي رحمة الله عليهم بس بحجابها وصوتها مايطلع الا اذا بغت شي من عالسفرة ،

ضوى الله يرضى عليك
اول والله غير
قلوب الناس ونياتهم وحبهم وتصرفاتهم غير
الحين كل شي صار مفتوح والفتن كل مالها تزيد الله يدفع البلاء

زوجة اخوك مافيها شي لو نزلت واكلت مافيه الا زوجها وعمها وكلهم من المحارم

الى نقصد صحن واحد وفيه كذا اخ وزوجاتهم مع بعض

[حمد 2002]

الحين مافيه صحن واحد للأسف نفس قبل ،، الحين كله طاولات طعام ، وكل واحد ياخذله اكل بصحن خاص فيييه

بالفعل عادات قبل افضل بكثير من الآن ، لأن بالاكل بركه اكثرررررررر

[ام السعف]

والي راضين على هالوضع شينتظرون !!

ينتظرون تصير اخطاء على شان يتوقفون عن هالشي !

شوف هم ما يشوفون نفوسهم غلط و يتصرفون على اسس
ان كل يعرف حلاله وماله خص في حلال غيره ،،

تلقى الحريم محترمين نفوسهم وتعاملهم مع احماءهم في حدود ضيقة
من غير سوالف وضحك وغشمرة ،،

وفي ناس لا فاتحينها على البحري ،،

فاحنا نقول غلط في امور وصح في امور وغيرنا يقول غلط في الأمور
وفي الأخير نسأل الله السلامة من الشرور ،،

[حميداني]

الحمو الموت ، هذي في اختلاء الزوجه مع الاقارب او الزوج مع اقارب زوجته مثل ما ذكر بعض اهل العلم

ثانياً تعميم بعض الحالات الفرديه على جميع الحالات بحاله خطأ كبير ، كأنك تقةل فلانه صار معاها كذا فاكيد هذا شي يصير مع الكل

حاب اوضح ان الموضوع اقرب بخروج الزوجه او الزوج عن اطار الحدود ، فحتى ان ما كان الغدا معهم على طبق واحد مثل ما يقول البعض وكانت مجرد زيارات عائليه ،ان تعدت الحديث مع من يحرم عليها حدود الحيا مثل سوالف الربع والمزح فيما بينهم ونزلت الكلافه ، فمحد يستغرب ان يقع شي في نفس هذا الشاب والعكس صحيح

وان كانت مقارنة هذا الشاب للفتاه بحسن معاملتها للزوج وحسن تنسيقها وترتيبها لبيتها ،أجل لا انشوف الزوجات يرتبن البيوت او المجالس بعد اليوم خوفا من ما يشوفه الناس من حظ ملكته من رب العالمين مع هذي الزوجه الطيبه او حتى ان كانت زوجتك كفو واحبيت تمدحها ولا حاجه امام ابوك علشان ترفع شي من شانها وتوري تقديرك لهالبنت فجت الفكره ان هذي البنت متميزه ونعم الزوجه وان تمت المقارنه فهي للغيره الي انعم بها رب العالمين شخص فبعد وفاته حب هذا الشخص انه يتزوج* على سنة الله ورسوله ويشتر على زوجة اخيه ويعيشها حياه كريمه ، من يدري ان كانت هالعايله عندها اطفال واتعودو هالاطفال على حياة البيت هذي والقرب العائلي ... ودانه الزواج حصل برضاها فهي راضيه بهذا الرجل البعض يحب يلفت الانتباه والبعض يكبر شي اكبر من ما هو عليه


واللي يقولك ويصنف الحضر كذا والبدو كذا ، هذا واحد مب عارف وين الله قاطه

البدوي هو من انولد وعاش حياة البداوي والحضري من عاش الحضاره مش اصل وفصل ومادري ايش ، فكم من شخص ابوه وجد جده ابدوي لكنه اتولد عاش الحضاره فهو احضري اعجبه هذا الكلام ولا ما اعجبه ، اابداوه والحضاره طريقه في العيش مش .. المهن

القدامى من اهل البحر واهل المدن اختلفت عاداتهم عن اهل البر البدو ، فخلط المواضيع بعضها ابعض ابد مابه داعي وعادات الناس وبما فيها عتدنا تختلف فلاحد يدخل موضوع بموضوع ثاني لاجل ما نتشعب

والي ما اعتاد على هذا الشي واستقبحه هذا يخصه وحده
والي عايشه وشافه وماشاف عليه باس ولاهو شرعاً حرام ولا عرفاً عيب والاعراف تختلف والتوجهات الدينيه من متشدد الى متوسط الى متساهل تختلف ، حتى بهذي الوجهات تختلف والثابت واضح والغير لا تفرضه بافتراضاتك او بمن تصدق على الغير

ما اتصدق وماتشوفه من ما تعودت عليه من مايشوفه اكثار انه مابه من الدين شي اكثر انه مجرد عاده وثقافه اعتاد عليها البعض ، فهي تحترم وغيرها هم يحترم

وبالنهايه رايي ابد مافيها شي وماعند البعض الا مجرد تهويل

وتسلم على الموضوع اخوي نيساني

[R 7 A L]

شوف هم ما يشوفون نفوسهم غلط و يتصرفون على اسس
ان كل يعرف حلاله وماله خص في حلال غيره ،،

تلقى الحريم محترمين نفوسهم وتعاملهم مع احماءهم في حدود ضيقة
من غير سوالف وضحك وغشمرة ،،

وفي ناس لا فاتحينها على البحري ،،

فاحنا نقول غلط في امور وصح في امور وغيرنا يقول غلط في الأمور
وفي الأخير نسأل الله السلامة من الشرور ،،



نسأل الله السلامة

[بوخالد2]

يجتمعون و مافيها شي

ولكن على الغدا من الحين ياكل من نفس الصحن كلن له صحنه قدامه و ياخذ و يحط له و ياكل بصحنه مب صحن مشترك للجميع

وثاني شي اكيد يعني بيكونوا متسترين و محجبين مستحيل كلن منهم مفرعه براسها و قاعد تاكل قدام اخو زوجها اكيد مستحيل


عيل جمعه الاهل يوم الجمعه في بيت الاب شلون ليكون حرام بعد ؟

[أسد الجزيرة]

بعد زواج عشر سنين ما ارضى حد من اخواني يطالع وجه زوجتي فكيف ناكل على سفرة وحدة

[بوخالد2]

بصحن واحد!! اخاف ماعندهم صحون بس :)

ههههههههههههه

يفكون نفسهم يحطون الحراره و كلن ياخذ من الغدا و ياكل بصحنه

يمدحون رامز اذا ماعندهم صحون

[ام السعف]

نسأل الله السلامة

اللهم آمين

[مــاي ورد]

خربطيشن شهالمنكر بعد عشنا و شفنا

[غزلان]

اشكرك اخوي نيساني على الطرح الطيب

رأيي في الموضوع ان البنت لابد تستتر من اخو زوجها مثل ما تتستر من الرجل الغريب

لأنه لايحل لها

والموضوع يرجع لغيرة الزوج على زوجة ولحشمة وحياء البنت نفسها!!

تحياتي


انا مع هالرأي:nice:

[أخت الكل]

استغفر الله ولا عمرها صارت أخوي انهم ياكلون مع بعض اصلا انا ما اتخيل اكل قدام واحد مو من محارمي

احنا الرجال في مجلسهم والحريم كل وحدة في ملحقها والطبخ كل يوم على وحدة من الحريم

[نوار قطر]

اول مره اسمع ان مجموعه اخوان وحريمهم
يتغدون في صحن واحد:omg::omg::omg:
اولا مايجوز شرعا
وثانيا عيب عرفا

لا هالكلام موجود حبيبتي وانا كنت مثلج مستغربه بس وحده من صديقاتي تقول انا وحمواني وحريم حمواني نقعد على منچب واحد انتغدى كلنا مع بعض والي صدمني اكثر تقول نتغشمر مع بعض :rolleyes2: سالتها شلون تقدرون وشلون تاخذون راحتكم تقول عادي تعودت عليهم وهم مثل اخواني ،،، باختصار كل واحد وحسب بيئته الي تربى فيهااا

[Al-Kuwari]

لا هالكلام موجود حبيبتي وانا كنت مثلج مستغربه بس وحده من صديقاتي تقول انا وحمواني وحريم حمواني نقعد على منچب واحد انتغدى كلنا مع بعض والي صدمني اكثر تقول نتغشمر مع بعض :rolleyes2: سالتها شلون تقدرون وشلون تاخذون راحتكم تقول عادي تعودت عليهم وهم مثل اخواني ،،، باختصار كل واحد وحسب بيئته الي تربى فيهااا

:rolleyes2:

بسنااااااا خرااااااااابيط !!

[نوار قطر]

:rolleyes2:

بسنااااااا خرااااااااابيط !!

انا شيخصني هي تقول :secret: هي حيااتهم جذي تناقشت معاها بس مافي فايده هي مقتنعه ان هالشي عادي بالنسبه لهم

[Al-Kuwari]

انا شيخصني هي تقول :secret: هي حيااتهم جذي تناقشت معاها بس مافي فايده هي مقتنعه ان هالشي عادي بالنسبه لهم

الله يستر علينا وعليهم

والله لا يبلانا

راحت النخوة و راحوا الرجاجيل !!

[نوار قطر]

الله يستر علينا وعليهم

والله لا يبلانا

راحت النخوة و راحوا الرجاجيل !!

اللهم امين
عشان جذي اقولك كلن وتربيته ،،، الي احنا نشوفه صح عند البعض غلط والمفروض مايصير ،، والي هم يشوفونه صح عندنا احنا غلط وعيب ،،،

[qatara]

شي غريب تتجادلون في شي
نهي عنه الله ورسوله

الحمو النارررررررررر

[نوار قطر]

شي غريب تتجادلون في شي
نهي عنه الله ورسوله

الحمو النارررررررررر

بالضبط الحمى ى ى ناااااار الله يستر علينا وعلى امة محمد

[mubarak750]

لا هالكلام موجود حبيبتي وانا كنت مثلج مستغربه بس وحده من صديقاتي تقول انا وحمواني وحريم حمواني نقعد على منچب واحد انتغدى كلنا مع بعض والي صدمني اكثر تقول نتغشمر مع بعض :rolleyes2: سالتها شلون تقدرون وشلون تاخذون راحتكم تقول عادي تعودت عليهم وهم مثل اخواني ،،، باختصار كل واحد وحسب بيئته الي تربى فيهااا



الحريم ما ينشره عليهم, المصيبه اذا الرجال عندهم عادي, تبا لهذا النوع من الرجولة,