$$ موقف يعور القلب $$

[ضوى]

بالامس كنت اتعشى بمطعم لينترو مع العايلة الكريمة ، اثناء انتظار طلباتنا لفت انتباهي بنتين معاهم شغالة ، البنتين قعدوا على طاولة والشغالة قعدت على كرسي الانتظار عند باب الدخول ، قلت يمكن بيطلبون لها عشا ويطرشونه لها تاكله عالسريع ،لكن للاسف فوق الساعة والشغالة جالسه بمكانها واشوفها تنود ،كسرت خاطري وكان خاطري اكسر عين معزبينها واطلب لها عشا لكن خفت الشغاله تحرجني وماترضى او اني اسمع كلمتين من معزبتها والمطعم متروس اوادم

بعد ماخلصوا طلعوا جدامها وهي زي العبدة وراهم

تناقشت مع اللي كانوا معاي طبعا لاحظوا هالشي مثلي وواحدة منهم قالت لي ماظن انه ماعندهم قدرة ماليه اللي يجي هالمكان عنده خير ،وردت واحدة ثانيه وقالت لي برستيجهم مايسمح لهم تقعد معاهم على طاولة واحدة وبعداقول مب عذر اقدر اخليها بطاولة ثانيه واطلب لها عشا المهم تتعشى حالها حالهم !!


اشرايكم بهالموقف يعورالقلب والالا ؟ واذا صادف وديتواالشغاله معاكم مطعم اشلون تصرفكم معاها نفس اللي شفته والا عادي تقعد معاكم تتعشى ؟ اوًحتى على طاولة ثانيه بس المهم ماتشوف الاكل وتتشفق عليه ،وعقب نقول ليش الخدم قاسين طيب هذا الموقف ممكن يخليها تضر اهل البيت او تحقد عليهم صح والا لا ؟!

[بصمة قطرية]

آنقهر من اللي يعامل الخدامة بهالطريقة ..
والله حرام عليهم
تدهل معاهم و تشوف الأكل و تشم الريحة
و تشوفهم و هم ياكلون ...!!!
إستغفر الله العظيم
مادري إش هالنوعية من البشر ...!!!

[الشامخ]

مافيهم خير ،، وانا لومنك عطيتها المقسوم او طلبت لها واحرجت المعزبة ومره ثانية هي بتستحي وبتطلب ، واذا المعزبه ماعندها فلوس على الاقل تخليها تنظر برع ،، ولاهي من عاداتنا،، الله يهديهم ويصلحهم ،،

[مستجدة]

الحمدلله اذا رحنا مطعم والله انهم يجلسون معنا اذا لهم مكان واذا مالهم مكان نطلب لهم بروحهم
حرام هذولاء بشر مثلنا ونحن مسلمين ودينا يحثنا على التعامل الين

فيه ناس اختي ضوى مايخلونهم ينامون بالليل يمكن ليمن الفجر وهي صاحيه من الصبح حرام هالشئ
وراح يسألون عنه

استغفر الله اللهم اجعل في قلوبنا رحمة نرحم بها يوم القيامة

[مستجدة]

مرة اشتريت سندوشات من الوجبات السريعه اللي في فيلاجيو للاطفال وزاد عليهم
اخذتها وعطيتها عامل نظافه ماتتصورين شلون استانس وعلى طول جلس ياكلها يمكن في هالعمل الصغير يحب الاسلام ويسلم

[شميرام]

مادري المشكله في المعزبه ول الخدامه نفسها ،،،،
خدامه بيت هلي عقدتني لين اطلع معها اول شي عيونها شكبر لين تطالعنا وشو نشتري وشو نأكل( فلبنيه )لكن تعالي قعدي آكلي سوا على طولتنا او طاوله بروحها ترفض وتقعد في زاويه !!!!!من نفسها شاطره تطالع وتعلق اذا معها خدامات غير ،، صرت اطلب لها وأشوف صحن ما يتحرك في شي أخذه تأك أوي يمكن تاكله في بيت اول مره حذفته في مطبخ ثاني ،،المره الثانيه خذته اظاهر عطته الثانيه (امي تقول تستحي، اذا تستحي ليش مبققه العيون وتعلق ) شككتني في تصرفات الفلبن اللي يطبخون في مطعم بحكم اني ماروح المطاعم العاديه لكن ذي في قسم نسوان اروح له دائماً ،،،وصادف طلعت مع خدامه قريبتي كانت تستحي وشو كان تصرفها كلمت الجرسونه ودتها تأكل في مكان صاد ذي اللي تستحي مب مبققه العيون وتكلم

الطامه الكبرى في سفر بالغصب امي تخليها تأكل ،،،،

انا يمكن أعذر معزبتها اذا كانت تصرفات خدامه نفس ذي اما اذا مب مهتمه الصراحه مالها حق ،، عندي ادفع حق الخدامه واخليها تأكل ول تصكني بعين ول عيون الفلبن مليئة بالحقد والحسد

[حياة]

لا والله الا نقعدها نفس الطاوله ونطلب لها
وهي بكيفها اذا تبي تاكل والا تاخذه تيك اوي

[abo0o0od QtR]

هذا اسميه الكبر والتكبر على العباد


والله ثم والله انه دعوه من الخدامه المسكينه هالثنتين ما ينوفقون في حياتهم

الله يهداهم بس

[R 7 A L]

الموقف محزن


بس لو تدخلتي بالموقف يمكن يجيك كلام من معازيبها

[Miss]

حرام الصراحه
احنا ناخذ لهم طاولة ويطلبون اللي يبون واذا ما يبون ياكلون ياخذونه تيك اوي معاهم

[لاجل QT]

هذا الشي اراة كثيرا

بس ماتدرين يمكن معشيين الخدامة او اطلبو لها قبل من مطعم او من البيت من كذا ماطلبو لها

لان مستحيل في ناس بلا رحمة لهدرجة ..دوم اعطي العذر للى جدامى

تكرر هالموقف كثير جدامي


خدامتى اعاملها مثل بنتى ...لانى مسلمتها امانة عيالي

تونى شارية لها من مانغو وزارا.. بغي يغمى عليها من الوناسة عورت قلبي

[العلم]

إنهم مايجلسونها معاهم على نفس الطاولة فأتوقع إن الأمر هذا منتشر عند الأغلبية ..


أما ساحبين عليها ولا يعطونها شيء فما أتوقع .. يمكن ماكله قبل والا طالبين لها دلفري وإلا اهي ماتبي شيء .. ما اقدر اظن فيهم دام ماعرفنا شسالفة ..

وأحييج على طيبة قلبج




لأجل شاريه لخدامتج من مانغو وزارا ..:eek2:*

[MAZEN37]

الخدم بشر مثلنا مثلهم
واجب بالدين والانسانيه الرفق فيهم
وثانيا اذا طريقة التعامل قاسيه ترا ما يستهان بهم من الانتقام بشكل

[حسن]

انا ابي اعرف وش هل التخلف عند الكثير من النسوان عندنا
رايحه المطعم الخدامه معاها
رايحه السوق الخدامه معاها تنزل شنطتها
رايحه الشغل الخدامه معاها
رايحه مجمع تجاري الخدامه معاها
رايحه المدرسه تجيب بنتها الخدامه معاها
رايحه الجامعه الخدامه معاها تنزل شنطه حضرتها

هذه عبوديه بعض الحريم وعقده النقص الموجوده عندهم وقله العقل

ماعمري طلعت مع المره وركبت الخادمه معانا

هي خادمه عندها شغل في البيت واذا ماعندها تقعد تريح في البيت

مناظر غريبه اشوفها ويجيبون حق نفسهم الكلام

والله ماعندكم سالفه ياللي تسون هل الحركات

تصرفات مرفوضه وغبيه

[عزووز قطر]

والله هالبنات فاعمين البرستيج غلط

[الأصيلة]

الله يهديهم ..إذا الوقت متأخر احتمال تكون تعشت في البيت...
الله يعلم إن احنا قبل لاناكل نشتري للسايق أكل
مستحيل ناكل وأحد ينتظرنا بدون عشا أو غدا...
اخوانكم خولكم جعلهم الله تحت أيديكم..

[chillis]

على الاقل خذوا لها تيك اوي ان ما كانوا يبونها معاهم او على طاوله ثانيه الحمدلله مب من النوع الي اسحب خدامتي وراي كل مكان ولو سحبتها بقعدها على طاوله قريبه مني بس مب نفس الطاوله :/

[بنت قطريههه]

السلام عليكم ورحمه الله اكثر الردود التي عجبتني رد الاخ حسن ليش اطلع الخادمه معاي وتمشي وراي تكرمون مثل الكلبه هذي عقدت النقص والا تشيل الأكياس والا الشنطه هذا مقرف ولا أتصور اي شخص في عائلتي يعمل هذا التصرف وشكرا

[NINA RICCI]

بصراحه موقف يقهررر ...

انا عن نفسي لو كنت موديه خدامه معاي اغلب الاوقات واذا كان المطعم مزدحم اخليها معاي بنفس الطاوله واطلب لها نفس اللي اطلبه حق نفسي .. واذا المطعم فاضي اخليها بطاوله جنبي ولازم اطلب لها .. مهما كان هي ادميه ..
الله يهدي الناس اللي يسحبون خدمهم على انهم عبيد وراهم

[NINA RICCI]

السلام عليكم ورحمه الله اكثر الردود التي عجبتني رد الاخ حسن ليش اطلع الخادمه معاي وتمشي وراي تكرمون مثل الكلبه هذي عقدت النقص والا تشيل الأكياس والا الشنطه هذا مقرف ولا أتصور اي شخص في عائلتي يعمل هذا التصرف وشكرا

انا معاج ان ماله لزمه .. بس اذا كنتي موديه معاج اطفال لازم بتضطرين تودين الخدامه معاج .. لان صعبه تلحقينهم جدام خلق الله .. اما غير جذي مالهم حاجه الخدم نوديهم معانا

[intesar]

هؤلاء مرضى.. ادعي لهم بالشفاء العاجل.. فمرضى االقلوب كثروا في زمننا هذا..

[حمد 2002]

انا ابي اعرف وش هل التخلف عند الكثير من النسوان عندنا
رايحه المطعم الخدامه معاها
رايحه السوق الخدامه معاها تنزل شنطتها
رايحه الشغل الخدامه معاها
رايحه مجمع تجاري الخدامه معاها
رايحه المدرسه تجيب بنتها الخدامه معاها
رايحه الجامعه الخدامه معاها تنزل شنطه حضرتها

هذه عبوديه بعض الحريم وعقده النقص الموجوده عندهم وقله العقل

ماعمري طلعت مع المره وركبت الخادمه معانا

هي خادمه عندها شغل في البيت واذا ماعندها تقعد تريح في البيت

مناظر غريبه اشوفها ويجيبون حق نفسهم الكلام

والله ماعندكم سالفه ياللي تسون هل الحركات

تصرفات مرفوضه وغبيه

الله المستعااااااااااااااان ياخووووك

تحياتي لك

[حميداني]

ان كان الوضع ما هو بالصوره فالله يعينها على هالمرضى , مرض مستحوذ كثار
مارد هالخمه يعرفون قدرهم بكره

ويمكن متعيشه بعد والمكان زحمه , اتمنى اتكون متعشيه صراحه

عقليات تافهه تربت على انها اتكون تافهه

[حميداني]

الله المستعااااااااااااااان ياخووووك

تحياتي لك

ومن قالك يا حمد ان ما كان معاهم ريال ؟

[حميداني]

بعضهم يروحون جذي كعايله ويتصرفون بهالطريقه كعايله

[حميداني]

انا ابي اعرف وش هل التخلف عند الكثير من النسوان عندنا
رايحه المطعم الخدامه معاها
رايحه السوق الخدامه معاها تنزل شنطتها
رايحه الشغل الخدامه معاها
رايحه مجمع تجاري الخدامه معاها
رايحه المدرسه تجيب بنتها الخدامه معاها
رايحه الجامعه الخدامه معاها تنزل شنطه حضرتها

هذه عبوديه بعض الحريم وعقده النقص الموجوده عندهم وقله العقل

ماعمري طلعت مع المره وركبت الخادمه معانا

هي خادمه عندها شغل في البيت واذا ماعندها تقعد تريح في البيت

مناظر غريبه اشوفها ويجيبون حق نفسهم الكلام

والله ماعندكم سالفه ياللي تسون هل الحركات

تصرفات مرفوضه وغبيه

البعض ياخوي حسن معذور

بعض الطالبات اتكون عندهم مشاكل خفيه عن الناس فما يشلون الاشياء الثقيله فكانت حاجه ملزومه عليهم الخدمه هذي الي يحصلونها من الخدم
البعض عندهم مشاكل بالظهر مع انها بنت شابه لكن سبحان الله
البعض متملله من البيت وتبي مربيتها تمسك بنتها في الوقت الي تروح اهناك تتسلى مع اهلها
وبيني وبينك ان رايحه المطعم مع خدامه فاحسن من انها اتروح بروحها لهالاماكن
وهذي نظرة كثير من الحريم فعلشان جذي اتحصلها معاها الخادمه في المجمع وغيره
مش لاجل العبوديه بس لاجل ان ما يكونون بروحهم ووظيفة البنت الخادمه انها تساعد مخدومها

اهم شي الانسانيه والاحساس بها انهم ما يعطونها فوق طاقتها او اكثر من مستحقاتها
الظلم يكلف غالي وكثير ما كلف ارواح

هالاشياء بالعكس اشوفها عاديه الا مفضله بعد

اما الي رايحه الشغل هذي ما قاعد اشوفلها عذر ان كانت خدامتها معاها بشكل مستمر
وحتى البعض الي تاخذ معاها خدامتها للجامعه من غير عذر طبي

هذول ناس فعلاً مثل ما ذكرت , الله يعين هالبشر عليهم والله يعينهم على حالهم

[التيما]

انا ابي اعرف وش هل التخلف عند الكثير من النسوان عندنا
رايحه المطعم الخدامه معاها
رايحه السوق الخدامه معاها تنزل شنطتها
رايحه الشغل الخدامه معاها
رايحه مجمع تجاري الخدامه معاها
رايحه المدرسه تجيب بنتها الخدامه معاها
رايحه الجامعه الخدامه معاها تنزل شنطه حضرتها

هذه عبوديه بعض الحريم وعقده النقص الموجوده عندهم وقله العقل

ماعمري طلعت مع المره وركبت الخادمه معانا

هي خادمه عندها شغل في البيت واذا ماعندها تقعد تريح في البيت

مناظر غريبه اشوفها ويجيبون حق نفسهم الكلام

والله ماعندكم سالفه ياللي تسون هل الحركات

تصرفات مرفوضه وغبيه
اتفق معاك تماماً ..

[أم نواري1]

مالهم حاجة يودون الخدامه
وإذا ودوها لازم تكونومعاهم أو بطاوله جنبهم أقلها ويطلبون لها اللي تحبه إذا ماتعرف تطلب

أما يحطونها عند المدخل وهم ياكلون كنها عبده عندهم حرام عليهم
قمة التخلف وإنعدام في الرحمه والأخلاق

وعذر إنه الشنطه ثقيله ممكن يمشي ع بنات المدارس اللي صج عندها مشكله فعمودها الفقري وهذا نادر

أما رايحه مجمع الشنطة خفيفه ماظن سالفة أثقال
حتى وإن فرضنا تشرت تقدر تشيلهم بروحها اشدعوه!

واليهال ياتطلع وتعامل خدامتها مثل الأوادم
وإلا تخلي سبع البرمبه يطلع معاها ويلاحق اليهال
وإلا تعلمهم وتفرض عليهم قوانين انهم يتمون حولها

الخدم امانه عندنا نعاملهم بطيب واحترام
يلبسون مما نلبس او بمستواه
وياكلون من اكلنا
ولا نضغط عليهم بالشغل

ماهي بأخلاقنا ولا بسنعنا
هذي تصرفات عيال الفقر وحديثي النعمه عديمي الأخلاق

بحفظ الله

[حياة]

انا ابي اعرف وش هل التخلف عند الكثير من النسوان عندنا
رايحه المطعم الخدامه معاها
رايحه السوق الخدامه معاها تنزل شنطتها
رايحه الشغل الخدامه معاها
رايحه مجمع تجاري الخدامه معاها
رايحه المدرسه تجيب بنتها الخدامه معاها
رايحه الجامعه الخدامه معاها تنزل شنطه حضرتها

هذه عبوديه بعض الحريم وعقده النقص الموجوده عندهم وقله العقل

ماعمري طلعت مع المره وركبت الخادمه معانا

هي خادمه عندها شغل في البيت واذا ماعندها تقعد تريح في البيت

مناظر غريبه اشوفها ويجيبون حق نفسهم الكلام

والله ماعندكم سالفه ياللي تسون هل الحركات

تصرفات مرفوضه وغبيه






اخوي حسن انت ماتعرف ظروف الناس
انا لازم حد معي ياخدامتي يابناتي انا ظهري
فيه عمليات ولااقدر اشيل حتى شنطتي اذا
كانت ثقيله والا فيها غرشه ماي لانها تثقل الشنطه
فعلشان كذا اودي خدامتي تساعدني اذا الصبح
واذا المغرب وحده من البنات ... حتى الجمعيه
مااقدر اروح بروحي القاري اذا صار ثقيل يعورني
ظهري...
الله يشافي الجميع

[شميرام]

انا ابي اعرف وش هل التخلف عند الكثير من النسوان عندنا
رايحه المطعم الخدامه معاها
رايحه السوق الخدامه معاها تنزل شنطتها
رايحه الشغل الخدامه معاها
رايحه مجمع تجاري الخدامه معاها
رايحه المدرسه تجيب بنتها الخدامه معاها
رايحه الجامعه الخدامه معاها تنزل شنطه حضرتها

هذه عبوديه بعض الحريم وعقده النقص الموجوده عندهم وقله العقل

ماعمري طلعت مع المره وركبت الخادمه معانا

هي خادمه عندها شغل في البيت واذا ماعندها تقعد تريح في البيت

مناظر غريبه اشوفها ويجيبون حق نفسهم الكلام

والله ماعندكم سالفه ياللي تسون هل الحركات

تصرفات مرفوضه وغبيه

لازم حد معاي ماقدر أطق طريج بروحي مع دريول لازم حد معاي ،اذا بتلاقى مع حد في مجمع أختي مثلا او بنات خالي ارجع الخدامه والدريول البيت يعني ينزلوني أما أروح بروحي مع دريول صعبه مع ان الدريول عندنا فوق 25سنه

[غزلان]

يمكن قالولها وقالت ماتبي او متغديه متأخر

مرات اذا رحت السوبر ماركت اقول للخدامه تاخذ الى تبيه ترفض تقول عندنا كثير في البيت ومرات اقوا لها بطلب لج من المطعم معانا ترفض تقول مسوين لنا اكلنا الخاص في البيت لي رجعت باكل مع الخدامات ,

الموقف الى صار يحتمل انهم عرضوا عليها وهي رفضت فمب حلوه اجلسها معاي على الطاوله ناكل وهي تشوف,, وهم جلسسوها على كرسي داخل المجمع مب في الشارع

[لاجل QT]

إنهم مايجلسونها معاهم على نفس الطاولة فأتوقع إن الأمر هذا منتشر عند الأغلبية ..


أما ساحبين عليها ولا يعطونها شيء فما أتوقع .. يمكن ماكله قبل والا طالبين لها دلفري وإلا اهي ماتبي شيء .. ما اقدر اظن فيهم دام ماعرفنا شسالفة ..

وأحييج على طيبة قلبج




لأجل شاريه لخدامتج من مانغو وزارا ..:eek2:*

:shy:

العادة اشتري للخدامة من سناء

لين سوا مانغو ولا زارا تنزيلات..يطلعون ارخص من من سناء على فكرة
وفي نفس الوقت الكوليتى ممتاز:)

ليش لا :) خلها تستانس

عموما انا اسميها المحلات ذات الاسعار المناسبة وفي متناول الجميع يعنى ماتعتبر من اللي اسعارهم ضو:)

[silver stone]

انا ابي اعرف وش هل التخلف عند الكثير من النسوان عندنا
رايحه المطعم الخدامه معاها
رايحه السوق الخدامه معاها تنزل شنطتها
رايحه الشغل الخدامه معاها
رايحه مجمع تجاري الخدامه معاها
رايحه المدرسه تجيب بنتها الخدامه معاها
رايحه الجامعه الخدامه معاها تنزل شنطه حضرتها

هذه عبوديه بعض الحريم وعقده النقص الموجوده عندهم وقله العقل

ماعمري طلعت مع المره وركبت الخادمه معانا

هي خادمه عندها شغل في البيت واذا ماعندها تقعد تريح في البيت

مناظر غريبه اشوفها ويجيبون حق نفسهم الكلام

والله ماعندكم سالفه ياللي تسون هل الحركات

تصرفات مرفوضه وغبيه


+1

الله يعطيك العافيه يا خوي

[دوحة الجميع]

يمكن قالولها وقالت ماتبي او متغديه متأخر

مرات اذا رحت السوبر ماركت اقول للخدامه تاخذ الى تبيه ترفض تقول عندنا كثير في البيت ومرات اقوا لها بطلب لج من المطعم معانا ترفض تقول مسوين لنا اكلنا الخاص في البيت لي رجعت باكل مع الخدامات ,

الموقف الى صار يحتمل انهم عرضوا عليها وهي رفضت فمب حلوه اجلسها معاي على الطاوله ناكل وهي تشوف,, وهم جلسسوها على كرسي داخل المجمع مب في الشارع

انا معاج في كل كلمه قلتيها وهذا اللي دائماً يحصل مع الخدامات اللي عندنا انهم لما يطلعون معانا برع مايبون شيء ، يقولون لنا بناكل في البيت .

[شموخ]

بصراحة شيئ يعور القلب وحرام عليهم وهذولا ناس متكبرين وشايفين نفسهم مالت على هالأشكال من البشر قالوا خدامة مو لازم تاكل اللي احنا ناكله.وأنا ما عندي تفرقة في هذا الشيئ اللي أنا آكله شغالتي تاكله وأي أكل نجيبه من المطعم نسوي حسابها معانا ليش هي مو آدمية والحمد لله الخير موجود في كل بيت بس ما أقول الا الله المستعان وابعدوا عن الغرور والتكبر واهل قطرولله الحمد معروفين بأنهم أهل خير ونعمه وبالكرم وسلامتكم..

[امـ حمد]

صحيح الموقف يعور القلب
والله نعطي الشغاله عشاها قبل مانسمي ،او تطلب إلا تبيه
اللهم اجعلنا من المتواضعين،فالتواضع سر من اسرار الرفعه.

[النجلا]

صج تصرفهم مب حلو.. انا عن نفس قبل اي تصرف ممكن اسويه معاها احط نفسي مكانها واشوف شعوري شراح يكون ..؟ ترى هذول اوادم وبشرر وعندهم احساس لكن للاسف وايد نفس مايفكرون فيهم


بالنسبة للمطعم عادي تقعد معانا فنفس الطاولة واعطيها المنيوو واخليها تطلب اللي تبيه ..

[حقيقه]

فيه خدم مايحبون يأكلون من برى

[بوخالد911]

موقف مرفوض

ع الاقل سندوتش
او يخلونها بالبيت

والله كريم

ولنا في رسول الله أسوة حسنة

اللهم صل وسلم عليه

[ابوعلي]

يمكن قالولها وقالت ماتبي او متغديه متأخر
مرات اذا رحت السوبر ماركت اقول للخدامه تاخذ الى تبيه ترفض تقول عندنا كثير في البيت ومرات اقوا لها بطلب لج من المطعم معانا ترفض تقول مسوين لنا اكلنا الخاص في البيت لي رجعت باكل مع الخدامات ,
الموقف الى صار يحتمل انهم عرضوا عليها وهي رفضت فمب حلوه اجلسها معاي على الطاوله ناكل وهي تشوف,, وهم جلسسوها على كرسي داخل المجمع مب في الشارع

كلام عين العقل ومايصير نحكم على ناس من غير ما نتأكد منهم عن السبب

[الخزرجي قطر]

حرام عليهم اقل شي يطلبون لها اكل او تاخذه وياها على البيت
هذول قلوبهم قاسيه على الخدم ومسكينه جلستها تلفت الانظار

[ضوى]

اخواني وخواتي

يمكن تعاطفتوا مع هالموضوع وفيه ناس قالت يمكن ويمكن ، انا قلت شي شفته مب طبيعي ،وحتى لو فرضنا انهم سالوها ومابغت ماله داعي اخليهامرتزةعلى كرسي انتظار وكل شي تغط عينهاوتتثاوب ، ممكن جدا اقولها قعدي بالسيارة اذا ماتبين عشا مب انزلها واخليها تلفت انتباه اللي موجودين
اذا مضطرة اودي الشغاله اخليها معاي بنفس الطاولة وصارت معاي اكثر من مرة ولومابغت تاكل اقلها اطلب لها شاي

[مخطط قطري]

الموضوع مع احترامي لصاحبه فيه تطفل كبير وشلك شغل فيهم انت رايح تاكل ولا تشوف الناس شقاعده تسوي يمكن في امور ماتعرفها حاصله

[qrt_trading]

الحمد لله أنا وزوجي لما نطلع ونأخذ العيال كلهم معانا نأخذ الشغالات كلهم بعد هم اوادم ويبون يستانسون ولين أنروح مطعم نطلب كلنا والشغالات معانا يطلبون اللي يبونه وأمسك أنا بنتي الصغيره(10) شهور وزوجي يمسك بنتي الثانية وعمرها سنتين وعشر شهور وانخلي الشغالات مع العيال الكبار يأكلون اول شي واحنا اناكل الصغار ولما يخلصون كلهم يروحون صوب الألعاب لين ما أنا وزوجي انخلص وبعدها نلتقي فيهم أهناك، وأهلي دائماً يقولون اني امخربه الشغالات لأني اموفره لهم كل شي حتى ال Tap والابتوب خذت لهم اللي خذت ال Tap حلال عليها واللي اطلبت لابتوب تدفع فرق السعر من راتبها وبالتقسيط ، وقبلها خذت لهم كلهم كيمرات اصغيره عن خاطرهم خاصه أن وحده فيهم راح السافر وامنيتها أنها تشتري كأمره اصغيره.

أنا أشوف اللي اسويه صح والحمد لله شغالاتي يحبوني ويحبون اعيالي وحاطينهم في عيونهم، وغير هذا أنا أقول اذا ترست عين الشغاله ما راح اتشوف اللي في يدك بالعكس راح أتكون أمينه معاك ولا راح اتبوقك.

[حسن]

نسيت اقول شي بعد

اعرف واحد في جمرك بوسمرا يقولي انتو وش سالفتكم بالخدمات تسافرون خميس وجمعه الكثر بخدامته ماتصبرون عنهم

:eek5::eek5:

حتى اروبا على مااسمع ياخذونهم وياهم
بس هناك يعروفون وش يسون الخدم
كل اللي يروحون مايرجعون زين يسون
كفو عليهم

مالي عوده

:victory:

[الزعفراني]

الخدم بشر وما يبخل عليهم الا لئيم

[khalid Qtr]

شاهدت موقف عكس هذا تماما يوم الخميس ..

عايلة قطرية دخلوا المطعم وقعدوا الخدامة معاهم على نفس الطاولة

فعلا صورة طيبة تعكس مدى اخلاقيات وقيم الانسان المسلم

[المهاجر]

البشر يختلفون في طبائعهم وتصرفاتهم

فمنهم المتواضع ومنهم المتكبر المتعالي

ومنهم الحاقد ومنهم من يحب الخير لغيره كما يحبه لنفسه

لذلك قد نرا صوره قبيحه او تصرف مشين من فرد ويقابلها صوره جميله وتصرف جميل من آخر

صاحبة الموضوع شاهدت منظر وتصرف مشين حسب الظاهر وطبيعة البشر هي الأخذ بظواهر الأمور اما بواطنها فعلمها عند الله

واستنكرت تلك الصوره حسب الظاهر وذلك الإستنكار لم يكن بقصد الظلم لتلك الأسره

ولكنه استنكار لوضع شاهدت ظاهره فإن كان تصرفهم لتعاليهم وتكبرهم واستحقارهم لتلك الخادمه

فهو ما ذهبت إليه في انتقادها وإن كان خلاف ذلك فهي لاتعلم ما بقلوبهم ولكنها تدعوا الى الرأفه بمن هم في خدمتنا بسبب الحاجه وضعفهم

وقد قال الشيخ محمد بن عثيمين

في شرح باب إجراء أحكام الناس على الظاهر وسرائرهم إلى الله تعالى
في صحيح البخاري في كتاب الديات

( أما في الدنيا بالنسبة لنا مع غيرنا فالواجب إجراء الناس على ظواهرهم ،
لأننا لا نعلم الغيب ، ولا نعلم ما في القلوب ، ولا يكلف الله نفسا إلا وسعها)

وقد قال النبي صلى الله عليه وسلم : إنما أقضي بنحو ما أسمع .
ولسنا مكلفين بأن نبحث عما في قلوب الناس ،

ولهذا قال الله تعالى ( فإن تابوا وأقاموا الصلاة وآتوا الزكاة فخلوا سبيلهم إن الله غفور رحيم )
يعني المشركين إن تابوا وأقاموا الصلاة وآتوا الزكاة ، فخلوا سبيلهم وأمرهم إلى الله ، إن الله غفور رحيم ،

وقال النبي عليه الصلاة والسلام فيما رواه ابن عمر رضي الله عنهما
" أمرت أن أقاتل الناس حتى يشهدوا أن لا إله إلا الله وأن محمدا ً رسول الله ، ويقيموا الصلاة ، ويؤتوا الزكاة ،
فإذا فعلوا ذلك عصموا مني دماءهم وأموالهم ، وحسابهم على الله "

وبذلك يكون العمل بالظواهر ، فإذا شهد إنسان أن لا إله إلا الله ، وأن محمدا ً رسول الله وأقام الصلاة وآتى الزكاة ،
عصم دمه وماله ، وحسابه على الله ، فليس لنا إلا الظاهر ) .



غير أنني أختلف معها في تفكيرها بأن تطلب لتلك الخادمه وجبة طعام لان ذلك ليس من حقها

وقد تواجه من قبل تلك الأسره بكلام لاتقبله هي ولاتسطيع ان ترده حينها

لذلك علينا أن نوصل ما نريد ايصاله للناس عن طريق تصرفنا نحن في مثل تلك الأمور

وهو اذا اصطحبنا الخادمه معنا فعلينا أن نعتبرها أحد افراد الأسره وأن يكون طعامهما من طعامنا ولا نفرق بيننا وبينها

وبذلك نكون قد أوصلنا مانريده للآخرين بتصرفاتنا أمامهم

[ام السعف]

احتمال معشين الخادمة عيش ودياي في البيت ،،:nice:

هو بشكل عام المفروض العامل من ما كان سايق
او خادمة الواحد ما ينساهم في مثل هالطلعات ،،

بس بعض العرب الله يهداهم ،، تنعدم الرحمة من قلوبهم
تلقينهم يتعشون والخدم مقعدينهم عند الباب :"(

[ام السعف]

شاهدت موقف عكس هذا تماما يوم الخميس ..

عايلة قطرية دخلوا المطعم وقعدوا الخدامة معاهم على نفس الطاولة

فعلا صورة طيبة تعكس مدى اخلاقيات وقيم الانسان المسلم

عدل كلامك ،، وشفت مرة الخدامة على نفس الطاولة تهاوش اليهال والام ساكتة

بس الموضوع يتكلم عن اللي تنعدم الرحمة في قلوبهم ،، :"(

[khalid Qtr]

عدل كلامك ،، وشفت مرة الخدامة على نفس الطاولة تهاوش اليهال والام ساكتة

بس الموضوع يتكلم عن اللي تنعدم الرحمة في قلوبهم ،، :"(

الامر يرجع الى اخلاقيات الانسان وعطفه ورحمته للضعيف ، مقصدي من الرد ان مجتمعنا فيه الكثير من اهل الخير الطيبين

[ام السعف]

الامر يرجع الى اخلاقيات الانسان وعطفه ورحمته للضعيف ، مقصدي من الرد ان مجتمعنا فيه الكثير من اهل الخير الطيبين

مب مختلفة معاك في مقصدك ابدا ،،

لأن هناك البعض مثل ما قلت انعدمت فيهم العاطفة تجاه الضعيف
فلذلك طرحت ضوى هالموضوع ،،

[رفيق الصحراء]

ذولا انا اقول عنهم الشيب ستايل ناس مقرفينناس مو مسلمين وحرام نقول عنهم مسلمين بعد
اذا صاحب الاديان الثانيه يعطف على اللي يشتغل عنده اشلون انت يامسلم

احنا لو نسافر نخلي السايق اللي معانا يقعد على طاوله بروحه وياكل اشلون بعد شغالتنا

صج ذولا ماتستحين منهم وتطلبين للخدامه عشا عشان يستحون على ويوهم ولو يصير كان رحتي الطاوله اللي هم فيها وتتفلين عليهم وتطلعين

[ام السعف]

ذولا انا اقول عنهم الشيب ستايل ناس مقرفينناس مو مسلمين وحرام نقول عنهم مسلمين بعد
اذا صاحب الاديان الثانيه يعطف على اللي يشتغل عنده اشلون انت يامسلم

احنا لو نسافر نخلي السايق اللي معانا يقعد على طاوله بروحه وياكل اشلون بعد شغالتنا

صج ذولا ماتستحين منهم وتطلبين للخدامه عشا عشان يستحون على ويوهم ولو يصير كان رحتي الطاوله اللي هم فيها وتتفلين عليهم وتطلعين

Pardon

وشو يعني مقرفينناس ؟

[للصبر اخر]

سواء بمطعم او بطلعه او لو رحت مكان وقلت لهم ينطروني اعطيهم مبلغ واقولهم اشترو اللي تبون
واذا مطعم اطلب لهم واعطيهم ايااه

[قطريه22]

هذول يبالفيت انهم اتيكيت ومن هالنوعيه المتخلفه بتصرفاتها


مبدا امشي عليه في حياتي
احط نفسي مكان الشخص واحس باحساسه

لو حطيت نفسي مكان الشغاله اكيد بانجرح وباتضايق من هالتصرف وفي المقابل ماراح اسويها

هذول بشر نفسنا عندهم احساس ومشاعر بس في ناس مايحسون

[الحياة الخالدة]

pardon

وشو يعني مقرفينناس ؟


أم السعــــف :
ناس مقرفين ، ناس مو مسلمين

[رفيق الصحراء]

أم السعــــف :
ناس مقرفين ، ناس مو مسلمين

من السرعه الكلمات تشابكت
ناس مقرفين وناس مو مسلمين

[طموحي عالي]

الحمدلله
انا عن نفسي السواق اعطيه فلوس بيده يتعشى او يخليهم له كيفه
والخدامه اذا كانت معانا تقعد معانا حالها حالنا وتاكل
او بطاوله قريبه منا


بعد الروح لها خاطر وتشتهي


عقب يقولون خداماتنا شردوا خداماتنا يطقون عيالنا
شوفوا اللمسات البسيطه واللي مالها معنى عند الاغلب تحز بالخاطر

[ام السعف]

أم السعــــف :
ناس مقرفين ، ناس مو مسلمين

اوه صج بلغت من العمر عتيا :(،، ولا مرت في بالي انها ناس مقرفين

ميرسي اوي جدا خالص يالحياة الخالدة ،،


من السرعه الكلمات تشابكت
ناس مقرفين وناس مو مسلمين

شكرا على التوضيح :shy:

[الحياة الخالدة]

اوه صج بلغت من العمر عتيا :(،، ولا مرت في بالي انها ناس مقرفين

ميرسي اوي جدا خالص يالحياة الخالدة ،،



شكرا على التوضيح :shy:


أنــــا أعتى منج :weeping: بس قعدت أفصفص فيها لحد ما استوعبتها

العفو .. حاضرين

[طموحي عالي]

موضوع الدريول اللي تطرفتوا له
انا مثلا من الناس اللي اهلي مايخلوني اطلع بروحي مع دريول
وعايلتنا كلها نفس الشي خصوصا للبنات

فالخدامه تكون معانا
وبشكل عام انا مافضل طلعه الخدامه الا للضروره القصوى اهلي علموني جي
ابد يامي ياجلس بالبيت

وبشكل عام انا اذا جيت بطلع مع الوالده اشاور الخدامه تبين تطلعين او لا واقولها وين بروح اذا ماتبي هي حره

[البارع]

اشوف الي يتكبرون على الخدم ومنهو في طبقتهم من المساكين عمال وسواقين هم ناس فألساس حديثي عهد بالنعمه الي صارو فيها .الدليل في ناس شيوخ وتجار ووجهاء وكابر متواضعين لابعد الحدود وتعاملهم مع الي يشتغلون عندهم قمه فالذوق ولاحترام .انا لما اكون غير موجودالخدم يجلسون على السفره مع ام عيالي الله يحفظها ومع عيالي ياكلون من صحن واحد

[vip8]

الحمد لله على النعمة بس بعض الشغالات ما يعجبها نوع الأكل خاص الي في الكافي هات يعني أنا دائم اقعدهم وأقول لها طلبي إذا هنديه ولا اثيوبيه فالغالبية يقولون لا مانبي نأكل بنروح البيت أحسن نأكل هناك وإذا فلبينية يمكن تكون ماتبي بس ما يمنع الحالة الي شفتيها يمكن لا نادوها ولا سألوها ويظل الإحساس نعمه عند بعض البشر يستحق المحافظة عليها الحمد لله يارب

[بنت مريخ]

وايد أشوف هل مناظر
الله يهديهم
عندنا في البرج
الخدامه تفتح باب السيارة وتنزل المعز به وتصك الباب
وتمشي جدام المعزبه تمسك باب اللفت
عن نفسي أقعدها على نفس الطاوله واطلب لها الى تبيه

[بو خليفه 123]

اطلب لها احسن و افضل من اكلي
ولا تنسونهم من كسوة الشتاء والصيف

و ان كانت عزيمه بالمجلس لهم نصيب لقن يضربون فيه بالخمس

فهؤلاء بشر و نأتمنهم على ارواح ابنائنا و اغراضنا و منازلنا .. والله المعامله الطيبه تغير بالخدم بشكل كبير .. للافضل


شكراً ضوى

[pink pearl]

على الاقل خذوا لها تيك اوي ان ما كانوا يبونها معاهم او على طاوله ثانيه الحمدلله مب من النوع الي اسحب خدامتي وراي كل مكان ولو سحبتها بقعدها على طاوله قريبه مني بس مب نفس الطاوله :/

السموحة على المداخلة،،، بس ليش مو على نفس الطاولة؟!؟

[الحاقول]

الحمد الله زوجتي تعامل الخدمات كبناتها

[twilight]

الخدامة اذا معانا تقعد على نفس الطاولة وتختار اللي تبغيه من المنيو. او نطلب لها اللي نطلبه لنا اذا ماتعرف

[ضوى]

شاكرة لكم ، وارد واقول اقل شي ماتدخل المطعم حتى ماتلفت النظر ويظنون الظنون بالمعزبة ، تنام بالسيارة لين يخلصون ، كانت تنود الشغاله ومبين عليهاالتعب ، اقدر انه بنات مايطلعون بروحهم مع السايق ولازم تكون معاهم بس كان ممكن تقعد بالسيارة لين يخلصون

[روح الاطلس]

فعلا ان كان هناك من يتقزز او ينفر او يتكبر على الخدم فقط لانهم فقراء اتوا لخدمته لم يكن لهم نصيب من الدنيا ان يعملوا بمهن راقية ماذنبهم ان يتم التكبر والتجبر عليهم وكأنهم عبيد مملوكين!!

بالعادة ما نأكل بمطاعم ولا نأخذ الخادمة معنا لكن مثلا ان طلعنا عرس بالعادة اشوف الناس اللي جايبين خدمهم يخلونهم بطاولة بعيده احنا ماننرضى الا تقعد معانا بنفس الطاولة ويتم ضيافتها مثلها مثلنا

انا مايقهرني الا تصرف اكثر شناعه من هالموقف يا ضوى

اللي تاخذ خدامتها للشغل وتكون قاعدة ورا واول ماتوصل المعزبة تبي تركب السيارة تفز الخدامة تفتح لها الباب وتقعد المعزبة طبعاً في السيت الخلفي والخدامة تقفل الباب وترجع تركب قدام جنب الدريول الاجنبي! ( طبعاً محفظينها ومدرسينها) لان المعزبة ماتتنازل تقعد جنبها الخدامة فترمى بجانب الدريول والسيت الخلفي كله فاضي بس عشان ماتكون بنفس مستواها في القعدة! برستيج غبي وتافه وقلة عقل بعض الحريم


رفقاً بأنفسكم يا نساء المتكبر لا يشم رائحة الجنة

وتفكروا ان ما انتم فيه من نعمة وخير ليس لكم فضل فيه بل هو مال الله يؤتيه من يشاء ولا ذنب لهؤلاء المساكين الذين كتب عليهم الشقاء في الدنيا فتكونون انتم والدنيا عليهم!

[ضوى]

بالفعل شفت ناس تعامل خدمهم مثل العبيد ، الله لا يقسي قلوبنا ياااارب الله لا يقسي قلوبنا يااارب

[ww1000000]

سؤال ما هو سبب قسوة القلوب بين البشر ! ؟

متابع

[رفيق الصحراء]

الله يهدي الجميع لانه هالخدم جايين ومتغربين وهادين اهلهم واولادهم عشان لقمة العيش واحنا نقعد نذلهم بدل مانساعدهم ونوفر لهم الجو اللي يحسسهم بانهم بين اهلهم
ومثل مالله خل هالخادمه بهالموقف وانها تجي للغربه وتخدم الناس يقلب حالج انتي الى اخس منها وتكونين عبره لغييرك مهما كانت عندج فلوس وعندج خير بغمضة عين تروح
وين فلوس وملك قارون ؟؟؟ راح في ليلة وضحاها

اتقوا الله فيهم . صحيح في خدم غير جيدين ولهم اساليب ملتويه يعملون سحر ويضرون الناس بس اغلبيتهم مساكين جايين للقمة العيش