احد وصله ( تحديث شبكة الاتصالات ) ؟؟؟ على الايفون

[الواعد]

السلام عليكم

أنا امس وصلني تحديث على شاشة الايفون من شبكة الاتصالات

نفس مافي هالصورة بالضبط

http://www.apple-wd.com/wp-content/uploads/2013/02/photo.jpg

انا وافقت وقلت اكيد انه من كيوتل لأن شريحتي من كيوتل

ولكن للأسف طلعت لي مشكلة وهي ( اختفاء شبكة البيانات الخلوية )

لم يعد مبين عندي في الجوال الا خيار الفتح والاغلاق فقط

اما خيار التعديل وكتابة عنوان APN فللأسف اختف نهائيا

وبلغت كيوتل في تويتر وردوا علي رد كأني اكلم كمبيوتر :(

اقول لهم اختف خيار البينات الخلوية وهم يقولوا روح اعدادات وبتحصلها

الحين ايش الحل ؟؟؟؟؟ كيف ارجعها ؟؟؟

للعلم جهازي آيفون 5 بدون جيلبريك

[mE mYself & i]

عادي ما في جديد في كيوتل

[قطر العطاء]

انا صار لي نفس الموضوع ، ايفون 4 ..

[الواعد]

يا أخوان ممكن تتأكدون كم عندكم رقم النسخة حق الاتصالات

أنا صار عندي

Qtel 14.1

بتحصلونه في

حول > شركة الاتصالات - وبعدين شوفوا كم الرقم اللي على اليمين

[um.7moody]

أنا وأهلي وصلنا التحديث وعملنا اوكي ونفس المشكلة أختفت شبكة البيانات الخلوية
كلمت كيوتل ويقولون لي ادخلي على الإعدادت - عام - خلوي - شبكة البيانات الخلوية
اقولهم مافي أختفت يقولون لي طلعي الكرت ودخليه بيطلع يكلموني كأني ماني فاهمه شي أبد
يقولون هاذي تحديث بالجهاز احنا ماعندنا تحديث أقولهم تحديث الايفون غير وهذا غير يردون علي كأني ماأفهم شي بالأجهزة

مع العلم أن أجهزتنا كلنا أيفون 5

[um.7moody]

يا أخوان ممكن تتأكدون كم عندكم رقم النسخة حق الاتصالات

أنا صار عندي

Qtel 14.1

بتحصلونه في

حول > شركة الاتصالات - وبعدين شوفوا كم الرقم اللي على اليمين


أنا الرقم عندي Qtel 14.1

[Chambray]

أنا الرقم عندي qtel 14.1

انا نفس موضوعكم

سويت التحديث من غير ماكمل قرايه الموضوع
وجان اتوهق معاكم ههههههههههههه

رقم التحديث عندي 14.1

شسالفه احين كيف اضيف بيانات apn

[Qatari]

الحل اعمل رستار للايفون وافصل شبكة 3g وشغلها مره ثانيه وبتنحل المشكله :victory:

[heart]

الله اعلم صار مثل فودافون على طول يتبرمج بدون ماتكتب الاعدادات، يعني اللي عنده ايفون وعليه كرت فودافون مابيحصل اعدادت apn

[للصبر اخر]

انا ماسويته لاني شفته انه تحديث اتصالات وليس سوفتوير

[heart]

لازم تحدثون عشان كلمة كيوتل تتغير من الى اوريدو،والتحديث مهم لأن الحين صار التثبيت تلقائي لشبكة البيانات فرضا اذا كان هناك تحديث للايفون في السابق اعدادان النت لازم نكتبها مره ثانية بس الحين خلاص تتثبت بروحها وعلى فكرة اي احد عنده ايفون وعليه كرت فودافون مابيحصل شبكة البيانات بتكون مختفية

[H B A]

مافي اي مشكله المفروض يختفي

خلاص الحين الواحد من يركب الكرت يشتغل النت من غير البرمجه وهذا المفروض من زمان

اذا مثلا سافرت وركبت كرت لشبكه ثانيه .. بيطلع لك الاوبشن مره ثانيه اذا كان مفروض تكتب الapn


المصيبه ان الموظفين ماعندهم خبر ههههههههه

[العابد]

نعم وصلني التحديث للايفون

وهذا التحديث ضروري علشان تفعيل الهوت سبوت

وأنا الآن أحاول التحديث الى ظ،ظ¤.ظ، ما قدرت على الآيباد