مخطط بيت العمر ... رأيكم يهمني

[ابو جمال]

السلام عليكم ورحمة الله وبركاتة

استقريت على المخطط النهائي ان شاء الله وارفقته في الموضوع لأبداء الراي

لاتبخلوا علي في ملاحظاتكم :)

http://www.qatarshares.com/vb/attachment.php?attachmentid=82756&stc=1&d=1362912545

http://www.qatarshares.com/vb/attachment.php?attachmentid=82757&stc=1&d=1362912545

تم تعديل قياسات الصور : Chambray

[معماري قطري]

كالعاده ما يتقبل كمبيوتري لا الحفظ ولا الفتح

بارسل لك ايميلي خاص وحاول ترسل لي الفايل بصيغة أوتوكاد أقدر أعدل عليه وأبدي رايي بسهولة أكثر.

[وبشرالصابرين]

ما يفتح الرابط
بس نصيحه لا تشاور الناس كثير راح تتعب

شوف الشي الي يناسبك ويناسب أسلوب حياتك انت وأهلك

والله يجعله منزل مبارك

[ابو جمال]

ارسلت لك ايميل

[ابو جمال]

ما يفتح الرابط
بس نصيحه لا تشاور الناس كثير راح تتعب

شوف الشي الي يناسبك ويناسب أسلوب حياتك انت وأهلك

والله يجعله منزل مبارك

لاهنت على المتابعة وبخصوص التغير انا مو ناوي اغير شي الا اذا كانت شغلات بسيطه ممكن اغيرها وقت البناء هذا مقصدي اما تغير جذري لا مافي مجال

[معماري قطري]

ما يفتح الرابط
بس نصيحه لا تشاور الناس كثير راح تتعب

شوف الشي الي يناسبك ويناسب أسلوب حياتك انت وأهلك

والله يجعله منزل مبارك

إسمح لي يا اخوي أرد عن جزئية المشاوره

بالعكس المشاورة تفتح آفاق لبعض الأفكار والإقتراحات واللي مب شرط الواحد ياخذ بها.

وبعدين عندك أحياناً أُمور كثيره ما تشوفها في الرسومات، وتكون واحد مختص يقدر يشوفها ويفتي لك فيها.

والأهم ما يكون خالف مبدأ الشورى .. انا حطيت مخططات بيتي وخذت بكثير من الآراء وباعدل بعض الجزئيات حسب آرائهم .. مع اني لي حول 20 سنه مبقق عيوني في مشاريع هندسية كبيرة وصغيرة، والحمد لله عارف شابي بس الرأي من الغير دوم مهم.

أحياناً البعض يتخوف من تعديل بسيط وانه ممكن يكلف، لكن أغلب التعديلات تكون للأفضل وتوفر على المالك بدل ما تكلفه.

[ابو جمال]

إسمح لي يا اخوي أرد عن جزئية المشاوره

بالعكس المشاورة تفتح آفاق لبعض الأفكار والإقتراحات واللي مب شرط الواحد ياخذ بها.

وبعدين عندك أحياناً أُمور كثيره ما تشوفها في الرسومات، وتكون واحد مختص يقدر يشوفها ويفتي لك فيها.

والأهم ما يكون خالف مبدأ الشورى .. انا حطيت مخططات بيتي وخذت بكثير من الآراء وباعدل بعض الجزئيات حسب آرائهم .. مع اني لي حول 20 سنه مبقق عيوني في مشاريع هندسية كبيرة وصغيرة، والحمد لله عارف شابي بس الرأي من الغير دوم مهم.

أحياناً البعض يتخوف من تعديل بسيط وانه ممكن يكلف، لكن أغلب التعديلات تكون للأفضل وتوفر على المالك بدل ما تكلفه.

كلام في محله اشكر متابعتك وردك .... منتظرك تشوف الايميل وترد لي خبر :nice:

[Just Smile]

الله يوفقك اخوي و منزل مبارك مقدما

و ما خاب من استشار

[ابو جمال]

الله يوفقك اخوي و منزل مبارك مقدما

و ما خاب من استشار

و يوفق الجميع يارب مشكور الغالي

[راشد محمد]

بالتووووووووووووفيق

[معماري قطري]

كلام في محله اشكر متابعتك وردك .... منتظرك تشوف الايميل وترد لي خبر :nice:

إن شاء الله إخوي

[مواقف النجادة]

موفق اخوي ..

مع انك قلت انك ماتبي تغير .. ولكن عندي لك اقتراح..

ليش ماتخلي الدرج على شكل مربع وتخلي اللفت في وسطه .. ومكان اللفت الحالي تنقل له مغاسل المجلس
( على اليسار) و تخلي الحمام (تكرم) مقابل المغاسل (على اليمين) .. راح تكسب مساحة ممكن توسع بها غرفة الطعام..

وبالتوفيق..

[ابو جمال]

موفق اخوي ..

مع انك قلت انك ماتبي تغير .. ولكن عندي لك اقتراح..

ليش ماتخلي الدرج على شكل مربع وتخلي اللفت في وسطه .. ومكان اللفت الحالي تنقل له مغاسل المجلس
( على اليسار) و تخلي الحمام (تكرم) مقابل المغاسل (على اليمين) .. راح تكسب مساحة ممكن توسع بها غرفة الطعام..

وبالتوفيق..

اشكر مرورك الغالي لكن موضوع الدرج انا حاب انه يكون دائري لجمال المنظر

[بن غيث]

موفق أن شاء الله

[معماري قطري]

تم وضع تصور للأثاث وتعديل بعض المداخل .. مثل مدخل غرفة الضيوف ليكون بين البابين وقبل باب الصالة الداخلية، وتم إزاحة المدخل 40 سم للأمام وكذلك الباب اللذي خلفه، ويقترح أن يكون الباب الأول يو بي في سي شفاف لإدخال أكبر قدر من الضوء الطبيعي.

تم عكس الدرج بحيث يكون الصعود أقرب للمدخل وتكون هناك مساحة مفتوحة تحت الدرج تكفي لتوسيع صالة الجلوس، مع عمل العمود دائري ليكون متقبل أكثر، بالنسبة للصالة في هذا الدور أعتقد ستكون قريبة من حائط البيت ولا يمنع من فتح نافذة لأنها ستكون تحت ولا تكشف الجيران.

بالنسبة لموقف السيارات فهناك إمكانية لتوسعة الباب وزيادة عرض الموقف حتى ولو بنصف متر ليصبح 5.5 متر، وهذه الرسمة مع الرسمة للدور الأول سأكملها وسأرفقها لاحقاً بإذن الله.

المطبخ تم ترك المساحة يسار الباب للثلاجات والفريزر وليكون العمود البارز مخفي بينهم.

بالنسبة لمدخل البيت الثانوي ناحية غرفة الخادمة أنصح بعمل العتبات خارجية ناحية الحوش وعمل باب إضافي لحماية الداخل من الغبار.

وهذه صورة للدور الأرضي بدون وزنية الأبعاد والخطوط لوضوح أكثر.

http://www.gulfup.com/?ZotXKy

http://www.gulfup.com/G.png (http://www.gulfup.com/?ZotXKy)

[ابو جمال]

جزاك الله خير الغالي ومنتظر الاقتراحات للدور الاول والبنت هاوس علشان اقدر اقدر اقارن واشوف اذا ممكن اغير شي ولاهنت على كل حال وماقصرت

[معماري قطري]

مشكور إخوي بو جمال على الدعوة الطيبة، وما شاء الله بيتك مدروس عدل بس هذي التعديلات إن شاء الله للأفضل لو حبيتها ما تأثر شيء في روح التصميم.

بالنسبة للأول الأسرة المقترحه للغرف كلها الحجم الكبير كنغ سايز، والخزاين لو كانت في الحايط وعرض 70 سم بتكون الستاندرد الأمريكي وبتطلع أحلى.

عدلت شوي مساحات الحمامات الضايعة، وخليت العمود البارز يكون مخفي داخل الخزانه .. البانتري فوق خذت شوي من مساحته وزدتها في غرفة الملابس وما تحتاج للبانتري الا مغسلة صغيرة وثلاجه ومايكروويف وسخان ماي للشاي، وكبت حايط بسيط للأكواب والصحون وعرض مترين كافي كل هذي والعمق بس يغطي كامل الثلاجة كفاية.

شوف المخطط وقول لي رايك ورسومات الأوتوكاد وقت التعديل النهائي باعطيك اياها ودها للإستشاري لو حبيت يسوب هالتعديلات وبالتوفيق إن شاء الله.

http://www.gulfup.com/G.png (http://www.gulfup.com/?ikfjJK)

[ابو جمال]

ماقصرت الغالي في بعض الشغلات بفكر فيها بشكل جدي وفي شغلات بتم عليها الله لايهينك وعساك على القوه

[معماري قطري]

ماقصرت الغالي في بعض الشغلات بفكر فيها بشكل جدي وفي شغلات بتم عليها الله لايهينك وعساك على القوه

بالتوفيق لك وانت أكيد أعرف بإحتياجك وصراحة التصميم متوازن وحلو وعملي .. بس ركز على العزل الحراري لو مهتم ليكون بيتك متكامل ويعمر عمر طويل بدون شلوخ ومشاكل حرارية .. شوف التفاصيل لو تحب في موضوع كتبته عن العزل الحراري.

انا شاكر لك ولكل واحد يخلينا نساهم في توضيح بعض الأُمور في التصميم .. البنتاهاوس ما عندي ملاحظات عليه .. والخدمات اتوقع بتاخذ حيز بعد تأكد من الإستشاري شبيسوي معاها مثل تانكي الماي وغيره.

[ابو جمال]

ماقصرت معماري الغالي ولاهنت

[متروس]

صمم بيتك على هواك واستغل كل مساحة داخلية ,,, اهم شي الوسع مع المساحات المفتوحة في الدور الارضي قد ما تقدر وإخفاء عواميد الأساس حسب تصميم البيت

من الأشياء المهمة هي

1 مدخل خصوصي لك في حالة عندكم ضيوف في البيت وحاب تدخل وتطلع ومحد يدري عنك (العادة الناس يحطون مدخل غير رئيسي عند الدرج) وانا اعتقد الدرج ماخذ مساحة كبيرة عندك

2 كم مساحة الارض عندك لأنة مهمة بخصوص توزيع الملاحق اذا بتسوي ملاحق واعتقد انك راح تسوي

3 هل الارض تطل على شارع واحد فقط؟ او شارعين ؟ لأن هذا الشي بيساعدك في موضوع غرفة السواقين (ملحق صغير من غرفة ومطبخ وحوش داخلي شبة مخفي) لأنة تخبر السواق يفضل انة ملحقة منعزل عن البيت ويطل على الشارع ,,, راح ترتاح اذا كانت ارضك تطل على شارعين لأنة تقدر تخلي جميع الملاحق مع غرفة السواق على صف واحد ويكون مكان الملاحق محاذية للبيت ولكن ملحق السواقين فقط يكون مطل على الشارع ,,, والهدف البحت من هذي النقطة هي انك توفر خصوصية لأهلك في الحوش وياخذون راحتهم

اما اذا كان البيت يطل على شارع واحد ,,, حاول انك تشوف لك طريقة تعزل فيها ملحق السواقين عن البيت

اما بخصوص واجهة البيت ,,, حاول تخلي الباب الرئيسي مع الباب الصغير متلاصقين (فرق متر او اقل) على زاوية بحيث ما ينكشف مدخل البيت للناس الي ماشين في الشارع وتقدر تدخل سيارتك وتوقفها داخل وانت مرتاح بحيث انك توفر مساحة (حديقة) قدام البيت

للأمانة انا مش خبير في هذي الإمور ولكن هذي معطيات مهمة لاحظتها في كثير من البيوت المرتبة ترتيب جميل ... وعلى فكرة شي حلو لما يكون عندك ستور في الدور الثاني تحط فية اي شي تحتاجة من ملاحف ومخدات والأغراض الي تحتاجها في الدور الثاني