تغيير اسم شركة ( مواشي ) الى ( ودام ) الغذائية

[R 7 A L]

عقدت الشركة القطرية لتجارة اللحوم والمواشي "مواشي" ، الشركة الرائدة في قطاع المواشي في قطر، مساء أمس جمعيتها العمومية الغير العادية في النادي الدبلوماسي - الدوحة. وضمت الجمعية العمومية كل من المساهمين وأعضاء مجلس الادارة وتمت الموافقة على تغيير اسم الشركة من "مواشي" الى "ودام الغذائية". ويأتي اسم ودام من صميم التراث والتقاليد والعادات القطرية المتعلقة بالمأكولات المحلية.

[الزعفراني]

موفقين ان شاء الله

[عبدالعزيز الهتمي]

شيء جميل التغير من والى اسم تراثي تحياتي للآخ بوناصر الكعبي مدير مواشي ومووفقين ان شااءالله شكرا عالنقل أخوي

[غير البشر]

مادري شلون الاسم مهب حلووو

خوفي سوق الخضره يقلبونه سوق القدوع :rolleyes2:

[Locale]

حليو الاسم

[ودي أكون]

احين الودام تعني المأكولات المحليه ..؟!!

والا اللحم الــخ :rolleyes2:

[Aaziz]

ويأتي اسم ودام من صميم التراث والتقاليد والعادات القطرية المتعلقة بالمأكولات المحلية.

ورى مايمشون على العادات و التقاليد في باقي امور الحياه، ولا بس في الاسماء

[غير البشر]

احين الودام تعني المأكولات المحليه ..؟!!

والا اللحم الــخ :rolleyes2:



اختي ودي اكون السبب الله يسلمج
ان مواشي راح تدخل في القريب العاجل في امور كثيره
منها الدجاج وغيره :victory:

[ودي أكون]

اختي ودي اكون السبب الله يسلمج
ان مواشي راح تدخل في القريب العاجل في امور كثيره
منها الدجاج وغيره :victory:

يعني الدياي مو من لودام :)

انك بتكحلها :tooth:

[غير البشر]

يعني الدياي مو من لودام :)

انك بتكحلها :tooth:



هههههههههه احنا عاده نتكلم عن الودام انه هي الخلطه الي مثلا تنحط في البرياني
لكن الاودام هو كل شي للبيت

من جذي يقولون بجيب اودام حق البيت


شكلي الحين ماعمتيها الا قشعت عيونها هههههههههههههه

[elders]

كم مرة بدهم يجتمعو !!

يسلمو عالنقل

[ودي أكون]

هههههههههه احنا عاده نتكلم عن الودام انه هي الخلطه الي مثلا تنحط في البرياني
لكن الاودام هو كل شي للبيت

من جذي يقولون بجيب اودام حق البيت


شكلي الحين ماعمتيها الا قشعت عيونها هههههههههههههه

اخبر الخلطات انسميها الحمسه :eek5:

والودام للحم والدياي الخ .. من جذي يقولون حط لودام في الفريزر

انت خمبقتها من قلب :tease:

[كود نمبر]

الودام هو جميع اصناف الحوم
من ماشيه وطيور واسماك

[خوي الدرب]

أنا كنت إذا رحت سوق المواشي اجي شبكهم واقول أنا جيت أشتري أحد مواشيكم
هالحين وش أقول ؟ أقول لهم أبي أشتري ودام ؟

[qatara]

مواشي كلمه فصيحه وهي لغتنا الاصل

عكس ودام

من طرح الفكره لم يوفق مثل فكره
كروه وكروه كلمه هنديه
لم يسمونه اجره ولم يتركونه تكسي

[ودي أكون]

أنا كنت إذا رحت سوق المواشي اجي شبكهم واقول أنا جيت أشتري أحد مواشيكم
هالحين وش أقول ؟ أقول لهم أبي أشتري ودام ؟

اعتقد اي .. ويقولون لك تبي لحم والا دياي ؟

[غزلان]

ودام
زين لهندي شلون بيقدر يقولها

[الحياة الخالدة]

احنـــــا نقول إيدام مب ودام

[مستوى الدعم]

مواشي كلمه فصيحه وهي لغتنا الاصل

عكس ودام

من طرح الفكره لم يوفق مثل فكره
كروه وكروه كلمه هنديه
لم يسمونه اجره ولم يتركونه تكسي

كلمة كروة كلمة فصيحة ، وهذا معناها من قاموس لسان العرب:

كرا (لسان العرب)
الكِرْوَةُ والكِراء: أَجر المستأْجَر، كاراه مُكاراةً وكراء واكْتراه وأَكْراني دابّته وداره،

أما كلمة ودام فأصلها إدام ومعناها من الصحاح في اللغة:

والإدامُ: مايؤتَدَمُ به. تقول منه: أَدَمَ الخبزَ باللحم يَآْدِمُهُ

[بوطلحة]

احنـــــا نقول إيدام مب ودام

احنا بعد نقولها ايدام اول مرة اسمعها ودام

[ودي أكون]

احنـــــا نقول إيدام مب ودام

ايدام .. ودام .. لودام

كلها نفس المعنى بس على طريقة اللفظ

اليوم شريت ايدام من الجبره مثلاً

حط لودام فالثلاجه

والاخيره .. شريت لكم ودام شتبون بعد اكثر :tease:

يمكن اخونا غير البشر عنده توضيح ادق هههه :rolleyes2:

[بـارود]

( أريدُ ) أن أشتري ( وداماً ) للبيت :nice:

[خوي الدرب]

اللي يقول أن كلمة " ودام " تأتي من اللحم أو الدواجن أو السمك وأسمها الصحيح الأدم .
فهم خطأ لأن كلمة " أدم " وأظن أن كمة " ودام " محسوبة عليها . لا يقصد بها اللحم أو الدواجن أو الأسماك .
لأن في السيرة قدّم لرسول الله صلى الله عليه وسلم خبزا وخل . فقال عليه الصلاة والسلام : نعم الأدم الخل نعم الأدم الخل .
وهذا دليل على أن كلمة " أدم " يقصد بها كل شيء يضاف إليه الخبز أو الأرز ؛ وما شابه .

[shadad]

مادري شلون الاسم مهب حلووو

خوفي سوق الخضره يقلبونه سوق القدوع :rolleyes2:

:nice::nice:

[bohilal191]

تسلم اخوي ويعني سعر السهم بيرتفع الحين

[وحيد-الشوق]

ورى مايمشون على العادات و التقاليد في باقي امور الحياه، ولا بس في الاسماء

والله جبتها :victory:

اريدوو و ودام ليش هالعقد ياجماعة :rolleyes2:

[Locale]

( أريدُ ) أن أشتري ( وداماً ) للبيت :nice:

بفكك اللغز
( كيوتل ) ان تشتري (مواشي ) للبيت

:nop::nop::nop:

عفسنا الدنيا

[حياة]

حلو الاسم
احنا نسمي اللحم والدجاج ودام


ودام تطلق على اللحم والدجاج
نقول يامكبوس دجاج او مكبوس لحم
بس لمن حد يبي يتغدا وحطوا له عيش بس
يسئل ويقول مافيه ودام؟

[<اضرب واشرد>]

تسلم اخوي ويعني سعر السهم بيرتفع الحين

لا

ارتفع وخلّص

[qatara]

كلمة كروة كلمة فصيحة ، وهذا معناها من قاموس لسان العرب:

كرا (لسان العرب)
الكِرْوَةُ والكِراء: أَجر المستأْجَر، كاراه مُكاراةً وكراء واكْتراه وأَكْراني دابّته وداره،

أما كلمة ودام فأصلها إدام ومعناها من الصحاح في اللغة:

والإدامُ: مايؤتَدَمُ به. تقول منه: أَدَمَ الخبزَ باللحم يَآْدِمُهُ

شكرا جزيلا على التوضيح
ولاهنت

[بصمة قطرية]

ما طلعت الأصالة والتراث إلا في الأسماء :rolleyes2::rolleyes2:
كله كوم و أُريدووووو كوم :rolleyes2:

[qrt_trading]

ودام
زين لهندي شلون بيقدر يقولها

يتروالي الهندي بقولها مودام :discuss:

[هاب الريح]

اسم مواشي شعار ( خرفان ) احلى من اودام .

[تغلبية]

يتروالي الهندي بقولها مودام :discuss:

بيقولها فدام vedam :discuss:

[معماري قطري]

كلمة كروة كلمة فصيحة ، وهذا معناها من قاموس لسان العرب:

كرا (لسان العرب)
الكِرْوَةُ والكِراء: أَجر المستأْجَر، كاراه مُكاراةً وكراء واكْتراه وأَكْراني دابّته وداره،

أما كلمة ودام فأصلها إدام ومعناها من الصحاح في اللغة:

والإدامُ: مايؤتَدَمُ به. تقول منه: أَدَمَ الخبزَ باللحم يَآْدِمُهُ

ما شاء الله عليك توضيح وافي

انا عاجبني الإسم سواء القديم أو الجديد والجديد بيكون إن شاء الله شامل لكل البروتينات الحيوانية والسمكية .. سمعت إنه بيتم تعليب الضب ما ادري صج أو دعابه؟

[مــاي ورد]

حلو اï»»سم لكن واï»»رجح ادام بكسر الهمزة وليس ودام
واï»»دام جميع أنواع اللحوم مافي شي اسمه بس حق اللحم وبس حق الدياي

[ولد البدر]

الاودام يختلف مب كله لحم ، مره لحم مره سمك مرة دياي

[غير البشر]

الاودام يختلف مب كله لحم ، مره لحم مره سمك مرة دياي


هذا المقصود لانهم قريبا بيدخلون في الدجاج والبيض :nice:

[قطريه22]

ودام هههههههه
انا اقول لو يعطوني بدال هالاسهم الي في شركتهم خرفان احسن مافي فايده من هالشركه من انولت وهي اسهمها نازله

[المرحب]

ورى مايمشون على العادات و التقاليد في باقي امور الحياه، ولا بس في الاسماء

:nice:

[ودي أكون]

هذا المقصود لانهم قريبا بيدخلون في الدجاج والبيض :nice:

البييض ماله خص فالاودام :rolleyes2:

[لطيف الروح]

الذيب مايهرول عبث
بمعني كم راح ينصرف من فلوس ( بيزات ) لتغير الشعار و الاسم القديم
قال تراث قال