عاااجل : تكسير للمكيفات بعد الانتهاء من الديكور

[نوت]

السلام عليكم ,,اتمنى الاقي الحل عندكم مشكلتي مع المكيفات بعد ماخلصت الصبغ وديكورات الجبس للأسقف والجدران ورق الحائط جات الشركه تشيك علشان تركب المكيفات,خبرونا انه لايمكن المكيفات تركب ولازم تكسير وراح يتكسر من الديكورات الجبس بعد وطبعا الأصباغ ورق الجدران بيتأثر قال الأرتفاع اللزم لتركيب المكيف لازم يكون اقل شي 38سم واحنا عندنا 20سم على الأغلب انا ماخذ مكيفات جنرال فهل فيه حل اتفادى هذه المشكله وهل فيه نوع اخر من المكيفات ممتاز اصغر ومايحتاج لهذه المساحه ممكن يكون بديل ,,

[عقرب]

المفروض أخوي إنك مسوي التمديدات عند الشركة إلي بتركب لك المكيفات في مرحلة ما قبل البلاستر ويمدون كل حاجه ... قبل السكن يتم تركيب المكيفات فقط

[ضوى]

غريب انك مامددت البايبات قبل البلاستر ؟ اعتقد لازم تحاسب المقاول لانه لازم يقول لك هالشي
بس كل شي له حل والتكسير اتوقع شي بسيط وممكن يعيد عالصبغ وورق الجدران له حل اكيد

الاعضاء هنا مايقصرون وبيفيدونك ان شاء الله انتظر بس معماري ونيكلان وشموخ وخلدون والبقية وان شاء الله الحل عندهم

[Chambray]

مالك إلا هالحل يالغالي ..

هذي ضريبه البنيان :(

[نوت]

للأسف متاسس لكل هذا قبل البلاستر والشركه الي خذت من عندهم هم الي مركبين لي ومسوين كل التمديدات بس هالحين يوم جا وقت التركيب قالوا الجبس والكرانيش خذ من المساحه فلازم يعمل تكسير وتنزل تحت بقدر 18 الى 20 سم مع العلم ان اللفل للجبس مو كثير نازل بالعكس قدر المستطاع حاولنا يرفعونه علشان ماينزل السقف,وطبعا طلع عندي بايبات كثيره متكسره ولازم تبدل ,الي بيروح علي خساره مش الصبغ ورق الجدران الا بعد حركات الجبس على الجدران والي خاااالصه صبغ وتذهيب وكله غير ان الصبغ الي عامله موصبغ عادي والورق مافي منه بالدوحه

[Chambray]

للأسف متاسس لكل هذا قبل البلاستر والشركه الي خذت من عندهم هم الي مركبين لي ومسوين كل التمديدات بس هالحين يوم جا وقت التركيب قالوا الجبس والكرانيش خذ من المساحه فلازم يعمل تكسير وتنزل تحت بقدر 18 الى 20 سم مع العلم ان اللفل للجبس مو كثير نازل بالعكس قدر المستطاع حاولنا يرفعونه علشان ماينزل السقف,وطبعا طلع عندي بايبات كثيره متكسره ولازم تبدل ,الي بيروح علي خساره مش الصبغ ورق الجدران الا بعد حركات الجبس على الجدران والي خاااالصه صبغ وتذهيب وكله غير ان الصبغ الي عامله موصبغ عادي والورق مافي منه بالدوحه

هلا اخوي

يا اتكسر وتنزل البيبات تحت

او تشيل جزء من الكرانيش ( فوق المكيفات )

علشان هم فعلاً مايقدرون يركبون إلا بمساحة معينه .. مرتبطين فيها

[MAZEN37]

اقتراحي لك بتركيب مكيفات ستاند
مثل المساجد وفتحه صغيره بالطوفه من الخلف على الحائط

[Chambray]

اقتراحي لك بتركيب مكيفات ستاند
مثل المساجد وفتحه صغيره بالطوفه من الخلف على الحائط

شكلهم بشع اخوي اذا الرجال تعبان على الديكور !!

بعدين اسهل له يكسر والتكسير راح يكون طولي بحدود 20 سم فقط
يعني الترقيع راح يكون من فوق المكيف فقط

[Aozomblue]

الله يكون بعونك على هل الوهقه

[معماري قطري]

الله يعينك والله وضع يقهر الصراحه

بس مثل ما ذكر الأخ شامبري التكسير لازم في هذي الحاله وحاول تخليهم يقصون بالمنشار وبعدين أكيد اللي ركب الجبس مهب مقصر معاك، وبيرجع يسوي هذي الوصله وبيرجع كل شيء مرتب مثل قبل.

انا بدلت بعض المكيفات وشركة الريس وكلاء فوجي كان ترتيبهم وايد زين مع إن فيه تكسير وتبديل بايبات وشغل ساعتين لكل مكيف لكن بعد التركيب كلش ما بين شيء وجا التركيب مكان القديم بالضبط ،، شوف أحياناً يكون قص الكورنيش وتدخيل المكيف وسطه بعد حل معقول حاول تسويه في بعض الأماكن لأن شفايدة ينزل المكيف شوي ويكون خط كورنيش الجبس فوقه، حلاته يكون نازل بمسافه معقوله ويبين الكورنيش فوقه وشوي من الحائط.

[naklan]

للأسف متاسس لكل هذا قبل البلاستر والشركه الي خذت من عندهم هم الي مركبين لي ومسوين كل التمديدات بس هالحين يوم جا وقت التركيب قالوا الجبس والكرانيش خذ من المساحه فلازم يعمل تكسير وتنزل تحت بقدر 18 الى 20 سم مع العلم ان اللفل للجبس مو كثير نازل بالعكس قدر المستطاع حاولنا يرفعونه علشان ماينزل السقف,وطبعا طلع عندي بايبات كثيره متكسره ولازم تبدل ,الي بيروح علي خساره مش الصبغ ورق الجدران الا بعد حركات الجبس على الجدران والي خاااالصه صبغ وتذهيب وكله غير ان الصبغ الي عامله موصبغ عادي والورق مافي منه بالدوحه




اخوي نوت اذا عندك بيبات مكسره لازم تستبدل لان ماي المكيف
بعد بيتلف كل الديكورات اذا لم يصلح واذا على الاماكن الي بينزلون فيها 20
صانتي بسيطة والترميم بيعمل على نتفة صغيرة سواء لورق الجدران او للصبغ
والامور سهالات ان شاء الله اعمل كل شي على الاصول حتى ما تحصد متاعب
في المستقبل تصليح الجبس سهل والصبغ بعد اما ورق الجدران مشكلة :rolleyes2:
اذا ما عندك منه بس ممكن تعمل نتفه كورنيش ورق 20 صانتي مناسبه
للون الورق وتكون بطول المكيف وبتكون جزء من المكيف وما تخرب
المنظر او تلف فيها الغرفة كامله والامور بسيطة باذن الله :)

[ولد المنصور]

الله يعينك ,, وشكله جايني الدور .

[كود نمبر]

مرحبا اخوي

الحل الافضل انك تعلق الوحده الخارجيه من خارج الطوفه وتفتح لها فتحه علئ المكيف الداخلي وتكنسل البيبات الداخليه وهذا هو الحل الوحيد اذا ماتبي تكسر من جديد

[نوت]

مرحبا اخوي

الحل الافضل انك تعلق الوحده الخارجيه من خارج الطوفه وتفتح لها فتحه علئ المكيف الداخلي وتكنسل البيبات الداخليه وهذا هو الحل الوحيد اذا ماتبي تكسر من جديد

للأسف بعضها راح تكون في وجه البيت شكلها ابد موحلوا .وفي كل الأحوال راح يكون فيه شغل بلاستر وغيره

[r07]

انا واجهتني نفس المشكله تقريبا ..الحل هو اذا المكيفات على طوفه خارجيه مب طوفه داخليه ...فممكن التكسير يكون من برا...او اذا الطوفه داخليه بين الغرف...فالتكسير يكون في الجهه اللي ما فيها صبغ غالي او ورق غالي مثلا...
والله يوفقكم

[almaf1a]

حول المكيف للحائط الخارجي وافتح بالطوفه مكيف واحد لا يأثر على المنظر خصوصا لو كان في الطابق الارضي

[نوت]

حول المكيف للحائط الخارجي وافتح بالطوفه مكيف واحد لا يأثر على المنظر خصوصا لو كان في الطابق الارضي

للأسف 10مكيفات 7منهم في غرف ومجالس جاهزه ديكورات وصبغ ورق جدران:cry2: