صدر الحكم ولم يتم القبض عليه

[دنيا حظوظ]

موضوعي يا اخواني

اني ولله الحمد على كل حال طحت في عملية نصب من محتال في قطر.
الذي بدوره قد نصب على غيري من المواطنين ولم يمسك عليه اي طرف
الا عندي وبثبوت الادله والبراهين تم الحكم عليه بالحبس الا ان قام بدفع المبلغ
وقد قام بدفع ثلث المبلغ مخافة الحبس

وفجأه اختفا ولم يسدد المتبقي وقد اصدر فيه بامر الحبس من 7 اشهووووووووووووور
وللحين ما قبضوا عليه

وان جيت احاجي شعبة متابعة الاحكام يردون علي : دلنا على بيته وعلينا الباقي

قمت وسألت ودرت ودخت وقلتلهم الرجال نقل وترا منزلهم في الحضارمه

وبكل برود يقلي دور اكثر وعطنا عنوانه

السوال المطروح الان انا موااااااااااااااااطن
وصدر لي حكم

فليييييييييييش اقوم بعمل غيري , وادور عليه

هذا عمل الشرطه

قمت ورديت علمسول وقلتله هذا واجبكم
تقدرون تستدلون عليه من مدارس اعياله, من شركات اخوانه, من عناوين اقاربه ومن ومن ومن

لكن لا حياة لمن تنادي

فان كان موضوعي حدث للغير من الناس الواصله هل كان سيحدث لهم نفس الاجراء المتبع وياي

ولا كان حاااااااسوا قطر زنجه زنجه

لله الحمد والمنه على كل حال ناطر تعليقاتكم

[قطريه22]

انا تعرضت لعملية نصب نفسج اذا كان نفس الشخص فهو مسجون على كلام القاضي
اسمه فضل ،
بس خليني اقولج شي لو النصب صار لناس كبيره صدقيني مايخلونه ويطلعونها من عينه
اما للبقيه فينتضرون وصدقيني اذا النصاب موجود ومانفذو الحكم عليه فهذا وراه ناس واصلين

الله ياخذ حقنا منهم

[ودي أكون]

التعامل مع شخص ماتعرفه ولا تثق فيه ولا اتعرف بيته والخ

اتكون هاذي نتيجته والله المستعان

لان في الاخير بيقولون لكم القانون لا يحمي ..

معوظين خير ان شاءالله :secret:













لو معطيني هالمبالغ جان احين انتو بليونيرات .. الله يهديكم بس :shy:

[دنيا حظوظ]

لله الحمد قبل كل شي

واسم الي عندي سعيد مو فضل

الله يعينج ويعينا

وجد الكلاب واحد (مثل قديم لشرح الي في قلبي)

[دنيا حظوظ]

ايش دخل ودي أكون

انا ماسك عليه واموري في السليم وتم الحكم عليه لصالحي وسدد مبلغ

لكن كحقي كمواطن ان يتم حمايتي ان سلكت معاه من البدايه بالامور القانونيه

انا ماعطيته كاش ولا سلمته الخيط والمخيط فلذلك لا اعد مغفل

لكن بالطرق الصحيحه تم التعامل وعلى اساسه تم الحكم لي فان كنت مغفل كما تدعي
كاني مافتحت الموضوع


مثال نفترض بعت سياره واستلمت فلوسها كاش
واتضح ان الفلوس كانت مزوره في هذي الحاله تسمي المجني عليه مغفل او انسان سقط في عملية نصب

هذا والسلام ختام

[شموخ دائم]

,

,


مرحبا

الله يعطيك العافيه

ان شاء الله يجيبونه

بيحتاج الموضوع ( وقت ) لين يلاقونه لانه ما يدخل بيته بالطريقه العاديه اكيد مثل كل نصاب
يمشي متخفي ودوم يطلع بالليل ومتواري عن الانظار واذا طلع في مكان ما يجلس فيه اكثر من 10 دقايق
من الخوف يغير مكانه بستمرار
هذي النوعيه الله يهديهم مكانهم الطبيعي ( السجن )

المحكمه باذن الله بيمسكونه طال الزمن او قصر
لكن هم يقولون لك ( ساعدنا ) اذا تبي بيكون مسكه اسرع بكثير

ولو ما ساعدتهم ترى عادي بينمسك ان شاء الله

تلاقيهم حاطين تحريات بكل الاماكن الي يتواجد فيها
واسمه عليه تعميم بكل مركز وكل مستشفى
وكل منفذ حدودي او مطار

طول بالك اخوي الكريم كل شي يبي له وقت
يمكن ينمسك خلال ايام ويمكن ياخذ شهور

,

,


اخوك


شموخ دائم

[Qatari1981]

شموخ دائم

جعل ايامج كلها سعاده
وماكو الا الصبر

بس للاسف شي يحير يوم الاستجواب جابوه ابلحظتها

بس وحدة تنفيذ الاحكام عليهم قصور

[MAZEN37]

حتى لو مسكوه يروح يسوي معارضه ويطلع
هذولي حافظين القانون ويستغلونه لصالحهم

[بوخالد911]

الله يعوضكم خير

والله لا يهنيه ابد

[R 7 A L]

كان الله في عونك
وعون من ابتلى بهذة المشكلة

[الخزرجي قطر]

الله يعينكم وترجع اموالكم من الي نصب عليكم
في فئه متفننه في عملية النصب والاحتيال الله يهديهم

[الصغيره]

من كبر قطر قلنا العمال والخدم هربوا مالقوهم زين هذا هامور يعني وين بيروح

[Qatari1981]

ليش انا مستغرب من الموضوع

لان النيابه حزت ما ارادت محاكمته جنائياً جابوه ابساعات معدوده

لكن المحكمه المدنيه يوم اصدرت بحكم الحبس لعدم سداده المبلغ

ماقدرت شعبة تنفيذ الاحكام من احضاره في سبعة اشهر


ليش النيابه عندهم صلاحيات غير اي شعبة قبض في البلد


والله غريبه

[Qatari1981]

دنيا حظوظ

ان شاء الله ان رديت علي علخاص

راح نتعاون عشان انبلغ عليه
لان هم انا طحت ضحيه لهلنصاب سعيد