مفاجاة ايكيا غدا لزوارة بمناسبه الافتتاح

[al_maystro]

ايكيا سيفاجئ عملائه في قطر خلال الافتتاح ، حيث يستطيع الزوار التبضع من المتجر والتقسيط على مدى 24 شهرا دون فوائد بالتعاون مع البنك التجاري القطري.

أكد جون كيرستين المدير الاداري لايكيا قطر والامارات وعمان ومصر أن ايكيا قطر والذي يفتتح رسميا اليوم في الدوحة فيستفال سيتي هو الأكبر في الشرق الاوسط بمساحة تبلغ 33 الف متر مربع .

واشار كيرستين خلال مؤتمر صحفي عقد صباح اليوم الى ان ايكيا قطر يعد المتجر الثالث للشركة في المنطقة والذي تديره مجموعة الفطيم ولكنه الاكبر على الاطلاق خصوصا وانه يقدم أكثر من 7500 من منتجات التأثيث المنزلي العملية ذات التصميم الجيد بأسعار منخفضة وفي متناول الجميع، الأمر الذي يعمل على ارساء ولاء العملاء الى جانب ما يتداوله الافراد من احاديث ايجابية والتي تقف خلف قرارات الشراء.

وتوقع كيرستين ان يستقبل ايكيا قطر 1.6 مليون زائر خلال العام الحالي، موضحا ان الشركة تعمل على هذا المشروع منذ ثلاثة اعوام وخلال تلك الفترة قامت ايكيا بزيارة أكثر من 50 منزلا في قطر للتعرف عن قرب بمتطلبات القطريين والمقيمين لتوفيرها ضمن متجرها الجديد.

واضاف :" تمثل قطر سوقا قويا وواعدا للغاية بالنسبة لشركة ايكيا، ونتوقع ان حظى مفهوم ايكيا ومنتجاتها المبتكرة بدعم سريع من المجتمع لدورها في تعزيز بيئة المعيشة المنزلية".

وشدد أن ايكيا سيفاجئ عملائه في قطر خلال الافتتاح ، حيث يستطيع الزوار التبضع من المتجر والتقسيط على مدى 24 شهرا دون فوائد بالتعاون مع البنك التجاري القطري.


واوضح :" يعتبر ايكيا قطر الاحدث بين متاجر الشركة البالغ عددها 341 متجرا موزعين في 43 دولة حول العالم ، ويمكن للزوار تجربة المنتجات والتعرف على المواد المستخدمة ومعاينة الجودة وعمل مقارنة بين الحلول والمجموعات والمزايا".

[الخزرجي قطر]

اكيد يوم الافتتاح بيكون زحمه والتقسيط على البنك التجاري ليه مافي بنوك اسلاميه ؟؟؟

[بوحارب]

مرحبا ومسهلا بجارتنا ايكيا

نورتي الحته

[.. الكاش ..]

مشاءالله ايكيا بضاعته جميله والكولتي ممتاز عن تجربه وتمنيت البادره من بنك اسلامي

[متفائل وايد]

والله لو متعاقدين مع بنك او مصرف اسلامي كان احسن ... لكن ان شاء الله ما نحتاج نروح بنوك ربوية

[حقيقه]

أوصفوه لي

[الصغيره]

أوصفوه لي

وانت رايح الشمال من طريق الاند مارك شمال صوب ام صلال تلقاه على يمينك

شفت المبنى كبيييير كثير

[التيما]

شدعوا بالاقساط !! الناس ناقصة ديون !!

[حياة]

يبون يرغبون الناس يشترون منهم
الله لايحدنا على البنك الربوي

[al_maystro]

اليوم ايكيا وغدا التنين الصيني اعتقد المنافسه بتشتعل لصالح المستهلك

[لاجل QT]

أوصفوه لي

اول جسر بعد اللاند يمين بتشوفين دوار صغير اخذية يسار عقب سيدة بيكون على يدج اليمين

قريب بيتنا:)

على بالى بالاول مجمع تجاري فرحت ويافرحة ماتمت:(

[معماري قطري]

اليوم ايكيا وغدا التنين الصيني اعتقد المنافسه بتشتعل لصالح المستهلك

الإثنين لهم وكلاء سواءً في الإمارات اللي هو الفطيم وفي قطر بعد .. يعني بدال الضريبة المعروفه ضريبة مستتره وأسعار خياليه .. يعني إيكيا بيبيع وبيطلع عموله للوكيل الإماراتي اللي هو الرئيسي وحق الوكيل القطري.

بس إن شاء الله تكون أسعاره زينه وبضاعته جيده وتسوى.

[Sowaidi]

اول جسر بعد اللاند يمين بتشوفين دوار صغير اخذية يسار عقب سيدة بيكون على يدج اليمين

قريب بيتنا:)

على بالى بالاول مجمع تجاري فرحت ويافرحة ماتمت:(

http://img577.imageshack.us/img577/4831/mall2.jpg

المجمع ان شاء الله بعد سنتين بيجهز وبيكون اكبر من الستي

[هجمة مرتدة]

شدعوا بالاقساط !! الناس ناقصة ديون !!

اللي مب مقتدر، ومجبور
ملزوم يقسّط المبلغ . .
ولا شرايج أخت التيما ؟!

[باراكودا]

بداية غير مبشرة والعين على جيوبنا .

[pure]

بداية غير مبشرة والعين على جيوبنا .

بديييييهيا عينهم على جيبك !!

عيل ليش متخسرين ؟ عشان الشعب يكشخ ببلاش ؟

[الزعفراني]

أعتقد عطوه أكبر من حجمه .. الناس بتشتط في البداية وعقب بتصدمهم الأسعار .. ويصير المحل حاله حال باقي المحلات المتخصصة في الاثاث

[الزعفراني]

اول جسر بعد اللاند يمين بتشوفين دوار صغير اخذية يسار عقب سيدة بيكون على يدج اليمين

قريب بيتنا:)

على بالى بالاول مجمع تجاري فرحت ويافرحة ماتمت:(

عز الله دلّت مكانه :rolleyes2:

[ودي أكون]

عز الله دلّت مكانه :rolleyes2:

سمعت ان احين الحريم يدلون احسن منكم :rolleyes2:

[كازانوفا]

يعني راح يسحبو الناس وبعدين يبداو برفع اسعارهم وتطفيش الخلق
الله المستعان

[راشد محمد]

انا اشهد بيكون زحمة

[basma222]

اول جسر بعد اللاند يمين بتشوفين دوار صغير اخذية يسار عقب سيدة بيكون على يدج اليمين

قريب بيتنا:)

على بالى بالاول مجمع تجاري فرحت ويافرحة ماتمت:(

المجمع التجاري بيبدون فيه وان شاء الله اول 2014 ينتهي

امس يركبون الحواجز علشان يبدون فيه

[مرتبش]

للتذكير
يوم فتح اللولو عندنا صارت زحمة وابواب المدخل تكسرت من التدافع.. ويوم فتح فرع لايكيا في جده ايضا حصل تدافع ووفيات.

فاللي ماله حاجة لايعور راسه اول اسبوع.. يروح يكرك عند اللاند ويرد بيتهم احسن :)

[سوالف بورصة]

للتذكير
يوم فتح اللولو عندنا صارت زحمة وابواب المدخل تكسرت من التدافع.. ويوم فتح فرع لايكيا في جده ايضا حصل تدافع ووفيات.

فاللي ماله حاجة لايعور راسه اول اسبوع.. يروح يكرك عند اللاند ويرد بيتهم احسن :)

:nice:

[A bin M]

إن شاء الله تكون اسعاره مناسبه ..

[PGR]

والله لو متعاقدين مع بنك او مصرف اسلامي كان احسن ... لكن ان شاء الله ما نحتاج نروح بنوك ربوية

يا خوي اشدخل البنوك الربوية قريت العرض شنو هو؟ التقسيط 24 شهر بدوووووون فوائد يعني السالفه مافيها ربا ولا حتى ربح

[الزعفراني]

يا خوي اشدخل البنوك الربوية قريت العرض شنو هو؟ التقسيط 24 شهر بدوووووون فوائد يعني السالفه مافيها ربا ولا حتى ربح

السالفة فيها لازم تحصل على بطاقة ائتمان البنك التجاري :)

[وحيد-الشوق]

انا شفت كتالوجهم مادري من علقه على باب البيت

الزبدة ماشفت فيه شيء يسوى واسعاره عادية احسه ماخذ سمعة عالفاضي

[راشد محمد]

للتذكير
يوم فتح اللولو عندنا صارت زحمة وابواب المدخل تكسرت من التدافع.. ويوم فتح فرع لايكيا في جده ايضا حصل تدافع ووفيات.

فاللي ماله حاجة لايعور راسه اول اسبوع.. يروح يكرك عند اللاند ويرد بيتهم احسن :)

تدافع:omg:شدعوة ..الله يستر بنسمع الاخبار اليوم

[alawi23]

باي باي هوم سنتر هههههههههههه

[كاروهات]

زحمة زحمة

مش طبيعية

http://www10.0zz0.com/2013/03/11/09/649717472.jpg (http://www.0zz0.com)

[miss.qa]

هههههههههههههه من قلب الحدث اش هالملل

[OREO]

زحمة زحمة

مش طبيعية

http://www10.0zz0.com/2013/03/11/09/649717472.jpg (http://www.0zz0.com)

بكل بساطة عالم مهب شايفة خير ،،

[لاجل QT]

عز الله دلّت مكانه :rolleyes2:


سمعت ان احين الحريم يدلون احسن منكم :rolleyes2:

ههههههههههههه

المراد

خل يشلونة مانبية دام بيسوى هالزحمة

وين الخيسة وين الزحمة من اهدى الاماكان

اليوم موقفين طابور سيارات حق نروح بيوتنا

[فرهود]

اليوم موقفين طابور سيارات حق نروح بيوتنا

حق ليش تروحون بيوتكوم ؟

[القطو السمين]

شكرا للي صرح لايكيا بانه تفتح في الدوحة رحت وكان المكان افضل من رائع والاسعار جدا ممتازة وكوالتي وداعا هوم سنتر فكاك يالدوحة سيتي انصحكم بزيارته

[عيون الدوحة]

شكرا للي صرح لايكيا بانه تفتح في الدوحة رحت وكان المكان افضل من رائع والاسعار جدا ممتازة وكوالتي وداعا هوم سنتر فكاك يالدوحة سيتي انصحكم بزيارته

وداعا هوم سنتر
وداعا دوحة سيتي
وداعا طريق سلوى
وداعا طريق الصناعية بروة حتى لو انه لحد الحين مافتح بس سياستهم واضحة صلخ جلود الناس

مرحباً ايكيا مرحباً الفطيم

[فراغ]

سنتر عادي مافيه شي غير الزحمة

[خشوف]

رحت ايكيا يوم الخميس وتسوقنا قبل الزحمه يوم جربوا جرس الانذار

نفسه الي بالظهران حتى الي بالظهران احسه اكبر يمكن يقصدون الكبر بالمواقف

[سداوي&مدريدي]

بيقصفوووووووووووووووووووووونا بالاسعار

[تحداني]

[quote=وحيد-الشوق;8778461]انا شفت كتالوجهم مادري من علقه على باب البيت

الزبدة ماشفت فيه شيء يسوى واسعاره عادية احسه ماخذ سمعة عالفاضي[/quote



معاك حق .. لا جوده ولا تميز .. افكار مودرن مسروقه على كواليتي سئ
وعملي .. وتمل منه بعد يوم او يومين
مب كل شي في هالمحل يسوى يمكن الاشياء الاستهلاكيه اليوميه لليهال تفيد بس

جملك الله برضاه

[باراكودا]

http://www10.0zz0.com/2013/03/11/09/649717472.jpg

أنا رحت اليوم زحمة سيارات والسبب الشارع ضيق جدا
ومالفت نظري غير الدرام الازرق .

[راشد محمد]

الناس بتتولع فيه كم يوم وخلاص

[fzaa_qatar]

متجر ايكيا اعرفه من زمان وكنت اتمنى يفتح عندنا والحمد لله فتح ورحت اليوم وكان يوم ممتع كل شي فيه رووووعه ومودرن من والى .. وايكيا له عشاقه وناسه .. يكفي لمن تزوره تحس بنتعاش وانت تتسوق مع اني ماحب التسوق .. كل ما تريده تجده تحت سقف واحد.. وبالنسبه لاسعاره نفس اسعار دبي والفروع الثانيه فالخليج.. هوم سنتر وغيره لا جوده ولا شي واسعاره الكل يعرفها.. الان دخل منافس شرس وله شعبيته بين الناس ..

[NINA RICCI]

ايكيا اثاثه مودرن وحلو شفته بالكاتلوج .. بنجرب ناخذ منه

[طالع بن نازل]

متجر ضخم ورائع يكفي انه لديه موقع ويب سايت تقدر تشوف البضائع واسعارها قبل ما تروح .

[romoz]

اللي يميز ايكيا عن غيره ، ان يوجد فيه شغلات (خدماتيه) مثل التقسيمات والرفوف ، يعني اذا كنت تعاني من مساحه ضيقه تقدر تحط اغراضك بطريقه منظمة و مقسمه بحيث ينازح عن كاهلك هم ضيق المساحه ( و هذا ما كنت اعانيه )

المهم الله يهنيكم يا اهل قطر ، و جعله يسقى بالخير و البركة اذا تسوقت منه

[لاجل QT]

حق ليش تروحون بيوتكوم ؟


مدري والله :omen2:

هذي شي متبعينة من زمان عقب الدوام نروح بيوتنا

ليش في مكان اخر المفروض نروح له ..لايكون قاصين علينا:(

[naklan]

الي يحب يشوف اسعار ايكيا قطر يتفضل

http://www.ikea.com/qa/en/

[الزعفراني]

هذي هي المفاجأة

http://www.raya.com/File/Get/d08cebe5-6a3f-4e03-a8b5-9988079c9750

[بيبيب]

انتو ناس مايملى عينكم غير التراب

[تحداني]

انتو ناس مايملى عينكم غير التراب




الحين عشان ايكيا ما يملى عينا الا التراب :(
وايد قاسيين

[الامير]

صدقوني بشوفون الاسعار مختلفه من دول المجاوره وانتو احكمو وقارنو

[bu-3bdulla]

ادخلوا على موقع ايكيا قطر وقارنوا الاسعار مع اسعار ايكيا الامارات وايكيا السعودية بتشوفون الفرق وصدق بوعبداللطيف بكاركاتيره

والله ان الفرق واضح واسعار ايكيا قطر اعلى اسعار بالمنطقة


موقع ايكيا قطر
http://www.ikea.com/qa/en/store/qatar/

موقع ايكيا الامارات
http://ar.ikea.com/ms/en_AE/ikny_splash.html

موقع ايكيا السعودية
http://www.ikea.com.sa/ar

نقطة أخيرة : موقع ايكيا قطر هو الموقع الوحيد اللي بالانكليزي فقط مقارنة بمواقع ايكيا لدول المنطقة فهي بالعربي + الانجليزي


يا فرحة ما تمت :weeping:

[عقرب]

قارنوا يا أخوان سعر هالمنتج بين قطر والسعودية :eek5:

الـــــســـــعودية :thumbup1:

http://www.ikea.com.sa/en/catalog/ProductP.aspx?ProductId=30190447

قـــــــــطـــــــــــر :vampire:

http://www.ikea.com/qa/en/catalog/products/80146249/


والقطري :court: كالعادة على راسه

[الدمعه]

بنشتري الأشياء حقة التخزين ،،، واللي نكون متأكدين من سعرها متقارب ،،،

وأشوف أثاثه زين للي يحب يغير كل فتره يعني كل سنتين أو 3 ،، حاله احسن من حال هوم سنتر وغيرهم اللي آثاثهم بالآلاف ،،،، دزني واتكسر

وعن تجربه ،،،



بعدين فرق بين قطر والسعودية في عدد السكان. من جيه عندنا السعر دبل :rolleyes2:

[ضوى]

بدينا يا ايكيا من اولها


سعر لنا وسعر لدول الخليج ليش طيب

[ام السعف]

http://www10.0zz0.com/2013/03/11/09/649717472.jpg

أنا رحت اليوم زحمة سيارات والسبب الشارع ضيق جدا
ومالفت نظري غير الدرام الازرق .

:nice:

بالفعل شكله مميز

[زمان]

رحته امس

صراحه روعه وابداع

الموقع كبير ومتنوع

:eek5:الاسعار نوعاً ما مبالغ فيها :eek5:

المكان مرتب جداً

:nice:لكن ياهم بياكلون رملللللللللللللللل :eek5:

حسبوا كل شئ الا الصيف والعج الي بيجيهم

مداخلهم مشاهد شمال وياهم بياكلون ترااااااااااااب :nice:

المفروض يتلاحقون عمرهم ويزرعون شجر يصد الي جايهم :unsure:

[زمان]

نسيت احط ملاحظه هامه

الاشارة الي قدام ايكيا ممنوع الانعطاف فيها

واول من خالفها هم سيارات النقل حقتهم وقدام عيني كان بيصير حادث خشن لكن ربك ستر

مطلوب وضع مطبات قبل الاشاره لان الشارع رايح جاي وخطر

[fzaa_qatar]

قارنوا يا أخوان سعر هالمنتج بين قطر والسعودية :eek5:

الـــــســـــعودية :thumbup1:

http://www.ikea.com.sa/en/catalog/productp.aspx?productid=30190447

قـــــــــطـــــــــــر :vampire:

http://www.ikea.com/qa/en/catalog/products/80146249/


والقطري :court: كالعادة على راسه


فرق السعر طال عمرك عشان فرق الحجم .. اللي بالسعوديه حجمها اصغر من اللي بقطر ..

[وطن]

بدينا يا ايكيا من اولها


سعر لنا وسعر لدول الخليج ليش طيب


ضوى قعدنا انا ورفيجتي نشوف فرق الاسعار
لان عندنا كاتلوجات قطر و السعودية والامارات

في اشياء في قطر ارخص من السعودية
وفي اشياء في السعودية ارخص من قطر
وعموما السعودية اغلى من الامارات
على قولة اللي يشتغل هناك لان في الامارات مافي ضرايب !!

ما علينا

فرق الأسعار لنفس البضاعة بمبلغ مب بسيط شي يحيّر

[مساهمة]

قارنوا يا أخوان سعر هالمنتج بين قطر والسعودية :eek5:

الـــــســـــعودية :thumbup1:

http://www.ikea.com.sa/en/catalog/productp.aspx?productid=30190447

قـــــــــطـــــــــــر :vampire:

http://www.ikea.com/qa/en/catalog/products/80146249/


والقطري :court: كالعادة على راسه


الشيخ قارن حجم المنتجين :)

اللي في السعوديه عرضه 25سم

واللي في قطر عرضه 41 سم

صحيح فيه فرق بالاسعار بعد ماقارنت بين موقع ايكيا قطر والامارات والسعوديه بس شي بسيط مايتعدى 100 ريال في الاشياء الثقيله مثل الكراسي وغيره
مب مثل ماقالوا البعض ان الاسعار دبل!!

:)

[عقرب]

فرق السعر طال عمرك عشان فرق الحجم .. اللي بالسعوديه حجمها اصغر من اللي بقطر ..


الشيخ قارن حجم المنتجين :)

اللي في السعوديه عرضه 25سم

واللي في قطر عرضه 41 سم

صحيح فيه فرق بالاسعار بعد ماقارنت بين موقع ايكيا قطر والامارات والسعوديه بس شي بسيط مايتعدى 100 ريال في الاشياء الثقيله مثل الكراسي وغيره
مب مثل ماقالوا البعض ان الاسعار دبل!!

:)

وأنا يا بلفيت صايد السالفة :nop:

شباب خلاص أنسوا المقارنة ماكنكم شفتوا شي أستروا على ما واجهتوا :whistling:

[Rider]

للعلم الاسعار فرق عن السعودية في السعودية ارخص

[إينشتاين]

وأنا يا بلفيت صايد السالفة :nop:

شباب خلاص أنسوا المقارنة ماكنكم شفتوا شي أستروا على ما واجهتوا :whistling:



ههههههههههه

وانا كنت مجهز لك رد مرتب مرفق بالصور يابلفيت أول من عرف الفرق مادريت إن الأخوان سابقيني

[الدمعه]

وأنا يا بلفيت صايد السالفة :nop:

شباب خلاص أنسوا المقارنة ماكنكم شفتوا شي أستروا على ما واجهتوا :whistling:


خخخخخخخخخ :court:

[عقرب]

ههههههههههه

وانا كنت مجهز لك رد مرتب مرفق بالصور يابلفيت أول من عرف الفرق مادريت إن الأخوان سابقيني

حصلت فرق أخيراً وبنفس الحجم :app:

http://www.ikea.com.sa/en/catalog/ProductP.aspx?ProductId=80146249

فرق 50 ريال ( واحسب فرق العملة ) و50 فوق 50 يصيرون أمية و 100 فوق 100 يصيرون 200 ونت رايح فوق :deal:

شباب لحد يدقق وطلعون شي غلط في كلامي خلاص شوفوا الفرق وغيروا الموضوع

[الصغيره]

صاعقه

الاسعار بقطر اغلى من بالسعوديه ليه ؟؟؟؟؟؟؟؟؟؟؟؟؟؟؟

حماية المستهلك تدخلي وانقذينا

[وحيد-الشوق]

من متى وعندنا شيء رخيص اغراض اخذاها من اوروبا ارخص من قطر !!! شلون وليش

محلات كبيرة ويعطونك خصومات وفي الدوحة كل شيء نار وبضاعة قديمة !!!

[بوراشد82]

كاهي الخبر حذفة حصاه ،،

[تحداني]

كاهي الخبر حذفة حصاه ،،



صح حذفه حصاه .. بس الي بيشتري اغراض محتاجه شحن
تعال يا اخوي شوفها ان اوصلت صاحيه ولا مكسوره . وتعال انتظر طابور الشاحنات متى اثاثك بيوصل

انا احس ان العمليه تكلف واتعب اكثر


جملك الله برضاه

[ضوى]

شنو هذا اسعار خيالية بكل شي


ايكيا اسعاره مقبولة نوعا ما


ابي اروحه لتنظيم الخزاين والمطبخ وخلافه مش اثاث اكيد

توني قاعدة مع مصمة ديكور بغى يغمى علي صالة تصميمها ب700 الف عسى ماشر

[وطن]

شنو هذا اسعار خيالية بكل شي


ايكيا اسعاره مقبولة نوعا ما


ابي اروحه لتنظيم الخزاين والمطبخ وخلافه مش اثاث اكيد

توني قاعدة مع مصمة ديكور بغى يغمى علي صالة تصميمها ب700 الف عسى ماشر

:omg:
هذي صالة
ولا مجلس في قصر !!

[تحداني]

شنو هذا اسعار خيالية بكل شي


ايكيا اسعاره مقبولة نوعا ما


ابي اروحه لتنظيم الخزاين والمطبخ وخلافه مش اثاث اكيد

توني قاعدة مع مصمة ديكور بغى يغمى علي صالة تصميمها ب700 الف عسى ماشر


:omg:
هذي صالة
ولا مجلس في قصر !!




هاذي ال700 يا البنات الحلوات " للمسمى الوظيفي " مهندسه ديكور "
عاد تعالي شوفي باقي الاشيا


اعتقد النت ومنتديات الديكور بدت تلغي دور مهندسيين الديكور
والحمد لله صارت الناس اتسافر واتروح وتجي

فغضي النظر حبيبتي ضوى .. وحاولي مع ذوقج وتصفحج في النت
وشوفي الصور الي حطيتها يوم الي اثثنا البيت يمكن في شي عجبج .. واذا تبين اتروحين مكان بجي معاج .. وبنختار مع بعض اذا ذوقي يناسب مقامج


جملكم الله برضاه

[Aaziz]

هذي هي المفاجأة

http://www.raya.com/file/get/d08cebe5-6a3f-4e03-a8b5-9988079c9750


ههههههههههههههههههههه ذبحني من الضحك الكاريكاتير
مبدع محمد في افكاره
اتوقع عندنا لو شريت المزهريه وجيت تردها بيسئلونك عن الذبانه وينها مارديتها

[ضوى]

:omg:
هذي صالة
ولا مجلس في قصر !!

سكتي بغيت انجلط

تقولي الكرسي الواحد الكرسي العادي اللي من فرساي ب20 الف الواحد :eek5:

[وطن]

سكتي بغيت انجلط

تقولي الكرسي الواحد الكرسي العادي اللي من فرساي ب20 الف الواحد :eek5:

بسم الله عليج من الجلطه

سوي مثلي
روحي على قوقل ما يقصر
شوفي مصدر الأشياء اللي تبينها سواء اثاث لا ورق جدران ولا غيره
وجيبيها من المحل الرئيسي
مب من هني

بتطلع ارخص بوايد

[ضوى]

هاذي ال700 يا البنات الحلوات " للمسمى الوظيفي " مهندسه ديكور "
عاد تعالي شوفي باقي الاشيا


اعتقد النت ومنتديات الديكور بدت تلغي دور مهندسيين الديكور
والحمد لله صارت الناس اتسافر واتروح وتجي

فغضي النظر حبيبتي ضوى .. وحاولي مع ذوقج وتصفحج في النت
وشوفي الصور الي حطيتها يوم الي اثثنا البيت يمكن في شي عجبج .. واذا تبين اتروحين مكان بجي معاج .. وبنختار مع بعض اذا ذوقي يناسب مقامج


جملكم الله برضاه

أكيد ذوقج يعجبني وموضوعج وايد استفدت منه وحاليا في مرحلة تجميع الافكار :)

[ام السعف]

شنو هذا اسعار خيالية بكل شي


ايكيا اسعاره مقبولة نوعا ما


ابي اروحه لتنظيم الخزاين والمطبخ وخلافه مش اثاث اكيد

توني قاعدة مع مصمة ديكور بغى يغمى علي صالة تصميمها ب700 الف عسى ماشر

بصمم لج على 2000 ريال :shy:

[خليفـة]

ايكيا انفضحوا بمجرد عرف الناس ان بضاعتهم في المملكة ارخص من نفس البضاعة في قطر .

انا لما شفت وعرفت هالخبر .. حلفت يمين ما ادش محلهم .. خلوها تخيس أبرك

خليفـــة

[وطن]

ايكيا انفضحوا بمجرد عرف الناس ان بضاعتهم في المملكة ارخص من نفس البضاعة في قطر .

انا لما شفت وعرفت هالخبر .. حلفت يمين ما ادش محلهم .. خلوها تخيس أبرك

خليفـــة

يا اخوي شلون حكمت

اقول لك قعدنا نقارن انا ورفيجتي

بعض الأشياء في قطر أغلى بشي بسيط
وبعضها اغلى في السعودية بشي كبير

المقارنة مو على قطعة ولا 2
قارنوا الأشياء الصغيرة الموجودة عندهم
مو الارقام الكبيرة في الكاتلوجات بس

ترى في فرق بعد بين السعودية والامارات
الامارات ارخص فرع

[الزعفراني]

شنو هذا اسعار خيالية بكل شي


ايكيا اسعاره مقبولة نوعا ما


ابي اروحه لتنظيم الخزاين والمطبخ وخلافه مش اثاث اكيد

توني قاعدة مع مصمة ديكور بغى يغمى علي صالة تصميمها ب700 الف عسى ماشر

عادي في حمامات بـ 50 ألف :)

والحياة تمضي

[المواطن]

ادخلوا على موقع ايكيا قطر وقارنوا الاسعار مع اسعار ايكيا الامارات وايكيا السعودية بتشوفون الفرق وصدق بوعبداللطيف بكاركاتيره

والله ان الفرق واضح واسعار ايكيا قطر اعلى اسعار بالمنطقة


موقع ايكيا قطر
http://www.ikea.com/qa/en/store/qatar/

موقع ايكيا الامارات
http://ar.ikea.com/ms/en_ae/ikny_splash.html

موقع ايكيا السعودية
http://www.ikea.com.sa/ar

نقطة أخيرة : موقع ايكيا قطر هو الموقع الوحيد اللي بالانكليزي فقط مقارنة بمواقع ايكيا لدول المنطقة فهي بالعربي + الانجليزي


يا فرحة ما تمت :weeping:

اكيد تفتكر هم سائلين في اهل قطر او لهم قدر عندهم
كان مفروض المجلس الاعلى للاتصالات يلزم اصحاب هذه المواقع باللغه العربية

هم عليهم ان ينهبون اهل البلاد بالعربي او بالأنجليزي

[fzaa_qatar]

راح احط لكن اسعار ايكيا قطر والسعوديه بالارقام وبكل مصداقيه بدون اسم المنتج وانتوا عاد احكمو .. رمز ال ق قطر وال س للسعوديه

ق 1350- س 1275 .... ق 115- س 119 .... ق 2595-س2995....ق 775-س895. ..ق 225-س245... ق 1145- س1195....ق 445 - س 470..ق1590- س 1640...ق225-س195... ق 49- س55... ق 595-س 640... ق 215-س 195.... ق 2705- س 3000 .... ق 11425- س 9395.... ق 5925- س 6300.... ق 155- س 195.... ق 14545- س 15865.... ق 9260- س 10535 ... ق 1245- س 1345 ... ق 215- س 245... ق 365- س 425 .... ق 8225 - س 9995 .... ق 1245- س 1245.... ق 4025 - س 5100 .... ق 1545 - س 2245 ... ق 2975 - س 3245 ... ق 1995 - س 2295 .. ق 1225 - س 925 ... ق 945 - س 1495 ..... ق 775 - س 875 ..... ق 1945 - س 2345 ..... ق 2175 - س 2495 .... ق 1125 - س 995 ... ق 365 - س 445 .... ق 825 - س 1095 .... ق 8000 - س 7680 ..... ق 3390 - س 3445

الاسعار من كتالوج ايكيا قطر والسعوديه 2013 .. قارن وشوف واحكم .. والسموحه ع الاطاله وشكراااا ..

[ita(10)lia]

قارنوا يا أخوان سعر هالمنتج بين قطر والسعودية :eek5:

الـــــســـــعودية :thumbup1:

http://www.ikea.com.sa/en/catalog/ProductP.aspx?ProductId=30190447

قـــــــــطـــــــــــر :vampire:

http://www.ikea.com/qa/en/catalog/products/80146249/


والقطري :court: كالعادة على راسه


اخوي لما نقارن لازم نفس المنتج مب واحد غير

هذا هو نفس اللي في السعودية والفرق 10 ريال بس

http://www.ikea.com/qa/en/catalog/products/30190447/

[CH Engineer]

شنو هذا اسعار خيالية بكل شي


ايكيا اسعاره مقبولة نوعا ما


ابي اروحه لتنظيم الخزاين والمطبخ وخلافه مش اثاث اكيد

توني قاعدة مع مصمة ديكور بغى يغمى علي صالة تصميمها ب700 الف عسى ماشر

ايكيا تشترين الصاله وتركبينها بنفسج :rolleyes2:

[ضوى]

ايكيا تشترين الصاله وتركبينها بنفسج :rolleyes2:

اكره شي عندي اشتري شي واتعابل في تركيبه ، مب كسل بس تضيع وقت وفيه اشياء اهم

بس اعتقد انه في مجال التوصيل والتركيب عندهم

[أسد الجزيرة]

اكره شي عندي اشتري شي واتعابل في تركيبه ، مب كسل بس تضيع وقت وفيه اشياء اهم

بس اعتقد انه في مجال التوصيل والتركيب عندهم

بس تدفعين زيادة على التركيب غير سعر الاثاث و المشكلة تاخذين قاري و تروحين الستور و تحملين كراتين الاثاث و تحاسبين يعني يبيله واحد نشيط

[ضوى]

بس تدفعين زيادة على التركيب غير سعر الاثاث و المشكلة تاخذين قاري و تروحين الستور و تحملين كراتين الاثاث و تحاسبين يعني يبيله واحد نشيط

صحيح شفت هالشي في ايكيا الكويت ودبي ، مدري اتوقع حتى لو عالتحميل بعد عادي واحد من عمالهم يجيبه

[airbus]

رحتله من قبل يومين كل شي عجبني لكن في شي مب عاجبني فيه الي هو كراسي الكنب او كراسي المجالس

[وطن]

اكره شي عندي اشتري شي واتعابل في تركيبه ، مب كسل بس تضيع وقت وفيه اشياء اهم

بس اعتقد انه في مجال التوصيل والتركيب عندهم

أظن فوق 2000 التركيب مجاني
وحتى سعر التركيب والتوصيل مب وايد

:victory:

ترى التركيب سهل
ركبنا الخزانه مالت الصالة
كانت متعه
حتى خلينا اليهال يساعدونا

[الكاسر99]

أن شاء الله تكون الأسعار نفس الأمارات والسعودية

ولا تكون أضعاف السعر

وشدوا حيلكم يا حماية المستهلك من ألحين قبل فوات الأوان

[المنسى]

اخبار الزحمه خفت نبى نروح

[الصريحه]

المكان حلو ورحت له من اول يوووم
فيه اشياء بسيطه وعمليع تنفع للبيت وفي نفس الوقت خفيفه وشكلها حلو والاحلى سعرها مناسب
تسوق ممتع للجميع