كشتة الغشامية - شمال امريكا

[Aaziz]

السلام عليكم



اعتذر عن العنوان المضلل نوعا ما ، اعاني من الحنين الى الوطن تخيلت نفسي كاشت في الشمال :(



---------- بسم الله ابدا ----------




هذا الشخص اسمه ادوارد نكتة الكشته بقول لكم سالفته في مشاركة مستقلة :nice:


http://www.m5zn.com/newuploads/2013/03/11/jpg//m5zn_bdb8d4aa7ce8482.jpg






قمت من النوم و تفاجئت بدرجة الحراره كانت فوق الصفر و كان شي غريب .. و المزاج عال العال ،، قلت مافيه الا كشته على هالجو الزين








صليت الظهر و طلعت اجهز اغراض الكشته

باين درجة الحاراة 8 و ماني مصدق عيوني

http://www.m5zn.com/newuploads/2013/03/11/jpg//m5zn_ba55c967bd2eff0.jpg








وصلت للجمعية المفضله عندي ، 5 دقايق و انا مخلص اغراضي ،، من الشطة اركض بالجاري احس الكل يطالعني :discuss:



http://www.m5zn.com/newuploads/2013/03/11/jpg//m5zn_ab668c57950532a.jpg









رجعت البيت و بديت بتجهيز التتبيلة و قررت اني اشوي فخوذ دجاج مع خضروات .


http://www.m5zn.com/newuploads/2013/03/11/jpg//m5zn_2453008afc204fa.jpg








توكلنا على الله بصحبة صديقي رفيق دربي ، نعبي بترول و نشيك على الموتر شناقص ما ناقص ، تخبرون ورانا درب :whistling:


http://www.m5zn.com/newuploads/2013/03/11/jpg//m5zn_7ceea4d6dd9525b.jpg









يا مال العز يالدوحة ،، تفويلة السيارة كلفت 62$ = 226 ريال :court:


http://www.m5zn.com/newuploads/2013/03/11/jpg//m5zn_1944d125c80de8b.jpg









قربت لمنطقة الكشته ولاحظت الناس كلهم طالعين لان الجو كان حلو ،، الي يتمشى و الي يصيد سمك

http://www.m5zn.com/newuploads/2013/03/11/jpg//m5zn_7a27d9b730701ee.jpg









بعد ربع ساعة من الانطلاق وصلت لمنطقة الكشتة .

توك تصب بترول و تقول وراك درب :eek2:

<--- تبي تسوي اكشن لاتكذب :nice:


http://www.m5zn.com/newuploads/2013/03/11/jpg//m5zn_9c3147769bb1bfc.jpg








صاحبنا انفلت يلتقط كم صورة من الاجواء المحيطة
طاق الثوب و عاصم الغترة صج عايش الدور :ok:

http://www.m5zn.com/newuploads/2013/03/11/jpg//m5zn_de1562d883e5f01.jpg








صورة من النهر و بسبب ان درجه الحراره فوق الصفر يزيد ذوبان الثلج و يزيد جريان النهر

http://www.m5zn.com/newuploads/2013/03/11/jpg//m5zn_edbcc58fb758d40.jpg









مع انه في وقت الشتا و المفروض الطيور تكون مهاجرة في هذا الوقت ،، لكن لاحظت بعض البط مايهاجر ،، حسسني انه اكتشف ان الهجرة مالها داعي طول السنين الي طافت :ok:


http://www.m5zn.com/newuploads/2013/03/11/jpg//m5zn_a695f0c3102ed96.jpg








نسيت اذكر لكم ان الموضوع فيه مسابقة و فيه جائزة قيمة من المشرف المهاجر :app:

لحد يصدق
:cool:
السؤال الاول : في هذي الصوره رجل يصيد سمك ،، طلع مكانه في الصوره ؟

http://www.m5zn.com/newuploads/2013/03/11/jpg//m5zn_ecf5c6ef661e2d2.jpg








سبحان الله شوف الفرق في الطبيعة بين الشتا و الصيف ،، هذي صورة صورتها الصيف في نفس المكان بعد زياره مفاجئة من هذا الضيف :stop:

http://www.m5zn.com/newuploads/2013/03/11/jpg//m5zn_48a10e0946dc406.jpg









نرجع و ننشر اغراضنا و نجهز الامور للشوي

http://www.m5zn.com/newuploads/2013/03/11/jpg//m5zn_053d19c8ee97e28.jpg









تجهيز الفحم .. ماعندهم الفحم الابيض ، يستخدمون الغاز السائل و يعل القلب لين يقطع الفحم .

http://www.m5zn.com/newuploads/2013/03/11/jpg//m5zn_e6daab9b41ef5d7.jpg







ولع ولع

http://www.m5zn.com/newuploads/2013/03/11/jpg//m5zn_44d8c8c1ccb293e.jpg









صاحبنا كل شوي يصب قاز

هههههههه الضو كلش مب طايع يلبق :yes2:


http://www.m5zn.com/newuploads/2013/03/11/jpg//m5zn_c2a75bd3cd055c3.jpg









لين يجهز الفحم نروح نظبط الخضرة

يم يم ودي اكلها نية

http://www.m5zn.com/newuploads/2013/03/11/jpg//m5zn_30b76285abecc1b.jpg








نشكها في الاعواد ،، اكتشفت ان البطاطس ماينفع ينشوي مع باقي الخضار ،، يستوي ابطأ

http://www.m5zn.com/newuploads/2013/03/11/jpg//m5zn_ab62eaf7d88a2ca.jpg








الزلطة :nice:


http://www.m5zn.com/newuploads/2013/03/11/jpg//m5zn_1f07e027382b41e.jpg






جهز الفحم و الامور مية ميه ،، هالمره نسيت اجيب معاي البروش الحديدي الخاص بتنظيف الشوايات ،، و استعنت بالقصدير

http://www.m5zn.com/newuploads/2013/03/11/jpg//m5zn_ac3f0961534c167.jpg









آياباااااة :yu:


http://www.m5zn.com/newuploads/2013/03/11/jpg//m5zn_735720aa654f816.jpg








هنا السؤال الثاني ... ايش تتوقعون في القصدير الي تحت :con2:

http://www.m5zn.com/newuploads/2013/03/11/jpg//m5zn_4878e10b2fe2a2a.jpg








و انا اشوي و مستمتع و اقلب ،، هنا جاني ادوارد ،، عرضه ابليس الله يهدية و قعدت اسولف معاه و لهيت عن الشوي و احترق شووي و لصق الدجاج على القصدير و تنتف :(


http://www.m5zn.com/newuploads/2013/03/11/jpg//m5zn_f74d608591f55be.jpg










ايش تتوقعون كان في القصدير الصغير الي تحت :confused:

الاجابة في الاسفل























بطاطس زاد و حطيته في قصدير :shy:

http://www.m5zn.com/newuploads/2013/03/11/jpg//m5zn_e36837eed0ee1e5.jpg










تفضلوو سموو :yes2:


http://www.m5zn.com/newuploads/2013/03/11/jpg//m5zn_c4f2ef7ae4398da.jpg










بعد الغدا يبيلها تظبط غوري شاهي على كيفك

http://www.m5zn.com/newuploads/2013/03/11/jpg//m5zn_198bdac298a2a37.jpg










ياسلااااام سلم :yes2:

http://www.m5zn.com/newuploads/2013/03/11/jpg//m5zn_6b50afbdedf6e37.jpg









ختاماً سدحة على جمبك مع بياله شاي ووقت مستقطع مع منتدى الاسهم :ok2:


http://www.m5zn.com/newuploads/2013/03/11/jpg//m5zn_17ecb9d2c44ae62.jpg




اتمنى تكونون استمتعتو بالموضوع و اسمحولنا على القصور .
بدع الايفون و صار يغني عن حمل كيمره للتصوير.

[Aaziz]

بخصوص صاحبنا ايدوارد


http://www.m5zn.com/newuploads/2013/03/11/jpg//m5zn_95a7470f23aff54.jpg


طلعلي من الغابة و مر قريب مني و قلت له hi فاجئني و قال السلام عليكم (باللغة العربية)
اووووه تعرف عربي ،، قال لي اعرف السلام عليكم و الله و محمد (صل الله عليه و سلم) و اعرف قران :omg:

قلت له شي جيد ،، انت شعندك ،، قالي انا امشي اسوي رياضة و عنده جهاز يحسب كم المسافه الي قطعها و طلع قاطع 8 ميل و شوي .

قلت له زين حلو تسوي رياضه ،، قال لي انا ما احتاج اسوي رياضه ،، ليش يابو الشباب

قال لي انا (تنين ناغا) naga dragon
قلت له ايش هذا ،، و شرح لي شي فهمت انه يقصد ديانه او شي من هذا القبيل ،، قال لي لا مش ديانه ،،، انا اصلا تنين بس حاليا شكلي مثلكم .

قوووول غيرها :app2:


و اشر لي على سلاسل غريبه كان معلقها على رقبته

http://www.m5zn.com/newuploads/2013/03/11/jpg//m5zn_dc93933036a72c2.jpg



قال لي انا ،،،، اساسا شكلي مثل هذا ،، يقول هذا
soul (روحي) ... بس اتحول اذا كنت معصب


http://www.m5zn.com/newuploads/2013/03/11/jpg//m5zn_4fd9e48cc19563d.jpg


ههههههه قمت اسمي :rolleyes2:


حتى عصاه غير شكل


http://www.m5zn.com/newuploads/2013/03/11/jpg//m5zn_0bdeebd3277e2cf.jpg


يقول انا حاليا من الهند و اصلي اساسا من قداما الفراعنه .

انا قلت هذا مجنون ولا من اثر تعاطي او شي و قلت خل اخذه على قد عقله ،، شوي و بيروح ،، لكن الحديث وياه كان شيق الى ابعد حد :nice:

يقول انا عمدي 5 الاف سنه ضرب 10
كل 62 سنه ارجع انولد من جديد .
في حياتي السابقه ،،، و يقصد الي قبل هذي كنت متزوج وحده من النمر الافغاني (هذا حيوان مهدد بالانقراض) بس ماتت سنه 2010 في حادث بتايلند .

قلت له انا اول مره اسمع في هذا الشي بس لاتعصب علي :secret:
قال لي لا عادي انا ما اعصب على اي شي ،، يقول اخر مره عصبت يوم رحت مكتبه قديمة جدا ،، قلت ببحث ايش مكتوب عني في الكتب القديمه ،، لكن مالقيت شي .. سالت الي تشتغل عني naga dragon و دخلت الانتر نت تبحث اذا فيه مواضيع عني ،، يقول مالقت الا لعبه في البلي ستيشن او احد الالعاب المشابهه ،، يقول هنا عصبت و طلعت منها رحت لمحل العاب اتاكد .. و فعلا لقيت لعبه و قلت للي يشتغل شلون تحطوني لعبه .. قال انت من و ايش تبي ،، قلت له انا الناغا دراغون .
و انا انصحك انك ماتبيع هذي اللعبه ولا بسويك عشا هههههههه :nice:

قلت له عادي محد يصدقك و احنا البشر اهم شي عندنا الماده دايما نبي نربح .. اسمع قصتك و اضيف فيها و اسوي اثاره و اسوي منها فلم ،، اهم شي فلوس ... قال لي تصدق اقنعتني ما فكرت بهذي الطريقه .

قال لي ياخي انتو المسلمين طيبين و الناس ضالمينكم ،، لانهم يجهلون عنكم ولا حد يعرف عنكم شي بس يعرفون الخوف منكم .

يقول ،، في امريكا عدد قتلى جرايم العصابات داخل امريكا اكبر بكثير من الي يموتون في الحروب ضد الارهاب ،، ليش مايهتمون بالقضاء على العصابات لان ضحاياها اكثر و يتركون حروبهم خارج امريكا .
منطق يا تنين :victory:

الحديث طال مع التنين لدرجه اني نسيت اقلب الدجاج هههههه

لكن كان حديث شيق جدا حاولت احكر له كثير و اطلع اشياء مش منطقيه في كلامه عن كونه تنين لكن نجحت في القليل و فشلت في اكثرها .
عنده تفسيرات حلوه منطقيه في الاحياه لكن مخربه عليه سالفه التنين هذي .
مقتنع فيها تماما ههههههه لدرجه اني سالته تاكل مطبوخ ولا ني :rolleyes2:

غادر السيد التنين حملاً فخذ دجاجه حار :thumbup:

http://www.m5zn.com/newuploads/2013/03/11/jpg//m5zn_c05986b9af245e0.jpg

[بن غيث]

شئ حلو .. :)

[R 7 A L]

ادوارد
ماعنده ماعند جدتي :D

اعجبتني الاجواء
وطريقة الشوي
والحديث مع التنين :secret:

تقرير رائع اخوي بوسعود
امتعتنا

تسلم

[حسن]

كشته حلوه الصراحه تسلم على التقرير الحلو

[Aaziz]

شئ حلو .. :)

u احلا


ادوارد
ماعنده ماعند جدتي :D

اعجبتني الاجواء
وطريقة الشوي
والحديث مع التنين :secret:

تقرير رائع اخوي بوسعود
امتعتنا

تسلم

يسلمك من الشر يارحال. يصلح لك التنين هههههه شكله مميز شكلي بصيده مره ثانية.
اقول له كم واحد نفسك ،،، قال 18 دورهم عاد

[Aaziz]

كشته حلوه الصراحه تسلم على التقرير الحلو

حلت دنياك بوعلي. ادري دخلت من شفت طاري الغشاميه :nice:

[(محمد)]

تقرير رائع ويونس ومابي اخربه عليك بسالفة ان الدجاج حلال ولا مب حلال

:tease:


ادوارد التنين - اخاف العصا اللي عنده اصلا سيف بداخل العصا

حاسب من هالاشكال :rolleyes2:

[العلم]

الله يهنيك..
جوعتني .. مابعد تريقت



ياعوينكم .. بس ثنين :(

[قطريه22]

روعه الصور احس وناسه

اما الي اصله من الفراعنه القدامي هههههههههه يمكن تحتمس يقرب له

[مــاي ورد]

خوش تقرير ورحلة ممتعة جدا
ادوارد على ماظن لوتي و قعد يلوص عليكم هههههه
شكله يوعان زين عطتوه فخذه وï»» جان اكلكم من اليوع هههههه

[المهاجر]

كنت مجهز الجائزه ومغلفها احلا تغليف

بس :rolleyes2:

طلعت شوي وانا راجع تخيلت تنين ناط من الدريشه :eek5:

ما صدقت عيني ويوم دخلت :omen2:

ادور الجائزه مالقيتها :(

عرفت ان التنين اللي شفته هو ادورد

خدعك واكيد خذ عناوني منك عشان يبوق الجائزه

طلع مب سهل ادوارد :discuss:


بس كشته حلوه وتقرير احلا وجو اروع

عساك دوم بوناسه اخوي عزيز

والله يحفظك ويوفقك ويردك سالم وتروح احلا كشته شمال :victory:

[ضوى]

ماطلعت عندي الصور

[@north_star@]

ما شاء الله تقرير خفيف وجميل ويعطيك العافية اخوي عزيز

[الزعفراني]

ماشاء الله خوش تقرير .. وان شاء الله دوم مستانسين والله يهون عليكم غربتكم وتردون سالمين

وادوارد ماله حل هههههههههههههههههههههههههههههه

خصوصا لين يقول عشت مع الفراعنه وتزوجت نمر ههههههههههههههههههههههههه

[راشد محمد]

ررررررررررررروعة الكشتة وشغل عدل..
بس رفيجك التنين يخرع

[Aaziz]

تقرير رائع ويونس ومابي اخربه عليك بسالفة ان الدجاج حلال ولا مب حلال

:tease:

ادوارد التنين - اخاف العصا اللي عنده اصلا سيف بداخل العصا

حاسب من هالاشكال :rolleyes2:

لا الدجاج من المحلات العربية (ذبح حلال) :victory:

ادوارد عجيب اول ماقلت له بصورك استانس ههههههه على اساس تنين و زعلان مسوين عنك لعبه :nice:


الله يهنيك..
جوعتني .. مابعد تريقت
ياعوينكم .. بس ثنين :(

وياك ان شاءالله ،، عاد يقولك احلى شي تريق مشوي :secret:


روعه الصور احس وناسه
اما الي اصله من الفراعنه القدامي هههههههههه يمكن تحتمس يقرب له

والله وناسه خصوصا عقب حكره الشتا و الثلج ،، هههههه يوم قال لي اسمه ،، قال في هذا العالم يسموني ايدوارد ،، يعني هو غير من عالم ثاني .


خوش تقرير ورحلة ممتعة جدا
ادوارد على ماظن لوتي و قعد يلوص عليكم هههههه
شكله يوعان زين عطتوه فخذه وï»» جان اكلكم من اليوع هههههه

فاجئني مع هيئته مادري من وين طب علينا ، من الاسئله الي حكرت له فيها ،، اقول له انت عمرك في اواخر الاربعينات او الخمسينات ،، يعني قبل عشر سنوات او زود كنت شاب اكثر و صحتك اقوى ،، صح قالي نعم ،، قلت له يعني انت نفسنا تكبر و تمرض و كل شي
قالي لا انا اظهر بهذا الشكل لاني ابي اكون شيبه شوي . اها




كنت مجهز الجائزه ومغلفها احلا تغليف

بس :rolleyes2:

طلعت شوي وانا راجع تخيلت تنين ناط من الدريشه :eek5:

ما صدقت عيني ويوم دخلت :omen2:

ادور الجائزه مالقيتها :(

عرفت ان التنين اللي شفته هو ادورد

خدعك واكيد خذ عناوني منك عشان يبوق الجائزه

طلع مب سهل ادوارد :discuss:


بس كشته حلوه وتقرير احلا وجو اروع

عساك دوم بوناسه اخوي عزيز

والله يحفظك ويوفقك ويردك سالم وتروح احلا كشته شمال :victory:

ايه صح ،، خلاص يالربع الجائزه انباقت هههههههه تبون تجاوبون بلاش جاوبو :nice:

الله يسلمك يالمهاجر و يسمع منك رب العالمين .



ماطلعت عندي الصور

اتوقع المتصفح عندج قديم و يبيله تحديث ،،، طلعت الصور عند الكل .


ما شاء الله تقرير خفيف وجميل ويعطيك العافية اخوي عزيز

الله يعافيك و يسلمك نجم الشمال ،، تسلم


ماشاء الله خوش تقرير .. وان شاء الله دوم مستانسين والله يهون عليكم غربتكم وتردون سالمين

وادوارد ماله حل هههههههههههههههههههههههههههههه

خصوصا لين يقول عشت مع الفراعنه وتزوجت نمر ههههههههههههههههههههههههه

الله يسمع منك يالزعفراني ،، بخصوص ادورد اتوقع انه القصه الي شرحها لي هي قصه فلم سنمائي شافه و تاثر فيه ،، مع اني بحثت في النت عقب مانزلت الموضوع و طلعت لي صور تنين و اعتقد فيه موقع يشرح قصه نفس الي قالها لي ،، لانه ذكر لي انه فيه في النت بعض الخرافات عني ههههههههه مسكين جا حق العالم الغلط كلن يكذبه .


ررررررررررررروعة الكشتة وشغل عدل..
بس رفيجك التنين يخرع

في البدايه خرعني بس عقب كسر خاطري
ان شاءالله التقي وياه مره ثانيه و اقعد وياه قعدة مطوله ،،، الرجال عنده فكر صح بس هي سالفه التنين الي مخربه عليه

[ارين]

ما شاء الله ..الله يعطيك العافية على التقرير الروووعة وع الأجواء الجميلة التي نقلتها لنا ..

[عيون الدوحة]

تقرير حلو والجو روعة
بس ماقلت لنا الكروزر بكم يتفول أهناك

[وطن]

مسكين يا التنين

هذا الظاهر مشموخ مسكين
الله يشافيه

انت رايح الكشته بروحك !!

[R 7 A L]

u احلا



يسلمك من الشر يارحال. يصلح لك التنين هههههه شكله مميز شكلي بصيده مره ثانية.
اقول له كم واحد نفسك ،،، قال 18 دورهم عاد

لا لا مابيه الا يبعده عني
18 نفسه :omg:

الظاهر الي يوصل البريد للسكن الى انا فيه من شلته :nice:

[بوخالد2]

ههههههههه حلوه من راعي التنين

تسلم ع التقرير يالغالي

[الرويـس]

ابدعت يا الغالي
وصل سلامي حق الخال العود اللي مدوخ الدنيا ( اوبا مـا)

[مستر بن]

الكشششته حلووه ’’
واحلى شيءء فيهاا التنين ’

كان جبته معاكك الدوححه ’’
ونودييه سيلين ونسسمع سوالفه واحنا نكسسر حب ^^

[Aaziz]

ما شاء الله ..الله يعطيك العافية على التقرير الروووعة وع الأجواء الجميلة التي نقلتها لنا ..




الله يعافيج ارين ،، الحمد لله ان التقرير عجبكم


تقرير حلو والجو روعة
بس ماقلت لنا الكروزر بكم يتفول أهناك

والله مادري بس اتوقع عادي 500


مسكين يا التنين
هذا الظاهر مشموخ مسكين
الله يشافيه
انت رايح الكشته بروحك !!

الله يعافينا وياه ،، سبحان الله كيف كل كلامه مرتب و منطقي و كيف سالفه التنين طالعه عرض ، طبعا لا الله لايقول احتد و اروح بروحي




لا لا مابيه الا يبعده عني
18 نفسه :omg:

الظاهر الي يوصل البريد للسكن الى انا فيه من شلته :nice:

هههههههه باقي 17 واحد نفسه بدنورهم


ههههههههه حلوه من راعي التنين

تسلم ع التقرير يالغالي

هلا هلا حي الله بوخالد2 عاش من شافك
الله يسلمك من كل شر


الكشششته حلووه ’’
واحلى شيءء فيهاا التنين ’

كان جبته معاكك الدوححه ’’
ونودييه سيلين ونسسمع سوالفه واحنا نكسسر حب ^^

ههههههه يصلح لك احس نفس الميول الدرامي عندكم


ابدعت يا الغالي
وصل سلامي حق الخال العود اللي مدوخ الدنيا ( اوبا مـا)

اهلين اهلين باخطر اعضاء المنتدى :shy:
الخال لاعبت به مرته ،، الظاهر صايدهم الراش :rolleyes2:

[قطريه22]

ليكون هو من عبدة الشيطان

[النهار]

متابع

[غرِيبهـ]

تقرير روعة والسرد ممتع يخليك تعيش جو

صج فرق بين الشتاء والصيف
سيم سيم الفرق عندنا ههه

[Aozomblue]

تقرير رائع اخوي
امتعتنا بالاجواء و السرد

[نوار قطر]

ماشاااء الله شغل حلو ومرتب والتصوير عجييييب بس حد يولع الفحم بخريطته ،،، ليش :weeping:

وبالنسبه حق ادورد شكله مخرف مب صاااحي وتحمل تروح له مره ثانيه ويلعب في مخك وبدال ال18 الي موجودين يصيرون 19 وين ندورك حزتهااا :weeping:

[بو خليفه 123]

يعطيك العافيه على التقرير يا بو سعود

الله يوفقك

[شبح الصمت]

ابدعت يا عزيز

ربي يحفظكم

كشته حلوه وتعلمون اشياء جديدة في الحياه

تحياتي لك اهديها من عبق واثير قطر لين محلك يالذيب

[Aaziz]

ليكون هو من عبدة الشيطان

لا وين عبدة الشيطان غير. يحطون وشم و حلق



متابع

حياك الله :victory:


تقرير روعة والسرد ممتع يخليك تعيش جو

صج فرق بين الشتاء والصيف
سيم سيم الفرق عندنا ههه

الدوحة مافيه مثلها ، المربى غير :(


تقرير رائع اخوي
امتعتنا بالاجواء و السرد

زيارتك للموضوع هي الاروع


ماشاااء الله شغل حلو ومرتب والتصوير عجييييب بس حد يولع الفحم بخريطته ،،، ليش :weeping:

وبالنسبه حق ادورد شكله مخرف مب صاااحي وتحمل تروح له مره ثانيه ويلعب في مخك وبدال ال18 الي موجودين يصيرون 19 وين ندورك حزتهااا :weeping:

الخريطه مصنوعه من كرتون. تحترق وماتطعم في الشوي.

تهقين بيصيرون 19 ، بصراحه تاثرت فيه :telephone:



يعطيك العافيه على التقرير يا بو سعود

الله يوفقك

وياك يابوخليفة ، اسعدني مرورك



ابدعت يا عزيز

ربي يحفظكم

كشته حلوه وتعلمون اشياء جديدة في الحياه

تحياتي لك اهديها من عبق واثير قطر لين محله يالذيب

حي طاري قطر و اهل قطر. الله لايهينك على المرور شبح

[نوار قطر]

:omg: ووويييييي يقول تأثرت :weeping: لالا لازم نردك الدوحه قبل لا تصير الطيور بارزاقها ،، عاد ذيك الساعه وين نحصلك :rolleyes2:

[كازانوفا]

ياااااااا زين الجو ما شالله
تعال شوف الهواش كيف عنا بالجو هههههههههههه
ترجع سالم الى ديار العز ان شالله

[مرحباني @]

سلام عليكم ماشاء الله عليك اخوي كشته روعه عيبتني واحلى شي فيها الاكل

هني وعافيه ع قلوبكم

والشايب نقعني ضحك برايه هههههههه زين يوم عطيته ع قد عقله


ونتريا كل يديد منك وربي يوفقكم


:)

[Aaziz]

:omg: ووويييييي يقول تأثرت :weeping: لالا لازم نردك الدوحه قبل لا تصير الطيور بارزاقها ،، عاد ذيك الساعه وين نحصلك :rolleyes2:

ههههههه الله يرحم سعيد البديد ولا كان جبناله ايدوارد يكويه


ياااااااا زين الجو ما شالله
تعال شوف الهواش كيف عنا بالجو هههههههههههه
ترجع سالم الى ديار العز ان شالله


اللهم امين الله يسمع منج
جزاج الله خير



سلام عليكم ماشاء الله عليك اخوي كشته روعه عيبتني واحلى شي فيها الاكل

هني وعافيه ع قلوبكم

والشايب نقعني ضحك برايه هههههههه زين يوم عطيته ع قد عقله


ونتريا كل يديد منك وربي يوفقكم


:)

عاد وينا و وينج في الاكل يامرحباني. نتعلم منج
تسلمين على المرور

[نوار قطر]

مب ادورد الي يبي له من يچويه :secret: في ناس غيره يبي لهم چيه الله يرحمك يا البديد :weeping:

[غزلان]

تسلم ع التقرير الحلو

يازين الجو وهو اهم مافي الرحله

[sara jsm]

حلوة رحلتك اخوي والاكل بعد شهي ولذيذ ^ ^
عليكم بالعافية يارب ,,

[بومحمد المطاوعه]

يعطيكم العافيه

الصراحه رحله حلوه


موفقين ان شاءالله

[ROSE]

تقرير حلو والتعليق احلى ههههههههههههههه

اما في ربع ساعة وصلت :secret:


بخصوص اخينا التنين حيرني بصراحه كلامه على ماتقول منطقي يعني مب متخلف عقليا

بس شو سالفته ممكن تدلني على مكانه ابي اسوي بحث عنه :secret:

[alnoida]

الله يهنيكم و يوفقكم
ما صورت لنا اللبهام :shy:

وين أنتم، اذا الرمز البريدي ممكن، نطير فوقكم بقوقل أرث

[Miss]

تقرير حلوو وممتع

[.. الكاش ..]

مشاءالله خوش كشته وشكرا على النقل

[Aaziz]

مب ادورد الي يبي له من يچويه :secret: في ناس غيره يبي لهم چيه الله يرحمك يا البديد :weeping:

لا تحاتين مايعدي :nice:


تسلم ع التقرير الحلو

يازين الجو وهو اهم مافي الرحله

الله يسلمج ياغزلان. ان شاءالله تستمتعين في ارحله افضل من هذي

[عيون Qatar]

ماشااءالله تقرير روووعة

حلاااات الجو فيها

ان شاءالله ترجع بالسلامة

[تاجر كشخة]

اهنيك على الرحلة من جد تحسد عليها