استفسار ,,عن أفضل مكتب يصمم خرايط البيت ٌّ..

[miss.qa]

لو سمحتو بغي افضل مكتب لتصميم الفلل ويكون شغلة بروفشنال يرويني تصميم البيت 3 دي وشغلة وايد نظيف .. او انة يرويني تصماميم بيوت بناها من قبل واختار منهم واعدل عليهم :omen2:

[بو راشد 1]

نصيحه: بعد ما تختارين التصميم (المعماري) راجعي التصميم (الانشائي) لان بتشوفين مهندس الانشائي زارع لج عواميد في وسط الصاله، او مخلي العمود امتن من الطوفه (بروز) في غرفه النوم او ماد جسر من فوق وسط الممر. و ممكن بعد عامود الخراسانه في الحمام يكون نفس مكان خلاط الشور (مما يستدعي تغير مكان الشور عند التنفيذ من قبل البايب فيتر).

هذا من تجربتي، شي لحقت عليه و شي too late :anger1:

[قطري قديم]

عندك مهندس محمد علي قديم جدااا في السوق وخبرة كبيرة
مكتب الفجر الجديد

[kka]

عندك مهندس محمد علي قديم جدااا في السوق وخبرة كبيرة
مكتب الفجر الجديد

انا اشهد روح وانت مغمض عالجلي اخطأ مهندسي السابق بكل اقتدار

[kka]

نصيحه: بعد ما تختارين التصميم (المعماري) راجعي التصميم (الانشائي) لان بتشوفين مهندس الانشائي زارع لج عواميد في وسط الصاله، او مخلي العمود امتن من الطوفه (بروز) في غرفه النوم او ماد جسر من فوق وسط الممر. و ممكن بعد عامود الخراسانه في الحمام يكون نفس مكان خلاط الشور (مما يستدعي تغير مكان الشور عند التنفيذ من قبل البايب فيتر).

هذا من تجربتي، شي لحقت عليه و شي too late :anger1:

الله يعينك نفس الي حصلي :anger1: تلافيت البعض قبل التنفيذ وطحت في البعض لازم واحد كفو يراجع الخريطة قبل التنفيذ

[حياتي]

اختي انا مصمم في مكتب واحد من الربع وعنده نفس طلبك وعنده مهندسات ومهندسين ومصممين 3d

وهذا تصميم بيتي صوره http://im21.gulfup.com/3EfH1.jpg

وفي فيديو بعد 3d

[معماري قطري]

تبين تصميم متناسق ومرتب ومدروس بياخذ وقت ويبي له طولة بال أكيد .. والمهم التصور المبدئي للتصميم قبل الإتفاق مع المكتب، وفي هذي المرحلة تحددين طلباتج كلها مكتوبة ويستحسن باللغتين الإنجليزية والعربية، والتركيز على ثلاث مكاتب معروفة أو أكثر، والطلب منهم عمل تصميم تصوري لهذا الإحتياج أو إعطاءِج تصميم مقارب وجاهز وبشرط يكون مدروس.

وبعدها تقررين على حسب رؤيتج لقدرة المكتب مع من تستمرين.

دوم أرشح إتحاد قطر للتخطيط، وهم مصممين نادي الريان ومصممين مشاريع كثيرة، منها البيت اللي قبل دوار الأهلي على اليمين والشخص جاي من تقاطع المول، ومن ضمنهم مسجد الأصمخ، وطبعاً مشاريع كثيرة من أبراج ومشاريع في المدينة التعليمية كمصممين في الباطن لمصممين أجانب.

غيرهم إم زد اند بارتنرز وهذا شوي غالي لكن مختص ويسوي شغل متميز، وغير المهندسون العرب - محرم باخوم، وغير ديوان العمارة، وغير عمار في السد ولهم شراكة مع مكتب أمريكي مختص بالانترير ديزاين، وغير مكتب العربي للشؤون الهندسية - إبراهيم الجيدة واللي من تصاميمه برج برزان، وغير بعد شركة سريع الكعبي .. هذي مقاولات وتصميم وشغل ما شاء الله إحترافي.

وبعدين نبي عرض للمخططات الأولية وحاضرين في المساعدة للإختيار.